想吃這間素食餐廳已很久了，有一次來到，但未開門，不能品嚐。
由於正值齋期，餐廳要分兩段時間。我們選擇了第二時段，七點九才可進入。餐廳內位置很迫，可能人多關係，每個地方都擺滿枱椅，行人路亦没多大位置，我的椅子背部更緊貼別人的二人枱。

餐廳職員手快脚快幫手落單，食物送來的速度亦相當快。

齋鹵味 ： 一般貨式

泰式明爐魚：頗特別，用魚型爐明火盛載着，加上酸酸辣辣的醬汁，很惹味。

四川口水雞：有花生醬味，不辣，味道一般。

東坡醬汁肉方：做得很像，吃下亦有像肉的味道和肉的脂肪，醬汁濃郁。

海棠滑豆腐：没有什麼特色。

福卷拼乳豬：福卷熱，乳豬似，加上乳豬汁一起放進口裡，好味。

有朋友牙痛食唔到刺激野，就決定黎試試食齋

六點半就坐低左到七點幾等齊人先嗌野食都無人趕，可能因為我地早到啦
整體D野食都OK，同埋有D真係好似肉既口感，咕嚕素球就係~~
糖醋魚略嫌酸左少少，但炒年糕同素扒都幾好食
仲有避風塘炒飯都好正

提一提係個羊腩煲就麻麻地，唔似同埋無乜特別，味道都有D怪，可能始終都係素啦

九個人食左$640，七菜加一飯一炒河
都幾好食，不過份量係細左少少囉

好好食吖！！！
經常去食素，清吓腸胃．　食甘多間，呢間價錢，同味道算好好．　
唔記太得菜色d名。我首推柚子蜜炸素扒（圖），炸素扒上淋柚子蜜汁，超好食，唔油，鬆脆，唔似素。
另推褔壽綿綿，蒸小飽（似饅頭）包住脆素件加小小北京田鴨醬食, 個d 焗／炸脆素件好似北京田鴨
仲有南瓜海王翅（好似叫金湯海王翅）good good,　東波肉像真度都好高

我帶過班食肉獸friend去，佢地都接受到，所以呢間真係OK.

價格大約＄６０－７０一個餸．　地方見得人.

朋友生日想食啲特別o既嘢, 介紹咗佢嚟呢間食'齋'

餐牌同其他餐館冇咩分別, 但係全部'肉'同'海鮮'都係齋, 朋友對樣樣嘢食都好感興趣

樣樣都想試, 就叫咗:
魚生 - 外表同味道都勁似, 不過口感就仲差少少
齋卥味 - 味道一般, 可以不試
東坡肉 - 呢款味同口感都勁似, 啲'肉'做到一層層唔同質感, 好考功夫
乳豬 - 唔似, 加埋蒸包食, 一般
沙律海鮮卷 - 味道不錯
糖醋魚 - 呢個最好味, 酸酸甜甜的, 朋友最鍾意

食完呢餐'齋', 感覺新奇, 環境, 食物同服務都不錯, 應該會再幫襯

唯一缺點: 送的甜品 - 芋頭西米露, 勁'杰', 好似漿糊

態度極差, 一到了門個穿黑西裝的男服務員話0岩0岩坐滿哂, 我和男友都說唔緊要可以等, 之後個服務員便說其實都有一張桌不過要8.00PM交桌, 因為有人book了桌, 咁當時7.00PM食一個鐘都ok 啦, 7.15PM 落完單, 叫了個2人餐, 味道ok啦.
D野7.30pm到齊, 一路食一路見佢收起了則邊2張桌, 仲話收埋我地0個張先可以整到張大桌比人, 咁我地都即快食免得阻住人, 到7.45pm 0岩0岩食完碗粥就有個白衫男人走來而且語氣極差地說要同你包起d野嗎? 下唔係掛, 唔係8.00pm交桌嗎? 之後佢仲好惡咁望住我地, 咁樣對客, 根本就已經係趕你走, 唔好阻住佢, 再食下去都冇意思, 所以就埋單, 唔通而家個市真係好到咁, 有生意唔憂做? 細桌就唔係客, 大桌先係!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
走0個時8.00PM, 前前後後食0左幾個字, 趕過返工食 lunch, 既然都想整大桌, 點解又放我地入去呢? 入到去安排又唔妥善, 應變能力極低, 完全冇顧及客人的感受, 以後都唔會再去, 也會呼籲我的朋友不要光顧.

那日朋友生日 我們選擇去食素 聽聞旺角有一間素食好味好真素菜 我就與朋友來試食

我們叫了一個2人套餐 3餸1飯2湯2糖水 果然真的好好味 口感好真

不似食素 尤其個碟糖醋魚柳 超好味! 好似食梗真魚 乳豬也很好味 我們評分有85 加了10%

服務費連茶介$189 杯茶好貴呀!

已經唔係第一次o黎食
冇錯呢度d野係幾好食，東坡肉好似真肉，個湯雖然係素但係都好夠味!!菜亦上得好快，但係我覺得服務真係有問題。


本人食完飯，知dbs card有9折，就比card找數啦
點知個員工話我張card磁帶有問題，碌唔到......冇得比9折我!!

我好懷疑，食完飯後去買野再碌張dbs card, 完全冇事
我唔知係佢部機選擇性地有問題，定係佢存心唔想比折我!!!!!

We went there for our big sister's birthday dinner last night. Even though we've booked a table in advance but we still had to wait for 45 mins to be seated. It was totally packed with people in there.

I thought the food was going be very nice but I was very disappointed in the end. We ordered more than 10 different dishes. There were only 3 of them that were good. Others were just so-so. We were not impressed.

I don't think I will go there again.

天氣悶熱, 胃口大減, 心血來潮, 不如去食素, 順道清清腸胃。向來不好此道的我, 見各食友推介旺角的常悅素食, 毫不猶豫訂了一張二人枱。接電話的經理非常有禮, 只是說話好像未訓醒 (不過, 仍是有禮貌的 )。

很少去食素, 不太了解有甚麼是”必點菜”, 方便順手點了蠻多款式的二人餐：

金湯海皇羹 –從名字看來以為是素食店常見的粟米羹, 驚喜地是一個味道極濃的南瓜湯, 熱騰騰的,美味非常。

乳豬拼海蜇 – “乳豬皮” 相當脆, “肉” 的部份也很有肉的質感, 配合乳豬醬, 幾可亂真。涼拌海蜇加了微微的麻辣汁, 又是醒胃之作。

白靈菰扒時蔬 - 菜牌上寫明了白靈菰, 大家切勿誤會是弄得不好的素鮑魚喔。

菘子糖醋魚柳 - 這真一絕! 入口先是惹味香濃的糖醋汁, 一咬之後…咦? 明明是食素, 怎麼皮和肉都有魚味?? 質感結實彈牙之餘, 還真有一絲絲魚肉的口感。更離譜的是, 細嚼炸皮竟真嚐出魚鮮味! 若不事先知道是素食, 真以為是糖醋煎鮫魚。

迷你福建炒飯 - 迷你份量也算多, 二人每人兩大碗, 而且很足料。

隨餐奉送紫米露, 又是十分足料, 飽得捧著肚走!!

整體而言:
1- 食物味道非常不錯。對於未能食素的我來說, 確實驚喜萬分。不過大部份菜色味道頗濃, 雖然好吃, 似乎未必乎合想食清淡一點的食客。
2- 每一道菜是熱騰騰的奉上, 事實上很多食店連這個基本也辦不到呢。
3- 上餐速度很快, 基本上每道菜吃了一口, 另一道已到。
4- 可能我們7點前已到達, 還未坐滿, 所以寧靜舒適。

二人餐$148, 加一及茶芥, 盛惠$189。超值與否, 見仁見智。

門外長期站著大夥輪候的人
惜逢初一齋期光顧客人亦特別多
沒有訂位下等待約二十分鐘可以入座了．．．

三人慕名而來點了二人餐：

金湯海皇羹
用料是假蝦粒、假蟹柳、真粟米和真紅蘿蔔，
味道有點像金寶忌廉湯，好味道，不過含味精．．．

白靈菰扒時蔬
這道菜式在飲宴時也會吃到，表現平平
生菜有點灼黃了．．．

菘子糖醋魚柳
這個糖醋汁很好味，連白飯吃很「醒胃」，
至於魚柳方面，不清楚是豆粉、麵根、抑或芋頭弄出來的
質感很結實，有口感．．．

乳豬拼海蜇
外觀看來一點也不像乳豬，但味道真的有乳豬皮的膿味，
就連不吃豬肉的我差點也不敢放進口內
那些喬裝海蜇的麵條很爽口，不過份量很少．．．

迷你福建炒飯
這道迷你福建炒飯一點也不迷你
三人每人也分到三碗，比起先前幾道菜的分量差得遠
三人吃二人餐，吃完這牒飯後份量剛剛好足夠，又不用太飽．．．

紅豆沙
百蓮好合紅豆沙，有蓮又有沙，不太甜．．．

食物以外：
．建議訂檯
．門外替客人登記的部長先生很友善，他要求我們三人跟另外一對情侶「搭五人檯」送糖水
　但是我們點了二人餐本身也有糖水．．．
．他們為了多做點生意，店內的桌椅都擺得密麻麻的
．可能齋期客人眾多，侍應生都十分忙碌在店內走來走去，讓人進餐時有點不自在
．只點了二人餐$148+10%，結賬=$189，（茶錢也不少啊）
．整體食物是不錯的，但店內各種因素略為扣點分數．．．

尋日係初一既關係, 所以連帶朋友既生日飯都要係齋菜中渡過 環境不錯, 服務都不錯 (上菜時似去左大x樂...即係似食快餐咁) 味道都ok ka! 不過始終知道係全假宴...所以都係有所保留, 因有d防真度唔算太高. 但, 真係直得一讚係個"冬陰公" 好夠味 辣絕!! 最愛同d辣朋友食飯 一齊同聲 好味!! 有機飯, 糖醋魚, 煙燻鵝(呢樣無試到, 因黎錯既關係只影相留念), 涼拌粉皮再加多個鐵板牛肉(平時戎左, 今日食足佢), 呢幾樣齋送已係我既"常悅"推介, 不防一試! 最後, 佢地仲有壽包供應 HKD30 半打 (不過無拍下留念), 唔知係咪因為我地係食飽前講 / 玩得太多, 飽已凍 / 硬左lu~~ 下次都係唔熱唔食好d

之前係open rice 見到d 人介紹得幾吸引 (起碼應該個賣相會吸引到我個食肉男朋友, 令佢好過d 先啦) 就上去試下啦~

2 個人叫o左3 樣野:
1) 芋頭焗飯 <--- 好香
2) 東坡肉 <-- 好得意, 真係整到好似肉咁有一層脂肪 + 一層肉
3) 五柳魚 <-- 外脆內軟滑
$220 已經包括加一同茶錢,

食到好飽, 上菜快, 雖然要搭台, 但坐得都算舒服

好啦~ 到講o下有咩唔好啦
1) 講真... 真係唔係抵食o既朋友仔~
2) 等位o個時呢... 都有d 亂, 仲有比飛我地o個個人態度有d 輕佻, 不過入面d 待應o既服務態度都ok
3) d 野食個味比較重同多油, 我就係"濟" 多過飽 (雖然出街食已經預o左, 不過如果可以少d 油會好d 啦)
4) 我地出o左門口先知原來有信用card 優惠, 埋單, 落單o個時冇人同我地講wor~!!!

可以做好d o既:
1) 既然等位派飛o既, 就認飛唔好認人啦~
2) d chair 腳有rust, 搵d 野裝飾o下會好d
3) 無啦啦有個待應 (佢應該係唔小心) 拎條毛巾"發"到我地張台, 我同坐我隔離o個個都嚇o左一跳, 我地2 個就有d 無奈咁望住個待應o既背影遠去~~~ 希望佢下次小心d 啦

本來想比個喊樣ga, 不過d 食物o既賣相同個味都應該幾o岩食肉o既朋友, 所以都比個ok 啦~ 但係對於食素o既我就麻麻啦~~

Saturday suddenly wanna eat 素食 for dinner, search openrice and found that 常悅素食 is on the top of the list. Try to book table but the lady said "need to wait even booked". I can't understand what's the purpose of booking then. Anyway we (2 persons) arrived at 19:30, wait for several tables before go inside. The decoration is new style, some 素食 restaurant are old style indeed.

Most dishes cost $50-60. We ordered a 2-person set which cost $148.
1) 南瓜 cream soup x 2 - strong 南瓜 taste
2) 崧子糖醋魚柳 - 真的很像魚，其實內面是豆類製品, 讚不絕口，I like this so much, especially the sause which eat with rice is very good
3) 燒豬 (夾bread) - again is 豆類製品 but the skin is so crispy, not oily, bread is warm and soft enough
4) 鮑魚白菜 - many 素鮑魚 on top
5) 福建燴飯 - 味道跟正常的福建燴飯一樣，只是沒有蝦
6) 花生麥米粥 x 2 - 正常, no very sweet

In conclusion, I think all dishes are delicious and highly recommend this restaurant to vegetarian. Although each dishes are small in portion but in such case, we can try many different dishes. As last, we both feel very full. The price is reasonable. The service is good. Waiter re-fill water and clear the table frequently.

星期五晚，看了 openrice 其他食家的推介，於是和老婆到了常悅素食。

我們點了：
越式春卷：感覺好 fresh，用上越式米紙，內餡是白蘿蔔和紅蘿蔔切條，其實不錯。
魚翅炒蛋白：這味餸是最好吃的，有點像賽磅蟹，但加上素翅，加強了口感。
芋餅 + 蝦：我最不喜歡這味餸，蝦是不錯，很像蝦，但芋餅好油膩。

最後有甜品送，是麥米粥，只是微熱，不好食的。

要加分的是上菜速度勁快，不消十分鐘全部 order 的食物已上菜了，連傾計的時間也不夠。

但後來回家，我和老婆都肚屙，我想衛生是不是真的有點問題。

兩個人叫了三個餸也要 $22x，用料也是 cheap 野，也真的太貴了吧....

去完荃灣西方寺同玄圓學院等寺廟,下一站就係去MONG KOK食齋喇
由於去到果陣都只係7:00,唔係太多人,唔洗等位就直接入到去喇

環境都幾好,要讚一讚就係佢地既服務態度好好...
同寶寶叫左以下呢3樣:

沙拉腿球 $68 :真係同真既沙粒骨既肉好似,而且仲比果D好味得多,賣相一流,而且唔會炸得過火,亦唔會太多油,的確唔怪得咁多人會推薦

芝麻辣螺 $30 :唔係太辣,但同真螺既口感好似,完全唔覺得係食緊素

津白三絲炒年糕 $55 :呢個係最清淡既一道,終於有番少少食齋既感覺,年糕煙UN,配埋D菜,幾健康

素菜款式多,味道又中上,價錢合理,唔怪得到8點果陣會出現人龍...
雖然小女認為D野食同味道整到同肉冇分別,會同原本食齋既本意違背,但以現代人黎講,偶爾黎呢度食下飯都係個健康既選擇,有時唔需要太執著丫

是日與寶寶既3個月,係寧靜既環境下渡過,感謝你編排既行程.
(寫緊呢篇食評既同時,其實本周日就係4個月,睇黎好快又再寫過)