今日同女朋友行沙田廣場''行到咁上下去食飯''女朋友話減肥想食健康D行過1田本來想食日本菜''經過門口看見健康餐廳''so就進入去嘗試''由於當時是晚飯時間所以又要等位'''不過隔離日本果間仲耐''入到去細細間不過幾舒服馬上點左湯先''因為經常外出都無咩湯水飲''我叫左個虎頭蝦天使面''女朋友叫左個雞排飯''天使面ok''菜都好有味道係D蝦細左D= =''還怕陪bb減肥會無味tim幸好不是''bb個雞排飯黃黃地''幾香''真的全無味精嗎最後飲咪糖水反屋企''以後經過沙田都會再嘗試

我最鍾意佢menu 上列明每個set lunch 既calorie

但如果主菜以下既飲品、湯、麵包都列明就好喇

白醬芝士焗意粉: 其實味道超淡....... 初初睇menu 見佢有「芝士」(?!) 就好奇點左, 果然.... 芝士係好少架 不過

個薄餅so-so, 栗米湯好淡好稀 (((( 要低熱量就唔好咁多投訴?

或者我揀錯食物啦.. 味道唔算好好, 不過健康餐廳值得鼓勵, 所以都畀個 佢


.. 其實要低卡野食, 自己煮就最好~ 健康好味飽肚又o岩自己口味~

但如果減緊肥既人想o係出面食, 呢個都係唔錯既選擇啊

之前見到係食健康野就覺得唔好食, 原來真係好錯, 食過一次就愛上左, 尤其個芝麻餐包同埋餐湯.
今次餐包係"薄餅", 餐湯係南瓜湯...唔...都好味ge, 但係上次個咩咩薏米湯真係好好飲, 最緊要唔係度度地方有得飲嘛~
主菜叫左個漢堡飯同埋西檸沙甸魚飯, 個漢堡唔係牛, 好似係雞, 我冇食所以唔知, 人地冇話難食, 味道應該ok掛,我個西檸沙甸魚都幾清, 初初以為好似西檸雞咁, D汁淋上去, 但原來係新鮮檸檬汁. 都係上次食大件魚好食D.
其實最鍾意佢地D野食清得黎唔淡, 選擇又多, 同埋伴碟D菜又多又好食, 唔似其他地方好似白烚咁, 重有梗係甜品--芝麻雪糕-->好食!

早前在Openrice 上看见这家餐厅，就很想去试一试~因為它標榜橄欖油，海鹽，無味精~適合減肥人士~

一落座，看Menu，發現選擇不多，但都標注了卡路里~抵贊

甘筍湯 鮮甜 濃稠 但沒有任何人工添加劑的味道

帆立貝煙鴨胸XXX飯 500 kcal 飯有D過淋 但總體味道不錯~

紅酒汁雞肉漢堡扒XXX飯 430 kcal~飯有咬口~幾好~

這種健康餐廳應該值得推崇，快D開到澳門來la~

一間無乜點落味精既健康餐廳
叫左鴕鳥扒糙米+沙甸魚糙米
兩個都加左$18有餐湯包茶甜品
加左一個$10是日前菜
蘋果蝦，$10，一隻蝦加兩片蘋果，完全搵笨
黑豆漿，感覺到好健康，因為無糖
柑桔梳打，係用真果汁整，好新鮮
冬菇雪耳忌廉湯，出奇地好味，無諗過中式野都煮到忌廉湯。同埋佢個湯一Ｄ油都無。
餐包，又係一個驚喜，熱辣辣，超軟熟，加少少牛油超正
沙甸魚糙米，未食都知道健康，三份菜一份肉。沙甸魚煎得幾脆，d菜唔止一款，脆肉瓜，椰菜，蘿蔔
鴕鳥扒糙米，鴕鳥肉都幾嫩，d汁幾好味
南瓜西米，有Ｄ薑既味道，見到有一絲絲南瓜，非常真材實料
荔枝果凍，好有荔枝味不過比較硬左d

健康飲食首選, 我的心水就是呢間餐廳...
它有3間分店, 我和女朋友常去的是沙田呢一間~
其實很久之前, 在旺角某商場food court已經有食過它
不過可能food court的環境始終多人, 比較嘈雜...當時對它的食物評價只是一般
最近呢個月, 不經意地俾我0地發現0係沙田發現到...
就係咁, 開始左我們的健康飲食之旅~

晚餐主要有如下...
頭盤 : 黑芝麻餐包+是日餐湯 - 餐包熱騰騰, 外脆內軟, 餐湯多數是用蔬果類做, 味道適中, 不肥膩, 很新鮮~好正
主菜 : 煎龍利柳+三色糙米飯 - 龍利柳煎得香口, 脆邊, 而不太肥膩, 三色糙米有益身體, 可轉配紅糙米飯亦相當有益.
主菜 : 素腩配菜+菠菜麵 - 除了食薰之外, 素食選擇餐廳亦有提供, 選擇也很多, 對於茹素者來說是一個很好的選擇...素腩口感十足, 多汁, 易入口, 菠菜麵食落亦十分爽口, 不錯...
主菜 : 烤雞肉+三色糙米飯 - 很喜歡它的賣相, 芒果伴碟, 也是我的最愛, 而烤雞肉的肉質很鮮嫩, 剛剛熟, 爽口易嘴嚼, 外面有少咖哩香味, 更加惹味
甜品 : 芝麻雪糕 - 很重芝麻味, 不知道是否自家製? 好味道~
飲品 : 蜂蜜綠茶 - OK, 幾好飲...就是喜歡這裡的食物不太濃味

食物質素好, 客人自然會再來.
員工質素好, 客人也會食得開心D, 有賓至如歸的感覺...
日後我和女朋友都會常來~
喜歡這裡的食物, 健康, 有營養價值, 用心去做...
更加喜歡這裡的環境, 舒適的座位... (2個人坐卡位真係好正呀)

希望呢間餐廳的食物會做得越來越好...

craving something other than greasy Chinese, Vietnamese, or Thai food I went to try this place. The food was alright, but far from healthy. the price was good too but this restaurant was too far out of the way to make the trip worth it. The building is full of other restaurants that are definitely worth trying though. value for the food, but not amazing overall. definitely no as amazing as the other reviews mention. cafeteria style chaos

在沙田的餐廳之中，這間算是好評的餐廳。一般而言，健康的食物也好像如定律不會太好吃，但仍膽粗粗地去這間餐廳一試。

基本上這裡的肉也是以白肉為主，飯也主要是糙米。我要了一個雞飯，來的時候已見到個造型十分特別。糙米吃下去雖有小小硬但卻很香，雞肉十分大塊，味道也很不錯。而餐飽則是類似薄餅一樣，十分特別。

整體而言，是一間吃得既健康又好吃的餐廳。

我食:蜜糖燒汁香煎鴕鳥扒配紅糙米飯
呢個個賣相好似都好d~
幾特別,
但D 肉食落無咩特別.

仔食:香草白汁蜆肉炒意大利粉
佢話粉好味!

老婆食: 板煎原粒帶子配龍蝦湯浸墨魚汁面
呢個勝在墨魚汁面比較特別
帶子煎得可以

來這裡光顧很多次了,
但因為懶惰之故,
沒有寫過食評,
這夜心情不佳, (超級壓力大.....不想下廚了.....),
所以買了數個外賣回去,
找好友一同試味,
順道要他們陪陪我, 開解一下嘛!

檸檬香葉淡咖哩海鮮焗三色糙米---這個味道不錯, 咖哩易入口, 有微辣, 但不會很濃, 當然不會是正宗的curry口味啦, 因為真的很輕怡, (追求香濃, 椰味等的朋友們便不要嘗試了!) 不過, 適合這夜胃口不佳的我呢...海鮮嘛, 有兩片墨魚, 一隻蝦, 一片魚柳及一條蟹柳, 份量算ok吧! 唯一不足是糙米水份有點多, 所以有點太"淋"了! 但整體上是不差的!
白酒紫蘇蟹蚶肉炒墨魚麵---說實在的, 有點失望, 感受不到白酒或紫蘇的味道, 蟹蚶肉嘛, 真的很零碎, 所以賣相不佳外, 品嚐起來也感覺不出"蟹味"啦...不過墨魚麵反而煮得不錯, texture剛剛好, 加上mushroom及雜椒, 也勉勉強強嘛!! 不過, 下次應該會叫一些其他炒意粉系列啦!
蠔香冬菇素腩燴菠菜麵---素腩是爽爽的, 一點也不像 "腩肉", 不過蠔香冬菇反而可以, 只可惜汁太少, 而且回家雖然只是15分鐘的時間, 可是菠菜麵已變得較"淋"了, 是 "燴"不是 "炒"的原因嗎? 但這個卡路里很低, 只有300kcal (它聲稱啦)....所以怕胖的可試一試...不過我下次應該會選擇其他素食款式呢!

本來打算食烏冬, 但係太多人排隊, 見到呢間個接待甘hard sell, 就試下la~
環境唔錯幾乾淨, 服務都好甄勤.

餐湯+餐飽
個湯好蕃茄, 仲加左薏米(美白美白). 餐飽熱辣辣, 有d黑芝麻好好味

虎蝦帶子天使面
雖然我唔係好認同甘細隻既虎蝦, 不過帶子同天使面都好好味, 最緊要係多汁

上湯腐皮金菇煲+糙米飯
厚腐皮超正, 金菇太少la~
糙米飯一d都唔硬, 我敢講佢煮得好食過我阿媽的. 難怪阿b成碗扒晒, 齋係可以食得飽人

加$18轉餐, 有餐湯,餐飽,甜品&餐飲

甜品都好正好健康
木耳紅棗水, 豆腐雪糕

我地應該會再去

已經多次光顧只食店，第一次光顧時，被餐牌標示的卡路里所吸引。

一直希望找一間可提供真正健康的食品的餐廳，所以見到此店的菜牌後，喜出望外。

最喜愛是它的飲品及湯，絕無添加其他不知名的化學品，味道天然，飲得放心。

主菜份量頗大，不會吃不飽。有大量的素食，最適合我。我一直想實行素食，奈何飯友多是食肉獸，令我的素食大計流於空談，罪過罪過。

而且，坊間的齋舖所提供的菜式，多是油膩及包含很多人造色素及合成材料，不健康，又沒有齋心，所以不是我杯茶。

菜牌改了式樣，不是以往像一本書的，更一目了然。菜式以號碼標記，簡單方便，不易出錯。

喜歡它的餐具，純白，沒有多餘的裝飾，貫徹餐廳主題。

今次叫了兩款素食：

S4蛋白南瓜野雜菜炒有機三色糙米飯 - 蛋白炒得非常滑但不油膩。炒飯內有豆角及其他蔬菜粒，很爽脆，也有一些切得超細粒的西蘭花，奇怪西蘭花為何可切得如此細，像是留在鉆板上的碎屑。

S8 五穀飯團+香草蒜子炒雜菌+有機豆腐 - 不知為何，自己煮的混合米，沒有它的香軟。因為不是炒飯關係，更對口胃。雜菇份量很多，味道清香，沒有“UP”味。豆腐滑得有點像在吃豆腐花，豆味極濃，但吃不出有蒜及香草味。

南瓜湯像是加了紅蔔葡，很清甜可口，不用加忌廉也香滑，連一向不喜歡南瓜的飯友也稱讚。

跟湯的黑芝麻包，很熱，很軟，透著微微的芝麻香。

甜品選了百合紅棗（不太記得名字），非常清甜但嫌材料太多。

喜歡它提供暖水，最討厭冰水。須帶一提，盛水的膠杯，有不同的顏色，非常悅目。

外出吃飯，可省卻清潔及煮食時間，但往往犠牲健康，來此吃飯，只是付出金錢，仍保健康。萬幸！萬幸！

待應的服務比以前好，即使沒有時間招呼，也示意其他待應接待。

總括來說，無論食物質素及服務方面也比以前進步。

上次幫襯個時~好鬼冇味.....唔知係咪因為咁依家D味好左 姐重手左落調味料*

不過你話抵食就唔嫁啦~* 不過會refreshing d囉~個感覺

依家有印仔儲~但要30個先有9折卡.....重要11月30號到期~ 都唔知SAVE唔SAVE到...依家先SAVE左5個....=口=

PS 依家係9月7日*

不過個漢堡扒令我好失望.......haha 唔記得影~PIPI個份~XDD

同埋~原來只有TST個間先有tea-time!! tea-time 28蚊起 都一樣有卡儲印仔~ 個邊抵好多 5個定6個印仔就有一個FREE TEA SET!!

很久以前Fruit Stop是以健康飲品作主打的餐廳
主要是造新鮮水果汁跟許留山有點相似
現在他們都以健康餐食作餐聽旗號
並在餐牌上列出各款菜式所含的卡路里
型合講究健康飲食的香港人．．．

兩款套餐簡評

白酒紫蘇蟹拑肉炒墨魚汁麵 $58 （跟餐+$18）
我很喜歡吃墨魚汁意粉
所以這道菜滿是期望，可惜卻帶點失望
意粉上檯外觀是不俗的，利用紅黃青椒和紫蘇伴烏卒卒的墨魚汁麵，具欣賞價值！
但味道方剛好相反，只吃到紫蘇和那“三色椒”的味道
而令人最不滿的就是那麵條煮得很“淋”
明顯是吸了很多水，因為整碟麵上檯時都很濕．．．
直至吃完整碟麵後碟上還剩下很多湯，不知是煮的過程出現甚麼問題

秘製醬汁雞柳燴菠菜麵 $48 （跟餐+$18）
表面上這道菠菜麵與上一道相比則較平凡
但他們的秘製醬汁確實出色，味道甜甜的令人吃不停
而麵身方面，乾濕度適中，麵質偏軟
配料混入蓮藕和椰菜一起炒
而雞柳方面全採用雞胸肉，相信因為是較少脂肪和健康
但相對肉質亦沒有其他部位的軟滑，醬汁搭救．．．

chopstick: 南瓜湯
這道南瓜湯味道很濃
當中應該混入其他蔬菜一起餚
因為還嚐到甘荀的味道
一邊喝一邊覺得很健康
南瓜和甘荀的營養價值也不用懷疑
其實煮法不難，但我們往往不會在家裡煮這款湯．．．

簡單總結
．所有款式飯或意粉加$18 可跟餐（餐湯、餐包、飲品和甜品），價錢實惠
．他們餐包是全採用高營養的全麥包，由於以健康為前題，他們都不會在麥包塗上牛油，
　但店員會主動問客人要不要牛油
．餐飲方面只有三種選擇：柑桔咸檸檬、 蜂蜜綠茶 和（忘記了）
．是日甜品方面：豆腐雪糕、麥米粥糖水 和 水蜜桃果凍
．另外他們亦提供糙米款式和素食款式，將「健康食店」四字表現得更徹底
．店內座位寬敞，但當天只有三名店員，曾經要求店員多拿一件牛油和Tabasco，可惜他
　們可能都太忙碌而忘記
．其實這類以「健康」為主題的食店絕對適合講究健康的香港人，但食物始終追求味道，如
　果能兩者都能夠兼備，確實香港人的口福．．．
　

在沙田上班，午餐可选择的食肆很多。自从同事发现了在一田百货附近的菓一道，这里就便成了我们的心水餐厅。
这里的意粉、天使面和糙米饭都很好吃。有很多素菜食谱供应。本人和同事最欣赏番茄天使面和鸵糙米鸟饭。材料非常新鲜，味道清新，不油腻。连普通餐饮如柠檬茶也是真材实料的新鲜柠檬和蜂蜜，配合健康的午餐味道极佳。
这间小小的健康餐廳位置较隐蔽，不过在word-of-mouth宣传效应下，最近午饭时段排队人龙越来越长。幸好公司午饭时间是弹性的，我们在2:30pm之后才来。 但下午茶水准明显较午餐差，下次还是午餐时间来。