在OPENRICE找了數頁，發現這裡的價錢符合今天的預算，並有不少好評，雖是離公司遠了點，且不知道正確位置，但也決定一試~

開著iPHONE上的OPENRICE，用定位來幫我成功找到這間米線~

1:30PM，店內沒想像的多人，大約有半間店舖的食客左右吧，很快便點了雜會米線~

很快的便拿到外賣，急急腳回公司試一試~

米線 - 由外賣到公司10分鐘路程，吃時稍為林了些，但仍保留少許較口，相信堂食應該會不錯的~

牛脷 - 份量最多的，每片的厚薄相差也頗遠，薄的比較好吃，入口有少許牛脷的香味，但厚身的肉質較UN~

牛展 - 共3片，吃時有陣陣牛酥味，個人不喜歡~

紅腸 - 共2片，偏林身，但出乎意料地很有紅腸的香味~

牛肚 - 共3件，爽口且不UN，有牛肚味，不錯~

$19外賣一碗米線有這樣的水準，已算不錯了~

沒有辣味的米線總是有點失色，拿外賣時才記起這裡有酸辣米線，下回必要一試~

題外話：店外可以泊車的，雖不是標位，但也很多車泊，駕駛人士可考慮~

天時暑熱，真係胃口不大！

食返碗麵都 OK !

今次，我買咗 雲吞桂林米粉 $16 ( +$1 外賣 )
雲吞：菜肉比例均勻！新鮮兼好味！有 5粒咁多架！
湯：係清雞湯，少油！
桂林米粉：即係米線！可惜少咗啲！得果幾「住」米線！

真係到喉唔到肺！ 不過，我唔好意思問加底要幾$$ ？

堂食奉送：豆漿 / 熱菜蜜 / 酸梅湯

都是怪自己粗心大意!沒看清楚醫生卡片上的註診時間,星期五中午由金鐘趕到去紅磡才知下午休息.但更憨居的是現在才看見卡片上寫著上環有分所!自己還一直又過海又轉車,原來平時搭廿多元的士就到!倒轉來想也好,可多點來上環揾食嘛.永合成已去過多次但對面的桂林米粉卻未試過.於是就趁今天來一試.
望見餐牌上的小字密麻麻,看一會也找不到心水,最後終揀了雜會米線酸辣湯底及兩隻滷水雞翼.

雜會米線酸辣湯底----湯的味道是酸味比辣重,米粉本身的彈性不俗咽韌有咬口,配料有酸豆角粒及莞茜蔥,紅腸,牛肚,牛腱,木耳,但全部切得比燈影牛肉更薄!吃下去口感欠奉,反而冬菇是厚切還要有四、五片,味道倒也不俗.
滷水雞翼----滷水的味道偏淡,雞翼不入味.

價錢確是便宜,但很多時寧願付多一點來換取份量正常,而不是吃一些像表演刀功的薄切牛腱.

由於，上環平日食 lunch 又多人又迫又要等位！平日我通常買外賣返公司食！可以上吓網！舒舒服服！

每逢星期六，我先會出街食！

早排，上 Openrice 睇到呢間餐廳！

星期六，走去食！嘩！見到個 Menu，幾平呀！唔使$20，已經有好多選擇！

當然，最穩陣叫左雲吞桂林米粉！原來係米線！幾清幾好味！

夠哂平！月尾必定去食！

这家的桂林米粉很是地道，至今已推荐多人去光顾。

说实在话，我是比较不喜欢门面很富丽堂皇的食店，尤其是酒楼。
总觉得一进去就有种束手束脚的拘束感。
而一直深信，民以食为天的说法，多半起源于街边美食。

由于店面较小和简陋，我通常都是外卖回办公室吃。
牛肉酸辣过桥米线是最爱，外加一杯豆浆。
辣子可以自己放，放一点就好，一包的话会太辣，有碍品尝味道。

以20多元一碗的价格，汤料确是是够分量。
酸菜、花生又是其中的最爱。我每次都能吃到干干净净。

今日自己行遠d 食飯, 終於黎到哩間米線鋪. 以為咁平應該爆滿, 點知入面只係一個個既單身族
求其坐低睇下menu, 幾平既米線. 叫左個脆大腸米線, $18.
阿嬸幫我落單o個時問我加唔加辣, 我話少少. 睇返張單$23, 我問佢唔係$18咩, 佢話加酸辣加$5 (其實我都睇到佢menu 咁寫)
但我話阿嬸只係問我加唔加辣, 冇話加酸辣喎. 因為我唔食酸菜, 所以我覺得佢加$5 老屈我要酸辣唔合理mad
食慣譚仔, 辣同酸辣係分得好開架嘛.
阿嬸好不客氣咁話依家落左單就冇得改啦.huffy 轉個頭佢就拎左碗米線過黎, 真係快手
咁無計啦, 都黎左囉, 食完今次冇下次啦.mad

大腸米線. d 湯真係冇味精. 酸辣既湯都受到. 唔會太酸亦冇雲貴川酸縮既味
又話脆皮大腸, 一d 都唔脆, 只係大腸外層比較硬身. 唔知封乾左幾多日咁既款.huffy
米線一d 都唔彈牙, 但食落口冇食到成口粉既感覺都ok啦.

食食下發覺加左料
但見慣風浪既我, 無謂為一隻小昆蟲同佢理論. 我知同哩d 阿婆理論等於晒自己時間. 佢點會唔收錢, 點會換過碗比我, 就算換過我都唔會食.
本是同根生, 我哩碗有事, 咪即係碗碗都有事. 自己睇開d 啦
仲等我飲左咁多啖湯. 即刻拿拿林食完走.

d 湯冇味精, 但原來係用蟲仔黎熬. 係咪覺得份外好味呢.tongue

一年既最後一日都要受你氣

兩週前陪著大力女王去看中醫，順便請中醫師開了一帖清熱去燥的藥方，看能不能治治三十好幾還到處亂冒的的痘痘。

在中醫師的建議下，潮州鹵水、叉燒燒鵝燒鴨、咖哩、馬鈴薯、火鍋、炸物、辣食通通都要忌口，還不能喝啤酒，差不多快把我的人生意義去除了一半，因此我最近老是向大力女王抱怨「再這樣下去都餓死了」。

這可真是悲慘的人生呀！下班前不是想著晚餐要吃什麼，而是想著「晚餐能夠吃些什麼」，加上前一日在籃球場上奔跑兩小時的大腿、膝蓋與腰還在酸痛，不想去離家太遠的地方覓食，於是又來到了「新城桂林米粉」。

常來光顧這兒，透過玻璃可以看到老闆娘在廚房中處理著一鼎鼎熱氣騰騰的食材，冒著煙香味四溢，加上以淺色系為主的店裡始終乾乾淨淨，吃起東西令人感覺非常心安。

因為忌口，今晚不能點最愛的「酸辣冬菇肉絲米粉」，只能外帶一碗「冬菇肉絲米粉」。

看著碗裡滿滿的材料，肉絲滑嫩新鮮，小白菜苗沒有土味且燙的恰到好處，黑木耳咬下去會發出脆脆的聲音，冬菇厚實有淡淡香味，花生用來提味且帶來堅硬的口感，再加上夠Q夠彈性的米粉，全部沉浸在鮮甜的湯汁裡，不大快朵頤還要等些什麼呢！

這兒的湯頭是很不錯的，雖然湯頭的顏色不是非常清澈，但是喝起來非常鮮甜，吃完後也不會覺得口乾舌燥。

這麼豐盛的桂林米粉，有菜有肉有湯一碗才賣21元，如果真要挑剔些什麼，我會覺得是太大碗了，每次吃完都覺得肚子太漲，哈哈哈！

後記：最近兩次晚上去外帶，都只剩下老闆娘一個人在廚房與外場忙碌的進進出出，以往負責外場的阿姐不知道去那兒了，所以如果你覺得上菜的時間慢了點，我覺得也不要太苛責吧！不過最厲害的是老闆娘很厲害，一個人居然可以忙的過來，送上食物的時間也不比以往慢。

24-9-2009

Lunch 又到上環搵食, 今日想食碗湯粉, 嚟到街市附近的呢間. 餐牌上選擇太多又乜都想試少少, 結果好懶的叫了「雜會桂林米粉」($18).

先飲啖湯底, 係雞骨湯? 唔算好清澈, 味道就幾濃鮮, 帶點鹵水味, 都幾好飲, 不過飲多兩啖都幾鹹;「桂林米粉」賣相似米線, 食落就比米線更煙韌, 幾喜歡. 配料有金錢肚, 紅腸, 豬頭肉, 牛脷, 蔥花及花生, 每樣少少 -- 紅腸我一向唔太喜歡, 而金錢肚, 豬頭肉及牛脷應該係放入同一煲鹵水炆煮, 因為食落近乎完全一樣味 , 咬落亦樣樣都較爽口 花生就好脆口, 幾欣賞.

唔算超好食, 但 $20 有找, 實在好平, 下次再試加辣的湯底及其他 combination 吧.

週末假期, 上環比平日返工時間寧靜, 悠悠閒閒路過這間米粉店舖, 於是心血來潮走入去試一試。

我叫咗冬菇大腸桂林米線再加漿暴貢丸, 少辣! 最鍾意佢有花生、蔥、雲耳伴碗! 估唔到呢間唔顯眼嘅米粉店D米線幾好食, D大腸又好爽口, 酸酸辣辣好醒胃, 廿幾蚊包埋豆漿真係幾抵食!

不過可能平時返工時間好繁忙, 下次都係揀假期再嚟食!

近年主打雲南米線的店舖越開越多，如雨後春筍，至於另外一款近似雲南米線的桂林米粉，遭遇好像是有點堪苛，今天有事來到附近，也來重溫昔日風味，來吃碗平靚正的桂林米粉。

回想對上一次來吃，已是六七年前的事了，時光飛逝，今天到來，除了回味此處的米粉外，也預算要試多一個地方，所以最後決定兩人點兩碗米粉了事，因為此處的碟頭是不大的。

簡單的點了鹵菜乾撈桂林米粉及脆皮大腸桂林米粉，先談那碗乾撈的，除了那碗撈有醬油的米粉外，也另奉上一碗清湯，像極吃廣府的撈麵一樣，此湯喝起來完全不清，其實是一碗濃湯，喝起來鹽味很重，比湯米粉內的湯更鹹，肉味又不算很強，但以此湯的濃度來說，應該是湯米粉內的湯膽來的。

單看鹵菜乾撈桂林米粉的名字，本來還以為是一樣素吃來的，怎知來到的時候，是有大量的肉類的，以十八元一碗來說，真的是抵得交關。乾撈的桂林米粉是將灼過的桂林米粉，加了醬油、蒜蓉、蔥花及花生撈在一起，面頭的肉是牛展及切得很幼身的柏葉，牛展腍身而有點煙韌，吃起來一點也不嚡，也有肉香，柏葉也是韌但有咬口，牙齒也不太費力，已可解決，也是對版；至於米粉，也如上述所說，其實是近似雲南米線，吃起來也真的很相像，吃起來彈口有咬感，外層滑溜，比坊間很多的雲南米線要好吃，加上伴來的醬油、蒜蓉及蔥花香，真的很棒，尤其是那蒜蓉，真的又剁得幼而香，加上走過油的花生，偶爾咬中了，整口也會有濃濃的花生香，很不錯。

接下來的是脆皮大腸桂林米粉，今次的米粉放湯，而配料除了有豬大腸外，也有花生、雲耳及冬菇，也是慣性的先喝口湯，也是那種昔日的味道，是酸酸的非常開胃，米粉也是如上的一樣，既彈口有咬感，非常不錯，而配料也是便宜但好吃，雖然冬菇不是什麼靚花菇，菇香難求，但菇身夠厚有咬口，雲耳大大片的也爽嫩，而大腸是先被炸過的，吃起來又沒有異味，浸了湯還有點脆口的感覺，所以整體非常對版，雖然食材便宜，但店家是有認真處理過的，讚！

吃了一餐平靚正的桂林米粉，一於向下一站出發。

我諗上一次黎已經係大半年前既事喇…
今次應該係比上次早少少~
大概19:15就到…而客人都比上次多~
多數都要搭枱…
Auntie要左冬菇雞絲酸辣新竹米粉$22
媽媽就要雜會新竹米粉$18
我就要羅漢齋涼拌新竹米粉$18
每碗麵都會送一杯豆漿/酸梅湯/熱菜蜜…

冬菇雞絲酸辣新竹米粉好快上枱..一眼望到覺得好豐富…
因為d餸蓋到滿滿…auntie話酸辣度剛好~
而且佢幾欣賞d湯冇咩油…仲有d雞絲係已去皮~加上雞肉又唔嚡…
呢碗麵岩晒追求健康既佢~^^

雜會米粉有牛柏葉,紅腸, 豬脷, 牛”月展”. 我地要左走豬脷..所以其他餸比多少少~
牛”月展”係醃得入味..切得薄薄~~有咬口..
牛柏葉亦必得幼細~...呢個米粉可以試多d唔同款式既配料...
媽媽冇加酸辣..湯底係清雞湯…都係冇咩油..

夏天熱辣辣~我就幾鍾意食涼拌米…
涼拌米加左醋o係底~酸酸地夠開胃……
其實冇論揀咩配料既麵都有花生同兩條菜~
而涼拌既野多數都會有花生增加口感..我呢碗都唔例外~
羅漢齋則有雲耳,冬菇, 酸豆, 生菜同白菜仔…
雖然全部都係菜但食落唔覺口寡寡^^
冬菇厚~雲耳爽...
好大碗呀~食唔晒呢~
涼拌米會跟埋碗清雞湯..飲完唔覺口渴…唔通真係如menu上面寫冇加味精~?

呢度約有5張圓枱~有冷氣~有電視機…
多數都要搭枱..d侍應呀姐態度都幾好~
但係黎得呢d地方通常都係食完就走~所以對環境都唔會有咩特別要求…

今次係第二次去呢間食米線，朋友是米線痴，在附近返工，放工後諗唔到食咩野的時候，就會來呢度食。

我叫左個冬菇雞絲過橋桂林米粉，湯底酸酸地又有的辣，雞絲好滑好香，冬菇夠大粒，配菜黑木有口感，仲有花生、蔥、蒜頭等調味。大大碗，只係廿幾蚊，好抵食。

環境就不能夠有所要求啦，無冷氣，只有風扇，得果幾張檯仔，勝在有電視，要追劇的唔駛錯過重要劇集。

今日中午原本想一試<北方小館>的上海野，但想不起<北>的地址，唔緊要，呢條蘇杭街都好多正野食喎。好似有煲仔飯，雲南米線等等。

最後，選了今次的<新成桂林米粉>。店內坐位不多，我們二人沒有二人枱，所以要搭枱也沒所謂。

我點了<豬腸酸辣米線>，友人就點了<牛肉酸辣米線>。

小妹最愛的豬腸，加上米線的酸辣湯，其實湯底沒有太辣的感覺，反而酸味足夠，增加了食慾。

而友人的牛肉酸辣米線也不過不失，份量很足，連友人食量不少的人也可以吃得飽 哈

最後，每人的米線也可以跟一杯豆漿，只不過是廿二，廿三元，偶然來吃也不錯哦!

因為轉左工, 所以唔可以成日黎呢到幫趁, 咁岩有一日放假去開呢頭, 就走入去幫幫趁啦.
點左罹漢齋涼伴米線~ (走 GARLIC -因我唔想食到成口味) ;P

酸豆係向第二度食唔好既配料之一,
食個陣先飲幾啖湯,
再落D 辣粉入面到,
加倒少少湯落去,
ARM 曬而家天口興,
酸酸辣辣好醒胃~



值得一讚, 價錢竟然咁多年黎都無+過,
老闆娘很有良心WOR...

唯一缺點係, 夏天向入面食, 的確係會食到出汗的

1月24日, 最近我同呀比一齊染上米線癮~ 襯住今日星期六, 就悠悠閒同呀比落到上環呢間係蘇杭街近街市既街尾, 食又平又好味嘅新成桂林米粉喇!

::: 冬菇牛肉米粉 + 豆漿 ::: $20
大大碗足料米粉, 除咗主打嘅厚切冬菇同新鮮牛肉之外, 仲有大量白菜仔, 雲耳同花生! 份量足以令大食嘅我都爭d食唔晒! 冬菇清甜, 雲耳爽口. 白菜仔夠嫩, 花生又脆. 牛肉唔係淋patpat嘅, 其實仲有d韌位, 不過好有牛味, 食得出係新鮮牛肉. 米粉煙韌~ 湯底無味精~ 感覺好健康!!
午市食米粉都送野飲, 可以揀豆漿或酸梅湯. 豆漿係凍嘅, 而且豆味濃, 甜度適中~ 爽!

::: 香酥肉米粉 + 酸梅湯 ::: $18
眼大睇過籠搵唔到招牌什會米, 如果唔係會叫呢個… 見到香酥肉個名幾特別, 就試下. 湯底加酸辣, 嘩同雲南米線既酸辣好唔同~ 酸多過辣, 飲第一啖, 可能未慣, 酸到嗆喉~ 不過再飲幾啖就感覺到鮮甜味, 湯都差d飲晒, 一流! 嗜辣人士必定喜歡. 香酥肉有d似燒腩肉, 薄薄地唔太肥. 咬落d肉幾新鮮. 雲耳真係好多, 十分足料, 超晒值!

其實以前係中環返工時都周不時行過黎食. 基本上1點半開始會開始少人d~ d呀姐都好好相與架~ 雖然樓面有d舊, 不過如此價錢仲有野飲送, 我深深覺得呢間係一間有良心嘅健康食肆!