自問并非朱古力迷，卻對Godiva有著一份遙遠卻親切的情誼，時不時就要回味一下。今次的生日照例無他相伴，卻始終有摯友同行，與我體會這份闊別的甜美。

未食過文華的朱古力自助，但瞻仰諸位甜魔的食評，經比較這里的款式是遠不及文華多，但每款也都是悉心制作，口感精致醇厚，物有所值。

先講講三層架上的點心們：
上層的鮮果撻與朱古力scone都是普通水準，還是更喜愛蘸滿果醬的原味scone。
中層的鹹批反倒有驚喜，蛋批香滑，內里的火腿帶出肉香，如趁熱吃相當惹味；酥皮吃得出濃濃牛油香。
下層的幾款三文治又是平庸之作，不過可不要小瞧它們，如非它們中途間場一解“甜毒”，就算是小漏漏都會很快“漏”掉。

接下來就分類簡單介紹一下buffet枱的朱古力甜心們：
非常喜歡的：
白朱撻：造型別致，外層是三片三角形白朱古力脆片，內里就藏著絲滑甜美的白朱古力mousse。
黑朱撻：亦不執輸，朱古力純度適中，不會太甘苦，包裹著柔滑的吉士，而幾枚生果則帶出了清新口感。
白朱奶凍：質感柔滑香甜，漏漏大愛，吃了四杯，不過甜度可能不是人人接受得來。
朱古力tiramisu: 混合了酸莓的酸甜與咖啡的濃香，而朱古力濃度合宜，其甘甜又不會被搶走。
香橙朱古力卷：香橙mousse幼滑清甜，剛好和綿軟的朱古力卷是一對。
開心果朱古力：平日好少會吃開心果甜品，今次為之一震，沒想到帶濃濃堅果香的朱古力竟會如此美味。
幸福版朱古力奶：比起Vero“凄苦版”朱古力奶，更愛這里的“幸福版”，大約50%的濃度對我來講最好，有牛奶的香純溫和來緩解朱古力的甘濃苦澀。

很喜歡的：
朱古力macaron: 素來熱愛macarons，不過精致的甜點太多，今次它只能淪落為二級選手，不過也ko掉三件。
朱古力cupcake: 口感相對實凈，濃度不低，但未到苦澀的地步，與底部鬆軟蛋糕很夾。
紅莓朱古力天鵝：造型令人眼前一亮，紅莓的酸爽很自然的融入朱古力mousse中。
黑白朱古力：Godiva的朱古力也無需多言了吧，不過濃郁朱古力于我而言少食多滋味，每款試一半就足夠，不然后果自負…
朱古力噴泉的士多啤梨：說來可笑，鹹點耗盡又被排山倒海的朱古力吃“漏”的漏漏，想了個法子，即是用爽甜多汁的鮮果來緩解“朱毒”，把它們串成一串，冰糖葫蘆似的很得意，并且療效不錯呢。

不喜歡的：好像沒有耶

朗廷的環境偏于高貴堂皇，雖然個人更偏愛四季大堂簡約古典之美，但得以在生日之際在此譜出一曲朱古力狂想曲，又是一大樂事！

最后，亦要感謝這位不可多得的朋友，他日就算不能再與你共享佳饌，你依然是我珍視一生的伙伴。

這DESSERT BUFFET, 以朱古力為主題, 但朱古力甜品比想像中少, 冇咩選擇! 味道都只是麻麻地, 樣樣都好似差不多咁. 那Chocolate fountain怪怪的,生果又不夠凍, 朱古力漿d味又唔好. 最好的是那個chocolate coated 嘅macaron, 夠chewy.
價錢都算貴,不太值, 都幾失望.

由於自己同朋友仔都鍾意食朱古力, 所以去左試朗廷個Valrhona朱古力自助餐.

朱古力食品包括: 蛋糕, 慕絲, 撻仔, 噴泉同曲奇. 全部放晒響兩張圓枱上, 個人覺得款式算幾多, 因為太多的話都根本冇可能試得晒.

除左甜點外, 每人仲有一份tea set, 咸點為主. 雖然用架上, 但食完可以叫waiter添. 最低層既三文治仔全部都好好味, 尤其係個ham sandwich, 中層既三文魚批蛋批好香, 但個烤鴨批就唔多掂, 超厚皮, 上層既朱古力鬆餅好正, 好鬆脆又唔怕甜, 但個小果撻就好似放左成日咁, 淋鬼晒.

慕絲......甜左o的, 不過其中有一款辣既幾特別幾好味. 撻仔......一般, 但面頭o的生果好食. 曲奇......白朱古力果隻幾甜, 不過夏威夷果仁好正, 黑朱古力果隻就唔怕甜, 但味道唔夠濃.

蛋糕方面, 由於都幾大件, 所以要share黎食. 三層慕絲餅, 超甜, 唔多o岩口味, 朱古力芝士蛋糕勁濃芝士味, 好香. 香橙朱古力蛋糕, 勁似積及橙餅, 好味! 最正就係個用100%可可做既特濃朱古力蛋糕, 好香濃, 又軟熟又唔怕甜, must try! 不過一個人食晒成件的話都幾係野.

中途waiter仲俾左我地每人幾粒Valrhona朱古力同一小杯熱朱古力. 佢好細心咁逐粒同我地介紹係咩味道, 而且食完可以再問佢攞過. 服務態度抵讚! 杯熱朱古力好香, 好滑, 好rich, 飲一小啖已經覺得好似成口野咁, 同埋有少少漿住既感覺, 不過一定要襯熱飲, 唔係會慢慢凝固, 但真係好好味.

埋單每人$230有找, 如果喜歡朱古力的話可以一試, 因為Valrhona既朱古力本來就唔平, 而且個buffet整體黎講都ok.

昨天同朋友來了這裏食朱古力tea buffet,其實之前godiva攪既時候已想嚟,但係book唔到,full晒,今次係另一個牌子既朱古力,出面有兩張枱是放朱古力做的甜品,有個牌清楚寫明是用了幾多%朱古力做,有很多細細杯的朱古力加了一些生果,都好好味,多款cake,有cookie,一些tart,細細件不用覺得很膩,但蛋糕則較大件,所以也很膩.除了甜品外,還有一些咸點,有一個三層的咸點給我們,有些三文治,tart,不夠還可以再添,這裏的環境很舒服,情調很好,可以很舒服的在傾計食野,仕應的服務也很好,他們還在很詳細介紹這裏的朱古力給我們認識,中途還拿了熱朱古力一杯及幾款不同味道的朱古力給我們試.飲品我跟其中一個朋友飲奶茶,另一個飲咖啡,奶茶可以refill,咖啡則不行.整體嚟講,我覺得很好.

我上次去有, 你係唔係擒日去呀? 如果係就應該無因為係特別日子.

Having the Godiva Buffet here on Sat, so disappointed! Less varieties of choices, Food are ugly, Too expensive!

note: No discounts as a member of Entree club, ridiculous! Palm court is also part of Langham Hotel!

Never trust Entree Club! So so disappointed!

$198 又冇朱古力壽司, 又冇朱古力麵.
Dark Chocolate cake 唔苦.食品選擇不多.
只是辣味朱古力比較特別.

下個月唔係Godiva啦!

覺得真係一般.....有d失望~
第二次黎呢度食dessert buffet
款唔多~最正係Movenpick雪糕!!!

但酒店沒有將godiva朱古力溶入所有野.......只係一個gimmick~得粒裝先係godiva.其他應該係瑞士蓮
如之前網友所言....特登找些甜甜的!!(因本人較喜歡黑朱古力)

未試過都可一試o既.....

godiva的dessert buffet..好期待..去到覺得環境幾好..都算靜..但係款式真係好少..以為係重質不重量..點知面樣都冇..好失望!!mango shot係成餐入面覺得最好既..仲有fruit tea都唔錯..其他都幾差..個窩夫吃了兩口就吃不下去啦..又冇normal water-____-"

朋友看到報紙介紹，Godiva朱古力自坐餐，如用信用咭過數，每三位便送一位；知道Godiva朱古力的價錢，一向很貴，現在價錢見這樣吸引，當然要來試試。
一到當然要看看有什麼好食，想不到選擇這樣小，每樣食一件，很快便要從覆再食了。
曲奇餅，不是我一向喜歡脆身的那種，比較上偏韌又飽肚，還是不要食大多。
朱古力蛋糕，很鬆軟又濃朱古力味，其中一隻還帶有很濃的橙味，幾好食。
壽司朱古力，完全得個樣，味道又奇怪，沒有一件好食，都算幾失敗。
朱古力粒有四隻選擇、選擇也是比較少，自已就比較喜歡原味那粒。
雪榚也是用上M字頭的那隻，都幾重手；可惜食朱古力實在食唔多。其實價錢真係唔算好貴的了，要知道在店內買朱古力，所費實在非常貴。
環境好正，坐得又舒服，可惜張太底，食野就唔多好了！侍應都算幾好人。

聽到Godiva真係好想幫襯，等成個月唔緊要，要預先用credit card俾晒錢先，都照做！但係佢地跟本唔係想提供美食俾客人囉，款式少賣相差，仲要唔好食，原粒Godiva只得4款，4款都係超級甜個隻，簡哩幾隻純粹係為左唔想d客食咁多，完全唔係為味道出發，哩餐都唔平架，$198/位，遠比平時既Tea Buffet貴20%啦！點解會咁差架，全場最有心思就係個4款朱古力壽司，賣相有誠意，可惜一樣咁難食！好懷疑佢地自己有冇試食過架，咁差都拎得出泥俾人食既！離晒大譜！

食物好少, 唔係太好味.
沙律,魚生同海鮮已經好少種類, 點不知連熟食都得個幾款. 好失望.

High Tea孖寶也很久沒出動了，重出江湖第一砲選了來Langham的Palm Court。

圖示的High Tea for 2味道整體上好吃，但份量實在太多，孖寶加上我和男友都未能把它吃完。底層的提子scones我嫌不夠鬆，但卻合媽媽口味。Strawberry Dip出奇好吃，士多啤梨又大又甜，朱古力脆皮用料上乘兼一點也不甜。

中間的finger sandwich味道有驚喜，除吃得出是即製外，餡料混了多種香草，和三文魚、蛋白、巴馬火腿都十分配合。頂層的蛋糕亦唔錯，最好係個chocolate truffle cake，唯一覺得不好吃的只是那口感濕立立的生果shortbread。

吃High Tea經常遇上finger food不好吃的比好吃多的情況，但這裡的，我們都認為不俗。

張COUPON就到期,所以即使考試在即都要去食
同上次MAIN ST DELHI一樣都係係朗廷酒店
PALM COURT係LOBBY的, 一去到2個WAITERS上前
由於無咩人的關係,佢比我地自由坐
我地就選了一個無咩人的角落位
一坐下,侍應問我地係咪有COUPON,我地就比左張COUPON佢
佢再問我地要咩飲品,我們要了2杯ICED 檸檬茶同檸檬水
態度挺好的
之后我們拿相機影下相啦
有一個侍應問我們要不要幫我們合照, 我們當然說好啦
佢好似好PROFESSIONAL 禁幫我地擺位,依樣果樣
點知佢竟然講左一句: ‘係呀,你地都好少來這些地方食野架啦,所以要擺好D來影啦..’
咩呀!即係話我地無$食啦…..哥哥仔, 你知唔知要JOIN MEMBER 先可以有COUPON架, 個MEMBERSHIP都成千銀架…咩叫無咩機會來食呀!!禁串!!..!!
服務印象即刻扣分.

過了一會,我們的ENGLISH AFTERNOON TEA SET來了,
第一層: 2 X朱古力BROWNIES, 2 X提子CAKE,2 X PEANUT CREAM PUFF, 2 X COOKIES
第二層: 4 X SMOKE SALMON SANDWICHES, 4 X BEEF SANDWICHES, 4 X EGG SALAD SANDWICHES
第三層: 3 X STRAWBERRY 朱古力, 4 X SCONE

朱古力CAKE都算是最好食,其他就不過不失啦.由於太多野食,食左成個幾鐘才離開
由於有COUPON,一蚊都唔駛就走人了!

12/5(六) 4pm
黃金星期六,鬆綁後我倆先到尖咀閒逛,繼而延續朗廷熱,到其Lobby Lounge嚐其下午茶.

位處大堂旁的Lobby Lounge,燈光柔和,氣氛輕鬆,棗紅絲絨梳化讓人坐得自在舒泰!嚐了其會籍贈與的二人下午茶set:

上層--朱古力泡芙,紅莓,藍莓撻,乾果蛋糕,Brownies.
中層--煙三文魚麥卷,蛋沙律麥治及蕃茄生菜三文治
底層--提子鬆餅及朱古力士多啤梨.

食品水準可說中規中矩,較精采的乃其塗上柔軟香滑的牛油及clotted cream的提子鬆餅,中層的迷你三文治也不失軟熟質地,餡料之鮮度亦交足貨.中看不中吃的甜點教人掃興!

餐飲點了凍咖啡及cappacino各一;凍咖啡屬不堪入口的水準,立時向服務生表明,豪爽俐落的服務生亦樂意之之讓我以凍檸茶取代,其質素總比咖啡的傑出!唯cappacino的水準也未見起色.

另一方面,衛生程度怎說也是負分,三文治被蚊滋纏繞兩大回.第一回向服務生反映時,服務生沒躊躇的致歉後再更換給我們,當三文治再次淪為小蚊之獵物時,我倆不得不一而再,再而三投訴,既然雅致全給破壞,乾脆罷吃!離座前,服務生竟以包裹好的一人tea set作賠罪,五星級的服務水平絕對令我倆釋懷下來...