一向都覺得麻麻, 美其名話京滬菜, 都係呃鬼佬的中國菜
中環難搵食, 貴夾唔好食, 呢間幾十有交易, 有裝修, 有得訂位... 得過且過啦...

今日同舊同事食飯, 有八個人, 費事四圍行, 同事就訂左呢間...

八寶茶, 無收茶位, 之所以淡而無味都算, 同飲滾水無分別

因為各人口味不同, 所以各自叫了套餐, 再來蒸餃子兩籠, 一人一隻

自己今日食既係, 咩古法醬炒肉片, 真不知所謂, 唔熱既, 暖暖地, 一大pat汁 -- 有色豆粉獻, 可惜無味, 係完全無味, 唔鹹唔辣唔香, 肉片分明係用鬆肉料嗱淋, 白sai sai, 又係無味, 咩味都無, 各菇片又係咩味都無, 應該係煲左己經出左味, 只有配菜的青椒有番d青椒味囉... 係青

同事個酸辣豆腐, 又係一pat醬, 佢話又唔酸又唔辣....

仲有個糖醋脊里, 千其唔好諗住係糖醋排骨或咕嚕肉咁.... 實質係炸乾左既粉包乾肉, 個汁係咁淋上去, 無再一齊煮過....

套餐包埋個湯同涼拌菜, 見個湯有蕃茄薯仔, 不過只係比飲滾水有多少少味, 合番眼根本唔知飲緊咩湯, 比茶餐廳的例水更水..... ; 今日個涼拌叫做好d, 係豆乾絲+炸菜絲+少少鴨腎絲+唐芹絲... 係d炸菜絲有味...

另外叫的蒸餃, 好采一人一隻... 之前試過小籠包都預左唔得... 除左夠熱外, 一無可取, 個餃子皮粉味好重, 個樣就好睇, 裏面舊饀, 又係無味, 點左好多黑醋先蓋到粉味...

反而見有個同事食擔擔面, 個樣好似幾得囉.... 掛住八掛住傾, 唔記得問佢得唔得, 但係個面餐就得嗰碗面, 應該唔多夠.....

都係要等一排, 唔記得有幾唔好食, 先可再來...... 無辦法, 中環難搵食, 好食d 都好貴又人頭擁擁.....

一生人最難食最差嘅餐廳 very Bad experience in my life.

幾年前朋友帶我去而食過幾好, 星期日帶家人去食飯, 但啲餸真係好差, 簡真係欺客, 一生人最難食最差嘅餐廳. 如果要舉分數牌, 我哋會舉負數!!!!

服務: 我地話唔想食咁棘, 一個年紀大, 肥肥地高大嘅男侍應就很不客氣說食唔倒棘就唔好叫啦, 就算叫小棘不知道廚師會落幾重...... 總知佢好無禮貌!!!

冇影到相, 但以下好清楚形容 ------

1)前菜: only 青瓜條, 太鹹, 跟其他食評嘅相係兩回事

2) 炒大蛤蜊: 葱和蒜在軒汁裡是生勾勾, 像剛剝皮未落鑊前, 太過分!!!! 需吐出來!!! 蛤肉全離殼, 有些殼未開, 不熱, 殼比肉多!!!! 軒汁都係好普通.

3) 炒螺頭: 葱和蒜在[軒]汁裡是生勾勾, 像剛剝皮未落鑊前, 太過分!!!! 需吐出來!!! 螺肉煮過火, 太硬, 幸好熟了. 軒汁都係好普通.

4) 雞絲担担麵: 食倒花生醬汁是[抑味], 湯竟然用豉油, 鹹到不得了, 大家一小口也飲不了, 麵用了好像食雲吞麵那種並不是真正担担麵條!!!! 雞絲像切好雪定係雪櫃裡, 從未食過咁差嘅担担麵!!!!!!!

5) 酸湯窩巴: 未食過咁差嘅窩巴料, 最過分酸湯竟然用罐頭蕃茄醬代替正宗嘅酸湯, 成大碗都係麥當勞茄汁!!!!! 綠豆在"罐頭蕃茄醬"酸湯裡是生硬的未熟, 需吐出來!!! 很離浦!!!!!! 啲小蝦係雪藏嘅不是新鮮, 都預咗, 但窩巴米通有點[抑味], 不熱不太脆!!! 從未食過咁差嘅酸湯窩巴!!!!!!!

6) 蒜香雞: 只有雞是剛剛合格, 但偏鹹.

依間仲話係 King Parrot Group 嘅餐廳 .......

我哋入座時是星期日晚八時倒但全場冷清清, 很多很多空枱, 只有幾枱客, 嗰幾圍有些還是內地遊客和西人遊客, 但那時段不是晚飯黃金時段嗎?? 我終於明白了.

究竟我食了什麼東西在肚裡呀??? 是否老闆得罪了嗰廚師?? 以上所講全是屬實. 佢地對投訴亦 follow 得唔好, 過咗海就係神仙咁!!

一間疑似酒吧(事實上佢夜晚真係好似一部分變酒吧)的中式餐館，店子黑黑的。被安排坐於一個廂座內
今天是跟同事來，六個人食一個四人餐，因為得我一個係男

冷盤：
煙燻鴨絲伴粉皮 – 鴨絲就好似唔係好覺，唔通俾人食晒？
丁香魚皮蛋豆腐 – 無食到o的丁香魚，唔知係咩。其實平時我都唔會食皮蛋，不過又未至於唔放得落口。無咩感覺，但希望豆腐可以係夠凍o既

湯：
成都酸辣湯 – 唔係好辣因為我都飲得到

主菜：(標示晒辣椒，但我呢個怕辣人係食到o既)
老干媽野菌鐵鍋雞 – 個名硬係好似o的粗口咁……算係有o的辣o既一款菜式，但我唔係好食到有雞味
古法爆爽肉 – 其實食落同o係屋企o的小菜好似差唔
松茸魚湯娃娃菜 – 呢個就幾出色，魚湯係鮮甜o既，我就食唔到有骨，都幾放心。魚肉都好爽滑

甜品：
唔係好記得，好似係西米露

唔，整體印象只係一般
用了人家的coupon 所以平了點

屈算手指跟 J 小姐也算不出有多久沒見, 大慨有兩三年的吧!
最近忽然在 MSN 聊一番, 大家又再找日來吃吃午餐, 談談近況.

天與地是我列入 to-go list 的名單中, 身為畢打自己人, 一街之隔也從來沒有幫襯過, 似乎又說不通. 過門而不入的原因, 可能是門面較黑沉, 感覺上是不中不西只做遊客生意的小店吧! HAHA!
看見食友的食評也好讓我先訂位再細嚐, 以免夜長夢多.

這裡也是某大集團的
此店地方相當大, 粗略估計也有五六十張檯. 紅黑色的佈局, 是我最近喜歡的顏色. 這裡也有相當寛敞的 bar 檯, 似乎晚間時份這裡也可以變身做酒吧.
在午餐繁忙時間, 套餐有客飯跟麵食, 我得悉友人丁點兒也吃不得辣的時候, 我就選擇了炒雞肉片, 而她就選擇了糖醋里脊.

這裡的前菜有紅蘿蔔, 豆腐, 青瓜, 微辣, 我想若果主菜的味道不行, 這個前菜也可以當"水泡".
朋友的糖醋里脊先到, 聞到很剌鼻的酸醋味, 未細嚐先扣分.
我的炒雞肉片是一貫老外風味, 厚厚的 sake 汁 (看餐牌有 sake 兩個字, 其實應該是雙蒸來吧!) 跟雞肉和什菌西芹打成一片. 雞肉也嫩滑.

朋友說的菜乾湯很鹹, 我的那一碗又不是那一回事. 難道我吃得鹹了麼?

這裡的口味是偏向老外, Oli 所言甚是, 附近沒有甚麼好地方會比這裡好坐又價錢合理, 不過味道可不要要求太高了.

15/4放假,去中環與我的好朋友lunch,商量了很久,最後決定去"天與地"吃
看食評時,多數人都說要等位or搭枱,
呵呵~1點過少少,我與好朋友到達天與地,不用搭枱,我們行快了一步,後面兩位女士就要搭枱了

先來一瓶八寶茶(任添,成瓶給我們自添的),好香好好味飲呀~~i like it~
我們點了三個餸,其中一個是餐,兩個人吃一碗飯都ok呀

黑醋排骨
這是食評推介,好朋友覺得很酸(應該是醋味),我個人覺得麻麻地,可能因為太大碟,最後打包了這碟,因為真的很飽

竹笙扒三菇菜
好朋友覺得太多汁

南瓜茸粟米海鮮
我們都覺得是最好味的一道菜(三碟中)

好朋友覺得價錢貴了一點,亦可能是我們叫多少吧!

下次有機會都可以再去~

前排同同事經過餐廳, 決定今日去試下

一入去個裝修已經知道幾肯花錢!
一個個可造酒瓶放係玻璃櫃入面, 餐廳部份又有bar檯又有小型vip半open房, 非常唔錯!
set lunch價錢ok, 約$36-58內, 有飯餐有麵餐

我地揀左口水雞湯麵, 牛筋湯麵同擔擔麵
全部份量都適中, 女仔食應該夠飽, 男仔就似乎差少少啦...

口水雞非常好味, 凍凍地, 好多花生醬
牛筋亦真係全牛筋, 煮得剛剛好, 唔會太軟身
擔擔都當然只有辣油同花生醬

唯一唔太好既就係d麵唔算特別好味, 叫既餐就好似北方食品, 麵卻似南方拉麵...
而且好似口水雞同牛筋呢類有好好味既醬汁既食品, 似乎應該係撈麵會好d, 佢卻係湯麵...

不過值得一讚係就算lunch hour都有好多waiter行黎行去, 次次想叫人都一定有人應既
而且d茶係有菊花+紅棗+杞子, 好香好味~

要留意既係, 需要真係一入去就有位, 佢入面都幾大
不過佢會先問你可唔可以某個時間交番張檯俾佢地, 先俾你入去
某程度上係先小人後君子既做法, 不過係中環區既lunch, 算佢有番d好既程序啦, 總好過某d餐廳做晒動作黎趕你走嘛~

咁岩係樓上STARBUCK飲野見到BEA做緊半價,,,
睇完個MENU分別有2人餐($220)同4人餐($4XX)
有湯有2-3款小食,,2-3款主菜加埋甜品,,,
問問知客有位即刻試下,,設計非常中式,,岩哂D遊客,,,

KING PARROT GROUP好似今次第2次做BEA優惠,,,
試過阿拉面館都OK,,但依間野個SETTING真係俾到驚喜我,,,
可能始終係蘭桂房,,同埋中環好多遊客,,,
MENU上款式都OK多,,價錢大約為$60-80,,以中環梨講都可以接受,,,

是晚3個人叫左個BEA 2人套餐再加左個怪味雞,,,
除左BEA半價套餐之外,,仲有幾款小菜做緊85折,,,

個餐2個人食一定會好飽,,我地3個人都只係岩岩食哂,,,
質數叫中上,,但如果無半價我都5會食得咁暢快,,,
因為係7點左右去食,,所以有埋HAPPY HOUR,,,
價錢大約$30杯,,但有一樣野我5鍾意就係佢連茶都無供應,,,
佢又5算HI-END既餐廳,,咁迫客人叫野飲既手法麻麻地,,,

最欣賞既就係佢隻紅燒大蝦,,燒完放D SWEET&SOUR SAUCE係面,,,
佢既怪味雞炸到個皮又薄又脆,,再加上甜甜地既汁,,非常惹味,,,

如果有機會既會試下佢D小菜,,因為都幾多人叫小菜食飯,,,

天與地也是列入飯友的名單中，每隔一段時間她就會提議去一次。今次也是早幾日預先訂位，如果即日或早一日一定無位。

客飯包一餸、一飯、一湯及前菜，其實每次set lunch的款式也是大同小異。我好鍾意食它的前菜，但今次的好似餸頭餸尾撈埋一碟，不酸不辣稱不上開胃的前菜。

可能它的黑醋排骨是招牌菜，每次set lunch也一定會有類似甜甜酸酸的東西，今次係沙律醬糖醋里脊，炸粉與肉是2:1，即是粉多過肉，又炸得乾乾的，全碟精髓是來至醒胃的甜酸汁，我是用其來撈飯才夠飽。

另一味是古法炒肉片，英文寫為spicy pork，一點也不辣，肉片明顯被重重的梳打粉洗禮，芡汁過多雖不至糊口，但我很怕食太多芡汁的東西。

在中環來講這間不是最好食，但在午餐煩忙時間，要坐得舒服、價錢合埋，這亦是不錯的選擇。

二月六日(星期五)

同老公之前吃過,每一百有一張十元coupon,而且同事知道我們為食,所以有coupon都給了我們!!^.^大前天到過,沒有book檯的情況下,等了又等,最後沒有吃了,不過今次前一日book了,coupon快到期,要用它們!

我們都喜歡吃天與地,首先環境不錯,第二每次都沒有令我們失望的,水準有番咁上下!^.^

今次點了兩個lunch set,分別是黑醋排骨以及牛肉片!其他三款都有老公仔不吃的菌類,所以這是沒選擇中的選擇!

先來的湯是青紅蘿蔔湯,很清,不錯!!有家的感覺

再來的客飯都好吃,黑醋是酸了點,牛肉片都好味道,不是太濃,我們喜歡!

我都愛飲它們的八寶茶,有杞子!有益!

一月七日(星期三)

今日同老公仔與兩名好朋友一起到天與地吃午餐!雖則天與地一早已經吃過,不過,金融風暴前,每次都要訂檯,但是,近排經過都有侍應用"不用等位"來招攬客人,一定要看過究竟?!十二時九到達,四個人果然不用等位,不過要搭檯,似酒樓的大圓檯,搭檯並不好受,傾計不太方便>.<

看過menu後,大家都是叫了四客不同的客飯,唯獨不要有豆腐的那個,上菜非常快,當然一如我之前的食評所說,是一早準備了,只要不凍了就好!

先飲湯,是清的蘿蔔湯,好飲不過,沒有味精!有家的感覺!
還有那碟不中不西的小吃,有香腸,白蘿蔔等,非常開胃

四個菜中比較突出的是少林骨,其實我們認為是比較甜的咕嚕肉,味道不錯,因為我覺得咕嚕肉比較酸的,蔥爆牛肉都好吃,不過牛肉的份量似乎十分少,吃到的都是蔥,還是給他們吃掉呢?

白飯就似乎不夠熱了,飯本身香,但是上檯時也沒有了香味!>.<
茶是玫瑰花茶,既清而又不失玫瑰獨特的香味,而且侍應不停自動加茶,服務不用
談了一會又要趕回去上班了!下次再傾!

結帳時,有兩張10元coupon,可在kp group用呢!

相約好朋友到Ｈ&Ｍ行街，
大家都沒有特別地方想去食，
於是就去左天與地喇！(因為會員８5折)

去到叫左幾個菜同一個湯。
個甜酸肉係甜都唔出奇，
最奇怪係連佢個餐牌標明係辣既菜(個通菜同個唔記得叫咩名既茄子炒豬肉)都係甜既！
個紅油炒手又係冇咩味。
朋友同我都覺得個湯個味又好奇怪，都唔似中湯。

真係唔明點解樣樣都甜既，我們仲講笑話可能因為要就外國人口味

不過老實說，這間餐廳環境同服務都不錯。

12/7/2008 午

行過見唔係好貴, 而且格調唔錯, 試下無況

位於地庫位置, 環境唔錯, 而且d裝修好靚好優雅，座得好舒服, 而且地方闊落

叫左2個set, 一個係宮寶雞丁，一個係茄子肉鬆,
每個set都會配鎮江骨一細碟, 西湖牛肉羹及四寶茶

鎮江骨~ 係好入味, 不過太多碎骨, 食落好唔方便
宮寶雞丁~ 雖然話少辣, 不過食唔到一d 雞丁幾滑, 幾好食
茄子肉鬆~ 呢道就甜左d囉, 無咩特別
西湖牛肉羹~ 好飲呀~d豆腐切到好細粒, 唔會太稠太稀
四寶茶~ 有杞子啦…仲有果d睇完都唔知係咩~hehe~不過幾好飲呀~真材實料

服務都幾好, 不過張枱大D會更好, 環通卡有95折

七月二日(星期三)

到左七月喇,都唔知可唔可以趕起d野呢!

快d到8月中就正喇!大家一齊努力呢!!^^

還有慢慢長路要走呢~~~.....haha,我地向目標勇往直前!!!

今日的lunch早於上星期日book左!就係黎呢度食喇!

老公之前食過話好食!!我都要試下呢......

12:45去到,有人等位,好彩book定^^

有set lunch!都有6-7 choice既客飯.....

又有其他拉麵呀....

我地選擇左:-
1)沙律糖醋里瘠...好好味!!^^好醒胃d salad!!!.....不過如果熱d會更加好!

2)蔥爆牛肉,都好好食,幾多牛肉下!

連白飯都唔錯,硬硬地~~個湯係西洋菜湯都幾清淡......唔錯唔錯!!!!

同埋都坐得幾舒服,上菜又快!

kp group既餐廳真係有水準呢~

又到每年一度試食信用咭半價餐的時候了！初見菜單時都覺得幾吸引，四人餐居然有十三道菜，幸好我們共有六個人，不過最後都食到超飽還要打包。

先來的是四道前菜：‘霸王唐揚蟹’，‘燕京海蜇’，‘三鮮烤麩’和‘丁香魚皮蛋豆腐’，海蜇，烤麩和皮蛋豆腐都是正常味道，唯有‘唐揚蟹’是把一隻隻一吋多長的小蟹仔酥炸，幾得意又香脆，只是表面看來雖有一大盤，但其實下面以十幾條大紅辣椒墊底，所以實際上只有十多隻。

‘鮑魚竹笙桂花翅羹’，味道很淡，一大碗只見到兩，三條鮑魚絲，翅就完全消失不見。‘瀨戶秋菊蝦球’，蝦球雖然很大隻，但不太新鮮，也沒有菊花味。‘干煎雞柳伴柚子沙律’，我自己煮分分鐘可能更好味，唉。至於‘松茸上湯小籠包’，只是普通小籠包幾個，一點都沒有松茸味。而‘清酒野菌伴意大利黃瓜’，味道一般，但也是沒有清酒味，很普通的菜式。

幸好還有幾道菜的味道是不錯的，‘杭州香酥ＢＢ鴨’，入口酥軟可口，以薄餅皮包著同吃亦夠濃味。另外‘翡翠螺百合露筍桂魚片’，露筍清甜，魚片和螺片也很新鮮，是最受歡迎的一道菜。我自己就最喜歡‘石頭鍋醬肉炒飯’，雖然看來沒什麼配料，但炒飯在石頭鍋上桌時，熱騰騰又香氣四溢，雖然那時已很飽了，我仍忍不住吃了一大碗。

最後的是甜品‘芝麻糕’，都幾難食，浸著芝麻糕的花奶有種奇怪的味道。

總括而言，整個套餐給人‘雷聲大雨點小’的感覺，菜式名稱和賣相很吸引，只是味道都是一般，而且絕對沒可能值千多元。離開時在門口見到有招牌，推介另一個四人餐，菜式和我們的‘半價餐’差不多，但價錢比我們的套餐半價了還便宜，簡直有被人搵笨了的感覺。

星期六, 3人去了天與地食晚餐，由於沒有東亞信用卡，散叫又唔知想諗，只好叫了個2人套餐，因為3個都細食，應該夠食，叫了餐後，想問人要杯茶/水飲下，佢話有2款水，一聽就知要收費，咁我問，有無唔收費既茶/水比我地飲下？我們去茶餐廳食個廿幾蚊既餐都會有杯茶飲下，呢間咁大間餐廳都唔比杯水人客飲下，唉，算喇, 唔叫，因為飲料平均30蚊以上，每人叫一杯再加一已經大約100蚊，與友人相量後決定唔叫。
有泠盤2碟, 熱盤4碟, 有湯有甜品，2人餐埋單305蚊
份量當然唔會大，2人食應該足夠，但味道一般。
如果2個人去, 每人要150蚊當然是貴。食環境的地方。