己經有一段日子沒有來這兒
今晚和朋友做完facial, 又唸唔到食乜好,朋友就提議食榮記~
二個餸$20, 冬菇牛筋粗線, 牛筋同冬菇無什麼特別,味道一般
但個粗線超差, 似浸淋咗,又無彈性既面,好難食呀~
我朋友叫咗墨魚頭,冬菇,蘿蔔粗面, 佢話佢吔d嘢食難食咗好多,尤其是個面不知所謂,仲要成20元一碗,又無嘢食, 又貴

呢度既一碗面食咗=無食咁, 又貴又唔好味又唔抵食

比起以往真係差很多~

今日諗住去唱K 點知附近見到一間車仔麵店!見佢問口有報紙話好食!於是就入左去!見到MEUN D 野唔平!係車仔麵呢個組別算係貴!見佢個細雜好似好低!就叫!一來到個麵同湯都好深色!我諗應該唔錯!點知一入口好X咸!!勁重味!(又油膩)攪到我要勁加醋!食左一半就走人去7仔買野飲!呢碗野都算重味精!飲左一支水都係....同埋以咁既價錢真係唔收貨!!!!

重遇榮記的腩汁,
總是好驚喜的.

夠濃夠味係其特色;
食麵或雞翼尖都很合適.

今日叫了幼麵, 幾爽口.

牛腩一般, 但d 春卷"敏"d.
下次都係食返豬紅穩陣~

辣油唔係講笑, 兩滴已噴火, 注意~~~~~

每次經過榮記, 都見人頭湧湧咁, 好長條龍令我成日無機會去試下傳聞中好好味嘅車仔麵; 今日咁啱lunch要去皇室堡嗰頭, 行快兩步試下有無咁好彩唔使等位, 哈哈, 終於有位俾我可以食番碗靚麵喇 ~

個餐牌好清晰寫晒有咩叫, 由於趕時間, 無刻意去揀要咩餸, 一望見到有雜錦麵, 都好似好勁咁, 就要呢款啦. 有大雜錦同細雜錦, 我一個女人仔叫碗細嘅夠喇. 細嘅餸有豬紅,豬皮,魚蛋,牛肚,牛丸...大嘅好似多款蘿蔔; 見週邊D單身女仔食到好美味咁, 我個碗唔該快D啦 ~~ 有喇, D餸甫到成個碗面都係, 唔好誤會, 唔係好大碗同好多餸, 係因為個碗細嗟, 魚蛋同細到似鵪鶉蛋嘅牛丸各一粒, 牛肚三塊, 最多米豬紅同豬皮囉, 有D通菜添; 見個湯D色澤好濃, 滿有希望咁試一口....兩口三篌都無咩味嘅 ??? 成碗野無嗰種腩汁味...同以前响街邊食嗰D車仔面我覺得差好遠...我都無心機食晒碗粉就快快俾$24走人...一出門口同自己講 " 好彩無叫老公一齊排一大餐入去試嗟"... 結論係 : 不吃也吧 !

自己一個人午餐, 12:30 到, 不用等位
食個 $24 招牌雜麵, 滿足多心的我
有牛肚, 豬紅, 豬皮, 魚旦, 牛丸, 蘿蔔, 西洋菜+ 油麵
<始終鍾意車仔麵食油麵>
豬紅跟豬皮特別多, 手打牛丸都幾特別
食完都未到一點, 雖然開晒上下兩層, 都要等位啦~

聽咗人講好耐榮記既車仔麵好好食, 但係次次經過糖街間舖見到佢門口咁多人都唔想等, 尤其是係夏天天氣咁熱, 為咗一碗車仔麵要等幾個字既話, 我寧願食第二樣!

琴晚睇完戲9點幾10點, 個人唔係好肚餓但係又覺得要食啲嘢, 於是同朋友行咗去渣甸街分舖, 可能過哂食飯既peak hour, 唔駛等即刻有位坐低食, 我叫咗碗蘿蔔豬紅米, 朋友叫咗碗三拼淨餸, 一人都係$20, 一個字 - 抵!!!!!

雖然佢用個碗係細咗啲, 但係裏面啲料超足, 我食哂啲米粉都仲有餸剩, 換著平時其他車仔麵舖, 一早啲餸己經食完要食齋麵。

第一味: 蘿蔔: 超好味! 係我鍾意食嗰種, 甜甜哋, 加上整得好入味同好稔, 絕對欣賞呢樣餸, 因為唔係間間都整得好味~讚!

第二味: 豬紅: 相比蘿蔔就真係遜色咗少少, 但都好食, 坊間有啲麵店整到個豬紅好實, 呢度係用筷子輕輕夾都夾得開, 又唔會好似豆腐咁一夾就散~

不得不提佢個腩汁底, 唔係一般味精湯汁底, 唔識形容係似咩, 但係好好味!

怕熱既人絕對唔啱嚟呢度食, 因為冷氣極度不足! 我坐嗰個位得一把風扇吹住, 都幾熱!

每個月都總有幾日想食車仔麵，也許食車仔麵就是香港人的文化，有點像台灣人愛吃牛肉麵，上海人愛吃豆漿粢飯

大大話話都跟咗榮記十幾年，由中學時代食到依家，唔係講笑，想當年榮記檔口只在後一條街連卡佛後行，幾張枱仔開始做；想起以前食飯時候，我就同五六個同學，浩浩蕩蕩剎落榮記的日子　依家見佢地做到入鋪，都替佢開心～

食咗咁多年，每次去就好似食份回憶，食份感情，反正味道．．．我化咗灰都記得啦！
如果你未去過，我建議你食雜米，此乃榮記最original嘅出品　（有牛肚，豬紅，豬皮，水旦，牛丸，紅腸，仲有西洋菜）
牛肚 - 唔係金錢肚，係牛肚；有少少肉嗰種，鹵得好稔
豬紅 - 其實係雞紅，所以特別滑
豬皮 - 爽口
水旦 - 彈牙
牛丸 - 以前未入鋪嗰啲有牛味啲
紅腸西洋菜 - 度度都一樣架啦
另推介蘿蔔用片糖煮過，特別清甜，辣椒油好辣架，唔食辣咪落

＄２４一碗車仔麵，不能奢求出神入化，但人家用心製作，豈止嗱渣麵咁簡單！
最後提提：榮記係幾逼架！啲位好值錢架，唔好奢望有多張櫈俾你放LV，不過就好多人抱住大袋細袋都要喺度食～　榮記好多人喺門口等位架，對住個小巴站，鬼咁熱，之但係啲人就一路怨”都唔知有咩咁好食”又一路等囉～

~同同事的為食兩人組又再之出動~
~去左同事媽媽都喜歡的榮記吃車仔面~

~一向對車仔面都沒有太大的沉迷~
~但係今次一吃~對佢個蘿白簡直係一見鍾情~~~~

我叫左:魚旦+蘿白+河粉(走腩汁)
=魚旦唔係炸的係白色潮州的那一種~ok彈牙但係唔夠安利好吃
+滷水蘿白~好入味~好甜~好淋~一個字正!
+河粉~唔係出面淋滑的那一種~比較硬~
雖然沒有腩汁~但係其實佢的清湯已經好夠味~

同事叫左:雞翼尖+墨魚頭+魚片+油面
=沒有試,但佢吃到非常滿足oh~

而且都唔係話到咁細碗~o個d面食都已經好多~
係夠飽架!!!!!!

而服務方面~~~~~~~唔好有咁大的祈望~~~~~
而且仲要好有耐性~係會等到同桌吃完都未必有得吃架~

環境方面~~~~~~~~好逼~好多人~

己有一段日子沒來這兒食野~
原因係唔抵食囉
一碗二送既車仔麵竟然要$20元
由初初的$18元加價到$20元,真係唔抵食呀~
況且我一向都唔覺得佢值這個價錢呀~
今晚因為朋友話唔想食南記,所以我們揀咗呢間食
我叫了一碗牛筋,墨魚頭粗面~
牛筋都入味, 但就不爽口, 墨魚頭一般啦~ 無乜特別~
友人話呢度既雞翼尖無以前咁好食呀~
粗面既面質好一般,又唔爽又唔好味, 總之個麵就唔係好得
有得揀,我都唔再食榮記,因為真係唔抵食呀

價錢..一d都唔平..三十蚊碗麵...4個送
湯...勁甜...一飲已經知勁多味精
豬腸...一般
食完個麵...飲左3支水先止到渴 = =佢洗唔洗落咁重味精呀

唯一真係好食既係羅白

睇咁多篇都話佢d野點好食...-.-...我有質疑囉親身食完之後...同埋唔抵食...不過銅鑼灣區...預左佢貴...

雞尖...ok...好食...可惜得果幾隻...收我20蚊-.-"...貴唔貴d呀

service就...真係預左佢差...可以讚既係出野快...坐低好快有得食...但係坐得唔舒服,...食完拿拿聲走...唔會再黎第2次= = 出面門口排咁長龍....都唔知點解d人會覺得好食

蘿甜>V<,, 干净！ 清爽>< 喜欢><( ⊙o⊙ )哇~~~~
鱼蛋超弹超好味><

久仰榮記的大名, 實在有嚟幫襯的必要, 因為唔試過, 覺得自己見識少

一行入糖街, 已經見到啲人喺度排隊, 都幾誇張! 不過好快就有位, 因為啲人好快就食完埋單走人

車仔麵的餡要左牛丸, 牛腩, 豬皮同菜, 湯底勁甜, 似糖水, 味道一般, 反而食左碟雞翼尖仲好食過碗麵多多聲! 出名的店, 野食唔難食, 不過叫做食過見識過!

15/04/2009

同學極力推介到此午餐, 我未黎過, 欣然同意一試~

中午在鬧市間多人等位是必然的, 只是在門口外一邊吹著風口位噴出的油煙一邊等實在令我想立即走人。

入到去座位擠迫之餘地下又痴立立, 感覺十分差; 但見到人人又食得津津有味的, 於是話俾自己聽好快有好野食, 調節心情~

我叫了蘿蔔墨魚卷米線多腩汁: 蘿蔔夠淋又入味, 一咬就勁多湯汁湧出, 正! 但墨魚卷好粉好淋, 雖食到有墨魚碎, 不過肯定冇下次! 米線太淋冇咬口, 唔得! 湯底的腩汁好濃, 好足料, 好正!

同學叫了牛腩牛筋麵: 我試左牛筋, 炆得夠淋, 但又不失咬口, 好入味, 下次一定叫~ 同學把湯差不多全飲完, 真夠誇張的!

有機會可能會再食, 不過唔會專登黎~

多人排隊的店, 一定好食?

我睇未必, 好像今次食的車仔麵, 是一碗不值得我去排隊食的車仔麵, 兩個餸包括了豬紅同牛丸, 都不好食, 特別係豬紅, 鬆透透一夾就散, 失敗 (stephen chow 的經典句, 幾啱用來形容), 其實最大問題係豬紅唔入味, 淡的, 而且可能天氣熱, 有小小縮左 (不過呢個問題唔算嚴重)

牛丸多根, 食完都幾黐牙 湯底好甜, 唔好飲...

都唔知點解咁多人排隊, 唉

離遠三十米, 已經見到有條人龍排, 但係有五個人左右的人龍, 不消三分鐘已經排到...

一入到去, 坐低已經有得食, 皆因排隊時已經落好哂單了, 三個餸的車仔麵, 廿四蚊碗, 有牛丸, 牛肚同豬皮, 另外加多碟通菜底的雞翼尖, 朋友叮囑一定要叫的

唔知點解會咁多人食, 其實味道都唔係咁好, 當然, 梗係唔係難食啦, 湯底係深啡的鹵水味湯底, 個雞翼尖個汁都係咁上下的味道, 不過雞翼尖就好食得多, 因為夠入味, 而且一碗有十二三隻, 慢慢損都幾滋味

一個入, 一個出, 真正的貨如輪轉, 店主一定賺到笑, 不過做得好, 得到大家的認同係實至名歸的呢