又一次來到中環的波記大排檔,同樣地吃肉絲炒麵.近期去茶餐廳,粥麵店,吃得最多的一味.

去到剛剛開舖,師傅正在忙著打點中午備用的炸豬扒,排骨.要等一會,才開爐炒麵.三兩下便將麵餅炒起,又是用三兩下,整好炒麵上肉絲,前後大約三數分鐘.

究竟熟不熟?見爐頭火力十足,師傅手勢快如閃電,應該也不用擔心.麵餅不是炸到脆卜卜,個人吃肉絲炒麵,還是喜愛炸到脆一脆的麵底.肉絲鬆化,茨汁味道不大咸.檯上的辣椒醬,可惜不是余均益呢.

有人質疑是否一分鐘炒起碟星州炒米?正好有人點了星洲炒米,一路看著師傅,由下米粉,到落材料炒,再到上碟,看看手機上的計時器,真的只是一分鐘時間.

因為忙了計時,而忘了拍片.否則可以放上來,給大家分享一下,順便可以藉此宣揚其中一樣"香港特色".

哩日又食自己, 去左隔離波記買.
見佢地咁忙都唔太敢打擾, 事頭婆見我企左o係度睇完餐牌, 主動黎問我食咩.
原本想買干炒豬扒米, 但係又見到佢整左d 炸斑腩, 又搞到自己想食. 所以叫左個斑腩炒米兜亂$24
睇住佢點炒, 係一個米粉然後事頭婆再倒d 整好左既餸上面, 再比靚仔們炒

d汁真係兜得勻.
好有鑊氣, 由頭食到尾都仲係熱.
d 米粉好爽, 唔會一pat pat / 食到食口粉. 好正!
斑腩雖然林, 但係都好食.
但d 米粉就好熱, 相比起d 餸就凍. 未炒得夠熱.
仲有食到個口好油咁, 唔知係d 汁定油了. 但自覺就好似油多d

希望可以食埋佢個干炒豬扒河

10月9日（星期五）中午，是日放假去找女友吃午飯，女友說天氣開始有點涼，可以去街邊檔吃，所以就來了這裡。因為這裡頗隱蔽，就算我自己曾經來過一次，也走了一段冤枉路才來到。來得後巷街邊，祇能注重食物質素，其餘的不能要求太多。阿姐們的招呼粗中帶幼，我們被安排坐在近爐頭的大檯，在近距離但又感受不到油煙和熱氣的情況下，欣賞師傅實而不華的廚藝，確是妙極。這次我選擇吃豉油皇炒麵，女友就要肉絲炒河。
我們看著師傅先燒少量熱水，大火下很快就滾了，然後下肉絲和芽菜等配料略煮，埋芡後放在預先炒過的河粉上，肉絲炒河就送到我們前面來了，過程約祇需半分鐘。肉絲和芽菜份量不少，肉絲不韌而芽菜夠新鮮，芡汁無論在份量、濃杰和味道上控制得剛好，河粉爽滑且不會黏著；我們正開始吃肉絲炒河時，“皇麵”又來到了，“皇麵”炒得夠鑊氣外，每條麵條都上了色，豉油皇色澤夠深卻不太咸，吃完碟底也沒有過多的油，可見師傅的功力！
兩個人吃兩碟炒粉麵，很飽，差不多吃完時，見到有人拿著“單反”拍攝師傅的炒餸時的雄姿，我也拿出“傻瓜機”拍照。可能師傅作風低調，叮囑我儘量不要拍人。
師傅，請放心，我會尊重你的意願。不過，其實你已經“上了鏡”！

今日天氣唔太熱, 可以去街邊搵波記。
好耐無去啦, 因為太熱, 今日去到都好少人, 不過外賣一樣咁多,
我未坐底就叫左個什會炒河, 5分鐘唔夠就有得食,
蝦炒到半透明, 好彈牙, 豬肚好爽, 肉片入味,
好好鑊氣, 好正。

另外見到加豬扒都係7蚊, 一於試o下,
豬扒斬件, 用蔥/蒜頭爆香豬扒, 又香又野味。

唔怕坐得唔舒服就可以一試。

夏日炎炎，著住裇衫帶住呔，坐喺室外烈火熊熊的煮食爐隔離食野，真係需要很大的勇氣。...又或者只係因為太過為食的關係。

點都好，是日冒住臭汗淋漓的危險到了木人巷，因為睇到豬扒好似幾好食﹗本想要一個椒鹽豬扒飯，但見到師傅攞住個大鍋係咁拋，沒有唔試炒粉麵的理由？最後要左一個乾炒豬扒米。食魚蛋粉時小弟會揀河粉唔要米粉，但到了炒粉時會掉番轉。可能係因為米粉幼啲，較容易沾上醬汁，而且口感較爽口，用來炒較出色。

隔離枱有個男人叫左一個炒飯，兩三分鐘就有得食，佢都不禁講左句「嘩，咁快嘅？」阿姐就即刻話「咁都叫快？算慢喇﹗」

我的炒米都係等左兩三分鐘有得食，此時先發覺身上冇現金，廢事畀人鬧唯有就去攞錢。出奇地，伙計冇講啲咩，仲叫我慢慢唻...雖然佢地粗聲粗氣的，但只係想做多啲生意，唔代表態度差的。攞完錢即刻就返唻食。豬扒有少少乾，但幾入味的，比一般的好。米粉顏色均勻，炒得非常有鍋氣夠乾身，味道剛剛好又唔會太油膩。加上洋蔥、蔥同芽菜，好快就食完大大碟的米粉，好飽。食的時候好彩有個大風扇吹住，如果唔係好食都假，已一早熱死了。

廿幾蚊有如此大碟又好炒功的米粉，很抵食呢。不過下次一係外賣，一係冬天先唻會更好﹗

下午一點九，未吃午飯。路經波記，記得好評不少；當時顧客也不多，於是想也不想就坐下點了賣飛佛- 星洲炒米是也！

上菜速度非常快，可是賣相和味道嘛。。。不行！非常濕（像燜米），非常油（整個碟底也是油），只有辣椒的辣而無咖哩的香。令人蠻失望的

另外，油煙很厲害，幸好今天不太熱。

雖然只是一餐午飯，在士他花利街這大排檔堂食，殊不簡單，閣下要：

一要坐得穩，地點位於一條樓梯斜巷下，環境又迫，平衡力差一點，很容易東歪西倒。

二要行動快，下單後不到三分鐘，就可以炒起一碟東西，吃完後麻煩盡快埋數，免得阻住人家做生意，其節奏不容你「緩慢」下來。

三是受得熱，尤其是坐在火爐附近，其熱氣已令你迫出一身大汗，OL的粉粧也會溶掉，遇著下雨天，濕淋淋的環境又令你好不舒服。

即使如此，這裡的午市十分旺場，堂食和取走大有人在，無他，廿五元不夠的價錢，就有一盒即叫即製的炒粉麵飯，論味道，雖然不是甚麼上佳出品，無可否認，掌鑊師傅的火侯炒功，實在了得，加上一條龍家族生意，執荷又快，是當區「平快正」之選。

前後光顧了三次，第一次叫了洋蔥豬扒飯，用的是巴西的雪貨，鮮味欠奉，醃過後也經過「拉油」處理，所以也算鬆化。但因為會錯意，原來洋蔥汁是指用豉油和豆粉來埋的芡汁，雖然不難吃，但不是心目中酸酸甜甜的味道，於是造就是第二次的午餐。

第二次的茄汁豬扒飯，用的汁是西炒飯的芡汁，依然以洋蔥作伴菜，切件豬扒依然鬆嫩，芡汁較淡，但相對上味道不會過搶，整體味道不錯，進食期間，見到師傅將一堆白色河粉，落鑊再用醬油兜過「上色」，正因有此舉動，決定再在下週試其乾牛河。

乾牛河本是多油之物，但這裡的火侯也真厲害，熱騰騰的一碟炒河，其油份在條件許可下已減到最少，基本上已是合格有餘，只是發覺其牛肉用過鬆肉粉來處理，現今靚牛肉也難找，收得不貴下，將價就貨，羊毛永遠出在羊身上，要吃一碟「完美」的，也不會來這裡了。

總結來「波記」吃飯，不是一件很享受之事，但作為那裡的上班族，是一個不可多得的經驗。

早兩日食完晏幫同事買飯盒,
佢話想食八珍炒麵,
咁我想起士他花利街波記咁好鑊氣,
又差唔多兩點, 不如去碰o下運氣,

去到見仍高朋滿座, 仲有幾個人企到唔知等位定買外賣,
見兩個亞姐同平時一樣好勞氣,
咁我已經等一陣,
趁住其中一個埋去整理d單o個陣,
好有禮貌咁同佢講: '亞姐唔該有無八珍炒麵?'

我估無人會估到佢會大大聲咁答話:

'我而家好煩, 你唔好煩我!'

咁我唯有即走, 永遠都唔再去煩佢地!

如果閣下認為我誇張, 不妨去睇睇, 睇o下有無我咁好彩?

在中上環如懸崖般峭的橫街中，有着大大小小的食店，滿載了的是香港獨特的飲食文化，而今天到了這間專門做炒粉麵飯的波記。

來的原因是今天要到中環聽一個Lunchtime Seminar，也當然在食物質素有限下只吃了一丁點東西，所以當然有足夠的胃納容納一碟炒粉。

去到的時候已是兩點十五分左右，未坐下阿姐已大大聲的說排骨及河粉賣光了，算吧！反正沒有特別的意欲要吃以上兩者，本來想吃椒盬豬扒的，但不想吃飯，而阿姐說椒盬豬扒炒米會是濕炒來的，勸說我乾炒的米粉比濕炒的好吃，也有道理，所以點了乾炒豬扒米粉，即阿姐所說的乾豬米，眼見阿姐手快快的拾了米粉及其他材料，而那些豬扒很明顯是預先準備下來的，然後不足兩分鐘，已有得吃了。

米粉炒得剛好，乾濕度是剛好的，縱使點的是乾炒，但也不應乾巴巴的，保持每條米粉濕潤之外，但也不會水汪汪的，炒功是無容置疑的好，而豬扒也下得慷慨，有十多件切條的豬扒，但肉質就很一般了，韌韌的，下次來吃一定要點搶手的排骨，當中也下了一些芽菜及洋蔥以分別提升口感及味道，而調味相信也離不開生抽及老抽吧。

在吃的途中觀賞兩大奇景，其一是師傅炒餸時的功架，發現是一項全身配合的連串動作，是要借助腳不斷向上升高以配合手作出不斷拋鑊的效果，很專業；另外的奇景是師傅在炒完我那碟粉後，也充當鐵匠，拿着那鑊不斷在梯邊用槌子打鑊，似作修補狀，很得意。

臨走前見到有人來吃，但阿姐說已收檔了，下回請早，真又是一間「牛」店，現在可只是下午二時半，也連忙高呼自己走運了，可以趕得及吃這碟炒粉，而也想着下次再光顧時要吃什麼了。

以前我公司就o係佢樓上,
炒野真係好夠火喉!

不過我建議買外賣返公司食,
除o左因為環境問題,

最大問題係兩個亞姐,
午市時大大聲哎通街, 大噴口水花,
o係樓梯走上走落,
令你一路食一路處於亢奮狀態!

筆者由畢業開始已經係中環工作左十年八年, 波記係我咁多年以黎幫襯得最多既一間鋪頭, 原因簡單不過: 平、靚、正

位置上, 波記其實幾難搵, 你好難想像係商廈林立既中環, 旁邊一條巷竟然有一間大排檔

波記既特色係:
阿姐好好記性而且好大聲
師傅係熊熊火光中以一分鐘既時就炒好一碟鑊氣飯
價錢全部只係廿幾蚊而且超大碟
炒飯只需加兩蚊可以炒底
想食排骨要早d去因為超快賣晒...

筆者食過的菜色:
椒鹽豬扒飯: 筆者食過最好食既一味, 唔怕辣既一定要試下
芙蓉蛋飯: 呢味都好好, 由於係鑊氣炒出黎, 所以可以做到外脆但內裡仲係半熟蛋
各類炒飯: 筆者食過楊州炒飯, 西炒飯, 咖哩炒飯, 蝦醬炒飯 & 福建炒飯, 個人覺得楊州炒飯 & 蝦醬炒飯係最好的
京都骨飯: 都唔錯, 酸甜適中, 不過千萬唔好外賣, 因為個汁會令到個飯 & 豬扒唔好飯...
干炒牛河: 其實波記既炒河都好出色, 牛河更係最多人叫既其中一款炒粉麵飯

其實仲有好多味筆者都食過, 不過最常叫既, 都算係以上既推介

食左咁多年波記, 得出如此結論: 千萬不要外賣, 波記係堂食先好食的

2009-01-12

有時行過都真係唔覺一間o野o既存在。初時唔係好搵到，但一見到就會：原來呢度
之後仲好多人等，亦好多佬o黎外賣炒o野

想要臘味炒飯(寫住冬天限定)，點知無臘味喎，咁即係幾時有
要了牛肉炒麵，說明要乾的，但不是那些脆麵條，有少少失落

好好食，好夠鑊氣，雖然碟底有油，但食落唔覺。睇住兩個大叔幾十秒就炒好一碟(但係熟o架)，不停炒炒炒，真係佩服

o的阿姐亦勤快，唔粗聲粗氣，so good
隻貓成日o係你腳下走o黎走去，另類"有趣"吧


但，食完後我就開始係咁咳……個人問題吧？！

早陣子行去勝香園搵食期間，路經波記大排檔，想不到中上環巷仔竟然有專營炒粉麵的大排檔，今日由於要到西環考試，順路去試試街檔風味!

到涉時已兩點鐘，人流較少，阿姐拎住餐牌過黎，表示無晒排骨無晒班腩、得番飯得番米，本想叫牛腩炒米，但因無牛腩唯有改成牛肉，阿姐收到大叫"牛炆米兜亂"($23)。正如之前各食評所指，大廚火光熊熊的炒來炒去，不出三分鐘已是一碟

牛炆米兜亂，加上幾條菜，上碟後食物一直出煙，可見確充滿鑊氣! 熱騰騰的炆米，或者是時間關係，味道未及想像中吸引，特別是牛肉只得寥寥數片，肉質也較鞋口；巷仔檔口衛生情況理所當然較差，人來人往，貓仔也會穿插當中... 但這些都是風味所在，試問 $23 港式鑊氣炒粉麵去邊度搵? 見有兩位老外幫襯，真識貨呢!

值得一提是，同臺的人點的牛肉炒麵及京都豬扒飯賣相不俗，但他們點菜時竟出現麥兜情況...
阿姐:"無晒排骨無晒班腩、得番飯得番麵"
食客 A:"我要牛河丫"
阿姐:"無河，得番飯得番麵"
食客 B:"京都魚塊丫"
阿姐:"無魚呀....無晒排骨無晒班腩"

聽完我當堂笑晒

麵底是烘非炸，不夠香脆，甚失所望．其他材料有肉絲、銀芽、少量韭黃

份量十足，價錢便宜，十分抵吃

趁天氣還涼涼的，就來吃吃這裡的炒粉麵。在眾多中環的大排檔中，專注做小炒及炒粉麵的，好像只得這裡。

坐在樓梯中間，旁邊人來人往的，人很多，但也不難搵位，因為人客大多食完就走，流動量很大。而面對兩個爐頭，尤如噴射機引擎般在咆哮著，相當獨特。

要了星洲炒米，多芽菜加辣。這裡一切也是「a la minute」的，擔保是最新鮮滾熱辣的了。米粉炒得略濕，不過見大廚只在彈指間炒起，水準也是有點靠運。加了紅辣椒，亦下多了咖哩，果然是夠辣勁又夠味道，非常好。料足，份量又夠多，吃得滿意。

吃完就走，放下廿四蚊，是非常經濟的坊間美味。