20
14
7
港鐵鰂魚涌站 A 出口, 步行約5分鐘
繼續閱讀
營業時間
星期一至五
07:00 - 20:00
星期六
全日休息
星期日
11:00 - 20:00
公眾假期
11:00 - 20:00
以上資料只供參考, 請與餐廳確認詳情
招牌菜
食家推介
黎到鰂魚涌既Burger Mix，呢間唔止有Burger，仲有本人鐘意既鐵扒肥牛，正，所以決定黎試一試。環境方面店舖就唔算大，數埋得10張4人枱度，如果一班同事黎就應該無位，而且待應係唔會幫客人調位，所以果有2張4人枱，都坐左1個人，又有4人想入黎，佢會同你講無位。安排好唔人性化，尤其係多人既午市。食物方面今次試左佢個鐵扒黑椒肥牛餐，食落幾有鑊氣，個鐵扒夠黑，炒埋d飯度，非常惹味，正。推薦大家黎試下
繼續閱讀
今日同朋友黎到食晚餐，我地點左一個雞肉鐵板飯同一個蘑菇牛肉漢堡，漢堡係好食嘅，牛肉嘅肉汁都唔少，口感唔錯。但係個鐵板飯真係好一般，同系paper lunch食嘅冇分別...整體而言，都係不過不失啦。
繼續閱讀
鰂魚涌呢間漢堡店, 店面細細, 但漢堡款式有成十幾款除左漢堡, 餐廳重供應鐵板飯獨愛牛堡嘅我, 諗都唔洗諗就揀左呢個經典和牛安格斯牛肉漢堡, 套餐可跟薯角/粟米, 雖然見薯角炸得幾靚, 好吸引但近排太熱氣, 都係忍痛轉左粟米。餐飲竟然可以揀柚子茶, like簡單經典嘅配搭, 踏實唔花巧。漢堡扒肉厚多汁, 個包完全吸收曬佢嘅精華, 配上新鮮爽口嘅生菜同大片蕃茄, 食落唔會太膩。特別欣賞佢嘅芝麻包面, 輕輕烘乾左表面, 咬落外脆內軟, 重好香芝麻味 真係令人一啖接住一啖, 停唔到口呀
繼續閱讀
放假，買左漢堡coupon, 屋企附近，當散步行下，吾算難搵，但系就真系只可做銜方生意，在小街，冇乜人流，怪不得明明漢堡主打都要做埋茶記早餐同下午茶。裝修幾特別，有一盞大水晶吊燈，氣派加分。團購買了2份×$55黑松露安格斯漢堡，附薯格及熱飲。侍應EE好有禮貌，招呼我地坐低，對面有班年青人話要調檯，侍應EE年紀起馬5O+，主動替班年青客搬檯拍埋少檯，侍應EE一流。漢堡即叫即整，等左10多分鐘到。漢堡包新鮮軟熟，微微烤熟，芝麻香味和暖暖的包感增加食慾。新鮮番茄厚切，原塊芝士可呃稱，沙律醬混多多黑松露，彼此配合味道提昇，最怕低價黑松露腥臭味，呢度冇！安格斯牛大大塊，頭啖有小小筋，年味和黑松露配搭不錯，整體好滿意，$55你仲想點，小店的確有誠意有良心。薯格超大盆又大大件，外皮非常香脆可口，水份又保存鎖住裡面，一流，有酒店水準。飲品有熱桃汁蜜桃汁揀，若有多D選擇更好。呢個餐用團購買，省下最多只有$10，就算原價都扺食。
繼續閱讀
一向好少去 鰂魚涌嘅我，今日因為又事在身經過一間好有美國風嘅漢堡包店，即管入去試一試。睇咗一陣餐牌我決定叫咗個安格斯芝士漢堡包配脆脆薯皇，仲有罐裝可樂，成為57蚊 。先講 個漢堡包，重牛肉味，芝士溶化在口裏，加 番茄生菜好足料，薯皇比平時薯條粗好多好飽肚，快餐店只會用汽水機今次我就有罐裝成件事非常滿足。
繼續閱讀