新城市廣場食肆眾多，但想找一間價錢合理、環境又清靜的餐廳就少之又少，這間菓一道誠意推薦給想吃得清淡、又想保持纖瘦身型的您!

是日來到餐廳剛過了午飯時間，人流稀少，又剛開始下午茶時間，若果不太肚餓的可選下午茶餐，若想飽肚一點，午市套餐同樣有供應的。下午餐選擇也多，由輕巧的三文治以及飽肚的意粉飯類等都有供應，實有一款對胃的了。

我選了都市茶餐，墨西哥薄餅、縠飼豬柳、煎蛋蔬菜上湯米粉配蜂蜜綠茶($33)~墨西哥薄餅:
脆脆的一塊少鹹的薄餅，雖然味道清淡，但符合健康之選~縠飼豬柳、煎蛋蔬菜上湯米粉: 豬柳是有調味的但不會過鹹，而且亦很嫩滑~
蔬菜湯底清淡得來也喝到蔬菜的清甜味，如同家裡煲的湯水味道，感覺得健康~蜂蜜綠茶:
清潤的蜂蜜綠茶味道不錯，淡淡的綠茶配上蜂蜜不會苦澀，個人幾喜歡~

若果逛到倦，來這裡吃點輕食也不錯的選擇!

最近食得太多油膩的西餐，係時候要食得健康d,平衡番。

呢間餐廳不嬲間中都有黎食。
最中意係佢每度菜都有個卡路里寫埋係旁邊，
方便要健康同瘦身的女士我要左個黑醋 汁鴨胸肉红米飯 加二十五蚊跟餐。
個汁甜甜地的鴨肉黎送食好好味。
加埋杯黑豆漿，即使我無落糖已經好好味好有豆味。
甜品要左南瓜西米^^好香的南瓜容又唔會太甜朋友要左龍脷柳紅米飯加餐。
有黑芝麻包(我的最愛)超香的黑芝麻味，仲會有一粒粒的黑芝麻粉係包內，
囗感煙up.出面食唔番呢隻味道的面包。
朋友覺得個士多啤梨雪糕也不錯。

推介：好味又健康

呢日同男友仔 2 粒人去左新城市, 因為要.....血拼, 吼吼!!
去到既時候, 打算食D野先開始作戰...
望下個鐘, 啱啱就係下午茶時間, 一於搵個地方咬返個 Tea 先啦~

左揀右揀, 左望右望.....最後入左《菓一道》
好耐之前響呢間食過 dinner, 唔錯~
不過 Tea 就真係未試過, 望下 menu 都係西式既...
我地要左:
漢堡包+凍檸茶
雞扒蛋米粉+熱奶茶

漢堡包先上枱, size 應該算係細細個, 大約係麥MM果D既....3 分之 2 個~賣相都唔差既, 可惜就係味道同份量差D囉....男友仔話無咩味....
而且.....食完好似無食過野咁囉, 可能佢大食呱.....哈哈哈!!
至於個凍檸茶就一般啦, 不過不失, 正正常常!!而我果個雞扒蛋米粉, 大大碗, 反面我個雞扒幾好味, 蛋又大大隻, 湯底清清但又唔係無味, 我覺得OK既~
最好食係跟餐果塊薄餅, 香香脆脆, 好食~
熱奶茶就.....普通啦, 只係唔夠滑!!食飽飽之後, 就鬆人去血拼嚕, 呵呵~

菓一道裝修完咁耐, 我地都係第一次幫襯.
十二點半, 好在唔算太多人, 十二點九就完全FULL哂.
座位舒服過以前好多,
餐廳的待應同以前一樣咁好禮貌.

老公點了燒雞糙米飯抑或是紅米飯呢?
總之菓一道煮呢款飯最拿手, 一啲都唔硬,
雞肉可口, 淋面的醬汁亦好惹味,
最喜歡是跟餐配菜,
款式多, 顏色及味道都一流,
睇見好開心.

我點了雞肉烏東 平心而論, 呢度啲烏東冇隔離甘味讚岐咁有口感,
好鬼大碗, 雞肉&配菜都好入味,
整體及格有餘.

只是跟餐選擇飲品餐湯時有啲混淆,
結果老公加$5要了柑橘蜂蜜, 佢話好好味,
我冇加錢, 就有豆湯& BREAD豆湯好淡, 不過佢地唔落味精, 係咁淡㗎拉,
所謂BREAD, 唔係小餐包, 係一塊烘過的薄麵餅,
個組合都幾奇怪!

沙田有好多好味的餐廳，依間是其中一間，食物健康又唔貴~

今次下午茶時段到來，叫了雞扒蛋米粉+脆餅+熱峰蜜綠茶 ($30)

脆餅熱熱地又脆，幾好~

雞扒蛋米粉: 雞扒去了皮先煎，加上少少黑椒，少少辣又幾入味，去皮雞扒好健康。雞蛋煎得都好靚~

最值得讚既係湯底，清得嚟有蔬菜既甜味，好好飲，好似屋企煲蔬菜湯既味道~

峰蜜綠茶少少甜，都唔錯~

這間店啱哂d想食得清淡既人仕，午餐與晚餐都唔錯的

南丫島郊遊的一天弄不見了小兒的鴨仔，星期日把小兒交給外父母後，我倆就來沙田，目的是去搜尋一隻差不多的鴨仔做replacement。

在沙田區內的大大小小玩具店找，大家都找不到心儀的公仔，倦了，餓了，我倆決定去食飯。。我沒有特別的想，沒有特別的選，我們在新城市廣場三期，近在咫尺，也就一就太太，我們來了很久沒有去過的菓一道食飯。

昔日的菓一道，給我的感覺就是茶餐廳一間。以輕盈飲食為賣點。價錢不太貴，給人一種簡單健康的感覺，而且有少少台灣小館的感覺。久沒來，也許我少在晚來拜訪，夜晚的菓一道，絡我的感覺就是一間西餐廳，有健康輕盈的帶肉西餐，也有素食主題的西式食品。

前菜，我點選了沙律，健康的有一隻大蝦，一隻開邊的士多啤梨，再混以蔬菜及螺絲粉。細小翰盈，能滿足肉食者的小小要求，清清淡淡的又令人感覺康健。

湯，配麵包。南瓜湯有適當的忌廉，感覺到滑，但creamy的感覺低，令人相信，用的是低脂乳酪。湯甜，再加上又熱又香的健康麥包，忌廉湯與麵包，永遠是絕配。

素食的意粉，簡單地只有粟米芯，車厘茄，甜豆。成個意粉是以適量的黑松露油來做味道。簡單而清新。

肉的飯，是蘑菇釀雞扒加紅米飯。醬汁算不上是太濃，有味但感覺清清的。沒有感覺到油，沒有感覺到有任何疑似不健康的元素。雞扒肉瘦，絕無丁點的肥肉感，紅米飯纖維質高，以健康角度來衡量此店的食物，是美味的。

一個好full 的4 course meal。有紅豆沙同一個果凍。果凍，適合素食人士，因為坊間的啫哩等物，都含有魚膠，不適合素食者，甜美的果凍，以果膠製成，滿足他們食啫哩的慾望。而紅豆沙，加入了百合片，甜度適中，以健康餐廳來說，夠甜而可口。

味道偏淡，少咸、少甜、少油.......味道淡中有味，覺得這比起一般的有機餐廳，更加之好味，健康。

其實睇到其他人的食評都有點動搖，不過話「健康」，米去試下囉。
由於預先訂左位，唔使等(出面有人排！)

與另外3位友人分別點了一份秘醬雞柳菠菜麵，一份蕃茄帶子天使麵(咁上下)，一份黑松露海鮮炒天使麵和一份鴕鳥扒三色飯。
均跟「餐」(+$20 ?)

前菜個黑芝麻包好有芝麻香！配埋個濃度適中的甘荀湯，很夾，但微偏咸。
由於點菜時只記著所點食品所屬編號，以至侍應送菜到時，我們弄得他們有點混亂，um...是對是錯？

哈！這4碟也很極品！
想試著大膽「挑戰」，真的夠挑戰性！

秘醬雞柳菠菜麵：
秘醬很特別，有微微的燶味，和不懂分析的味道，非常「特別」！很有玩味成份。

蕃茄帶子天使麵：
食評有提到蕃茄的料理會酸，但事實也非如此。這是這4道菜中最有食慾的一道。
缺點在於帶子...偏薄，以致沒什麼口感可言。覺得有點兒對牙齒不起。蕃茄汁底微甜，不算特有蕃茄香，但整道菜一起就真的夾得起。

黑松露海鮮炒天使麵：
菜一上，其賣相相當吸引！青口大蝦很搶眼！黑松露碎少少的酒到麵上，不俗。
可惜天使麵入口發現很DRY。原來搶眼的大蝦和青口，於進食時就發現多多少少會讓女孩失儀。
香味不算大，以「健康」為前題的話，我反而會說是以「用眼食」較多。

鴕鳥扒三色飯：
如大家的食評所提到，三色飯非同凡享，是健康一族專利吧！哈哈
鴕鳥肉，原來也只是如此平凡。友人的這碟，嗯~有夠能讓牙臼好好活動一下。

重頭戲：甜品及飲品

不曉得是我們沒有主動叫，還是餐廳特色，進餐過程伴著我們的就是-水。
收餐後，侍應主動過來幫我們落飲品及甜品。

飲品有：黑芝麻荳漿，什麼薑糖烏龍茶(？)及蜂蜜綠茶
甜品有：茘枝果凍，雪耳木瓜糖水和雪糕(已忘記其味道)
hmmm..具有冒險精神的我們，無懼謂地叫齊以上6款東東。

荳漿：有味的水；
烏龍茶：秘醬的朋友；
蜂蜜綠茶：從3者比較相當出色，不過只係普通過普通的蜂蜜綠。

果凍：很夠「膠」，哈！
雪耳木瓜：雪耳木瓜糖水有薑，認真驅寒！其實幾好味，不過友人唔食薑就覺得那「辣」味令糖水怪得很。
雪榚：都係咁。

真係睇你好唔好彩，叫岩好食就好食，特別野唔係所有人都受到哈！
失色係自家黑芝麻荳漿，好味係黑芝麻餐包；2個都自家製，2個都黑芝麻，分別都幾大。

哩晚食得幾開心呀！
餐廳會有音樂播，唔大聲，要讚！喜不喜歡所播歌曲...就因人而異啦！
座位還好的舒適，侍應做野時比我及友人的感覺是：迷惘。
整餐飯，教訓左我地，有時揀野食，揀大路的未必係壞。

建議去食的朋友，餐到後主動叫侍應並點飲品。
我們怪怪地食飽飽再黎一杯飲品加甜品於枱面，除左覺得要額外「隊」一大杯「水」落肚外，感覺也分外奇妙。

Anyway, 值得一試！會有再食的意思，不過就唔會再叫特別野。
唔建議大胃朋友到此一遊，不過一道菜連餐都真係幾要有毅力！

睇返所點食品價，最低好似5x, 連加一6x走唔甩。
整餐(連餐！)由第1道到最尾1道會有走下坡的感覺。
失足sad.

星期六下午入沙田行街, 人多得好恐怖 , 周圍都是人 , 晚飯時間仲厲害 , 去幾間食店
取籌, 都要等幾十個 NO , 點等??

剛好行過此間店附近, 離遠被佢個招牌吸引了, 健康餐廳 , 什麼來的 ? 一於上前看看,
在門口看看餐牌 , 食物名稱和圖片十分之吸引 , 又不用等太久 , 只等幾個NO , 一於
入去試試 .

坐下後看看餐牌想點餐 , 個 D名稱全部長都嘜看到眼花撩亂 , 但仔細看清楚 , 全部
加入了美化的助詞 , 如 :

香草檸檬烤雞胸配紅糙米飯---- 簡單D來說即是 : 雞扒配紅米飯
**此飯是我們ORDER三份餐中最好食 , 賣相最吸!引的了

拿破崙素肉丸子焗意大利麵 亞女看漏了一個"素" 字, 點了此餐, 一看個樣已經
唔吸引 , 幾個不同顏色的 "素" 肉丸 , 其實味道一樣, 口感一樣, 一D彈牙感都無, 亞女
勉強食左半碟就放棄了

白酒紫蘇扇貝帶子蟹拑肉炒墨魚汁麵----- 個名好長, 但簡單 D 看即是 : 海鮮炒墨汁麵
( 但海鮮就得小元貝和蟹柳 2 樣 ) 味道不過不失 , 算 ok 啦 ( 因為有個素丸子比較 )

餐牌上的全部是 "單點" 要另加錢 ( 好似約 15-20 元左右 ) 轉套餐 , 會多左
餐湯 , 麵包 , 飲品 和 甜品 加上來個一個套餐要約80-90左右 , 都算稍貴

間離枱果三母子 ( 估計是自由行, 講普通話的) 不停的要侍應取東取西, 一時要豌仔,
一時要溫水, 來到又話太熱又要冰 ; 點的餐送來時又話唔係佢地想果D , 係都話個侍
應落錯單要人換 , 真係惡

成日出街食野，味精多，油多，菜少，真係唔係幾健康，見到而間標榜健康的餐廳，試下先~
午餐都有10款可以選擇，有紅米飯，烏冬，天使面，米線，還有全素的可選擇，我叫左番茄魚柳烏冬，有黑豆漿或指定熱飲送，我叫左黑豆漿，加8蚊可以有餐包同餐湯，不過我沒有加。
番茄魚柳烏冬~好多菜，魚柳都好大塊，烏冬份量適中，番茄汁食落唔係出面好重味精味咁，好天然的番茄鮮味，魚柳好新鮮，烏冬加番茄醬食好配合，本身烏冬熱量較其他澱粉質粉面飯為低，加埋咁健康的煮法同食材配料，感覺好健康！而且好好味！
黑豆漿~大大杯，天然黑豆漿，好新鮮，非常好！

花虎蝦天使麵 is excellent.
The shrimp is deliecious with good texture and taste
The angel noodle soaked with nice juice
Adequate accessary vegetables

The drink 黑豆漿 is nice too

The most important is no MSG since not thirsty after lunch