來呢度bbq係好地方...我同4個朋友一齊踏單車來...點知落大雨0.0 順便來bbq...個日風涼水冷,真係好正,星期一至星期五,可以任食,每人都係60蚊+30蚊開爐費+每人一支6蚊的野飲...覺得好抵食^^食物方面都算幾齊全,不過唔鐘意食物放係膠盤上,感覺好污穢!!食物是醃得好好的...覺得雞全翼唔係好甜,其他的食物都很好味!

58~ 一位~ 好抵~
個晚又食左好多野~~~~


呢隻黃金雞翼~ 10個正~

個晚同細佬同佢女友~ 同埋佢地d 朋友一齊去 ~

個晚玩得好開心~ 帶埋囡囡去~

來緊summer會再去~

於勞動節踏單車後來這裡 BBQ
同意其他食家說像 "難民"一樣子, 可是食物卻是不錯.

這兒的人手安排很差. 人手不夠客人卻很多. 於是漫長的等待且要分開 3 個地方排隊.說實在, 如果不是友人們想在這兒吃..我一定放棄...因為太浪費時間...而且還要捱餓.

1. 先要排隊買食物套餐. 人龍長達50 人以上, 都仍是只有1 位阿姐落單. 等了又等. 最差是沒有蔬菜...連粟米同蕃薯都沒有

2. 排隊拿套餐的飲品. 又是等了又等..不過節奏總比落ORDER 快.

3.最後令人火起的排隊拿食物 - 人人持票等分食物..幾十人等 2-3 個阿姐執食物...因為食物沒有預先分好...又是等了又等..而且是叫 NO. 不佑為何有些較後的 NO. 會先拿到食物... 最差是到我們的時候連麵包都沒有了..過份 !

食物是分在膠盤上...真係十足"難民" FEEL.

其實食物是醃得好的.
無論是豬扒, 牛扒, 金沙骨都是相當入味. 鶢翼有辣有唔辣, 不錯.
是日最好的是燒鱔..真的是好美味.

可是這種 "難民" FEEL 既BBQ...食物做得再好都假..因為太混亂..試過次沒有想再來的理由.

踏單車到大尾篤，之後就來這兒bbq，因為當日是星期天，所以要點套餐。

五人套餐，牛扒、豬扒、雞扒、咖喱魷魚翼每人一件，麵包一袋，腸仔、紅腸、芝士腸等比較多，雞中翼就一人兩隻，丸類也很少，如果把減少一半腸，用來換多些丸和雞翼，就平衡了。另外，每人送一碗飲品，加四元可以要樽裝。其實套餐以外的食物，也可以自行選擇，我們要了一包棉花糖($15)和一人多一支樽裝飲料(各$10)。

扒類掩得不算入味，咖喱魷魚翼就很入味，最好吃就是叉燒。其實最重要還是自己慢慢的燒，把面層至香口，再加上蜜糖，很難會不好吃的。

這樣BBQ 其實也很方便，不用自己起火，什麼也準備好，價格又相宜，難怪在這樣偏僻的地方，也會有這麼多人。

最後，朋友們，在此謝過。

我住沙田, 得閒就幫襯燒烤王，因為一個字，好
以前兩個人拍拖一定黎這裡燒野食，一定吾去其他燒烤場, 兩個人任食都係$135, 再加$30開爐費, 雖然星期六日沒有任食及一磅磅計，但係都係超抵!!
仍然係大伙兒聚會嘅首選，其他燒烤場點同燒烤王比呀?!!

任食食物有:
咖喱魷魚翼, 黑椒牛, 蒜茸雞中翼, 洋蔥豬扒, 黑椒雞全翼, 山渣肉排, 多春魚,
廚師腸仔, 脆皮芝士腸, 玫瑰紅腸, 爽口魚蛋, 墨魚丸, 彈牙牛丸, 黑椒牛丸, 貢丸,
白麵包(牛油另買), 再加每人一樣飲品, 佢會比張飲品券你自己揀。

肉類全部都整得好好味, 好入味, 最愛魷魚翼, 我一個人起碼食8塊!! 就算排隊排一個鐘我都願意。

我住大埔, 細細個就會去大尾篤燒野食, 大個咗嫌麻煩, 所以燒野食一定黎燒烤王!!

以前唔駛收開爐費, 好鍾意兩個人拍拖拖黎燒野食, 兩個人任食都係$116, 超抵!!

而家兩個人要都要收$135, 再加$30開爐費, 計落貴咗好多, 就少咗兩個人閒日去食,
但仍然係大伙兒聚會嘅首選!!

我覺得任食最抵食, (但任食只有星期一至五供應)

任食食物有:
咖喱魷魚翼, 黑椒牛仔扒, 蒜茸雞中翼, 洋蔥豬扒, 黑椒雞全翼, 山渣肉排, 多春魚,
廚師腸仔, 脆皮芝士腸, 玫瑰紅腸, 爽口魚蛋, 墨魚丸, 彈牙牛丸, 黑椒牛丸, 貢丸,
麵包, 再加每人一樣飲品, 佢會比張飲品券你自己揀, 加錢要啤酒汽水都得。

肉類全部都整得好好味, 好入味, 最愛魷魚翼, 我一個人起碼食4塊!!

Hot, highly dense and poorly managed. We had to queue up for two hours for the food and another for the drinks. You are recommended to go there if your aim is not enjoying BBQ, but widening your life exposure by experiencing what's going on in African refugee camps. The only difference is that you have to pay.

除非你有排隊成癮, 如果唔係我諗唔到理由點解你仲要去呢個地獄

寥寥幾句都難洩我心頭的怒火

我成日都去呢度燒烤, 因為啲嘢醃得好好食. 而且個場大, 好CAUSAL, 可以帶埋狗仔去, 一齊玩. 小朋友可以玩滑梯.....有一個玩具店, 有些懷舊玩具~~~~

今日12個人去食咗個乳豬餐, 有好多嘢食, 最吸引當然係燒乳豬, 有個專人係你面前開個炭爐燒, 燒大約一小時. 燒完立即切, 好新鮮, 個皮非常脆!一定要試一試
個餐仲包牛扒, 豬扒, 雞翼, 腸仔, 魚蛋, 牛丸, 墨魚丸...等等, 所有基本嘢~~~
仲有一樣好, 你叫完一個餐之後, 燒幾耐都得, 冇時間限制.

另外, 值得一題, 如果鍾意食羊架的朋友, 一定要試試這裡的羊扒!! 醃得很好吃~~~

周日晚上幾經波折，終於都係決定去bbq，地點左揀右揀之下就在大尾篤燒烤王。

駕車在大尾督一帶看看，成條街都有好多間燒烤場，不過就係得呢間幾十幾十人入去，對面o個的好似拍哂烏蠅，人多總有原因吧，唔理咁多入左去先算。

來到先知原來假期唔係任食場，可散叫或套餐，不過價錢也不算貴，雖然我地得四個人，不過計落都係叫5人餐划算一點，$350有找，再要加多$30開爐費，意即一個人大約$90左右，包汽水或水一支。

餐入面有大量腸仔及芝士腸﹔牛扒、豬扒、魷魚扒及雞扒各人都有一件，叉燒粒大約八粒左右，仲有紅腸十數片，丸類十數粒，雞翼十隻左右，方包一大包，炭叉等無限供應。

地點可以選擇露天或有瓦遮頭，我地見今日都唔會落雨，就揀在露天的地方駐腳，貪佢涼風送爽又唔會好焗。

食物方面都幾好食，扒類醃得入味香口，不過丸就太少，雞翼亦都只係預一人兩隻，一人燒一輪都已經無哂，而0的雞肉腸就成廿幾條，略嫌太多，邊有人燒野人一人燒6條腸仔架？分番0的成本落去丸仔同埋雞翼度好喎﹗

呢度唔可以自攜食物同飲料，不過食家梗係唔理人勸告，紅酒侍候。

粟米、菇菜等要自己再買，我覺呢0的唔係太貴的食物其實可以自助等人可以攞來燒，就算唔自助都可以入埋落個餐度，成本又不是貴燒烤人士又有0的蔬菜落下肚，開心好多喎﹗

買了瓶蒜蓉牛油($5)做麵包多士，味道雖未算濃，不過自己燒出來總是覺得天上有地方無的﹗

啤酒最平的青島純生都係8蚊支吧，亦算抵飲，是晚飲左成打，6:30燒到10:30先捨得走人，整體來說環境都算不錯，係食物如果可以再多元化一點，同埋唔好咁多腸仔其實已幾好﹗

最後我地為免浪費拎左十幾條腸仔返屋企煮麵，總好過佢循環再用或掉左佢吧﹗

(真係唔明點解呢0的咁公眾既地方有0的成年人仲要帶組HiFi來炸機，大佬你身邊仲有好多人嘛，你愛聽歌自己帶headphone啦，歌又唔係好聽HIFI又拆，嘈鬼住對面搞到燒烤場好似disco咁，食都食得唔安樂，咁大自然的地方好應該靜心傾下計感受一下，搞到嘈亂巴閉呢0的人真係唔要得，我呢0的地盤工友讀書少，都要鬧一鬧﹗)

二個人，茶餐廳大排檔日本餐食來食去都個幾樣，咪諗下燒烤囉，同老公第二次來燒烤王，環境ok大，店鋪多，人都多，特別係學生多。

上次個朋友吾知點左乜野餐，但係同老公今次點個隻吾同，遠看老公好像滿載而歸，但係望真D，發覺有好多不同種類既丸，喜歡單吃丸類的人就開心了，肯定能夠滿足你對吃丸的慾望，睇來也是這裡的賣點。 見到個盆有兩隻一樣款色的雞亦，當然，我就好醒甘差起來燒，我老公就燒塊豬扒，吃起來，塊扒都幾爽口，但係沒有像其他人在網上所講的”好入味”，我老公就吾係甘喜歡個陣梳打粉味。 而雞亦，都算可以啦，款色就少D。

老公出門口時忘記換條短褲，結果我地吃肉，吸血蚊都一樣開餐，我老公好慘，心痛…

這裡學生們都幾多，吾知係咪讀書壓力大，聲浪大左D，其實這樣問題吾大，只是後來他們開始玩潑水個時潑親我老公，我們就真係忍吾住了，離開。

這間燒烤場都算係甘啦

聖誕過後....我地約埋一齊BBQ, 我地叫左個11人餐......一黎到個個就燒腸仔, 我發現我最愛既墨魚丸特別少....每人一粒....結果我要去買一磅返黎燒過, D雞翼醃得最好味, 其他扒類都唔錯, 仲有蕃薯, 但係俾我地燒到燶晒......

基本上真係好自助, 個地方好大, 又有無限既泊車位, 又有D小士多, 仲有煙火賣....幾特別....D職員只會負責幫你起爐, 跟住既野就自己搞掂, 果晚仲落雨, 好彩有野遮頭!

看了之前嘅食評，真係有點同事該食客的說法，因為我們在午後開始燒的關係，未算高峰期，當我們走的時候，約有百幾人在排隊(只是入單)，我想到他們有點開始燒，恐怕要成個等一小時吧！
講回食物，一行十人，大家要了一個八人套餐，有黑椒雞全翼、雞中翼、牛扒、丸類、腸仔、金沙骨、牛扒、麵包等等...，仲包埋八罐汽水 / 蒸餾水，但由於八人餐，只得八只叉，所以同事想叫員工比多兩隻叉，但堅持係比八隻，同事說就買多兩隻叉吧，好笑嘅係，員工話冇得賣，經一番唇舌後，最终比多了兩支叉！
食物得味道，果然是好味，餣得入味，好出色，個個同事都有讚冇彈！特別係黑椒雞全翼，真係好味道，仲有金沙骨，食咗少少愛上它，好彩佢有門市可以幫趁！

5.1同班fd踩完單車入去食,果然同呢度食評一樣,有醃到既扒類,蕃薯同丸類都唔錯,特別係芝心丸,至於咖哩魷魚只係得返D咖哩味,芝士腸脆皮腸之類最後都係剩返一大堆,原因又係條腸又硬又鞋

另外要彈既係假期千祈唔好去,其他幾間燒烤場都冇咁多人,唯獨呢間要排隊,而且一排係幾個鐘以上,位要自己搵,不設訂位,每個爐費咖加$30炭任燒

好似5.1個日有成幾百人係入面,但係落單得一個人,搞到條龍仲長過自由行掃LV,平均要排1.5-2個鐘,落完單之後仲要分開排水檔同拎食物檔,真係好考驗你同班fd既TEAM WORK,有牙齒印既fd一定打大交, 相反水檔有3-4個人收單,一般15分鐘內就搞掂

最慘都係拎食物個檔,幾十個人仲要排多個幾兩個鐘等野食,檔野得3個人負責,門面得1個阿姐又驚執錯又要不停跟單,執個人又慘等個D人又慘,真係希望佢地得閒搵下工聯會同職工盟幫下手

可憐我地隔離台人已經換左一轉等唔到,後尾黎個班等左3個鐘都未有得食,不過有度好,開完爐之後D炭幾廿個麻包袋咁多任你燒,冬天可以取暖,夏天可以濕蒸桑拿,一氧化碳任吸唔嬲

幫襯咗麥師傅嘅大尾篤燒烤王好多年，以前麥師傅會多ｄ露面，仲會同ｄ客傾兩句，又教我地點樣燒雞翼，而家已經好少見到佢出現啦！

咁多年都黎呢度燒野食，原因好簡單：ｄ野醃得好入味，好好食！講真食物嘅水準多年來都保持到，本人幫襯多年，comment如下：

１．）咖哩魷魚翼：頭號強烈推介！魷魚好易入口，咖哩醃到入哂味，燒緊個陣時ｄ咖哩味已經飄到四圍都係！

２．）黑椒雞翼：超好味！記住要叫黑椒雞翼，唔好叫洋蔥雞翼，黑椒燒出黎香口好多！

３．）洋蔥豬扒：又係超好味! 豬扒唔"鞋"易入口，醃得入味，正！

４．）黑椒牛扒：黑椒味適中，牛扒軟熟易入口，好味好味．．．．

５．）蜜汁叉燒粒：超級推介！記住要搽兩次蜜糖，燒到個叉燒頭有少少焦，嘩．．．．真係好耐無食過真正嘅蜜汁叉燒囉．．．．．

６．）炭燒豬頸肉：又係推介之一，醃到入哂味嘅豬頸肉用炭燒成即食，點會唔好味？！

７．）香腸／芝士腸：最唔掂就係呢兩樣！真係好敗筆，其他野唔好味就話可以避咗唔食啫！但係腸仔喎．．．燒野食唔可以無嫁喎！每次去都焗住要食ｄ唔好味嘅腸仔．．．．可唔可以轉番用廚師腸呀，麥師傅．．．．．

黎呢度燒野食每次都好開心，但係自從佢地改用POS收錢之後，惡夢便隨即開始．．．．．一部收銀機要照顧成個場咁多人，仲要ｄ員工一路吹水一路收錢，好慢．．．．慢成點呢？多人嘅時候，聞聞地排半個鐘先至落到order，仲要等多成15-20分鐘先有得攞野食，需知我地知道黎燒野食，個個都留哂肚，諗住可以食多ｄ，點知等成大半個鐘先有野食，真係餓到喊呀！！可唔可以改善下呀，麥師傅？

今天是HOLIDAY前最後兩天, 便約一班朋友去BBQ
由於大家唔想去太遠, 於是便去了大尾篤呢個地方

食物:
黑椒雞翼, 蒜蓉雞翼, 乳香雞翼, 豬扒
魷魚,雞扒, 墨魚丸,方包OK
腸仔, 獅子狗卷, 腸仔,紅腸, 牛丸唔得
芝士腸內無芝士, 簡直離譜, 過份...欺騙消費者

環境
如你ONLY一心燒野食便可CHOSE呢度
如你想有個空地玩下, 跑下, 走下, 絕不可能在此
因個地下好唔掂, TOLIET環境惡劣

好唔明點解咁多人來
只可說呢度係平D
每人消費最低60便可以

我們有九個人, 叫了一個6人餐和一磅散叫雞翼, 再加開爐費是$472
佢俾了八枝叉我們, 我認為OK, 唔會真的同時間有九個人一齊叉的, SO
我們便叫了咁樣ARRANGE
最多另外三人再買野飲來SHARE番