八月壽星特別多，今晚正正要為三個八月之星慶祝生日，地點本來選了時代廣場的金滿庭，但晚上六時半後晚市不設訂座，朋友雖已預早去排隊，但近人齊時亦未見起色，最後致電利舞台的客家好棧仍然有位，便立即轉場。

小店位於廣場二十一樓，位置頗大，裝潢為一般新派酒樓格局，座位寬敞舒適。我們有幸被安排在落地玻璃窗旁，景觀不錯。

這裡主打各式客家菜，但也有其他中式家常小炒，其中更設套餐及特惠推介供客人選擇。由於我們人多，所以可以盡情點自己想吃的菜式。

麻香雲耳拌青瓜：麻醬香味濃郁，青瓜爽脆但不夠入味，反而滲滿麻醬的雲耳軟而不腍，口感更好。如果可以添些香辣味更是一流。
爽脆千層峰：把鹵水豬耳擠壓，然後切成片狀，心思之作。這裡的千層峰做到爽脆卻不鬆散，帶著陣陣鹵水香，以浙醋蘸吃味道更佳。
上海小籠包：與小弟昨日吃的鼎泰豐相比，這裡的小籠包較大，但外皮頗厚，雖然味道還算不錯，但始終稍遜一籌。
麻香雞絲粉皮：粉皮夠滑，麻醬香濃又不會過份稠，未算是吃過最好的，但也值得推介。
冬茸瑤柱海皇羮：海皇羮黏稠適中，味道較為清淡，但用上不少鮮蝦粒及蟹肉，鮮味十足卻不腥，不加胡椒粉也沒問題。
芝士牛油海中蝦伊麵：八隻海中蝦，以芝士焗龍蝦伊麵底方式處理。伊麵軟硬適中，配上芝士及牛油味皆重的湯汁，味道很好，反而中蝦不夠爽口彈牙，美中不足。
蟹籽珍珠賽螃蟹：雪白的賽螃蟹，配上伴碟的西蘭花及蟹籽，紅綠相襯，賣相吸引。蛋白嫩滑可口，夾雜著切成粒狀的珊瑚蚌，口感味道也好。主菜邊放置以蛋漿製成的鳥巢一個，但又沒有把賽螃蟹放在內，很奇怪。
銀魚仔蒸茄瓜：$1 優惠小菜，清蒸茄瓜灑上豉油，配上少量銀魚仔。茄子煮得夠腍夠入味，滲入銀魚仔鮮香，很有家常小菜的味道。
遼步豆醬雞：也是 $1 優惠小菜，半隻雞以豆豉醬汁處理，雞肉不算太嫩滑，但醬汁卻很惹味，以這價錢而言，算是達到應有水準。
清蒸水蛋：本為肉碎蒸水蛋，但因席上客有不好肉者，所以特意吩咐店員走肉碎。蒸水蛋簡單灑上蔥粒豉油，外表平平無奇，入口雖缺蛋香但也很嫩滑，而且不會太鹹，單吃不送飯也沒問題。
濃湯蝦滑浸娃娃菜：濃湯味道頗重，正好為清淡的娃娃菜添些味道；蝦滑沒有想像中般爽口，而且蝦味不夠，似乎是為平凡的一道菜添些花巧吧。
瑤柱蛋白炒飯：炒飯不及鼎泰豐吃的蛋炒飯般香，但飯料尚算粒粒企身，口感不錯，而且不會過份油膩，不突出也不錯。
桂花水晶魚：製成魚狀的桂花糕，一碟兩件不算太大，但只售十元一碟，而且還有買二送一優惠。味道不太甜，略嫌桂花香味不足，但仍算清新之選。

由於有朋友生日，所以我們自攜朱古力蛋糕，小店亦不收切餅費，很好。

整體食物質素及味道皆不錯，店員服務態度也佳。而且我們一行九人不計三位壽星及兩位小朋友，每人消費一百八十，平均每人不到一百元，頗划算。

一般中式酒樓只適合大伙人光顧，但這裡也有二人及四人套餐，價錢豐儉由人；而且除了午市晚市，還有宵夜時段，似乎好中菜的朋友又多了個聚腳點哩。

好耐無去lunch, 原本去第二度飲茶架
但朋友話呢度平喎~咁就嚟咗lu
一班人叫咗10個點心左右, 每人45元啦
但係食物方面同質素,只係一般,無驚喜
最好味既既東西只有沙薑雞腳同南乳雞翼及炸魚球
其餘只係一般咋
大家千祈唔好食腸粉,好厚粉皮囉~蝦又少喎

係銅鑼灣來說係平,但又不算好平囉~

今年嫲嫲90歲大壽, 大人們決定去呢間吃晚飯, 點解選擇呢間? 因為方便行下工展會or 四圍行下...

是晚開了2圍, 食圍菜, $2680 十二位用, 另外加了2樣, 因為我地出席了共...28人..唔夠吃呢~

紫菜焗大蝦皇- 蝦夠大隻多肉, 配以炸脆了既紫菜, 指天椒粒+紅椒粒, 味道辣辣地, 好吃.

黃金知心丸- 炸蝦丸餡包芝士, 剛上呢樣餸時我行開了, 當我返到位想吃時, 表表們話小心爆餡, 但我咬一口...無爆餡喎, 可能凍了, 但表表們話, 有D有爆, 有D無爆餡唷~ 講返味道一般...彈牙既.

翡翠百合花枝鳳片- 味道普通, 唯一係好, 有好多本魚至愛既西芹.

玉環帶子百花浦- 帶子新鮮..但細粒咗D, 加了蝦膠都彈牙, 瓜夠軟淋, 可以

高湯竹笙雞絲翅 & 碧綠金錢鮑螺片- 味道同其他酒樓一樣, 味道無咩特別

清蒸雙老虎斑- 嘻, 一上枱, 表表們覺得好奇怪, 因為2條魚細過隻碟好多, 好大差距, 魚無蒸過火, 肉算滑溜, 但蔥花少了D..我地唔夠分唷~

酥皮焗原味雞- 嘩~ 呢樣要講, 先講酥皮, 味道複雜, 鹹鹹甜甜咁, 帶藥材味, 又唔係唔好食, 但好難形容既味道. 雞呢, 上枱一望個兜, 好似湯渣咁款, 表表們問姐姐, 點解D雞咁既, 姐姐話係客家既做法喎...味道呢, 好大既藥材味, 有當歸等既味, 嘩..表表們完全都無吃過, 即刻過比D大人...因為..我地唔鐘意呢~~

最後既黃金蝦炒飯, 雙喜伊麵, 甜品-桂花糕, 生果&壽包, 炒飯好味, 炒到粒粒分明, 加上鹹蛋黃, 好好味. 伊麵味道普通, 桂花糕, 好好笑, 用2隻碟上下壓住, 用拳頭打落去,形狀無變, 夠彈呀~ 生果&壽包普通囉.

另外了梅菜扣肉- 表表們吃得津津有味, 而本魚好怕吃呢D高脂既食物, 見表表們連汁都撈埋飯吃,就知好味唷~

總括環境可以, 因為我地包了房, 最低消費每圍$2600, 5點可供應房黎麻雀耍樂. 而食物, 本魚覺都幾多味精, 所以唔係食了好多野落肚唷~

P.S. 但同表表們一齊笑, 一齊癲, 點都好味呢!

平日2支公食飯，有錢就食日式料理、鋸下扒，冇錢就車仔麵、西式焗飯...都好少諗中菜，始終中菜係適合大夥人多d...

之前有個朋友好耐冇見，想坐得舒服點，又唔想食日本菜，所以就去利舞台搵下有咩好食。見到客家好棧有2人套餐，所以就即管試一試啦。

3餸1翅1白飯，非常足料，冇咩好挑剔。朋友嫌梅菜扣肉的肉不夠肥，不過我覺得肥瘦相間就更加符合健康，而且就算係guilty pleasure, 都冇咁guilty嘛~

餸菜選擇都算多，可以去多幾次

可惜係飽到食完行緊街先諗起未食糖水!!!

星期四, 晚上7點;
在交通癱瘓的銅鑼灣;
和媽及豬豬女友上了利舞台 食晚飯.

揀左好耐 , 最後決定上嚟客家好棧;

這裡其中一個好處就係有無敵夜景!!!

可惜, 俾人坐晒, 只好坐離個窗遠d 的位置.

睇完menu, 最後都冇全叫佢推介的菜色; 叫了富貴螺片豆腐, 扣肉及 芹香爽藕.
只有扣肉係推介的~

當然係扣肉先上; 聞一聞, 梅菜幾香;
但不算肥; 不夠一半係肥膏; 雖健康d 但不夠肥...

可能我成日都係食泉xx 喇....

d豉油少許甜; o岩好, 加上d梅菜, 送飯一流...
真係諗返起都流口水...

富貴螺片豆腐d螺片好似係菇味的texture, 唔知點解.
豆腐不錯, 但勁多獻汁.

芹香爽藕, 呢兩個菜好爽好夾, 但略為太多油了!!!

甜品叫了茶菓, 一籠有6個, 3個咸, 3個甜的;
咸的係蝦米及豬肉; 甜的有花生等;
個人比較愛咸的.

服務很好.

下次都係食推介好d....
ok 喇!~~

通常去飲茶，覺得幾抵
終於安排食了一次晚飯....

前菜: 牛展、青瓜、雞絲粉皮 (3款都好好味，我最鍾意雞絲粉皮)
主菜: 油鹽水菜心、雜菌紅燒豆腐、蝦干肉碎炆苦瓜、芝麻骨、黃金蝦 (菜心、豆腐同苦瓜都整得小鹽小油，讚! 芝麻骨、黃金蝦煮得好野味，雖然係煎炸餸菜，但感覺亦是唔太油)
甜品: 芝麻糊、杏仁露、芒果布甸 (當晚的芝麻糊有d酸味，通知服務員，佢地都好有禮貌地、樂意地幫我地cancel個order)

免茶位，5個人唔洗$500食到飽飽落樓，feeling good!!!

Went shopping in Causeway Bay on Friday night, Hubby intended to buy a pair of shoes in Times Square. However, ran out of his size, so we needed to wait for the shop to call in for stock for trial on another day. It was time to have dinner, we went upstairs to Chung Cuisine, wishing to have its set meal for one person again, however, it was full and the receptionist had no intention to ask us to wait for table. Okay, then off we went, there were queues in other Chinese restaurants too. So we went to this place.

We ordered a (魚甘)魚兩食, 冬瓜燉翅, 雜菌紅燒豆腐. Actually we had not tried (魚甘)魚 before, so did not know what it was like. One of the dish was a fried (魚甘)魚 with vegetables and another one was steamed (魚甘)魚 with fermented bean sauce.

冬瓜燉翅: Came in a small steam soup mug for each of us. The melon was nicely cut in round shape and the shark fin was placed on top. There was a piece of pompoy and also a piece of chicken underneath. Now this soup was on special promotion at $18 each serving. In term of its price, its quality was very okay. Not a bad choice.

(魚甘)魚兩食: fried (魚甘)魚 with vegetables then came. The (魚甘)魚 fillet was fried nicely in a large piece, however, it would be better if lesser oil was added. The vegetables were crispy. The steamed (魚甘)魚 with fermented bean sauce was nice. I appreciated that they did not add too much fermented bean sauce so giving the dish a lighter taste, which I preferred. Both dishes were nice and quite reasonable price. They were only $188 a set.


雜菌紅燒豆腐: This dish was not bad either. The tofu was deep fried nicely and yet was very soft inside. The sauce was also light. However, we found it hard to consume all three dishes, so in the end we had to takeaway almost the whole dish tofu home.

All in all, the dishes of this restaurant were not too bad. Hope that it added more seafood dishes as nowadays more and more people are more health conscious.

第二篇食評：客家好棧(利舞台店)

發覺愛上了寫食評，決定登記作會員去寫。第一篇是荃灣的某V字酒樓(笑)，這次是客家好棧。

認識的一位朋友決定從熟悉的地方到一個新的地方發展，少不了來一頓Farewell飯。一行十數人最理想的晚飯地點當然是可以辦「圓桌會議」的食肆。

最後由搞手選了客家好棧這地方。還記得數個月前曾到尖沙咀美麗華的分店作客，覺得這店的晚飯質素還可以，所以搞手才有這個決定。經過一輪決定，點了以下的套餐：

~友客情~

孜然醬燒蝦
琥珀花枝珊湖
鍋貼小唐菜
農家燉靚湯
秘制芝麻骨
柑桔檸檬蒸鱔
客家污糟雞
瑤柱銀絲娃娃菜
家鄉籠仔蒸飯
合時糕點

價錢$888一席，但這足以讓13人吃飽和吃不完，只因每道菜的分量都能滿足到「大食人仕」的要求。每道菜都能到一定的晚市水準，以下的是我心水推介，請看看吧！

鍋貼小唐菜：那是一個像「豆沙鍋餅」般的菜，只是外皮是脆脆的，裡面的不是豆沙，而是切碎了的小唐菜還有些其他配料，真的很好吃！明明說過要減肥的也忍不住吃了好幾塊，主因大慨是因為那個炸出來的皮很薄也脆，而且沒有油膩的感覺。個人推薦一定要熱食喔！

農家燉靚湯：那是個人有「食湯渣」的偏好(笑)，那些用來煲湯的用料有瘦肉、雞半隻、還有不知明的菇類(曾經有朋友說過但我忘了名字！)，不過我很喜歡吃那瘦肉，因為煲湯過後軟稔的，但肉質又不會很老。

秘制芝麻骨：好香口，又是外脆內稔的一道菜！有少少甜甜的醬汁在一起，多吃會覺得有點膩。

柑桔檸檬蒸鱔：因為我不大會吃魚所以以下只是朋友說的——吃的時候會吃到有淡淡的柑桔和檸檬的味道，雖然如此但和蒸鱔配搭卻又恰到好處。不過稍嫌鱔片切的不夠厚，薄薄一片吃起來不夠過癮。

家鄉籠仔蒸飯：蒸籠很大，裡面的飯和材料也很多。不過不大喜歡汁撈飯的朋友應該會不大喜歡這個飯，因為醬汁有點多，但和飯裡的肉類菇類配在一起吃就沒問題。

合時糕點：其實就是桂花糕。幸運地今次吃的桂花糕不是「要了命的甜」，只有淡淡的花香留在口腔裡。

雖然我們還點了蛋散和白飯等等，後來大家都只付了85元就已經超額滿足了生理所需。當然，那天晚上大家都好開心，留下了美好的回憶，這才是大家一起吃晚飯時，最重要的事。

又是溫馨提示：這個餐只有星期一至四晚上才有的喔！

星期六, 一點九.
和媽上來午餐.
嘩, 都好多人吓, 不過好采, 好 快有位.
坐下, 姐姐都好快手執了檯.
原來窗口位個景都好靚架~

唔知點解, 不太想食點心.
叫了個60蚊的2人炒粉+粥 set, 另加多個甜點.

都好快有得食.
炒烏冬略油, 預左;
味都不錯
肉絲都不少.

個粥比較遜色, 魚肚好少, 我食兩碗都係得幾舊.
但媽卻話佢碗幾多, 莫非去晒佢碗度??

甜點係剛整起的, 熱辣辣, 正~

幾抵食, 兩人埋單八十幾.

5月份聚餐又係去呢間我們經常惠顧既酒家吃晚飯。
是晚共點了六餸一湯：
燉茶樹菇湯...............老火靚湯；湯甜又香濃。
梅菜扣肉................一慣高水準；好出色。
蛋香桂花翅.................蛋炒得略過火，有點嚡口。
黃金雜菇炒翠肉瓜..............鹹香好味又唔油。
農家特式窩飯...............蝦醬香味濃郁；大堆頭一窩飯。
茄子梅菜蒸豆腐................驚喜之作，估不到這麼好味。
得米鴨...............是日酒家特賣餸，雖然只是價值九元，但鴨肉無理味道，碗低還泡滿油似東西，看着也倒胃，難食得很。
另外甜品杏仁茶香濃又不太甜；木瓜雪耳紅棗糖水就甜得緊要。

只因bb好想再食番佢地個炆米, 於是再次留兜

下午茶2.30後特價時段冇得訂枱, 都合理既..

叫左:
雞絲炆米($38): 今次比較乾身左, 但依然底食又好食
皮旦瘦肉粥: 上枱時不夠熱, 料足..ok
吞拿魚春卷: 幾好食, 口感味道特別.
鮑魚片灌湯餃: 跟普通灌湯餃無分別, 完完見不到什麼飽片, 好大隻, 湯好重味精
豬腳薑: 煮得算入味, 豬腳都好淋, 旦唔掂...以$18來計,分量偏少.

可以再黎, 2.30後喇.

上周三，我與朋友去客家好棧晚飯，兩人叫左一份二人餐，另再加一元雞。免茶芥、加一，貨真價實。尤其是花膠雜菜煲，好有水準，清淡健康，但又不失風味。而竹笙翅也不錯，真材實料。惟服務一般，地滑，我朋友不慎滑倒，店員竟然假裝看不到，直行直過。

星期六到客家好棧飲茶，第一印象是人手唔夠，服務一般；第二是衛生麻麻，碗碟較污糟油膩，以銅鑼灣吮嘅酒家來說，的確比較差。食物方面，大大話話食咗三、四十碟點心，整體質素普通，都無乜特別印象。不過價錢方面，認真抵食，任叫任食，十三人也不需$800，加上免茶免加一，純以價錢來說，可以一試。

[18/4/2009; Sat]

今天忽然間興起，又想同屋企人食飯，討論食乜期間，諗起稻香仲有一蚊雞優惠未做完，
又話去食一蚊雞，不過去稻香食好似無乜新意，哈哈，不如就去試下客家好棧既一蚊霸王雞。
睇一下個菜單，有一個推介，魽魚兩味(麵醬蒸頭腩及田園炒球)，仲有咕嚕肉送，
就點左呢個，
另外當然係點左一蚊雞喇，仲有係椰香蒸饅頭

麵醬蒸頭腩~~~~超好食，本身唔係好鍾意食魚腩，但呢個菜，連我呢個唔鍾意食魚腩的人，都不停食，佢蒸得好滑，雖然魚本身都多骨，但無損佢既美味。
田園炒球~~~~~魽魚肉炒肉豆，魚肉炒得好爽口，啖啖肉無骨，好食
霸王雞~~~~~~~一蚊雞用左霸王雞的做法，好食過穗香雞，不過都係好鞋
椰香饅頭~~~~~食唔到椰香味，不過我就無點煉奶，可能椰香味係果度


今晚食左
1蚊雞 3隻 = $3
魽魚兩味送咕嚕肉 = $166
椰香饅頭 = $20

4個人總共 = $191

超抵食，一人都唔駛$50
另外值得一讚的是，呢間店的待應哥哥，招呼得好好，又會同客人講下笑，
令食飯的氣氛好輕鬆，食飯都開心好多

22/3/2009 1900
知道這裡有$1雞,所以訂了1900位,但都要等半小時才有得入
3個人叫左以下幾樣野
霸王雞×2-分開兩次叫,第一次既好快黎到,ok啦唔太夠熱
第二次復單左好多次先黎,又係唔夠熱
海鮮煲(不太記得名字)-幾足料有蝦魷魚雞柳玉子豆腐芹菜等,唔錯
三個甜品-分別是桂花糕,熱杏仁露,凍楊枝甘露
桂花糕第一次俾錯左(正正方方那碟),後黎見隔離桌那碟不同的就問
才知正正方方的是送給客的,所以唔靚又少料
換番碟要俾錢的,花形的也晶瑩通透,料也多很多
杏仁露食倒有杏仁,以唔係全打甜品黎講算唔錯
楊枝甘露放左好耐都仲保持凍,料很多只是西柚酸了點
整餐三免:免茶免芥免加一,又唔知點解計少左個甜品錢,$100有找...