叫左茄牛面，奶油脆脆，咸檸七，兩人share都夠飽
茄牛面($22) 好多茄，差不多有兩個蕃茄，好鮮，無味精!!!! GOOD!!!
奶油脆脆($8) 好脆好正又底食!!!!
咸檸七 ($12) OK!!! 都唔錯!!! 雪碧係大支裝，兩個人都夠飲

不過大排檔坐得唔夠舒服，如果轉入舖位會更舒適

勝香園的食評多的是，有讚有彈，本來多我一個唔多，但都有d野值得寫下。

以前在平日午膳後來，多數都不會滿座。但最近兩次和少奶在下午兩點幾來到，都全場滿座，而且最少有十多人排隊，要等上十多二十分鐘。我和少奶都會問：乜d人唔駛返工咩？定係呢度已經變成第二個蛇竇？話雖如此，我和少奶都幾鍾味呢度的番茄湯底和脆脆，所以都願意等。

阿姐真係好忙，食物也要等一段時間，尤其係脆脆，但我地幫襯咁多次，都未試過漏單，一句講晒，有拖無欠，只要你肯等，就唔會失望。這天老婆要茄蛋麵，番茄湯一貫濃郁，難得個麵軟硬適中，不會過淋。我的茄牛通也好味，醃過牛肉仍有咬口。另外叫了一個檸蜜脆脆，水準穩定，包面永遠都是烘得金黃香脆。

招呼方面，由於客多伙計少，有時要自己執生。座位安排真係有d亂，排隊既，只要唔係打尖，見度有位就要自動自覺坐埋去。當日見到有兩位後生仔，伙計唔叫佢就呆呆咁企响度，到阿姐佢行過，佢地只識得捉佢話兩位，跟住阿姐咪話囉：「自己搵位坐啦。」坐低左亦唔好諗住有人會得閑自動招呼你，要主動舉手叫人落單，如果唔係，有排你坐呀。

不過，咁樣又唔等於無招呼喎。這天我杯奶茶來到時，阿姐會主動提醒我張枱有d斜，要小心放好杯茶。到我的通粉上枱時，阿姐又會再提我小心d，仲幫我移入少少杯茶，才慢慢放碗通粉上枱。另外，上次我和少奶幫襯時只叫了一碗通粉，但阿姐都會主動問我地要唔要碗仔。嗱，呢d咪招呼囉。呢份細心，好多食肆都做唔到呀。

題外話，見到好多女士都會食脆脆，又會一人叫一碗粉麵，結果好多人都食剩大半碗粉。檔口旁的竹籮便載滿了食剩的粉麵，真係幾折墮。其實如果明知自己食唔晒，可以兩個人share一碗，唔駛怕尷尬，阿姐會主動問你地要唔要碗仔架。最重要係唔好浪費食物。

星期六三點幾黎到美輪街，九記同勝香園都排長龍，見九記條龍較短，又未食lunch，先去九記食轉腩河再過黎食茄牛通

人手極短缺嘅大牌檔仔，兩三個阿姐serve十幾枱，仲要枱枱都係撘枱，上菜速度比一般大牌檔係慢，但又唔係趕住走，ok啦！

1)鮮茄牛肉通-唔知點解我呢碗特別少鮮茄，唔知係咪落單時要叫多茄呢？唔緊要，好食嘅話總有下次嘅！淨飲一啖茄湯，又唔算好濃，有d似屋企煲嘅薯仔蕃茄湯嘅味，連埋d通粉牛肉一齊食先好味！最後d湯都飲哂

2)油占多-係厚多士，正！好想食多件，但驚等得耐，下次先啦　！

3)檸七- 正常，佢寫明話所有檸檬飲品已預先篤左，但我又唔覺喎！

今日特登出來搵野食～
ｌｅｅ　間野成日都聽人介紹．．今次終於有機會．．會一會佢～
星期六黎都預左要等位０家啦！
但冇諗過咁多人囉！！
真係好長龍～但一場來到都要試下既～

等左我諗大半個鐘吧！終於有位啦！
我叫左個茄牛蛋通＋咸檸七　（因為ｌｅｅ個好多人飲呢）
我個ｆｄ叫左個茄牛餐肉麵　＋凍奶茶
我地仲叫左個檸蜜脆脆　（唔知有冇記錯名）．．．麻麻地．．個包好食．．

我覺得我０個個通粉好好味呀！！嘿嘿～又大碗ｗｏｒ！
熱辣辣整出來好美味！！　

有機會一定要再試～ｙｕｍｍｙ！

其實是上次來九記才發現原來大名鼎鼎的勝香園就在對面!因自己駕車的習慣是從不記街名,搭車時便變了人肉GPRS!向司機指示轉左轉右,鬧出過很多笑話!這天於午飯與下午茶中間的時間來到,眼見也只剩下一兩個座位!坐下望左望右不用看餐牌也知什麽是招牌!
鹹檸七----雖然用的是雪碧不是七喜(常覺得七喜的"氣"是勁D嘅)在杯底的鹹檸檬已經篤到出晒味!味道極濃,快速喝完半支,將餘下的倒進杯內也依然有鹹檸味!
牛油檸蜜脆脆----奶油太普通所以試牛油檸蜜,極香脆的麵包(咬下去真是有聲音發出)配上牛油+檸蜜的味道效果真是一絕!
蕃茄鮮牛肉蛋通----吃這類特色的湯底通常會選擇配通粉吃,因為喜歡啖淡也有湯的感覺.
牛肉嫩滑、荷包蛋煎得邊位脆中間有少量蛋汁,通粉煮得有咬口,湯底有蕃茄甜味不會太酸.
簡單的食材用心烹調最容易打動人心.幾位女仕無論多忙也好,態度是總令人有親切的感覺.
雖說秋天打後吃大牌檔不會汗流狹背那麼辛苦,但試過這次後就算大熱天時,也不會介意滴著汗來吃!

i thought this restaurant was not so special,because the dish very common.
Something i wondered 蓄茄通心粉 the 蕃茄more than noodles...=_=
The impressive was 豬仔包 ,this one was so crispy and delicious
The noodles i can do it in home unless i miss this restaurant =]

又是美好的星期一假期，當然不能浪費，朝早起身就出發周圍行下﹗

前日無端端諗起呢間勝香園，都有成兩年幾無食過，搭車去到中環一路行一路問人，終於都俾我搵得番﹗

時值12:30pm左右，人客已滿瀉，幸好一個人等位並不難，唔洗五分鐘見有人走就即飛身入座﹗

兩張四人枱拍埋竟然可以坐到十個人，真係蔚為奇觀，見到來呢度既食客都應知有呢個安排，大家都無咩怨言，不停大叫待應阿姐快快幫手落單﹗

待應姐姐忙得不可開交，叫佢十次九次都聽唔到，也許太多工作要做分不了心，所以佢一行埋黎我地全枱人都絕不放過，一次過落哂所有單﹗佢地又要出餐又要落單又要執枱又要安排食客入座，真係難為了家嫂，勁就勁在佢地雖然忙，不過落單一張都無漏喎，落完單十五分鐘左右我地成枱既食客都有野食喇﹗

見到全枱食客都叫檸蜜脆脆，本來我都想食不過又怕食唔哂會浪費，如食家在一家可以share一個呢﹗

我要了鮮茄牛肉腸仔麵，麵佢話係出前一丁，不過食落比較幼身，口感較遜，唔似我地平日吃開的一丁麵，如下次再有機會吃的話一定轉回吃通粉﹗

成碗麵紅紅的，未吃已可聞到陣陣鮮甜的茄香，先喝一口湯，滿口鮮甜極之開胃醒神，蕃茄味極濃，我愛其天然新鮮的蕃茄味道，不會又加糖又加鹽似的，這個湯底一喝便知是以大量鮮蕃茄調配出來﹗

牛肉份量都幾多，配上鮮茄來吃是最好味的﹔最後我連麵連湯一次過飲哂，食完成身暖哂。

特別要提提呢度既凍奶茶，十分濃郁香滑，奶同茶既比例恰配，錦上添花﹗

食完一點鐘打工仔放lunch更多更旺，排隊排到出街，講真除非你大把時間等位食飯，如果好似我地呢0的地盤佬得九個字食飯的話，來呢度食一定遲到而回﹗

一月六日(星期三)

我病了兩日!今日是第一日番工!
吃點比較清淡的東西吧

到了勝香園!早一點去但是都很多人
等了又等
等完位後,等執檯,等落單=.=''
足足等了半個小時才落到單
由不肚餓.變到餓了

我吃了炒蛋牛肉蕃茄通
味道好,蕃茄湯依然很濃
牛肉很新鮮

下次有機會試試他們的蕃茄牛肉麵吧

臨過大海前, 朋友帶我黎食呢間大排檔.
如果係值既, 要等要排隊要食風 我都唔覺係問題.
但係, 食過之後, 我真係唔明點解仲有咁多人會願意等over 半個鐘去食佢既茄麵.

我同男友第一次黎, 見到咁多人等位, d野食緊係好正.
等左around 35-40 mins, 有位坐啦! 好期待!
雖然等佢地執位都等左1-2個字, 不過如果d 野食好味, 就冇所謂啦!

我叫左茄蛋麵, 男友要左餐肉茄蛋麵, 一個fd 就要佢最愛既茄牛麵, 而佢女友就叫左茄腸通.

一食, 老實講, 真係有驚不過冇喜.
個麵太生, 好難食, 我覺得我自己煮既出前一丁口感更出色. 可能係佢地要一次過煮over 10人既份量, 火侯好難平均到掛...
蕃茄可以話都夠新鮮, 但味道真係冇乜特別, 自己係屋企都煮到, 冇難度喎.
蛋, 這個ok. 有d蛋汁, 唔錯. 不過好多茶餐都做到.

男友個comment同我一樣, 覺得唔值得要"等" 位去食佢d麵.

我地都要左個蜜糖脆脆, 我覺得味道口感可以, 但不能話係出色.

Final comment 係, 我試過一次就夠.

其實經過勝香園好幾次，因為男朋友最憎等位，所以都無試過，但就成日聽人講蕃茄湯有幾好味。今日下晝天陰陰，又自己一個响中環，不如自己去撞下彩啦，果然一去到就好容易搵到個位，但你坐得低唔代表你可以好快食到野，因為要等機會搵阿姐落單的。之前聽朋友講過要食哩度就要有耐性，咁我就等等等一位阿姐送野食上檯俾人時，即刻order期待已久的茄牛通及檸密脆脆。我見到有其他人不斷大嗌執檯寫野都無人理，其實你越心急佢地就越係唔理你，真係要俾耐性等機會架！

可能我成日自己想像個茄牛通d湯有幾好味，試完之後同我想像一樣，所以唔係特太驚喜，不過食到咁濃味的蕃茄湯，就真的只此食到，通粉同牛肉好淋，整體都好回味無窮，可以再試。

最最最好味一定係個檸蜜脆脆，我幾飽肚都食晒成個，點解可以炸得咁香脆之餘質感又唔硬呢？個檸蜜甜甜酸酸咁，我諗再食多個都得！

由於我坐坑渠邊，係有陣臭臭味傳出，但面對這令食指大動的食物，我唯有叫自己唔好吸呾大啖氣忍一忍。

希望我下次仲有機會食多次！

零九年十一月下旬

新年的首個食評，由勝香園開始吧！

鐵皮屋經歷了不知多少個寒暑，日曬雨淋，寒風無減客人興志，想來的還是要來，蓮姐與另一位姐姐還是老樣子以高效率招呼客人，熟客的口味她們會一一記下，有著街坊人情味。

三寶湯米配豬扒蛋，一杯熱鴛鴦。三寶其實是唐芹、蔥及蒝荽的組合，撒在肉湯上令湯底變得清幽起來，味道也多添層次，湯花過心機去煮，帶著肉甜，當然也滲有微量湯包粉的味道，較坊間「丁麵湯包」湯底，來得有誠意很多。

嗯，屬於本土的心之味道，是值得支持的，更多人情味、手作仔味道分享＠
http://foodxfile.blogspot.com/2009/11/blog-post_26.html

吃完云吞面，去了H&M扫货，然后呢，自然想到去胜香园。

两个人share咗：
茄牛蛋面
我最爱的柠蜜脆脆
咸柠七

茄牛蛋面，喜欢他的番茄。同埋个汤嘸味精。牛肉和面都是大路货。
柠蜜脆脆，自己试过几次都没有他们做的这么味道中和。拿捏不好柠檬的份量。
咸柠七，我们都很中意。（其实玻璃瓶的汽水是比胶罐的好喝）

难等位。好多游客都不知要排队，直接就站桌边。
落单竟然漏掉我的柠蜜脆脆，要后补。

找了好幾個街口

終於比我找到你了

雖然環境有點簡陋 但食物 水準先最重要

點了個蕃茄餐蛋面 和 檸蜜脆脆

蕃茄面的湯不會太濃 , 個包就味檸味同蜜味甜度剛好,外脆內軟 , 值得一試

不過落單速度太慢了 ......

但還是可以一試的

之前喺亞蘇嘅節目度見到啲蕃茄濃湯麵已經好想試，不過始終無的起心肝去試，今日終於喺朋友嘅帶領下到此一試，本來係試蕃茄濃湯麵，但係公司治實在太太太吸引，所以我唯有下試再過啦，我同友人叫咗公司治，豬扒蛋脆脆同埋檸檬蜜糖脆脆，仲有咸檸七，公司治嘅餡料有紅腸（超surprise）、火腿、蕃茄、午餐肉同埋蛋，雖然無牛扒或雞肉做餡料，不過麵包嘅外層烘到好脆，整體食起上嚟超正；另外兩個脆脆都係著重於烘得脆脆嘅豬仔包去配咸或甜嘅餡料，食完一個之後，真係忍吾住再叫多一份，連亞姐都話我哋勁呀！而咸檸七就普普通通啦，佢除咗落啲篤爛咗嘅咸檸檬之外，仲加多幾片黃檸檬，所以好夠味，我見同枱嘅街坊食客都會叫奶茶，我諗應該都會吾錯，下次去試麵時一定會試埋，

P.S.可能係吾憂做嘅關係，啲亞姐超串／惡～
同埋要提醒大家佢哋收5:30，超準時o架～

因為無先睇google map
同男朋友搵左好耐. 行到上soho..
而且無人知佢叫咩名.. =.="
心諗唔好食你就死. 我一定如實叫人唔好去. XD

去到見到好多人. 坐係度無野食. 枱未執.
不過大排檔一向都係咁.
於是下於少理. 有位就坐! haha.

等左好耐先有位阿姐得閒有手幫我地寫野.
要奶油脆脆. 同佢講多奶.
佢話要加錢. 可能見我地無反應. 佢好似無寫.
唯有再講多次. 佢都再講多次話要加錢. 通常出面講加錢都係同客講聲就寫嘛.
haha. 男朋友見佢咁緊張. 唯有同佢講加幾多$$都要加多奶.
最後佢話加$1. (奶油脆脆原價$8 多奶加$1 . 其實都仲afford到. XD )
真妙. 人都玩謝.

最後成功叫左.
奶油脆脆. 好食. 物如其名. 可以特登行去食.
茄豬扒麵. 正常. 住附近可以成日食.
奶茶 (cold) 柚子蜜 (hot) 無特別.

短短的30分鐘lunch. 旁邊坐過2個不同的伯伯同叔叔.
不約而同. 狂落pepper. 不知為何?