3
7
2
營業時間
星期一至日
07:00 - 00:00
以上資料只供參考, 請與餐廳確認詳情
食家推介
既然這間餐廳以刀削麵命名我便叫了一碗刀削麵作為晚餐配料是美味手撕雞而我很久沒有吃過刀削麵刀削麵不算太厚但是麵身較硬不過挺有口感其他麵很難給我這個感覺加上份量與平時的麵差唔多因此未食完麵已經開始出現飽肚的感覺美味手撕雞尚算易咬不過浸湯後肉變得太散不容易夾不浸湯則較凍味道不算好麵中有芫茜和洋蔥絲調味增加了麵的香味亦有3-4條生菜味道不差由於飲品要額外加錢所以我沒有加飲品結帳時付35元吃完幾乎10成飽這個價錢頗為抵食
繼續閱讀
天水圍天瑞邨係屋企來既，屬領展的。本身想食另一間，但人太多所以去呢間。酸辣紅暑粉加炸鳳爪。而家一路食一路打食評。由於湯底多油，所以食左好耐仲好熱，紅薯粉好多，多到應該可以一個大人一個細路食一碗，一個人食唔曬。幾酸，但唔香，因為唔係酸菜既酸味，係白醋既酸味，大家想像一下自己煮碗粉再倒白醋同辣油係咩味,放芽菜，花生，芫西就可以自己煮到。個湯已經夠曬hea, 炸鳳爪係咩味都無，仲要係實既。點解元朗既店唔係咁既？係味同公司來架，連個坐位都咁既（圖）？紅色短髮one lane頭既侍應女人又拍下同事，又講下時鐘酒店無夜晚時鐘租，又係廚房話咩幾點收工，一半國語一半廣東話，仲要好大聲串廚房女人，搞到個廚房女人打d 廚房用具， 真精彩！ 精彩！對來食野既我來講，只係想食個唔難食既安樂茶飯！但無囉，俾佢地嘈到我都燥埋。難食，嘈嘈閉，破裂坐位，我好難唔俾全一星
繼續閱讀
從來都覺得，湯麵係最美味嘅主要食糧。台灣牛肉麵、雲南麻辣米線、廣東雲吞麵、水餃麵、牛腩牛雜麵、上海担担麵、日本拉麵、桂林過橋米線、港式車仔麵…無論係天寒地凍食到口吐煙霧，定係食到大汗淋漓邊啜冰飲，一樣食得過癮！下午4點，到天瑞生記食牛肉麵。店面唔算細，可能時間關係只得幾位客人，反而舒服，悠悠閒慢慢嘆。店內以中式吊燈作裝飾，新開張時應該唔錯，而家就略顯殘舊，牆紙污漬斑斑，卡座坐位大部份都佈滿裂痕。雖然餐牌上有刀削麵下午茶套餐，但配餸似早餐…雪菜肉絲、沙嗲牛肉、火腿蛋…上次食過覺得普通，今次點正價蘭州牛肉刀削麵，同樣送餐飲，只比下午茶貴十蚊，大大碗好美味！蘭州牛肉麵配料較多，有芫荽、咸酸菜、芽菜同半隻蛋，加上中度麻辣好惹味！牛肉相信係用牛腩部位，牛味重，切得細細碎碎，但份量適中都唔會太少；湯底有牛肉鮮甜味之外，仲有花辣八角等香料，再加上配料嘅甜酸、麻、香、辣，味度十分濃郁！刀削麵上桌時熱辣辣, 口感煙煙韌韌，可能我食嘢太慢，食到最後有點淋。同台灣牛肉麵好唔同，後者無配菜，湯底有中藥材味，感覺好滋補；牛肉多數用牛，一碗三、四件，厚身軟滑，滋味無窮。兩者皆我所愛!餐飲方面不值一提，普通茶餐廳水準。我點熱鴛鴦，奶茶味還可以，奶夠多，咖啡部份微酸，唔係我杯啡！
繼續閱讀
嚟到呢一度就梗係試吓佢嘅招牌刀削麵啦。入到去好大間冇乜人，感覺上有啲冷清。咁今次呢我就叫咗個刀削面配雞扒。份量都幾足夠，賣相亦都唔錯。麵條睇落都夠闊，不過啲面食落感覺上有啲厚，口感食落去比較硬身。另外雞扒食落去感覺上有啲冰鮮味，麻麻地
繼續閱讀
生記之前去過元朗分店覺得幾好吃，有次無意中發現天水圍有分店 ，我上網看下食評 ，似乎評價麻麻,前天有事去天瑞,我做完自己私人事之後在天瑞揾下有咩食，順便幫屋企人買外賣，屋企人話要吃生記,我決定試下天水圍店,生記天水圍店位於天瑞商場1樓，自從搬到天水圍之後，主要在這區揾下有咩好吃食，集中在新北江,天瑞真是少來,生記天水圍店第一次來，我入座之後有店員走來寫野,我点了福州餃，飲品要了奶茶，另外再幫屋企人買五香牛展,因為不是我吃，我冇影相,亦唔知好唔好吃，我覺得這間分店比想像中一般,我所叫福州餃刀削麵，刀削麵係幾好吃，福州餃就麻麻地 ,我覺得好似唔夠熟，看上去有些小偏偏紅，我一向不吃麻辣野,湯底揀了不辣，湯底不算太咸,我覺得都OK,奶茶就一般,服務就一般,環境又OK,地方尚算舒適，我估不是屋企人話要吃這間 ，未必入來光顧，我覺得元朗店好吃好多，這裡未必再來食物水準福州餃刀削麵，我覺得刀削麵好吃，刀削麵口感較粗,福州餃反而麻麻,我吃下去時候唔夠熟，福州餃看上去偏紅，湯底就一般奶茶，我覺得奶茶夠滑，茶味唔夠，因為買了外賣個陣,亦是點了奶茶外賣給屋企人,我買回屋企之後屋企人話好難飲服務我覺得這裡服務一般環境地方適中，座位尚算舒適價錢埋單79元 ，平均40元番吃未必再來
繼續閱讀