小時候除了吃麵包做早餐外，還可以光顧一些小型的腸粉檔，比吃麵包多花五毫至一元來吃一碟鋪滿甜醬、麻醬及芝麻的腸粉，然後站在街上吃著吃著。隨著時間的流逝，這些腸粉小檔已很久沒見，現在吃腸粉大多要光顧那些連鎖粥店。

今次來到「合益泰小食店」，為了腸粉而來，因聽聞此店的腸粉就連大酒店也向其取貨。坐下後馬上單點一碟五元腸粉，已加進豉油的腸粉很快送到，再自助式加進甜醬、芝麻及大量麻醬。腸粉的質地十分結實挺身，很有咬口，尚算滑口。由於低層的豉油太多，而其味道亦都太鹹，下次應該要求「少色」。

地方與一般舊式粥店無異，服務快而合格，雖然腸粉質素與自己預期有點出入，不過已算是一碟合格的腸粉。

這區馳名小食店的出品早年真的不錯,但印象中也只限腸粉!這天和友人去高登,順道來吃一吃腸粉,友人先到一步,已自行落定柯打.
炒麵----味道比撈麵更不堪!完全無炒過的跡像,麵條應該曾從天台墮下引致粉身碎骨!中間夾雜著被熱水撐蒸得全無水份的乾硬麵條.
豬皮魚蛋----向喜歡吃硬身無味及有毛猪皮的朋友大力推薦!必感滿意.
腸粉----各種醬料的調味沒變,變了的是腸粉的温度!真的是太旺場連腸粉也沒時間蒸熱一點才賣?一碟加了油但比室温還低的腸粉,對不起!真的引不起食慾.
燒賣----用竹籤打橫壓下也能輕易將燒賣一分為ニ,比吃和牛更能感受什麼是入口即溶.
喝了一口淡如水的豆漿後問友人:怕不怕浪費食物折墮?得到的回答是:我墮開!
為何有此一問?因為已經啓動了緊急問責機制!即是邊個揀嘅,唔該自已搞惦埋佢!
爛船剩下的一口三分釘,可能是要來封板用的.

一心留肚嚟呢度進行下半部份的晚餐
可惜可能因為比較夜
無蘿蔔無豬皮
無炒米 (阿姐開頭係話無....跟住改口話: 今晚啲炒米唔好食呀, 食炒麵啦~)....勁攪笑 XD
魚旦無興趣試 (睇落好大粒....唔係我鍾意食嗰隻細粒煙靱款)
所以結果只係試到腸粉

腸粉分 大($9) 中($7) 細($5) 碟
但係我叫 "中" 腸粉
俾阿姐串: "係 $7腸粉呀~"
=.=lll

腸粉本身並不覺得有甚麼特別
而由於我本身食腸粉鍾意攤開嚟食
但係唔知點解呢度啲腸粉......係攤唔開的 >.<
唔知係咪因為佢啲腸粉真係整得靚得滯

之但係襯托佢地既豉油同麻醬就好好好好味!!!!!!!!!!
雖然稀稀的.....但帶著非常香口的味道
跟平時一般食到的感覺不一樣

如果再來.....都會是為了她的混醬 ^^

早上時段走到來鴨寮街,想起什麼?

地檔的舊物?二手成人刊物?二手電玩?非也,我只想起合益泰的豬腸粉.

人多到沒有位坐,索性企在後巷吃.$5一碟,夠兩個人分,因為不只會吃腸粉,還有其他地方要掃.

剪成幾條,什麼醬也加,混在一起,沒有章法可言,竟混出一條必殺技出來.結果混出貴網內百多個好評出來.

腸粉是滑,滑到順勢入喉嚨,但醬汁三合一,極之惹味.吸引了早已蓋過腸粉本身,可觀性更高.

吃到醬汁流到唇邊,有種講不出滿足.

補回昨天的食評,昨天一路行一路食的最後一站合益泰小食
我要左5蚊腸粉試一試佢地D腸粉係咪各名不虛傳
佢地D腸粉感覺比較幼身,不過好圓碌碌,,吃落去好滑同煙煙韌韌,係我暫時食過最好的腸粉XD

本來只打算來深水埗堅記食最近勁hit的蛋牛治，上open rice才知附近有間腸粉連阿蘇都大讚的合益泰評分唔低，一於一箭雙雕，食完腸粉先去堅記踩場。

來到桂林街合益泰門口，只見地方的確簡陋，好有深水埗舊區feel，特別係入去坐低之後，竟然見到有人在隔離條巷仔底買賣三級咸碟，真係別有味道呢！

講番正題，今次因為要留肚食堅記嘅關係，所以只係要左碟腸粉（9條）、一碟蘿蔔魚蛋同埋一杯豆漿同老婆share食。

正！呢度d腸粉的確係正！用了豬油來整的腸粉的確夠滑，淡淡的甜醬油加上自己落手的甜醬、芝麻，落在滑嘟嘟的腸粉上撈埋來食，真係非常好味。

除左腸粉好之外，呢度的蘿蔔也十分爽甜無渣，魚蛋都算好食，唔錯！

至於杯豆漿，就算ok啦！（話晒唔係主打，要飲靚豆漿的話，大可以去附近的公和老店呢）

總括而言，呢度d腸粉係值得去食的，不過呢度有三好，除左腸粉好味道外，地方仲好地痞，港式風味仲好地道，如果要去環境情調好，地方企理，招呼週到的地方食嘢的話，呢度就真係爭d啦！

我第1次試,,但真係幾正*

腸粉
條條都幼身的,,同出面果d唔同,,
雖然食落我覺得幾普通..只是微暖,淋淋地的腸粉;;
係d醬出奇地掂..開稀{混醬}其實都好夠味*
令淡淡的腸粉更特別..好味xd

同埋企係街邊食,,好有feel~

吃罷新香園蛋牛治，行兩步路，就找到阿蘇介紹過 n 次的合益泰小食。

這店必吃的當然是豬腸粉，以豬油溝花生醬，肥膩是必然的，但當中美味應該無人可抗拒的。要了七蚊豬腸粉，一共六條，本想要燒賣的，但七蚊只得三粒，倒不如試試七蚊六粒的辣魚旦。在豬腸粉上加些甜醬，一口氣「雪」入口，腸粉絕對夠滑夠幼，這等質素不但正宗，更是坊間難尋，不禁哼起 “滑滑嘟嘟似豬膏咁滑~牛油蛋撻都無咁滑~”。

辣魚旦相對比較失色，size大大粒但質地較實，辣汁不多，僅僅合格而已。店舖不大，如果一時間找不到空位，不妨在街邊「立食」，相信更有風味呢。

食左一個咁爛嘅早餐後, 師傅連食晏嘅胃口都冇呀, 好唔容易先捱到放監, 於是師傅一條友又去左深水埗, 目的係搵隻合適嘅老鼠, 師傅搵老鼠絕對唔係搵米奇或者出奇之類, 係搵隻可以喺電腦用; 行左一陣仍然未有啱心水, 於是決定打道回府, 但突然氣間又想食野, 於是靈機一觸就決定黎呢間食店!

屈指一算師傅都有年幾冇黎過, 所以懷住一夥期待嘅心情, 去到食店都幾鬼多人, 呢道係唔會有招呼, 所以要等一陣先搵到位坐; 師傅坐底後就睇下有咩想食, 其實腸粉係必定走唔甩, 再加一碗白粥先啦; 而腸粉就揀左七蚊六條!

轉個頭就有得食, 腸粉同白粥同時登場; 師傅一聞到腸粉就已經好想食, 腸粉係熱辣辣加上好滑身, 入口勁滑, 而個豉油勁香勁吸引, 呢個豉油直頭係成個腸粉嘅靈魂, 冇咁香咁靚嘅豉油, 就算再滑嘅腸粉亦會失色, 加上有少少兒時企喺街邊食腸粉嘅懷舊風味, 正呀; 再加埋麻醬又香, 再配少少甜醬同辣醬仲正, 真係好食到停唔到口, 師傅後悔叫得太少!

白粥一碗絕對唔算大碗, 而白粥裡面係連少少瑤柱或白果或腐竹都冇, 所以好鬼清淡, 入口非常淡口, 有清洗腸胃作用, 而粥底都煲得算綿, 唔會水多米少, 治到好處; 師傅喺未試碗粥前, 當攞起已浸喺粥裡嘅匙, 發覺係非常污穢, 仲係黑色有漬, 見到後師傅已經成碗唔想食, 嘗試想用匙將d粥舀入口中, 最後都係唔成功, 唯有鼓起勇氣, 成碗倒入個口, 拿拿聲飲左佢, 當時運高睇佢唔到啦!

最後有少少牙痕, 師傅決定加多隻粉果, 當送口都好啦! 粉果一隻個皮幾厚, 攞枝竹簽一吉即穿, 粉果餡料就跌左出黎, 而味道一般, 不過不失咁啦 , 而辣椒油亦唔辣, 好普通啫!

總括黎講腸粉嘅質素真係出位, 但環境同服務就一般, 衛生程度真係值得改善, 而價錢相宜, 埋單十四蚊, 七蚊腸粉, 四蚊白粥, 三蚊粉果, 係幾抵食! 師傅有機會都會再黎, 但相信淨係食腸粉已經夠喇, 笑臉都仲會比, 全因為腸粉! 結論係合益泰腸粉, 唔試你就笨; 合益泰污穢, 你我都知道!

後記: 好彩師傅冇肚瀉, 如果唔係一定笑唔出! 最後希望食店能更新食具

早聞合益泰的腸粉大名，今日終於一「嚐」心願了。

這裡的齋腸粉比較幼身，但就多一份香味，能吃出也能聞到，還有就是很滑，要是在冬天熱呼呼的放進口感覺一定更好。甜醬麻醬的確是開稀了，但我覺得很夠味道了，雖然吃齋腸粉一半是為了那堆混醬，不過醬太濃很容易膩的。

不過最好是拿走吃，店外衛生很不理想。

呢度嘅腸粉真係好好味，我諗應該係好似其他食評人咁講，加入咗豬油
啲腸粉真係好香好滑，我都不禁叫咗兩碟
但其他小食我就覺得一般

腸粉，其實都是一般貨色，我完全認同有些食家的意見，只

是放了豬油、勁多長豉油同醬料，所一定滑，但始終我都會覺得手拉腸粉

會更細滑

但都算得上好食至於燒賣就眞是不熱，只能夠話暖

炒米粉都是暖的，沒有特別配料，都是芽菜、韮菜同紅蘿蔔絲，

味道普通，放甜醬好D。豆漿有點淡，但好彩不太甜



其實都OK，但不會因為食腸粉再去，因為太子、油麻地通達都有這個水準。

09.08.28　合益泰腸粉@深水埗

合益泰的腸粉在深水埗可以說無人不曉
很久以前來吃過一次，當時驚為天人
腸粉細嫩好吃，配上麻醬醬油真的天下無敵
今天剛好經過，再來一盤

豬腸粉比坊間的寛度細一點
是日的腸粉有很強的油份
不知道是腸粉上掃上了過多的生油
還是麻醬太油
每一口都只有油味
腸粉也沒上次來的滑嫩

我想下次再到訪此店的話，我的目標是他們家的粥品及其他小吃

給哭臉是因為個人怕很油的東西....
這樣一次就怕怕了

5/8/09(三)

試過這裏的腸粉，主要是醬料夠多，腸粉滑溜。但今次覺得腸粉不夠上次滑，也不夠熱。
炒米粉和豆漿也只是普普通通，經過也可一試其腸粉的。

今日四點幾同個朋友去咗深水埗, 突然見到大大幾隻紅色字, 「滑溜腸粉, 五元四條」,咁啱又覺得個口痕痕地, 於是咪入咗去試吓, 睇睇個餐牌, 原來間鋪頭叫做「合益泰小食」, 我叫咗碟腸粉, 嚟到熱辣辣, 香噴噴, 加埋豉油, 甜醬, 麻醬嚟個大兜亂, 再沈芝麻, 嘩! 好好味喎! 似細個企喺街邊食嗰種, 食完好似唔係幾夠喉呀!

真係估唔到深水埗有間咁得嘅腸炒店, 我又多一個地方落腳喇!