5
3
0
港鐵太和站 A 出口, 步行約11分鐘
繼續閱讀
營業時間
星期一至日
10:00 - 23:30
以上資料只供參考, 請與餐廳確認詳情
食家推介
今日特登專程到大埔游水,原因是游完後晚上想再試這間食好D的麻辣雞煲,這雞煲上次食完後非常掂,香濃惹味,非常難忘,所以找機會再試。游完水,差不多六點了,到達門口,便見老闆娘非常忙碌,連門口都放了幾張臨時大檯。但,進店後我感到既非常好運但又很失望,原因是老闆娘話做完今晚要臨時結業幾個月,皆因又是業主見其好生意大幅加约80%租金,確是離譜。但好楚我是今晚而又六點來光顧,否則遲20分鐘又或下星期才來,便摸門鈔無緣再試。最後一夜,當然要整煲大,原隻的麻辣雞煲,order後製作需時,因即時處理,等了大概15分鐘上檯,果然保持上次水準,開蓋後香氣十足,陣陣麻辣氣味好香,味道幾濃,加上洋蔥、紅蔥頭、青椒同白豆寇配搭適當,香料既味道令整煲雞非常惹味。而雞有雞味,非常新鮮,食落很入口。加上白飯,更是滿足。現在想起都不禁流口水!食完雞煲後,伙記再加湯底便可當火煱吃,所以order了兩碟配料品嘗,黑毛豬和響鈴,由於滲透着麻辣雞湯底之味道,配上 響鈴特別好味,今餐非常大飽口福。吃飽後,由於有其他已訂檯的食客到來,所以不阻老闆娘佢地多做幾單生意,依依不捨地埋單走人。希望不久將來,你們能找到好位置我再幫襯。😋😋原隻雞煲,$208送生菜食完雞加上湯底再吃火煱響鈴黑毛豬乳鴿
繼續閱讀
深夜在大埔 忽然有點餓意,便在附近找了間小廚一試!店內貼滿食物照片,有各式各樣的菜式,可惜該日只有我與友人,因此只點了店內的兩款必食推介!首先老板娘很友善的招呼我們,又向我們介紹一下招牌菜,最後我們選擇了蜜汁話梅豬手和砵酒美國桶蠔煲。本人是一位豬手控,因此去許多地方都會點豬手,這次的豬手軟硬尚算適中,只有一點點太腍,不過口感這東西也是因人而異!說到味道,豬手的話梅味很重,醬汁搶了很多味,相對地豬手的味道也被覆蓋了,但有一點非常重要又做得非常好的就是毛去得很乾淨!耐何份量太少,性價比沒有想像中高,下次或許試試其他招牌菜吧!這款砵酒美國桶蠔煲也是這間小廚的必食推介,於是便打算一試。雖然數量上只有四隻蠔,但每隻都大約有半隻手掌(每一份的份量以重量計算)。可能本人較愛嫩口的口感,因此這道菜式對我而言,烹飪時間可能稍微過長,甚至洋蔥也不爽口了。味道有淡淡的酒香,亦不會太濃烈蓋過蠔本身獨特的味道,所以只可以說整體上不過不失。雖然味道只是不過不失,性價比也不算高。但老闆娘態度非常好,即使休息時間在即,仍友善地叫我們慢慢享用,見我有幾下咳嗽又馬上拿紙巾給我,的確留下不錯的印象!營業時間更到午夜一點,若然深夜在大埔,的確可以考慮。
繼續閱讀
無得操拳,又食!密密食 ﹗辣友之夜,一定要有咁辣食咁辣,左搵右搵,決定黎食好 D 一試啦 ﹗舖位都幾寬敞,不過燈光陰暗,衛生一般,內外都散發著街坊舊飯店味道。侍應哥哥姐姐們服務算殷勤,待客有禮,笑面迎人,感覺幾舒服。已上網做定功課,心裡有數要點什麼菜的了,不過點都要遁例翻弄 menu 幾回,睇下有否新發現。落完 order 齊齊啤啤去,一路等一路嘆啖冰凍啤酒啦 ﹗麻辣黃金皮蛋,人氣小食。又會咁透明既?自己醃架?上面劈醬好鬼咸囉,完全唔辣又唔麻既?紅卜卜得個樣。味道跟皮蛋沒有分別,整體不過不失,賣相就夠特別,一試無妨。炸芝心丸,又一人氣小食。金黃香口外皮熱辣辣,脹卜卜,肥嘟嘟,好可愛有趣。半溶芝心配上肉丸味道又幾好食喎。招牌菜麻甩雞煲,真係招牌菜?食落有股苦澀味,您唔係諗住落左苦啤酒就叫麻甩掛 ﹗麻甩雞煲少辣一隻,嘥氣!少辣完全唔辣,直頭係甜,不過越食就越澀,食到最尾係苦味,大家越食越慢唔想食落去。雞肉肉質合格,不太差。粉絲肉蟹煲,最好食係粉絲肉蟹煲,真係好好味呢 ﹗蟹鮮多肉又大又甜,粉絲嚥韌彈牙充滿蟹香,勁好味!炒蜆,並無出水先炒,係生炒有誠意,彈牙多汁勁肥美,鮮甜無比,讚!
繼續閱讀
同朋友慶祝生日,本來想去附近另一家雞煲,不過因為太多人而轉黎呢間。雖然呢間名氣無咁大,不過其實一直都好想試下~一去到,服務員就同我地講鋪入面既位已經滿晒,介唔介意坐外面,當晚天氣唔錯,所以我地選擇坐出面。服務員亦好快手快腳開好枱俾我地。坐係樹下打邊爐,樹葉係旁邊隨風飄落真係好浪漫~我地叫小辣麻甩雞煲,因為製作需時,姐姐幫我地落左雞煲先,我地就再慢慢念叫咩火煱料。之後佢地仲會成日行出黎睇下我地有無咩需要,幫我地個煲添水,同埋留意到個火俾風吹,所以幫我地個爐加個風檔。服務應真細心~麻甩雞煲好滿,香料既味道真係好香,唔係太辣,剛剛好~唔係太有雞味,不過 d 洋蔥、辣椒同豆寇既味道一念番起都流口水!可能因為之後要加水做火煱,味道都算幾濃~鍾意香料味道既一定覺得好正!而火煱料中規中矩,不過份量同附近火煱店中樣都係比較少,建議想食多D既點多份。總括黎講呢間食店都幾好,火煱料份量細,不過個雞煲、環境同服務就已經加番好多分~
繼續閱讀
之前見到有呢間餐廳啲相, 啲野食幾吸引, 今日約埋朋友嚟試吓呢個馬拉盞略咸, 餸飯比較好原本清蒸沙巴躉$128, 但係一場黎到, 梗係要試吓, 都值得一試, 佢仲會俾返個炸魚骨你, $520 功夫錢加食物質數都唔錯除咗個龍躉貴啲之外, 其他都正常價
繼續閱讀