某日，人在灣仔唔知食乜好，茫無頭緒下去了消防局隔離的雲南桂林過橋米線，除了因價錢相宜外，亦因為突然想吃紅薯粉。這裡紅薯粉有好幾款，QQ 粉、紅薯粉、細紅薯粉、寬粉等，用料應該差無幾，只是形狀有點不同罷了。

食粉麵，例牌會叫一碟腐乳通菜 ($10)，腐乳倒在通菜上，味道不太均勻，菜也好老，感覺不值。我要了中小麻辣的魚腐豬大腸小窩紅薯粉 ($32)，賣相看似豐富，實質大多都是酸菜、韮菜同芽菜，配料並不算多，湯底呈半紅色，味道少辣帶點麻，伴以煙韌紅薯粉，都幾刺激的。女友要了中小酸辣的豬軟骨木耳重慶酸辣細薯粉 ($28)，湯底有層辣油，味道明顯比我的刺激一點，配料正常，唯豬軟骨肉質有點硬，細薯粉比較幼身，入口比較淋唔算太 QQ。最後飲杯凍奶茶，味道當然比不上茶餐廳的出色。

總結，這店水準未見出色，但又不是難吃，平平庸庸，不會留下深刻印象。值得一提，此店鋪店明明是「雲南桂林過橋米線」，餐牌卻寫著「雲桂香米線專門店」，唔通換左老細？

今晚一個人行過...好耐冇去食...入左去..見換了新MENU牌.....

菜式都無大改變.. 都係米線.... 不過今次多左一個新的湯底

蟲草花雞湯

味比較咸...如果配薯粉食都唔錯...

加一杯特飲全單$48..

我公司同呢間鋪只係10分鐘路程,
行得快 10分鐘來回都仲得
我 1:15 叫外賣,
個外賣 1:50 先黎.
忍唔住話佢地遲左少少喎..(我 lunch 到2點!)
點知佢答我 "係呀lunch 可能多人忙左d"
客觀黎講佢態度冇問題, 我亦都唔係話係佢問題..係間餐廳!
lunch 一定係多人架啦!! 我覺得佢地應該安排下叫外賣既野囉!
搞到我今日得 10分鐘食! 以後都唔會再叫!

日式鱈魚米線~看見名字比較特別,所以想試一試
以為是什麼豆腐那麼特別,
原來只是星形的魚蛋..
我不覺得有什麼豆腐味可言
我之前在超市也買過這一類的星星<魚蛋>..不過無什麼魚味呢!!!
有4件..米線驟眼看以為不多,
原來一路吃一路吃著,真是很多呢,好像吃不完
真的很飽~
米線真是很滑~不過味精重了點點
環境也稱上滿意的,米線選擇又多,
怪不得這兒那麼出名,
連我的同事也嚷著到這間米線店試1試~
因為我較少吃米線的..
看見餐牌中的tea set原來很抵吃的,
有機會想找個空檔來試試看~

放工一個人特登去食. 叫了小窩米線, 少少少辣, (+$4轉了細薯粉), 再加了3餸: 雲吞 $4, 魚腐$4及 生菜 $4.

湯底好正, 因為有少少少辣, 仲帶有酸味, 好開胃!! 有韮菜, 芽菜及少許肉碎, 令個湯更加豐富!!
雲吞像上海雲吞, 好大隻, 好多料. 但皮有點厚.
魚腐有魚味, 有點硬, 似魚蛋多d, 不似魚腐般嫩滑.
生菜頗多, 唔似一般車仔麵店咁少

成碗米線共$36, 再加$6叫了一罐健怡可樂. 好滿足呀~~

環境就一般, 冷氣唔夠凍, 越食越熱. 部電視是無聲的. 地下亦較污糟. 但食物上得幾快.

7月4日, 夜晚喺銅鑼灣食飯, 自從上次喺旺角食過之後, 好耐都冇食過呢間, 佢地嘅雲南米線都算正宗, 欣賞佢地有涼/熱拌, 大熱天時食好開胃~

::: 腩肉酸辣米線 ::: $24
最鍾意佢地嘅香料味十足, 芫茜, 芽菜, 酸菜重料不馬虎, 令到湯底好香~ 腩肉本身好淋, 加上有少少辣, 刺激味蕾, 腩肉亦比其他普遍料來得特別~ 米線軟硬度適中, 整體成碗都感覺良好~

::: 雞翼熱拌米線 ::: $24
熱拌米線其實都唔會話太熱, 暖暖地啦~ 除咗雞翼之外, 拌米線嘅基本配料都十分足~ 有齊酸菜, 肉碎同花生. 雖然係要咗走辣, 不過肉碎一定係有dd辣嘅, ok啦. 酸菜味道好, 酸得黎又爽, 花生都好脆! 米線有米香, 而且真係好煙韌!! 好味~ 反而拼嘅雞翼就一般而已.

::: 通菜 ::: $10
通菜令立立,可見油都落咗唔少~ 腐乳味都ok, 有d辣椒絲不過冇辣味~ 菜呢就食到底有少部份黃’禁禁’唔新鮮…

::: 凍檸茶 ::: $7
跟餐$7一杯, 尚算大杯, 檸味茶味ok, 合格~

雲南米線已成為我地近期嘅至愛, 天氣熱時食個拌米線真係幾舒服, 又開胃~ 呢度環境都幾好, 卡位都算寬廣, 一入黎就閒到濃烈嘅酸辣湯味, 未食口水已經流出黎~

我同女朋友好多時到銅鑼灣都去食雲南桂林過橋米線
去到通常都5洗點等位
環境麻麻咁啦 5算好糊遭
d服務又係麻麻喇
可能d價錢5貴喇......所以d服務就........
不過又几底食
第1次去如果你5知食几辣好......我見意你試下:小辣先.....不過都有5辣..中小辣.中辣.大辣..麻辣.勁辣

豬腩肉小鍋酸辣紅薯粉$28 (紅薯粉+$4)


份量適中，本身碗粉跟芽菜、韮菜、酸菜，紅薯粉都算彈牙豬腩肉唔會太肥又入味

但個湯底就咸咗D我叫小酸辣，酸辣度都剛好

第一次跟朋友黎呢度食, 叫左小鍋米線加墨魚丸, 小鍋米線本身已經有酸菜, 芽菜, 韮菜, 豬肉碎 加墨魚丸有3粒, 湯底我要左小麻辣, 好快咁黎到, 飲一啖, 有少少麻, 但越食越辣, 可能加上個湯好熱喇, 食得好慢, 但好好味, 一碗都幾多架, 我係女仔就食唔哂囉

食酸辣米線，叫左少辣，食左第一啖都覺得好辣..辣到自己講唔到野，成杯水俾我即刻飲曬，仲要係咁食冰解辣...搞到浪費左成碗麵無食過....><

不過食得辣的人應該會覺得係好食的!

走左去隔離鋪再食過

其實我蠻喜歡吃這連鎖店的雲南米線, 尤其打着"雲南米線"這個招牌的食店在香港早已成行成市. 說起來還是親愛的介紹我的.

打從這"品牌"在旺角的(近百老滙)分店開始,尖沙咀的(厚福街和赫德道的),灣仔的(英皇娛樂中心旁)和銅鑼灣的(駱克道上), 我都品嚐過(除却荃灣的"總壇", 在朋友和同事間流傳, 聽說是最好的). 在味道上, 最有風味也最惹味的以旺角店最佳, 尖沙咀的兩店次之, 駱克道的分店又次之, 灣仔店的味道最不穩定(味道時濃時淡). 這裡的食物和湯水都保持一貫標準, 味道濃厚, 而且我所慣點叫的肥牛腩肉小窩米線, 麵線,食物佐以湯水都能渾然天成, 仿佛它們的惹味濃烈都從來沒有分開過......不要以為這是一件容易的事, 需知道三者(麵線,食物,湯水)都是分別泡製的, 不是把它們胡亂混在一起就可以.
然而各食客心中對食店的尺度都不止是味道一端, 色香味以外的服務亦是一個可左右評分的因素...服務最差的就是這駱克道分店
這爿食店的敗筆, 就是壞在臨出店門, 付賬的一步. 所以說關於服務的每一個環節都不能掉以輕心. 却說我和友人到櫃枱付賬, cashier嬸嬸正在接電話落外賣order. 我們站在那裡, 嬸嬸既未正眼看我一眼, 只自顧自手忙脚亂, 亦未有其他店員幫手(他們挺游閒的, 在說說笑笑); 而我身後亦有其他人在等候哩. 嬸嬸好不容易放下話筒, 才替我算賬. 最差的服務和令我深刻的是找贖給我的紙幣是"散落"枱面--"散落"是随手一揚的意思, 她既不是不小心(因為沒有伴随一聲"對不起"或"唔好意思"的誠惶誠恐), 也由始至終都沒有eye contact 和一句多謝. 當場我沒有發作, 其實對一個不敬業樂業的人你又可如何?只是, 你會知道, 小小的瑕玼(甚至只是你不為意也不在意的小事)已足夠叫人改觀和緊記.

我記得這店的差, 同時我也惦記尖沙咀店那肥佬的健談有善, 和即使怎樣忙碌,旺角店的cashier都會給我一聲多謝, 附送微笑.

想食米線好耐了....
7點前去到...唔洗等位....(其實呢間唔算多人去...可能位置幾偏)

又黎豬軟骨, 豆泡, 魚腐米線...不辣....
朋友叫辣...腩肉類...見他食到滿頭大汗.....
其實都算幾大碗呢...食左差不多30分鐘都未食晒...好味的~
豬軟骨...好多舊呀...豆泡...浸晒d 湯...放入口...好味

侍應還問要不要油菜...點了生菜...
我還要麻煩地叫蠔油另上...(因為唔食得蠔油)
其實服務都算ok 呢...

飲了菊花蜜...呢個幾好飲...比菜蜜好味...

午餐有時都會落來食碗米線~

相比小鍋米線~個人覺得涼拌米線更可取~

撈嘅米線味道比較濃~又無小鍋米線咁熱~實行辣而不燙~

最正嘅配料係辣豬脯肉~ 炸醬~配上酸菜同花生~

夏天嘅選擇~正~

九龍區食米線就一定會選譚仔,但港島區真係好少覺得有米線店覺得好味.不過星期四就俾我發現此店既原來都唔錯, 以前成日經過都無咩心想去食原因覺得店好暗唔光猛令到我無咩信心去食.
點知原來此店d食物都唔錯, 當晚我地選左個過橋米線, 再叫左3個小食share來食, 叫左個鹽燒牛舌, 麻辣涼瓜同埋香草羊肉串.再叫左杯柑桔梳打.
過橋米線都好多料, 個湯底少少辣好岩我口味, 最欣賞係佢地既小食牛舌好好味, 個麻辣涼瓜都幾細心將麻辣醬分開令上..咁樣就唔怕太辣浪費d食物.個羊肉好香好好味, $15/3串真係抵食.

去完街街後食dinner, 路經"雲南桂林過橋米線", so決定食碗米線之後就回家, 之前我都同d舊同事食過此間的米線, 這裡的米線都好大碗好抵食, 第一次來的時候, 我都不懂怎樣order, 原來當你choose 配料時, 已經是小鍋米線+配料, d配料的選擇就好似車仔麵的選擇差不多, 多了一啲 酸菜,韮菜,榨菜...之類的配料

小鍋米線(已有的配料---芽菜,酸菜,韮菜)--$20, 另外基本的配料是$4,有d的配料是$8, 好像"肥牛",鴨腎"...etc..

我就order 4 種配料, 有我平時食火鍋都會食的"醬爆蟹粉蟹子丸",有4粒--$8, 雲吞--$4,豬大腸--$4 and 雞絲--$4,另外加了杯凍奶茶$7, total 是$47

我男友就選擇了都是4種配料, 有肥牛--$8, 有雲吞--$4, 有豬紅--$4 and 墨魚丸--$4.另外都是加了杯凍奶茶, so total 都是$47

我都好喜歡食這裡的小鍋米線, 因為有d 酸菜&芽菜, 食落個湯底有少少酸酸地, 可以開胃d, 芽菜又煙韌, 個米線的份量都好足,真是"開飯之選"

"醬爆蟹粉蟹子丸"
如果是好熱的蟹子丸就千萬不要整粒放落口, 因為好熱呀始終都是醬爆嗎?!

豬大腸
切到好幼身??好細條, 不是好肥美, 所以是碗米線的美中不足!!

墨魚丸
都好爽, 過得去啦

雞絲
都好足份量, 不過冇咩雞皮

肥牛
來到枱已經是熟晒了, 生d會較好

環境方面, 地方都好大, 不會坐到好迫, 有好多卡位, 都過得去

服務方面, 都好快手, 都好有效率