和民已是一間扎根於本地之大眾化日式餐廳，但價錢也不便宜，
其實...很久沒有光顧他了。最近東亞咭有優惠，部分菜色憑東亞卡
低至五折，很低食，所以前一晚已經訂位了。
今晚與親友共敍於荃灣廣場的(和民)，這裡裝修頗有日式風味，柔
和燈光下，走進九曲十三灣的通道，獨立的廂房，特顯(和民)獨有
的格調。
我們被安排在其中一廂房內，那裡座位頗為寬倘，環境唔錯，坐
得幾舒服，雖然招待我們的那位待應，沒有可掬的面容，但服務
也不錯，茶水都補得好足，上菜也很快，不用追，無漏單；因餸
菜碟數不少，基本是張檯都唔夠位放，雖然菜餸(啲式)一點，但賣
相頗精緻，味道也不錯，因檯長關係，餸菜要經常換位，大家才
可共享，雖然今晚每樣食少少，但也很飽。
和風比薩：每次到(和民)時，必定叫這個比薩，批底薄而脆，上層
鋪上雞肉、叉燒及蔥花等配料，焗到好香口，再添上醬汁，配
合這個醬汁，簡直是好到...無得彈！如要脆口？這個一定要襯熱食。
海鮮忌廉比薩：上層配料有蝦、帶子、魷魚、番茄、魚子等等。
加上忌廉焗制，熱烘烘的拿來吃，雖然這個批無(和風)批...那樣脆,
但忌廉與海鮮混合在一起的味道，好味到...難以形容！
豪華壽司盛合︰盛合是用長碟子載著，賣相頗為悅目，內有鰻
魚、鮭魚海鮮和炙燒帶子共三款組合而成的壽司，每款各二件，
三款配料鮮度可接受，壽司飯軟腍度適中，各飯卷內的青瓜絲很
新鮮脆口；鮭魚壽司，鮭魚是切成小塊配合沙律醬及小許蔥花，味
道頗鮮美；鰻魚壽司，鰻魚添上了少許蛋絲，雖然有少許鯹，但配
合醬汁青瓜，還是感覺甜美；炙燒帶子是用烤過的帶子，配合少許
醬汁，鮮甜可口。
特上壽司盛合︰盛合也是用長碟子載著，賣相也不遜於豪華壽司
盛合，內有照燒雞、吞拿魚腩和炙燒海老共三款組合而成的壽司
，每款各二件，壽司飯軟腍度適中；照燒雞是用照燒汁醃制，加
上小許蔥花及魚子，味道頗佳；炙燒海老，海老是指海蝦，面層添
上了少許魚子及醬汁，那是我的喜愛之一；吞拿魚腩配合少許醬汁
，添加少許魚子，味道也好。
三色刺身盛合：有三文魚、甜蝦、帶子共三種，三款刺身鮮度可
接受，而甜蝦、帶子比較鮮甜。
海老帶子沙律：配料有、炸蝦、炸帶子、蛋白碎、椰菜、生菜、
少量洋蔥絲及魚子，各樣用料也鮮美，除炸漿較油膩外，整體
配合得好好味！
焗芝士年糕：這個不是我點架，心想年糕點會好食架，送到來時，
等等....我試吓先，食落幾有(趙)口，不韌不黐牙，食吓食吓芝士嘅香
味出晒來，衰鬼！又幾啱配喎！越食越好味，最後食得最多竟然是我。
廣島燒餅：有椰菜、豬肉、蝦肉、木魚乾，食落味道也可以，那
種腍與粉的口感，我不甚喜歡。
燒章魚餅：麵粉多過鱆魚，味道也可以，連薑蓉同食又幾特別喎。
清酒煮蜆：酒味不濃，蜆肉雖少，但仍有蜆肉嘅鮮甜味，美中不
足者，間中有少少沙。
鐵板棒餃子：長長的餃子，每客共4隻，每人試半隻，煎功頗佳，
輕微帶金黃而不燶，咬落微微脆香，肉汁滲在舌中，香甜美味。
牛肉火鍋：豆腐、金菇、冬菇、紅蘿蔔、椰菜、牛肉；菜與菇類
用料頗鮮，豆腐幾滑，牛肉也可以，湯底清甜。
海鮮炒烏冬：配料有蜆、蝦、椰菜、青紅椒絲等，面上還添上少
量木魚碎，味道無乜特別，一般普通啦。
蒜香海鮮炒飯：材料有蟹肉、蝦和帶子，上面添上蟹籽及紫菜絲
，熱騰騰的送來，還嗅到了陣陣蒜香呢！炒飯夠乾身，食落好香
又好味，雖然咸了一點點，我仍然非常讚想這道炒飯。
番薯焦糖布甸：這道甜品，賣相很靚，樣子似焦糖燉蛋，食落也有
焦糖燉蛋的味道，但亦感番薯味道，我也很喜歡這道甜品。

$ 39 真係好抵食ga~
有雞扒飯,雖然話mini,真係幾大碗呀,唔可以睇少
另外有前菜的沙律,份量都唔少!!!!好味~
雜菜拉麵,在meau的圖中睇,完全唔知係咁大碗
大碗到真係有個8寸pizza咁大呀~ 張桌都差d無位放呀

當日lunch時段真係幾多人呀...幾爆滿~見d waiter真食忙
其實set lunch其中的幾份,真係3重奏...好多款食物要為客人送上,
waiter 真係bust busy呀~~

mini 照燒雞扒飯~~ d燒汁原來加在底部,
所以開頭食果陣,以為真係無乜汁..好似食緊白飯咁呀...
但個表面有好多開胃的沙律醬呀,
而且d雞扒真係優勝過吉野家tim~
個皮真係夠晒脆卜卜,jusicy呀~
紫菜1看~已經知道好新鮮

沙律~ 當然唔係只有圖中咁少啦
因為我食左好多先記得影相..haha~有椰菜,新鮮的紅蘿蔔,
還有甜甜的粟米呀

雜菜拉麵~ 真係好大碗呀..但都要等左好耐先黎呀,
不過份量真係勁多...除左碗大之外,d雜菜又好多~top 果塊牛油,撈落去食,真係好好味ga~好有牛油味~
個湯底有少少甜~有少少泡菜湯的feel!唔辣的

又有大大碗飯,又咁大大大大大碗麵~真係超飽...........
真係好似2人份量.........

檸茶...又係勁耐都唔黎呀,真係催左好多次.......
點知waiter話d杯用晒...真係一個好好笑的理由~hah!
不過服務態度真係好好

牛肉火鍋 - d牛肉唔老呀！！好味！！豆腐！！勁滑！！

白飯 + 面豉湯 + 青瓜 - 無意見,附合水準

三文魚 - 新鮮呀,唔錯呀

雞軟骨 - 好味,但細碟

海老蝦 - 我多數星期一都會食！！因為真係好好味！！（推介）

有一班鐘意食既同事，真開心．
每日都可以食好嘢，真係人生快事．
今次選擇”和民”．
我自己叫左個火鍋午餐，真係好少午餐食火鍋．
不過試下無防呀．

巨風提子
甜甜地，又凍．幾好呀．爽呀．

牛肉火鍋
日式火鍋汁係甜甜地，不過好食．畀埋個爐你，自己煮，Not Bad．

白飯 + 面豉湯 + 青瓜
畀珍珠飯你送火鍋唔錯呀，面豉湯 + 青瓜算過得去．

呢個午餐Ok架．搵次試埋其他餐先得．Yeah...爽呀．

話說今次第一次食和民....跟朋友聚會....
環境唔錯...服務好好...
坐低茶即到..店員還會自我介紹....YUKI!!!哈哈
食物價錢唔算貴...環境同服務同值...
坐得幾舒服...可以慢慢傾計...茶都補得好足...

-蟹肉芝心丸...芝士多到漏...炸得好香口...不過24-4粒..有點貴...
-豬軟骨拉麵...夠入味...微辣...香口...唔錯...
-朱古力溶蛋糕...好好味...朱古力醬夠正...
-朱古力雪糕...好足料....

唔算貴...比想像中好...服務周到....

石鍋鰻魚飯 + 沙拉 + 麵鼓湯 + 凍Lemon TEA

石鍋鰻魚飯 MY FAVOUR 鰻魚！好味！！唔"些"呀仲要
沙拉 : 依個水準一直都KEEP到呀下,個汁多d就最好
麵鼓湯 OK,,,,,淡,,,,,淡如水
凍Lemon TEA 得4份3杯,,,,,,,係咪有人偷飲過呀=.="

我會再黎呀,,,,,因星期一那個套餐始終最好味！！

不過可惜我等左差唔多20分鐘先有野食黎羅............
餓都餓死..................不過點解和民做野咁慢架..........

第1次去吃....本身都幾期待....聽聞服務很好
不過可能我跟朋友去,,中學生樣子少,,竟然沒有半跪的落菜..
傍邊的每次落也有半跪呢有點不愉快~

看了食評才去,,沒有什麼特別的菜色,,
叫了幾個較受歡迎的,,
味道還好吧....不過他家很多菜色都用芝士~
味道不是特別好吃~飽肚囉~

焗蟹肉芝士丸 : 這個要整粒放入口的,,溶了的芝士爆到成口都係~不然入面溶了的芝士就流到成碟都係,,浪費了~那個source很正~

和民沙律(半份) : 叫了半份這個,,白色的source有吞拿魚的,,很新鮮,,這個推薦呀~

焗芝士年糕 : 可能我本身不太好年糕,,不過煮得很林,,幾好咬口~

炸雞軟骨 : 我超喜歡雞軟骨的,,不過這兒的不太讚~和花亭的正超級多

明太子芝士燒玉子 : 超頂肚的,,很''流''味道很濃

鐵板鱆魚燒 : 這個很讚 , 由其是那些喜歡很鱆魚小丸子的一群, 餡料很多,醬料也超多呢~ 木魚超多~ 非常讚

綠茶紅豆丸子雪糕 : 本人不太好綠茶,不過也很好吃,,可能我偏愛別甜品~丸子都係糯米呢些,下面底部係一d叫''韓天''類似椰果的東東~ 可以一試~

對政治不太上心，然而六四的事件還是會令人熱血沸騰，當然，程度不及甜品衝擊。六四晚上又要赴荃灣飯局，就以六咸四甜，紀念一下這個特別節日吧：
　
六咸
脆雞翼($19)-減肥關係，這款油膩小食少食了，據龍講味道與麥記相似。
炸雞軟骨($29->免費)-是晚持DBS信用卡，除了可以訂位，還因惠顧滿$200而免費享用這客雞軟骨；新鮮炸起香脆可口的雞軟骨，略加點點檸檬汁香口美味，如非減肥一定大量吞下。
焗芝士年糕($34->$17)-又是DBS信用卡優惠，可以半價品嚐數款小食，這是其中一項；軟糯的年糕黏性特強，加上半芝士半醬油，味道豐富多變而美味，半價惠顧真是超值!
和風一口牛肉($49)-曾吃過煮得過熟又韌的出品，然而是晚的牛肉粉嫩滑溜，有牛味又香口，水準令人滿意!
豪華壽司盛合($54)-前後有饅魚、三文魚碎及鮮帶子3款，我每款也稍為試了點，味道正常，主要是賣相精緻討喜。
本格冷麵($42->$21)-又是DBS半價食品，帶有韓式風味、十分彈牙的冷麵口味清新而特別，在一眾較油膩的咸食中突圍而出，是整晚我幫襯最多的咸食。
　
四甜
朱古力溶岩蛋糕($29)-特別要求侍者加大雪糕，經過一番查問侍者極有禮的回覆說盡力加大些，結果還是細小。不過質從來比量重要，甜品的brownie朱古力味十分濃郁，濕潤的海棉質感更是吸引朱古力醬及雪糕的良好才材料，幾重滋味加在一起相當美味!如brownie可再熱點，有更大冷熱對比，將會是極端引誘的一款甜品!　
朱古力芭菲($29)-還記得去年六四也是去了和民(深圳店)，也有吃這款芭菲；要講忌廉有點多又膩，朱古力雪糕亦不夠香濃吸引，而最愛仍是吸收了雪糕的墊底粟米片，與其他甜品不同，每次都是期望快快見底!
草莓慕絲朱古力蛋糕($29)-春之特選料理，美而美矣，吸引只得香甜紅豆蓉，而草莓慕絲味道卻是俗不可耐，底層的朱古力海棉蛋糕又欠個性，甜魔也吃剩了1/3收場。
抹茶雪糕餡蜜丸子($19)-另一款春之料理--和風醬油紅豆小丸子售罄了，轉而幫襯這款小丸子甜品：和民的抹茶雪糕口味較淡，沒有難忘清香；配以紅豆還算不錯，但加上寒天則是多此一舉了，同時的小丸子也是普通。
　
講真，由首次幫襯和民開始，就知道它店水準高不得那裡去；然而，細細碟試更多是它最大賣點，加上殷勤的服務與不錯的環境，有信用卡優惠也實在值得拜訪的!

今天看到些不想看到的東西, 胃口沒有了, 於是今晚主攻涼快食物吧! 另外, 今天雖然接到壞消息, 但心情沒有太大的改變, 可能吃喝玩樂才是真正在乎的!

海鮮麻醬冷麵, $47, 麻醬鹹了一點, 但冷麵夠冷夠煙韌彈牙, 海鮮只有些熟蝦, 蟹柳, 吞拿魚, 生菜, 材料一般, 但味道不錯!

豪華壽司併, $54, 包括帶子, 吞拿魚碎及鰻魚各兩件, 每款也夾上酸酸的青瓜, 醬瓜, 沙律醬...味道頗夾, 但壽司飯缺乏黏性, 失去了靈魂!

再來一個海鮮辛辣冷麵, $49, 帶子, 北寄貝, 甜蝦...三文魚粒頗辣, 但呢個冷麵係浸在湯裡, 味道清淡一點, 也是夏天消暑之物!

由公民開始進駐本港後....使大受歡迎, 雖然現在熱潮已過, 但仍客似雲來, 是否因為太平凡, 得到別人歡心呢?

P.S. 今日為著同事生晨...積極籌備得龍飯局, 希望成事吧!

heehee今日去搵個舊同學食飯
佢提議食和民: D 說和民的lunch set 很優惠很吸引: )
選擇種類都算多，牛肉石頭飯係朋友的首選
不過佢成日黎食,石頭飯會好熱氣
所以佢點左餃子棒定食
我點左盛岡冷麵: )
每個lunch set都有個菜沙律
味道唔錯,係配芝麻汁(BB果隻牌子)
d菜幾新鮮: )
我的冷麵好快就黎到!
冷麵係浸住d汁,仲有幾粒冰tim: )
然後落醋食,,個冷麵真係好夠凍
d麵都好彈牙!好味: )
朋友既定食等左好耐呀
個餃子放左係個小鐵板上送黎..
佢話真係好熱好熱@@
但都好好味
我飲左杯柚子梳打好爽好好味: )
整體食品好滿意,
服務唔錯,又添茶又有禮貌: )

和民的小菜一向都覺得好好味=P
好開心呢次去食DINNER唔駛等位
記得之前未有甘多間餐廳開果陣,次次和民都要等位的

一口豆腐:次次都會必點的,
不過呢次無加醬油的=.=
不過口腐的口感也不錯,而且無木魚>口<有點失望

另外忌廉海鮮PIZZA真係好好味道
之前叫過其他款式的PIZZA都一樣咁好味呀
D忌廉加上芝士`,真係令我回味無窮

＊新推出<春節>的吉列豬扒沙律,食到好感動
關鍵就係d吉列豬扒,果個吉列部份真係炸到金黃色
而且個吉列皮同埋豬扒咬開後係分開的,好特別
未食過咁好味的吉列豬扒

＊新推出<春節>的紅豆,醬油小丸子
雖然細細粒，但係好煙煙＜ｕｎｕｎ＞的感覺
用那個好似葉的屏盤子裝住，賣相真係ｖｅｒｙ　ｇｄ
ｗａｉｔｅｒ開頭話今日賣晒醬油，不如要４串都係要紅豆汁‵
點知之後個ｃｈｅｆ可以即刻整返醬油２串，２串紅豆汁
真係開心＝］

食完出來後，原來呢道的人氣都係高企的
有１０多人在等位！

食評開始前，太公先旨聲明：雖然太公係馬仔的fans, 而剛好和民而家做緊「情人節馬仔」promotion, 但我唔係因為馬仔而走去食的；而係剛巧有朋友因禍得福，獲得和民VIP咭一張，有九折兼可以訂枱，所以一眾嘩鬼才選擇在和民聚會。

的確，不用等位的話，和民是個聚會好地點 - 坐得舒服，與鄰枱也有一定的空間。甫坐下，五個餓鬼就忍不住立刻點菜。

和民的沙律做得依舊出色；和民沙律用的果菜很新鮮甘脆，加上帶芝麻香的日本沙律醬汁，味香而不濃濁。

可惜現在的餐單上也再無太公最愛的海老牛油果沙律可選了，否則會更完滿。

特上壽司盛有三種壽司，每種兩件；太公吃了葱粒吞拿魚腩卷，吞拿魚腩份量雖少，但勝在筋少也夠新鮮甜美，味道清新。

七色剌身 - 顧名思義，七種剌身，每種至少三件；雖然用料也新鮮，魚生也夠鮮甜，但太公就嫌魚生整體偏薄；而且廚師為了要件數多，部份剌身如墨魚和帶子，切得只有小小一丁點 - 須知道在刺身的厚薄，對鮮味的影響也很大，正式的日本師傳很著重這一點，但和民很明顯就怱略了，糟蹋了本是如此美好的剌身。

熱食較一般；最失望的是明太子芝士玉子卷 - 雖然蛋卷煎得是不俗，蛋味也有，但明太子味實在薄得可憐，全都是芝士味 - 不如直接叫作芝士蛋卷好了，起碼食客也能在較清楚狀況的清楚下點菜。

廣島燒餅不俗 - 厚薄適中，底層煎得夠香；中間材料和麵糊也煎得夠爽口，內裏材料豐富，咬口十足，加上木魚乾和醬汁吃，好吃得很。

棒棒餃和鮭魚石狩鍋；只勝在材料夠好，使得味道能屬above average 的水準，但也沒有太大的驚艷感，不吃也沒甚麼捐失。

吃完一輪咸食，大家見肚皮尚有餘額，就要了甜品。

太公本來想要草苺芭菲，但無奈已售罄；然後要了抺茶雪糕丸子，又售罄...吓？！有這麼多人要吃這裏的甜品嗎？忍不住，爛口兩句，再要了個朱古力香舊布甸；幸好，得到了最後一個。

也因禍得福 - 別看這個朱古力香蕉布甸只是小小的一個，還不及太公的手掌大；不過，其布甸香滑非常，而且香蕉味濃郁，本身己是上佳之物；加上可可味濃烈的濃滑朱古力醬，足以每口布甸也沾上一點 - 朱古力和香蕉的香甜感在互相輝映之下，發揮得淋漓盡致！

加上，加上以馬仔封套入住的即影即有！ (吃到一半時，有位侍應走來要為我們五人拍一張免費寶麗來) 雖然太公猜輸未能據為已有，但能讓其為五嘩鬼的「瘋行」作個見證，已算一個小小的驚喜！

今日又帶細佬沖涼啦~~同媽咪又再食和民 !~
因為去到已經接近3點,所以有埋茶餐叫 ~~
上次因為星期六既關係,2點幾已經冇左LUNCH SET !今日終於有啦~
即刻叫左上次已經想試既和風漢堡扒定食 $49 ..
每個LUNCH SET都跟餐飲同沙律..
我要左綠茶,,淡如水呀....媽咪既西柚汁甜到漏...

先黎個和風pizza !我好鍾意食架...個底係類似太平梳打餅,
不過淋淋地既~~加埋少少沙律醬+一塊仔類似日本叉燒 ~~好正!
咬落去脆卜卜...一流~~一定要襯熱食,唔係好快會淋晒...

媽咪既豆腐牛肉石鍋飯~~有飯焦架..!不過佢話冇咩味咁,
又冇汁撈 .....唔好味 !!

我既漢堡扒定食終於黎啦 ,有麵豉湯+白飯
仲有前面呢碟扒 !左手邊米白色係薯蓉黎~~
幾好味..咸咸地 !!不過塊扒我好失望呀...............!
食落勁似食緊酒樓既牛肉.....
唔好味,總之食烏冬仲好啦 !!

不過入面都唔少甜品揀,樣樣都好正咁 !
下次真係要去試下...

本身見到個餐廳上有 和風漢堡扒定食..
不過因為過左lunch時間,所以冇晒..
最終叫左:
天婦羅烏冬:不過個天婦羅好細碟 !~所以另外叫多個雜錦天婦羅~個烏冬好好味~~
d麵幾彈牙,而且d湯咸咸地好味
雜錦天婦羅: 一個入面都有唔少,個炸金姑同炸雞最好味
媽咪揀左好耐先勉強揀到呢個
本格拉麵...
好大陣麻油味,不過佢話好難食啊 !!

睇戲前跟老公黎食dinner, 距離開場唔夠九個字,要快食!

叫左以下幾樣野:
炸蠔 - 39蚊有5隻, size唔算細, 所以幾抵食, 亦比預期炸得有水準, 幾好味~ 如果醬汁再多d會更好!
牛肉朴葉味噌燒 - 未食過和樂那個, 但原來和民依度都有, 即刻叫個黎試下, 侍應細心講解點煮, 就自己黎啦, 都幾快搞掂, 牛肉份量都幾多, 味噌汁剛剛好, 不會太咸, 又不會唔夠汁, 稍嫌配菜的菇菌不夠多, 如果可以有d菜就正啦~
豪華壽司盛合 - 三款卷物共六舊, 有帶子,鰻魚同鮭魚海鮮, 之前都試過, 味道不錯~
海鮮炒飯 - 份量唔多, 但之前食左小食, 真係唔需要食咁多飯了, 飯炒得香, 而且材料都幾多, 不錯~

上菜都幾快, 令我地趕得切去睇戲, 哈哈

總括黎講, 覺得而家的和民進步左!

會再黎架 =)