14
10
16
港鐵紅磡站 D1 出口
繼續閱讀
營業時間
星期一至六
07:30 - 00:00
星期日
12:00 - 23:00
以上資料只供參考, 請與餐廳確認詳情
食評 (43)
星期日返完教會，因為打算去科學館睇特展，所以過到嚟尖東，時為午飯時間，當然要醫醫肚先啦，心想都只喺填肚就算，所以就好隨意入咗「紅樹林」。一室以啡色為主系，木枱、木櫈、木架擺設、仿石牆，盡量配合店名。不過，鋪位細細，枱櫈排得幾密，加上唔少客，所以都有啲逼。加上無靠背木櫈，自不然喺希望你嚟得快，食得快，走得快啦。順帶一提，招呼麻麻，睇耐少少餐牌想揀食咩，個侍應阿姐都顯得好唔耐煩，其他侍應又木無表情，感覺令人食完走得咁快。雖然「紅樹林」主打台式，不過，翻一轉餐牌就知賣嘅嘢都幾雜。主要分為小食類及飯麵餐，因為都喺嚟食晏，故此，都喺晌飯麵餐度著手。飯麵餐整整有30款選擇，可配拉麵、烏冬、米線、米粉、通粉、白飯、泡飯、撈麵，套餐價喺包一杯冷熱飲品（$16以下小杯裝），如超過$16以上則需要補差價，轉大杯亦要+$5。五香牛展撈麵 $35（散叫） / $40（套餐）因為個碗大，有啲錯覺以為個撈麵好少，食落都足份量。攪起啲麵，加上無湯嘅緣故，下面墊住一大堆麵糰架，而麵條入口煙韌有咬口。此外，4大塊牛展，都算得上貨真價實，再者，炆煮得既腍且入味，都收貨架嘞，若然多啲汁就仲好。海苔雙雜菌泡飯 $31（散叫） / $36（套餐）飽肚之選，因為份量實在好多，泡飯多，草菇同磨菇亦多，所以，老婆食咗半碗就話飽晒，剩低嘅當然由小弟頂埋啦，好彩個撈麵唔算好大份，所以清埋半碗泡飯都絕無問題。講番個泡飯質素，咪睇佢湯色奶白，只喺不過不失，幸而未至於淡茂茂；草菇、磨菇別期望太多，罐頭貨色，勝在夠多。咖啡沙冰飲品若以$16以下計，其實選擇唔多，除基本嘅好立克、華田、啡茶之外，仲有細杯裝果汁茶系列。至於其他，如珍珠系列、咖啡系列、雪香系列、沙冰系列、特式熱飲、薑茶系列……等等，通通都要補差價。所以，小弟索性揀杯咖啡沙冰嚟爽快一下，都喺補多$5，就可以大大杯涼入心，咖啡味亦比期望中好。九製皇帝桔蜜喺店內人氣推介，有潤喉、化啖、止咳嘅功效，雖然老婆本身無咩毛病，但佢總喜歡飲得健康啲。杯內除咗有粒皇帝桔外，仲加多粒話梅，酸酸甜甜，幾有生津嘅感覺。整體嘅質素其實唔差，以今次嘅食後感，個人覺得笑與OK之間，不過招呼方面有所缺欠，拖低少少總分俾個OK佢。
繼續閱讀
唱完K去嘆吓台式茶餐~~椰香吐司有椰香又脆口，師傅很不專心（一），又漏單珍珠熱奶茶竟然忘記加珍珠，我沒有退回，埋單告訴收銀員，她退回$2。肥牛米線~肥牛份量不少濃湯加爽滑米線，但沒有蔬菜！！！師傅很不專心（二），肥牛米線漏單，其實只得兩枱客，又不是星期三、六，唔知道師傅做乜咁失魂？好在吃完腸胃都冇事！！！
繼續閱讀
這早上，在紅磡下了火車之後，我沒有直接去隧道口等巴士，反而，我行了去尖東找地方食個輕便早餐。當我踏入尖東，發覺時候原來己經不早，由原先想仔細尋覓變成隨便擇一，而我就以近為先地，選中了這一家《紅樹林》隨便一食。坐下之後，留意一下格局已經知道不妙，因為這不是我所要求的港式茶餐廳，這是一間台式餐廳。幸好，早餐是配合了香港人口味的，而鮑片火腿通粉是唯一一個我認為是合我胃口的食品。可是，似是骨湯但沒有肉味的湯底，已經令我難以接受，幸有味道濃的鮑魚絲，不然，整個味道就可以說是完全地乏味，而這個是台灣人的口味麼? 我覺得不是。奶茶，是台茶的那一種奶粉味，也就是沖好一杯茶，加上 coffee mate 的那一種味覺感受。凍飲加糖還可以，熱飲時，那一種奶味，只可以配咖啡而不是茶。不合胃口，也不正宗台味，而且坐位一點也不舒適，我一向都不太喜歡香港式的台灣餐廳，而這一次，我的確是來錯了。
繼續閱讀
假日係尖東行過，想求其揾間餐廳 tea...... 本來想試下後街既咖吔多，不過見唔多人，又見紅樹林價錢抵啲，開左咁多年，應該都有咁上下，點知中伏其實去呢類餐廳都無咩要求，始終尖東區，廿零蚊一個茶餐仲想咩要求？於是兩個人，點左一個肉燥米線餐＋椰香多士～～再加一個飛碟餐。初時覺得 service 都 okay, 老闆娘仲提我地如果只叫一個餐要補錢因為唔夠 min charge...... 咁預先講明都 okay, 其實我地只係未諗到第二個餐，先落住一個先～～～等左一陣，大大碗既肉燥米線黎到．．．第一下好驚訝咁大碗．．．但突然，老公拎住筷子想食時，老闆娘閃出，講左句 “咪住先” 然後就搶左碗野走．．．係搶．．．老公隻揸住筷子既手仲係半空，我地兩個都呆左一陣．．．然後等左一輪，都係有碗肉燥米線黎到，除左碗既 size 打左六折外，其實最難頂係個賣相．．．如果你攪錯左茶餐但廚房出左大碗，我覺得你可以砌返靚啲先比客囉。佢個賣相係就咁倒落細碗咁．．．啲米線散哂係面，肉燥左一粒右一粒，啲菜半浮半沉咁．．．well.....因為我地本身真係無咩要求，都唔想嘈啲咩．．．咪照食。味道普通無突出，但似肉碎多過肉燥。然後其他多士，飛碟，飲品都到齊，大部份野都不過不失，正常味道～～～ 但突然，老公食食下米線發覺有異物．．．係一粒發泡膠．．．我唔知粒膠係點黎，係邊度跌落去．．． 咁係餐廳食到呢啲，點都要同老闆娘講聲．．．但佢地反應係 "哦。係呀？換過碗比你好無？“．．．嗯，其實第一我就食完，都飽啦，第二，你換比我，我都唔敢食啦，第三，其實我又唔係想你比咩著數我，但講句唔好意思，唔好好似係我錯咁都 okay 掛．．．係完全無期待 + 要求下完成左一餐 tea...... 食物係普通，正常，但並唔覺得係台式野，只係茶餐廳野，而 service...... 我覺得衰過大排檔結論，無下次p.s. OR 話因為太少食物描述, 所以提議我轉非食評。雖然我真係好想比喊臉, 但當日面對咁既服務, 實在無心去品嚐食物, 所以, 無資格比分, 但各位想去既, 可以參考一下本人經歷。
繼續閱讀
因為一次偶然機會下, 發覺紅樹林同一樓的港潮樓應該是同一個阿媽之後, 幾乎每天都有同事叫外賣, 叫親都係同一個餐, 只因他好吃又肯送貨, 姐姐又好. (我絕對冇股份)今日又係同一個餐, 同一個姐姐送 五香肉丁米聽說很多茶餐廳因為肉丁罐頭價錢上漲, 每碗多加兩蚊.這裡一碗是$23連飲品, 都比外面抵.肉丁由最初粒粒有份量, 變到而加越來越少, 但因為味道不錯, 還是繼續.米粉好幼, 用筷子一夾就一大鑄, 內有椰菜.曾經試其他口味, 例如雜菜滷豆腐米, 沒想過得一片薄片豆腐, 收我$20. (我以為比漏兩片)也吃過炸嫩雞米, 是好吃的, 只是一照早就炸... 香腸厚吐司食量大了, 配上只需$5的厚吐司與香腸(另可選火腿, 炒蛋, 午餐肉), 可以飽到下午茶時段.吐司厚得超值, 包邊燒焦呈啡色, 好香口. 入面牛油是金黃色, 好分明.香腸是廚師腸, 現在街買一包都好貴, 所以加分. 百香果綠茶茶款有好多選擇, 冷熱, 口味~選完味道還可以選綠茶定紅茶, 可以以當天心情決定.百香果味濃, 配綠茶可淡化了甜味.紅樹林暫時只吃過早餐, N年前也有吃過晚餐但味道忘記了.
繼續閱讀