位於油麻地永星里嘅明記雞什粥，招牌號稱有46年嘅歷史，以售賣生滾粥同手捲腸粉馳名。呢度有別於一般粥店，所有配料不論要點併，甚至要晒所有配料，都係收$20。佢標榜最出名嘅係雞什粥，依家香港得返好少地方可以食到，今日中午去開油麻地終於走咗去一試：

雞什粥 ($20) – 名實相符嘅雞什粥，有雞件、雞腸、雞心、雞潤、雞腎、雞肝，材料十分豐富，生滾粥個粥底好正，粥有雞油味，熱辣辣好好味，果然係招牌菜，正~~~

豬潤腸 ($12) – 好滑嘅手捲腸粉，師父好手勢，配合爽滑豬潤，生熟程度剛剛好，而且豬潤份量足，好食~~~

好有特色嘅內臟餐，的確是好食，但下次會食返淨雞粥同叉燒腸，始終怕內臟污糟，唔會多食；傳统食店通常唔會衰得去邊，呢度嘅食物有一定嘅質素，去開廟街一試無訪。

途經廟街之下，見到明記雞什粥那號稱四十六年歷史的招牌，據聞是已掛上了好幾年，計起上來相信已有約五十年的歲月。見到早輪食友南瓜談論過那裡有一碗雞什湯，趁當日時間還早，便決定入去吃一點東西。

以前也來過一兩次，記得點選了雞件雞什雙併粥，這裡有一項怪傳統，所有配料粥不論多少併，也是收你同一價錢。以前十五六元已有交易，今次再來已漲價至廿元了。莫非響應了廿蚊張的呼籲 ?

為了吃這雞什湯，今次決定分開叫了一碗雞粥，落單一會就上桌，見灶面附近架有各式配件，一大盤斬好的雞件、燒鴨、鯪魚球和雞什等，做法只是將熟料放入碗底，再倒入一舀灼熱的白粥「熟灼」而已。

雞件本身已醃過，略帶鹹味，也算是皮薄肉嫩，可惜吃了一大半，味道始終是雞還雞，粥還粥，白粥的粥底也是薄身，到最後吃到將近沉底，才有些許雞油融入粥內，和早輪試過的太子PCCW巷仔雞粥比較，水準相差太遠了；可幸兩店一在太子，一在油麻地老廟，總算河水不犯井水。

雞什湯倒是有點特色，雖不知道其湯底是用甚麼方法熬製，只見湯麵上各式雞什齊備，雞腸、粉腸、雞腎、雞肝等，更加上雞腳一雙，未能用鮮甜來形容，喝下去總算味道，最主要還是吃雞什，所有爽口鬆化油香兼而有之，對正了我這個「內臟迷」的脾胃，些少「師傅」，算是可接受水平。

原本還想試這裡的腸粉，不過以前已經吃過，加上稍後要留胃口，只好忍手好了，反正味道和南瓜兄所說的相差無幾。總結這裡的出品，不算太過出色，見到這裡的熱評太多，個人來說有點不明所以，想是和身處廟街的環境不無關係，於我來說，我會用「特色風味」來形容貼切一些，簡單的吃個夜宵，這裡還是勝任有餘。

喝豬雜湯的話,會想到去西環皇后街的陳春記,或者修打蘭街的永記,想來一碗雞雜湯?便要來到老廟永星里上的"明記雞雜粥".

大多人來吃雞雜粥,見到有雞雜湯,價錢同粥一樣,好奇之下便來碗湯,門外仍是舊樣子,將各式的雞雜紛陳在大家面前,吃不到內臟的朋友,還是不要來了.

除雞雜湯之外,來多一碟腸粉,我要豬潤腸,一早整定當然不及即叫即做,腸粉皮比較厚,但有點散,包著的豬潤不是一整舊豬潤,而是切成一粒粒.

雞雜湯內有雞腳,雞肝,雞腸,還有一些不關事的豬肚,生腸.總之雞同豬搞埋一堆.雞腸入口帶爽.也有點油脂,雞肝有點過熟,口感比較粗,又想得龍金錢雞內的雞肝,那種油潤甘香,簡直天下美味.豬肚同生腸,兩者皆爽脆.至於湯底則清甜,但又不似用雞煲出來的味道.

喝罷雞雜湯後,向著油麻地方向行走,天氣逐漸回暖,赫見四季煲仔飯的人龍仍是這麼長,哈哈,香港人吃火鍋同煲仔飯,一向不分春夏炒冬,果然是"火山孝子"也.

見佢打正其號雞雜出名就試下,,,結果唔太接受到,,,個人而言,,,只覺幾特別,,雞都可以當雜咁樣出粥,,反而牛雜就無試過跟粥既鋪頭,,,講返d雜,,,大致上只記得有雞腸既物體,,肉就無乜,,哇,,發覺好難打下去,,,唔知點形容,,味道唔濃呱,,再試左腸粉,,豬潤好似係,,皮ok,,饀麻麻,,但10$左右,,係咁上下..

今晚先在廟街食串無染色的牛雜。

再到明記來一碗"樣樣齊"，最適合心多多的我。阿姐執碼到碗中，再加上熱騰騰粥底。一碗有齊滑雞、雞雜、豬雜、魚片、皮蛋瘦肉；當中最美味，算是雞腸和雞肝，前者爽脆帶脂肪充滿油香，後者夠粉糯。

和朋友往電影中心，順道試試這間食評不錯的名店。
這裏的名物是雞什粥，雖然不好此道，也慕名一試，叫了一碗雞什粥和齋腸粉。
不消幾分鐘，粥就送上。看見粥面浮了一層黃油，心往下沉，和朋友分成兩碗後，一試味道，鹹得呆了，簡直難以下嚥。朋友對油油的粥也難以接受，商量再三，只好硬著頭皮結賬離去，阿姐收錢時也感愕然，細聲說： “唔好食(牙)” 。
齋腸粉是即製的，但調味的醬油黑黑的，夾雜一些不知是什麼的，味道很鹹，但都吃完大部份。
寫食評時發覺明記是入圍熱店，無奈個人感覺如此，只有如實記綠，請諒。

徐了雞粥外﹐這店門前亦掛上叉燒及油雞﹐亦看到放在店內的雞雜材料。進店後﹐被安排座在弄粥位置後﹐所以能清楚看到他們弄粥的整個過程。這裡環境不太大﹐只有四張大枱。

雞雜粥 - $20 – 份量足夠﹐因材料主要是雞件﹐所以粥面上有一薄層黃黃的雞油﹐另味道更香。這次老闆還給與雞脾作為雞件﹐雞肉很滑﹐不錯。粥底還有少量雞腸﹐雞膶﹐雞腎及豬肚。雞腸肉質如鵝腸一樣的爽脆﹐豬肚肉質亦很煙韌﹐如有些醬油點相信味道會更好。

雖然食材不是什麼貴價食材﹐但價錢不貴﹐雞脾的雞油亦另粥底更香。如路經此地﹐不妨一試。

真的看, 很稀不綿
真的撥, 粥水一碗
真的吃, 啖啖味精

雞不是連粥一起煲, 是燒味枱斬料外加, 肥雞多嘍嘍, 如果會斬隻雞脾給我呢... 整篇有不同說法...

雞雜(腸)不爽, 不彈, 淡淡的
雞雜(臀)砌得很小塊, 沒癮
雞雜(膶,生腸)正路

齋腸粉是即叫即做, 新鮮熱辣, 甜漿嚇倒你弊呢, 很稠, 啞紅色... 酷愛甜漿的女友祇嚐了一口就不敢造次

聖誕節, 冇friend陪, 於是自己一個出去搵野食
去到, 很多店舖都關門, 以為會白行一趟, 幸好它仍做生意
雞雜粥$20
很大碗
其實碗粥不是很有雞味, 但是挺鮮甜的, 加些訐胡椒粉已很好
有不少雞雜, 腸, 腎, 還有一些不知甚麼部位的
還有一些雞肉, 可惜太少, 得一兩件, 雖然話就話雞雜粥, 可是多些會更好
食完後, 好滿足, 原本寂寞的感覺一掃而空

平安夜落左去食個夜粥.

好在今晚都重有得食,佢地平時係賣完就收工嫁.
不過呢d大時大節就會煲多d賣夜d.

我d朋友主要係黎食內臟粥,但小弟係唔食任何內臟的.
其實一心係黎食魚球粥,點知賣晒...

只好食魚片粥啦!

不得不介紹佢地d腸粉,係好滑好正.

這個粥店原來已經有30多年歷史，又不是開在當眼位置，但依然有粉絲一直支持，門面超平

凡，主打價廉物美，我相信就是他生存之道


雞雜粥 $20 齋腸粉 $7

個碗好大，份量都好多，當中不只是粥還有好多雞雜(如不喜歡吃內臟的就可選擇雞粥)，有

雞件、雞腸、雞心、雞膶和放了冬菜粒及蔥花，即叫即做，都幾飽肚啊因為多心所以要叫

多碟腸粉送粥，腸粉都是即做，都好吃但醬料有D怪，我想放甜醬伴吃，但原來個甜醬好

好"杰"

總結是平、靚、正，但如果個粥底再綿多D，就更加好。

我唔敢食雞雜...叫左雞飯試下
都好好食....的雞好新鮮.好甜
個湯不是味精湯.....係鮮甜雞湯.....
環境係差左的.....但服務都唔錯
三十元都合理

假期油麻地遊遊蕩蕩飲食第三站：
雞什粥是這裡的招牌，當然要試，很大碗！而且雞什落足料，有雞肝、雞腸、雞心、雞腎、雞肚和雞生腸，還有雞肉，不用加胡椒粉，雞味十足，很特別。

前晚(13-10-2009 Fri)男友放工後過o黎食飯,就叫佢o係o度買一隻白切雞畀爸爸試,再搭多一件叉燒..

佢o黎到,見到好豐盛,共有三個飯盒同一大包薑蓉,我問男友呢o度買o左幾錢?佢答$110.00,叉燒(例牌)$20.00,即係一隻白切雞要$90.00.

好,開飯啦,o個包有蔥o既薑蓉多到裝到一個碗.叉燒唔比我想像中多,而男友話買o個時要來要半肥瘦,但睇到冇乜肥,而食落,叉燒屬一般偏好o既,佢又唔係死實,味道唔係太濃但都食到啲甜味o既.
味道: 3.3分

而大大隻雞呢,一啲肥油都冇,且原來都幾大隻,啖啖肉,加埋佢唔太鹹o既薑蓉,真係好好味.
味道: 4.5分

尋日(7-11-09 Sat)同男友出去佢公司整o野,到差唔多1:00pm,我o地就搵o野食,我記起佢講過有間食雞粥o既好食,於是叫佢帶我去.

o黎到,呢o度好幾細o既,男友話呢o度以雞雜馳名,所以叫碟雞飯都要加返雞雜,而我見有魚片腸粉同叉燒,就叫叉雞飯同魚片腸粉,不過男友話要為夜晚打邊爐留肚,所以都係唔要叉雞飯喇.

好快,雞雜雞飯同一碗雞湯到o黎,食吓雞先,好鮮味,肥瘦適中,肉質唔’o鞋’,可以買一隻雞返屋企做餸.飯都一樣軟硬適中呢.而雞雜有好多亦好齊,不過我唔多好,只食一件雞腎.

而雞湯呢,覺得味精都幾重,我唔多o岩飲喇.

亞姐可能聽唔到我叫魚片腸粉,男友就叫多一次,亞姐即叫即整,等o左陣就有得食喇,腸粉好滑,魚片係鮮魷鯇魚片,加o左薑絲僻鯹,冇問題o既.

見同枱客人食雞鵝飯,鵝都幾靚咁,下次有機會會都試吓其他.

雞雜雞飯$23.00,魚片腸粉$12.00