同幾位朋友飯局小聚，想吃江南菜，就來到這裡，很大原因是恒生卡吃套餐有七折。

世貿翻新後搬上十一樓，有半邊位置看到維港，環境還不錯，只是樓底很矮就算舖上地氈但坐落都幾嘈的。看過大菜牌，除西班牙火腿等新派菜外，蜜汁火方、東坡肉等傳統菜是幾吸引的，是日點的套餐，卻是一些無關痛癢的大江南北菜。

涼菜分別是淮揚風味鴨、蔥油海蜇、涼拌松耳，淮揚風味鴨其實是鹽水鴨，用上白滷水處理過，鴨肉嫩帶著恰到好處的鹹香，不錯；蔥油海蜇，蔥油帶甜，海蜇爽嫩，是幾味中最快清碟一味；涼拌松耳爽脆沒有雜味，下了些蔥油，簡單又美味，四人三味涼菜也算豐富，

涼菜未吃完，文思豆腐羹、乾燒明蝦球同樟茶燻雞，文思豆腐羹樣子對辦，豆腐切成薄絲掛上上湯羹，木耳及竹笙切得細緻，羹底滑而鮮美配上豆腐的滑絲，是味做得很好手功菜。乾燒明蝦球是招牌作，一客八件每人可分得兩件，蝦球新鮮爽嫩，拉油後配上帶點蒜香的酸辣汁，沒有難吃的道理，用料方面很認真。

帶四川特色的樟茶燻雞，雞醃得夠味，燻香溫和沒有糖燃起甜味，皮炸得焦脆不燶，肉質亦夠滑，是味不錯的炸子雞。

小葱金腿燒鹿筋，近期紐西蘭鹿大熱，東來順、西苑幾間高級酒家也做起來，鹿筋是無味之物，靠濃汁來燴才好吃，滬菜館應該做得比粵菜燴得夠身吧，是日的鹿筋黏軟美味，處理功夫做得十分好，汁是粵人吃慣的高湯味道，若換上再濃的醬汁去做得的，回更好吃。

甜品是南瓜蓮子露，打得很滑很甜的南瓜露，下了年糕，是不錯的，但不作為甜品，未免太清新了。七折價埋單每人二百二，菜式精緻用料認真，會再來試埋其他手功菜的。

上次食冇影相..
今次有喇..

醉雞 - 很有酒香 '雞有雞味' 隔黎果個的comment ha
小籠包 - 幾好味
翠綠'熷'雞湯麵 - 幾鮮味
拔絲蘋果 - 久候的甜品, 上次食過一次就十分中意!! waiter會起你面前浸冰cream soda, 表面凍&脆, 入面熱 好好味~十分推介!

原來仲有sea view位...
上次5人有小卡房坐, 幾private
唔平, 但都食得幾開心

因阿仔Godma生日,要食中菜,又未去過,所以去咗呢間度食.

之前都睇過吓d食評,同問過朋友,膽粗粗帶埋工人阿仔Godma同朋友一行6人食晚飯.招待無咩特別,可以接受,唔係差,又唔講得上算好.最好既就係訂咗星期五7pm,唔洗交番張枱出黎咁趕,0係銅鑼灣,仲係Friday night黎講,呢樣就超好.

1. 叫咗砂wor云吞雞:只係分得5碗(每碗1或2粒云吞);同埋得1/4隻超級細隻既雞腿.湯同云吞都算好味,湯就細碗咗勒.

2. 炒莧菜,份量都幾多,好入味.但唔知點解會打咗個'蜆'汁,變咗有d'結'.

3. 小蘢包 - 水準不過不失

4. 好似叫'杭州燻鴨'半隻,得0個半隻超瘦既鴨,要收唔記得係$150 or $160蚊,實在太貴!鴨肉都破入味,但真係太瘦,好似營養不良咁樣.

5. 糖糟排骨,酸味味,破入味同好食,呢個唔錯,連阿仔都指住要食.

6. 唔知叫咩xx魚塊,好咸.

甜品 - 煎八寶飯 + 高力豆沙香蕉, 水準ok.

多謝 - hk$800仲要係有某信用卡88折咗之後既價錢(分四份,因阿仔同工人都無咩點食野!)

整體黎講,加埋環境,一間房入面4張枱,兩大兩細,坐得都好舒服,.但食物就真係破貴吓,同埋都食得唔係太飽(但阿仔同工人已經無咩食野tim),亦唔算話好好味.但就比較鍾意環境同坐得舒服羅.

銅鑼灣在母親節夜當然全區爆滿．打了好多電話，一係冇位，一係分時段．最後我們選擇了世貿中心的綠楊村，因都係中菜配合這個節日．

我們選擇了８點半時段，更早半小時即８點已上去等，上面已有超過二十人在接待處企，一片怨氣，原來好多人都是八點的，一家大細老少女傭都到齊，當然激氣．

我地都好有耐性等到差不多九點，侍應都非常忙，但仍快手快腳的給我們set 枱，上茶和寫菜，最驚喜是上菜一點也不慢．我們點了東坡肉，用暖爐上，十分入味，肉質也非常爽軟．更高興是他們有醉羔蟹，是上海式生食，我們都大讚它新鮮又多羔，羔是鮮橙色的．招牌丁香雞，其實是凍白切雞配鹽焗汁，都唔錯．白飯也是圓亮的日本米．

我其實常跟客來午飯，唔知係跟客食冇心情還是點的都是十分基本的菜色如小籠飽，生煎飽等，都覺得一般而已．可能食飯都講運氣，偶然也會遇上特別美味的一餐．

其實值得一讚真是他們當晚的服務態度，忙而好．

以前見d食評話綠楊村麻麻,所以一直無黎試.
o個日o係Time Square睇完戲已經9點幾,老公提議話不如試下啦!
我地叫左:
- 糯米一字骨: 類似荷葉糯米飯,有一條金沙骨.我地要左兩件(逐件計的).d糯米滲滿荷葉香,金沙骨亦好鬆化,但係就油膩左少少;
- 酸辣湯: 好多料,酸辣味恰到好處,並且都幾大鍋,畢到六大碗;
- 小籠包: 皮薄餡靚,好多湯,唔會成嘴油;
- 香so鴨: 一d都唔肥,夾埋青瓜及甜醬食,實係好正! 不過d鴨皮就唔夠香脆;
- 豆板炒yin菜: 開頭我地以為係豆板醬,原來係上海毛豆. 呢個就普通啦,無乜特別.
Overall水準唔錯喎(我係半個上海人!),服務都好好丫,我地坐到11點,d waiter都無話黑面,仲主動黎同我地傾計,介紹下次我地可以試下邊d菜式. 完全唔係下面d食評講得咁差喎! 可能搬咗上世貿11樓之後換左d新人掛??
一定會再返黎捧場!

黎到個陣己經叫左野食, 據聞係套餐

食左都好多野(多到唔記得有幾多碟!),
d野都幾好食, 尤其係醉雞(好香酒味)同埋砂鍋雲吞雞(d湯好清甜)

可惜最後個甜品(腰果露)真係十個唔得!
等左好耐先黎不特止,腰果露一d腰果味都冇, 仲要連甜味都冇!

我地一致認為佢地預錯人數,加水煮返熱俾我地食lor

兩個月前先嚟過呢度食Lunch, 由於質素真係幾好,
所以今年2 月19 日呢餐春茗又再係度book 噃間房食飯,
同埋原來呢度啱啱搬咗, 都係響世貿中心裡面,
但就由P4 樓搬上樓上11 樓全層, 睇嚟有錢賺喎~~

坐底就先比杯熱茶我哋, 杯茶好香, 後來問噃職員,
佢哋話原來係桂花加烏龍茶嚟架! 有機會買晒兩隻茶葉自己沖嚟飲先~

先睇下今次既菜譜先~

"上海陸冷盤"
招脾丁香雞、滷汁醬牛肉、脆皮素鴨、
醬油海蜇皮、水晶餚肉、馬蘭頭白頁卷
招牌乾燒大明蝦
砂窩濃湯雲吞魚翅
雪火蒸雙星班
大千雞丁
外笋片塔棵菜
生煎包
綠楊素菜包
高力豆沙香蕉
合時鮮果拼盤

冷盤裡面, 除咗個滷汁醬牛肉, 樣樣都好好味,
個人最愛馬蘭頭白頁卷, 夠清新, 賣相又靚!
其次係招脾丁香雞, 啲肉好爽滑, 水晶餚肉亦唔肥膩, 好似食啫哩咁, 正!

跟住都係上次食過既「招牌乾燒大明蝦」, 個汁依然好好味!

之後係「砂窩濃湯雲吞魚翅」,
初時遠處睇職員將成盆雲吞魚翅分落碗時, 仲以為有麵既添,
點知............... 原來我哋睇到既唔係麵嚟架! 係一排排既翅呀!!!
啲雲吞好滑, 同埋雲吞皮有一點點啡色, 可能用蕎麥造, 但唔知點解仲超滑!!
個湯底亦果然超濃, 好魚湯味, 正!! 後來仲有湯淨, 職員仲幫比多碗我添!!

再嚟係「雪火蒸雙星班」, 即係用雪菜同火腿絲蒸,
呢個煮法又幾好味喎~ 不過都係鍾意用葱嚟蒸魚較有鮮味。

至於呢個「大千雞丁」咪比佢個樣嚇到,
其實只係超輕度既辣, 連我唔食辣既同事都食到,
不過個人覺得呢味餸應該係要夠辣先好味!

「外笋片塔棵菜」, 成餐唯一比較清既菜,
原來呢啲就係「塔棵菜」, 第一次食, 不過都冇乜特別啫~

「生煎包」及「綠楊素菜包」,
綠楊素菜包上次已經食過, 仍然好好味,
生煎包都好食, 但似乎差少少特別既感覺, 食落口普通咗啲。

最後全部人都期待既「高力豆沙香蕉」, 同時仲有鮮果盤,
高力豆沙仲熱熱哋, 旁邊依然有糖粉、糖醬及雲尼嗱醬比我哋點, 正!!
至於個鮮果盤就不過不失啦! 但好似上次好食啲, 因為上次有葡提子嘛~

呢餐我諗都係約三千蚊左右, 其實以公司食飯嚟講唔算貴,
但質素都幾好, 不過仍然都係個句, 上海菜, 此終比較重味呢~~

Ref : http://hk.myblog.yahoo.com/joycewai616/article?mid=5816

剛巧信用卡有8折優惠，就趁假期與家人歡聚一餐。

裝修後環境較有時代感，當晚有人包場，安排我坐房自成一角，感覺上「升級」了。如果我可以選擇的話，我寧揀坐大廳，沒有焗束感。

冷盤有脆鱔及雞絲粉皮，大家異口同聲說非常之差，就其是脆鱔，沒有蜜味之餘，而且是勁硬，要用點牙力才能咬開。雞絲粉皮太幼太碎，毫無口感。

砂鍋雲吞雞-已預先分好每人一碗後才上台，湯底幾甜，雲吞皮夠滑。

農家梅菜肋骨-梅菜味調教得恰好，鹹中帶甜，金沙骨亦非常入味。

蓮香一字骨-是每件計的，叫了三件大家分享。其實與糯米雞差不多，用荷葉包糯米飯，飯裡有一金沙骨，糯米飯軟硬適中，每粒也滲滿荷香。

紅燒獅子頭-特別在於盛載的器皿，只有三球細細的肉團，肉質很柔軟鬆化，汁味很濃稠。

西班牙火腿津白-因為沒有奶油，所以來得較清淡，但亦帶點火腿的鹹香。

炒手拉麵-麵條形狀相信是手拉，但缺乏彈牙口感，與一般的炒拉麵一樣，炒出來的麵略為多油。

甜品要了煎八寶飯及拔絲蘋果，八寶飯較為厚身少少，但因外層煎得很香口，裡面係軟，外脆內軟分外鮮明，味道不太甜，食後也太膩滯。

拔絲蘋果是用了忌廉汽水過冷，特別香。每件蘋果大小一致，黃金外層的焦糖做得很薄，入口特別脆。

除了頭兩款冷盤較差外，其餘都有水準，而且又有8折，每人不用$140，算很抵食。

地址: 改了銅鑼灣告士打道280 號世貿中心商場11樓

脆皮素鵝一口氣五件

東坡肉- 食落口真係正,一d唔覺得佢肥,好似係個口度識溶咁

小籠包,冇咩特別

生客服務欣勤

星期一, 12月31日, 女上司請食飯慶祝2008年既來臨, 我哋去咗世貿中心四樓間「上海綠楊村酒家」度食晏,仲要book 咗間房開兩圍食。
呢間酒家個裝修都幾好, 最鍾意佢塊餐巾擺放得好靚喎~~睇下菜譜先, 嘩... 睇唔明既... 的上海菜名, 睇完都唔係好知即係食乜...呢個時間先嚟一人一碟前菜, 左面係豆豆加蓮藕, 右邊係酸辣菜, 都幾好味!

有嘢食啦~~~ 第一碟:
江南六冷盤: 脆皮素鵝, 水晶餚肉, 蝦子鮮腐皮
樣樣都ok, 特別係個脆皮素鵝真係幾脆!!

五香燻魚, 花彫醉雞, 糖醋小刀骨
果然係上海嘢, 好濃味呀! 不過啱我! 仲有我好鍾意食既醉雞, 正!!

招牌乾燒游水海蝦
呢個菜啲汁多到丫... 不過隻蝦真係好大隻, 食完直頭有少少飽既感覺...

天麻燉乳鴿湯
嘩! 加咗藥材既湯水, 我最鍾意飲, 仲飲咗兩碗添!! 好好味!不過飲完好熱呀... 同埋真係開始飽......

松鼠原條桂花魚
又係好濃味既嘢食, 但幾好味架! 酸酸甜甜, 啱晒! 可以開胃少少嘛~~

仲有個魚頭添~~ 不過個個都開始飽, 冇人食...

樟木煙燻鴨
呢個都唔錯, 比較冇咁濃味啦! 仲有片包、青瓜片同少少葱可以一齊食。

小葱燒關東遼參
我都知呢味菜貴, 但係個賣相真係... 同埋又係超濃味, 有啲膩, 食完都唔知食咗啲乜...

揚州麵順
嘩! 超濃魚湯底, 正!! 不過啲刀切麵麻麻, 比較厚個啲個心仲有少少熟唔晒, 加上已經好飽, 大部份人都食整一半麵, 不過飲晒啲湯。

綠楊素菜飽
呢個又幾靚仔喎~~~ 唔知好唔好味呢???

裡面真係勁多菜, 雖然話係素, 但都好夠味呀! 外皮又靚!! 我哋個個話飽都食晒呀!! 如果唔係好飽, 真係想食多個!!

合時果盤
擺得好靚喎~~ 同埋啲生果都好新鮮好夠凍, 啲提子又冇核, Good!!

高力豆沙香蕉
最後仲有又係我好鍾意食既嘢, 高力豆沙, 原來除咗糖粉外, 仲可以加雲呢嗱醬同糖醬架!!不過我對糖醬嘛嘛, 所以只係加少少糖粉同雲呢嗱試下, 唔錯!

估唔到呢間嘢都Ok 喎~ 不過老實啲嘢真係太濃味,
但我知唔係酒家既問題, 而係本身上海嘢就係咁!!
埋單聽聞一檯約$2,600 , 咁又唔算貴喎! 啲嘢都質素既!同埋啲服務都唔差, 有機會都會再嚟過!

I quite like this restaurant. Had dinner with 3 other colleagues there last night. We ordered
(1) 四鮮烤麩... I like this one, esp the mushrooms, so much flavour, but there's a layer of oil on top
(2) 小籠包... thin sin and soup is sweet but the meat is just ok
(3) 西班牙火腿津白... dunno why they use the name of 'spanish ham' while it's a SH restaurant, so-so la this one is
(4) 糖醋排骨... ok good, the pork was fried, a bit crunchy at the edges, taste good with both sweet and sour in balance
(5) 雞肉燴noodles... so-so
(6) 2 bowls of rice
(7) 高力香蕉豆沙... I like it, there're 6 balls in total, they gave us 3 little dishes of dippings (honey, custard with vanilla seeds and icing sugar), I think it's quite special to have the custard as most restaurants serve this dessert with icing sugar. Woul dbe better withmore vanilla seed as there just tiny little bit that I think ppl would think it's dust instead.. anyways

For the services, I think it's ok, but think it's be difficult to find them serve you in weekends or during peak hours~

有一日我阿媽同我講,有間唔知咩咩村食上海野既叫我出去食飯(因為我就離做脫智慧齒手術,智慧齒生得好唔正常)
咁一家三口咪出去食囉,去到世貿中心問左人係邊
之後拎左位,好好彩,一埋去就有位喎
入到去我阿媽一打開個餐牌,就嘩左一下,
我心知不妙,一定係好貴
果然樣"食送"都最少88,不過黎左就唔好計教咁多
佢第一次黎問有咩要叫我地未選好,
點知原來叫人落單咁難,d人個個淨係叫你等下,搞到有點不爽

order左個招牌東坡肉,一份蔥油雞(個名唔太記得)
小籠包(5個)同菜肉包(5個)
仲有一個紅燒咩菌豆腐(大約係呢個名)
等左唔係太耐,上餐啦,一離就係個東坡肉,出奇地竟然同相一樣咁靚,大家知啦東坡肉好肥,我都怕有d食唔憤
點知食落口真係正,一d唔覺得佢肥,好似係個口度識溶咁
再離就係個菜肉包,一上我阿媽就話唔同左,原來夜晚個包會唔同樣(唔知咩事)冇我阿媽講得咁好食,

佢下午同人食左個外賣,個陣皮夠溥d料又夠

之後就係小籠包,冇咩特別,我知道有間仲好食

再離就係豆腐,一上餐就已經覺得好香,當然即試試啦,估唔到一個睇落咁普通既"食送"會咁好味,用離撈飯一流

唔知係唔係之前個豆腐同東坡肉太出色,隻雞食落冇咩味
p.s本來我地想叫招牌雞,點知冇晒(8點左右冇晒唔知咩地方)
食完個東坡肉同豆腐之後咩火氣都冇晒,笑容滿面

食到飽飽,又係時候睇張單啦,以為好貴啦,點知3個人唔駛500,間中一次唔算貴,有機會會再離

最明顯的分別是份量大不如前. 以往砂鍋雲吞雞的鍋差不多有一呎直徑, 差不多有一隻雞, 每人可以添湯一次. 但現在雞只有半隻大乳鴿的大小, 湯只有六碗, 雲吞六隻, 味道亦沒有以往那麼濃.

獅子頭一客只有兩粒.

之前聽朋友多次推薦過這間飯館, 但一直沒有機會試試...
今晚約了朋友食生日飯, 不如就試試"綠楊邨"啦... 雖然沒有訂位, 但也不須等太久. 價錢雖然偏貴, 但食物質素跟服務也很好呀~~ (中途換了3次碟喎) 我們是第一次光顧, 不是熟客哦~~~
我們點了餸菜如下:-
* 臭豆腐- 好香, 好酥
* 銀杏津白- 津白好入味, 好甜
* 淋油雞(唔記得叫咩名) - 雞肉好嫩, 好滑, 加上乾蔥&乾蒜, 好香, 不過覺得個汁就偏鹹
* 糯米栗子一字骨- 糯米好香, 因為加有栗子, 所以有少少甜味, 且而份量剛好包住條骨. 肉質好"林", 好入味.
原本想試試合桃飽, 但須要一日前預訂, 唯有下次再食過.

一直都好鍾意去綠楊村,已幫襯多年.雖然唔算平& 幾難訂枱,但食物質素實在太好& 服務都不錯.看見網友comment,忍不住要為佢\平反.<br />
極力推荐dishes 包括:雪糕高力(必食),醉雞,鏱茶鴨,毛蟹炒年糕,脆鱔, ...etc.