17
8
6
港鐵太子站 C2 出口; 近彌敦道
繼續閱讀
開飯介紹
一間合餐廳和酒吧於一身的食店，而且裝修精緻，環境柔和，可以與三五知己暢談聊天。
繼續閱讀
營業時間
星期一至日
11:00 - 06:00
以上資料只供參考, 請與餐廳確認詳情
招牌菜
我同朋友去食飯，由8:00左右食到12:00左右，總結食物方面ok，但服務員的態度非常差…成班服務員掛住傾計，係咁舉手都無人應…一係就扮見唔到，非常失望……之前去過旺角個間，雖然細，但招呼ok,而家呢間大, 但職員真係唔得，之後有朋友講無人認，有個女人(應該職位唔低既)就笑笑口，完全無誠意，真係無下次…
繼續閱讀
又到Happy hour ,女友們又未食飯，又想玩dart,又想飲酒，又要吹⋯⋯水，要滿足女人真係唔係咁簡單，好彩我記得有間叫歌德餐廳，哥到真係咩到有，樓上係雀房，波樓,dart,樓下係睇波,飲酒，食飯等等！早到早享受，唔駛等位。我就唔係好餓，就叫左個晚餐「香草肉醬吞那魚焗意」 。連餐包同湯。想開胃，就梗係飲羅宋啦！試啖👄先，湯唔夠濃，什菜有，但可惜佢地無落牛尾等其他配料去煮，否則口感層次會再豐富D，又有D肉食下嘛。餐包是蒜茸包，正！ 但脆唔脆先， 咬落鬆脆，乾淨利落，後面枱都聽到！但蒜味唔夠濃，有點可惜。鴛鴦意粉又點呢，面層芝士焗到金黃色，咬落有口感，但芝士味唔夠濃郁，肉醬就無咩特別，正正常常，但吞那魚肉肉質粗糙不夠嫩滑，又無咩味。意粉還可以，不是太腍。最後可以+$18轉啤酒。每人消費大約$100+食物質素算係咁。食飽野過隔離玩兩手Dart先💫
繼續閱讀
在3號風球的晚上，又大風大雨，但都要食同玩架嘛，朋友想snooker一下，所以去咗歌德 18:30左右到，唔駛等位都仲有位任君選擇！始終都係酒吧，環境一定黑黑地，方便⋯咩呀嘛⋯ ，環境清潔一般，但個廁所就好似明日之後咁，水龍頭爛，廁格就無人清理⋯⋯等等，如同祖國一樣想嘔⋯算！時間關係，叫咗「韓焼薄切牛肉鉄板飯」 ，有餐湯和蒜茸包。羅宋湯不算太熱，料都多，湯唔「傑」，味道不太酸和無辣。個人接受。蒜茸包就死脆，最好就一定外脆內軟，但，現實係殘酷！蒜茸味道唔夠rich!都係唔太熱！頭盤完，正盤上。鉄板上所以賣相好吸引和整齊，好感度+1。先淋上甜甜地的秘製醬汁， 點解好似欠咗一樣咗，就係無咗「炸炸」聲和白煙💨💦💧🙀，點解？！應該又係唔夠熱？！我係唔係要入廚房呢😤返回食卓，韓式指泡菜，我不是泡菜兒女，我比咗oba食。 薄切牛肉，切入幾腍，口感豐富，不會死腍，配合秒製醬汁沾埋食，剛才的不滿已經比3號波吹走曬 。d飯被隻蛋蓋住，隻蛋是太陽蛋當然無出事，但飯就唔夠水煮，偏硬⋯但有部分飯變咗飯蕉 ！正到爆 これはヤバイっすよ、飯蕉が大好き！忍唔住要爆日文 2人埋單$200（包埋加一）算佢合格，比佢過關！
繼續閱讀
是日帶媽媽出街街，同妹妹想帶佢食好d，屋企比較少食西餐，媽媽又驚我地破費，於是去定openrice揀一輪最後選擇呢間餐廳。我眼中要ok好食用料唔差身處旺角坐得舒服每人$150樓上是常識吧！最後每人先$120，媽媽妹妹食量唔細最後都食唔晒，你話係咪好抵?咁都要再睇埋食物質素先可以比分嘅
叫左兩個普通晚餐，有包湯主菜飲品，包係香脆蒜茸包，好似pizzahut咁好食，湯ok la唔係好特別但好飲，主菜方面咖啡牛肉薄餅份量勁多，咖哩茶餐廳口味合番香港人口味，拿茶記口味唔代表唔好食，佢係人水準嘅茶記味道，牛肉好腍仲有牛筋，夾埋落薄餅度好好味，食完可能你會覺得漏，唔怕旁邊有沙律，個sauce味道簡單得黎好味喎天使麵惹味，炒得好香，食完一啖又一啖。另外吖左一個set頭盤田螺好香蒜茸味，不過估唔到側根pet薯蓉都好食，落左牛油??酥皮湯係媽媽摯愛，我就覺得唔差左d唔夠香，主菜塊扒幾腍，叫七成真係七成，肉旁d肥肉好香牛油味，平時我唔食呢d肥野個焗薯唔知點解咩都冇落都咁好食，係薯仔品種問題??最後仲有雪糕，話知佢係雀巢i dun care唯一要批評就係服務態度，全部都唔想做冇表情講野lur，叫極都冇人黎...點解總係美中不足?
繼續閱讀
我作為午餐常客，一次又一次被同三位女侍應留難，甚至乎到昨午竟然被她們要脅拒絕幫我點餐。我見差不多過了午飯繁忙時間又有兩張大枱，我一個人坐了張梳化卡位，但被她們無禮要脅我先調坐角位的鐵枱鐵椅才幫我點餐。講真如果有四位客入座，問我是否介意轉枱，我絕對樂意。原本打算自己堂食再買份外賣的，最後我到了別間常到的冰室吃，雖然搭枱，但侍應對我有傾有講好熱情，我也吃得好開心。其實這三位女侍應不只一次，大前日我幫襯時杯凍檸茶得兩片超薄檸檬和半塊檸檬皮，問她們能否加多一塊正常的檸檬時竟要向我索取五元，那我索性換過杯凍咖啡了結，餐廳就是這樣被員工浪費飲料。另外午餐一點前離座有九折，好多次她們會用十五分鐘沖餐飲再迫你三分鐘內飲完即走才可享用折扣優惠，結賬同時再企三四個客人在你前面望住你好快飲完讓枱。有次結賬放五百元在結賬簿側，被其中一位女侍應冇禮反問是我的嗎？什麼意思？有次等餐等了好耐，詢問是否漏單，我被其中一位女待應在全場裡大聲喝道邊有漏單，那我只想她幫我跟進食物，有必要大聲喝我嗎？我問心自己一直是個有禮貌唔該前唔該後的人，也不是挑剔的麻煩客，但昨天我真是忍無可忍在全場指住她們喝罵要脅我拒絕幫我點餐的行為，照鏡檢討自己。不過我對該餐廳的食物的確不錯，特別是午餐餐牌上的B餐或G餐。B餐一般是豬扒，雞扒，牛脷或者豬排。我最喜歡食BBQ汁燒的豬排，入口皮薄鬆脆而肉汁鮮嫩。G餐一般是雙併，除了豬扒，雞扒和豬排外，還會有厚豚肉，牛柳，肉眼牛扒和豬手選擇等等，配以德國肉腸或者秋刀魚。最受歡迎的是燒厚豚肉或者燒豬手配以鹽燒秋刀魚，受歡迎程度是午餐時間中段前已經沽清。牛柳和肉眼牛扒可以說是最差的食物，不知何解每次我食牛都總覺的好硬和好多根，但我又沒特別要求全熟或半熟。真可惜，食物質素幾好都沒用，餐廳的服務惡行差得令人髮止和憤怒。除非那三位女侍應不在，否則我以後也不再光顧。這樣下去只會將所有熟客一一趕走，好讓餐廳關門大吉。
繼續閱讀