友人想試呢間餐廳好耐, 星期六行過, 見無咩人就入左去試.
lunch 佢地有set , 唔貴, 叫左一個牛扖跟薯菜(黑椒汁), 另一個厚切豬跟飯(白汁磨菇). 有湯, 另加$5 有餐飲. 埋單$180 有找.
我地叫左碟上, 不過waitress 忘記左,攞左鐵板出黎..又攞返入去換, 一來一回..可能因為唔係鐵板, 我覺得唔夠熱....
厚切豬跟飯, 女仔真係岩岩好, 因為好少飯, 男仔應該唔夠飽. 個汁有小小淡. 不過友人話厚切豬比佢既牛好食...因為岩岩佢既牛扖有"根"..
可能因為lunch 同dinner 唔同, 覺得相片比較吸引.

總結, 一試無妨...不過暫時都無下次...

之前已來過一次，知道食龍蝦好正，D扒都OK，所以今次特地來試下個窩，不過今次好似加咗價。

這店格局不錯，做得很像在外國的餐廳，中間擺檯距離夠闊，不會太迫，但星期日都不用等位，原因就不離兩個，一是難食到無人肯食，否則就是價錢高，令人卻步，好彩這店是後者，比貴D當買位，又食得舒服。

坐低叫了龍蝦湯，龍蝦西冷牛扒，蟹肉沙律，龍蝦海鮮窩和牛油四季豆。

龍蝦湯，龍蝦味香濃，入口順滑，比起上星期在佐敦食到的真是差天共地，這店的湯未入口聞到龍蝦的香，入口濃淡適中，這才算是真正合格的龍蝦湯。

蟹肉沙律，一般貨色無驚喜，但菜疏尚算新鮮，入口可以做到清、甜、爽。

龍蝦西冷牛扒，落單時要求牛扒五成熟，上檯時切開尚見有半點血水，火路剛剛好，入口肉質鬆軟，同時還保恃豐富肉汁，相對龍蝦有點過火，肉質略為鞋了一點，但仍然鮮甜彈牙，今次牛扒做得比龍蝦好。

牛油四季豆，清清淡淡的附加伴菜，豆是新鮮的，雖然是用牛油炒但入口也不太油，還可以。

龍蝦海鮮窩，用湯窩形式做，除龍蝦外有青口、蜆、蝦、魚柳和墨魚圈，再附上麵包；半只龍蝦用湯煮得恰到好處，肉質鮮嫩，入口彈牙，一般做法很易煮到霉，但這個師傅火路剛剛好；蝦也煮得恰到好處，入口鮮味爽口；不過魚柳就有點過火，煮散了，但值得一提的是這窩的湯就非常美味，濃郁的湯汁送麵包，非常合親，在口中散發著海鮮的鮮、香，正！

每次去荃灣工作, 都喜歡去荃新天地搵食. 今次又再次到Melissa食Lunch, 喜愛呢到既環境/食物同服務.
我朋友早到, 而我大約12:45分到, 門口Reception講緊電話無理我, 咁我自己入去搵吓, 我地坐在最近內園門口的枱, 我行到身水身汗(當日有29/30度), 諗住飲杯水降降温, 點知我隻杯未有水, 叫人幫我倒杯水, 佢比杯熱水我.

我點了牛排午餐, 未有野食週圍睇下, 有個亞姐抹緊門口塊大鏡, 打開內園大門仲用支好長既棍係到刮, 由於樓底高佢支棍一刮到底時支棍都隊到出門口出面, 有2次差d隊到人添. 刮完鏡就開始抹玻璃, 本來做清潔係啱, 但唔使係繁忙時段到做! 我食緊野對正妳係咁抹同刮.

講返d食物, 羅宋湯好稀, 味道還可以 , 不過熱到辣咀!

牛排要5成熟黑椒汁, 可能牛排薄過以前好多, 5成變左8成, 另外黑椒汁太酸, 好難食!

全日最好係杯咖啡!

以前服務同出品都好好, 今次兩方面的水準下降了!

小學同學幫我補祝生日，地點讓我選。
這兒是上次帶我家老虎覆診時路過發現的新餐廳，因為裝修很吸引，所以一直都想來試試。餐廳的環境佈置簡單清雅，白色的磚牆、壁爐，感覺很有家的氣氛，非常溫馨。
餐廳正中有一句用鏡面表示的Julia Child的話﹕
"The only time to eat diet food is while you're waiting for the steak to cook."
這句說話充滿玩味。
的確，等吃的時候就當作是節食，有美食吃的時候就應該盡情的吃，何需顧慮太多？主廚推介menu入面的主菜，加$20便可配餐湯、餐包、餐飲。
忌廉栗米湯水水的，很淡。宜再濃一點，令湯身再creamy一點。煙肉洋蔥焗蠔($88)
賣相不錯，焗過的洋蔥非常鮮甜，不過配料與其只用洋慕和煙肉，不如再加上芝士，會更香口。地中海大蝦沙律配油醋汁($88)
餐廳既然主打海鮮，海解菜式理應相當不錯，不過大蝦的肉質似乎有欠彈性，口感不太好。
沙律醬似有椰子的味道，又帶一點點酸，令人感覺非常開胃。鮮什菌忌廉汁魷魚繪墨汁意粉($128)
魷魚跟蝦都有同樣的問題，不夠爽彈，選料方面宜再下點工夫。
意粉不夠熱，加上侍者不太理會客人的進度，一股勁的上菜，令食物的溫度流失得更快。脆皮德國咸豬手($188)
豬手的皮完全不脆，有點像放涼了再翻熱的感覺。
然後，豬手的肉質亦非常韌。
這個咸豬手成了本晚最慘不忍睹的一道菜。香草扒春雞($138)
因為menu沒有注明這個菜式是鐵板，所以不知道原來是鐵板燒。
雞的肉質不算嫩，不過味道醃得剛好，可惜因為淋了鐵板汁，令原本的脆皮雞和薯條都走樣了。

朋友開玩笑說今餐似乎只有熱檸茶最可取，個人覺得未到這麼誇張。
不過這樣的價錢，味道方面應該要再相應提升才對。
畢竟，客人希望享受餐廳環境之餘，最重要還是想享受食物吧。

試了lunch set
Melissa Seafood and Grill 以鐵板為賣點,
當然要試試, 所以點了西冷扒, 以及牛柳粒配蘑菇

lunch set包一個西湯, 分別有紅湯白湯
湯水準可以, 並不隨便, 足料, 夠熱西冷扒配薯菜
上菜時鐵板的確很熱, 這可不是廢話啊
現在的餐廳對鐵板的提供都很低水準, 不熱之餘又油膩膩

呢個就附合水準
西冷扒足份量, 叫了七成熟, 在鐵板上印一印香口很多
薯菜亦要一讚, 食材新鮮, 薯條炸到岩好水準, 黃金豐滿不油膩牛柳粒配蘑菇加飯
這碟要配圖中的白汁令它更上層一樓當時平日11:30左右人不多, 環境很好

其實在荃灣找西餐開飯的地方本來就是個大問題，舊式豉油扒房和附近港式西餐老實講，已跟唔住潮流，揀來揀去，結果還是來到Melissa。

以價錢來說，百四唔洗的原隻燒春雞，皮燒得香而肉保留濕潤，吃落也夠味，很有水準，而另一款炸豬手，老弟叫來送啤一流。

再加兩款小吃三人除開百零蚊，這裡還是會再來的西餐飯堂。

睇見下午茶餐價錢ok, 於是入去。不過心有些小不安，因為客人相對附近餐廳少。zero 等待時間。
結果坐下，order 了茶餐。

唔使10分鐘，好快有餐飲，不過等了一個鐘都無野食

問了起碼3次才有waiter 答你唔見左單！而且已經無你先前order 既茶餐！

真係難怪無人去,以後都唔會去。

一個話自己係經理又冇膽回應唔見單既男人，只識叫你比錢，真係吃到一肚氣！

結果要了$38 最平既茶餐要加一，真係當比乞兒。

I saw the afternoon tea set menu and thought it was reasonable price to try. That's why I went inside. Actually I was bit worry about the food / service quality as there are always empty chairs which is a bit unusual especially for such a busy area.
My friend and I ordered two different tea sets. The drinks served so quick. I thought the food should be served within a short period of time. Unfortunately nobody cares how long we were waiting but probably an hour we're still waiting for foods. When we called the waiter for help, she then ignored us. We then called another guy to check for us. But still no reply. My stomach was too hungry to wait any longer. That's why I called the 3rd time. The answer was really shocked. The foods we ordered weren't found. Even worse, what I ordered was no longer served!

The so called manager was no responding. Only a waiter gave us such irresponsible reply. What a service this restaurant gave to the customers! Though we wanted to leave but they dare to charge us for drinks without meals.

Certainly I would share my unpresent experience to all people in hk. How can a restaurant offer such service and not responsive. I wouldn't go there anymore. One time try is already too much. It is a price for a lesson.

今日黎開荃灣,咁搵野食啦,其實呢間野之前新開已經想試,但係就見個食評唔算好好,咁打消左個念頭,點知又路經,朋友話試下新開的,咁好啦,反正其實我係幾中意citywalk的,我都好想試下呢到既野。
咁入到去,選擇唔算好多,諗住黎呢到都係食鐵板嫁啦,叫左個牛柳,朋友叫西冷,咁我地都加廿蚊要湯同包同餐茶,牛都一樣五成熟。
咁我就驚白湯會太飽,又驚羅宋湯會辣,我係出面飲過幾間d羅宋湯都係辣的,我問個waitress 辣唔辣,佢帶有嘲笑&不屑的語氣同我講話咪同你平時出去飲個d一樣囉。呢樣真係令我不爽。之後黎左個湯,係唔辣的,都幾好飲,個包幾鬆軟,之後就黎個主菜啦,佢d汁好少,我地都要叫佢加汁,我d意粉痴哂底,又搞到勁硬,我都從未試過咁,但味道可以接受的,至於個扒,我既牛柳完全係三成熟,而朋友的西冷簡直係七成熟,咁又係,.3+7=10,除返二咪兩個五成囉=.=呢樣野好唔掂喎,好彩我接受到佢咁血淋淋,個扒都幾有牛味,有牛汁,佢係好生,但唔算話滲血水,亦易切,但未至於有留在口腔的牛感,還尚算可以的
不過以呢個價錢同呢個服務,我應該唔會再黎。

上個月尾同男友專程黎呢度食龍蝦餐慶生
男友有次經過呢頭就spot到呢間餐廳~ 佢實在太為食喇
於是乎等到我生日就一齊黎試下龍蝦餐
menu上面有好多個餐, 有諗過叫alacarte龍蝦，但一個既份量已經夠４個人食=__=""
所以最後只叫左2個龍蝦餐, 我就配肉眼, 男友就配牛柳
白湯, 唔好飲, 淡貿貿同好稀, 飲左兩啖就放低

龍蝦餐上枱, 好有鐵板燒味道~ 兩隻龍蝦都好大隻, 肉質都算幾鮮甜, 有蝦膏
每人仲送多隻蟹蚶, yummy!
反而肉眼就差少少, 冧但唔夠肉味...
牛柳OK

環境
整間餐廳都好有情調, 行簡約風, 最鍾意佢頂部吊下來的燈,
我地坐既位置夠private, 但係就係水吧隔離, 有點兒怪怪的....

價錢
唔exactly記得個餐幾錢, 約莫係$16x蚊, 連湯同野飲, 收加一

以呢個價錢食到咁大隻龍蝦其實都抵食, 但短期內未必會去試,
如大家未去過, 都可以去試一次既=)