相比同區的泰國菜館，這間有一種感覺到的精緻。

試過好多間九龍城泰國菜, 呢間真係好好味 .. 泰國菜通常都好濃味, 食完一定會口渴, 但呢間真係無呢種感覺 .. 正!! 環境唔錯, 裝修又特別!!
星期一至星期四仲有全單仲有8折, 飲品買一送一添 ..

兩個人order 左 :

蒜蓉包 - 好脆, 但脆得黎係唔乾身既 .. 好好味!!
蛋包泰式金邊粉 - 賣相唔錯, 仲好大碟, 但淡而無味!!
咖哩炒蜆- d 蜆超大隻, 個哩汁好香, 好濃, 撈飯 or 沾包簡直一流!!
馬拉盞通菜 – 一般味道, 無話特別好唔好味!!
明爐烏頭 – 超好味, 酸酸地既湯, 好醒胃, 最正係個湯!!
芒果沙冰 – 好香芒果味, 唔係用糖水沖既 ..
西瓜沙冰 – 西瓜味比較淡, 但都唔錯 ..

個個侍應都好 nice, 服務好好 .. 快手快腳 ..

是日男朋友娘親牛一，難得一日去九龍城唔食泰國菜點對得住自己呢

本人未去過籽苗葉，但同街的另外幾間都試過~~~
見男友同佢家姐大力推薦，一於試依間啦!!
另外原因係佢環境比其他優美一點 ^^

order左個4人餐，跟餐想改菜只要補差額就可以...全單仲有8折
侍應態度良好，給了我們不少提議!!

辣汁煮青口
不太辣，o岩晒一家大細食....但略嫌味道較淡

蒜蓉包
蒜蓉味不夠香，但勝在夠脆
點咖哩汁食一流!!

馬拉盞椰菜苗
家姐大力推薦，內有蝦米亦充滿蝦干的香味
菜炒得爽脆不會淋~~good!!

生菜包
食親泰國餐必點，特別在肉碎內帶有冬蔭公的味道
一點點酸辣感但不嗆喉，我們還不夠生菜吃....
店主還樂意為我們加添足夠的份量

木瓜沙律
此為我食泰國菜必點食品!!
最後亦係我清碟，爽脆的木瓜絲難得帶有一點甜味
辣度適中，花生不會因浸濕而變淋
蕃茄清甜，但對於不嗜辣的人可能辣了點 XD

泰式海南雞
不得不提佢跟的那碟汁醬，酸辣度一流
夠晒醒胃，即使雞肉本身略淡，但點汁後生色不少
食多幾舊都唔厭....一啖接一啖
好快就清晒!!

炸蝦餅
好大舊一件，啖落好彈牙，仲要係啖啖肉

咖哩汁肉蟹
因為相片上載有限無放相....
依個係加78蚊改掉原先的軟殼蟹
第一次上菜時蟹肉質素不太好
店主相討過後主動換一碟比我地

嘩~~~第二碟真的GOOD!!!
肉質鮮甜、夠滑又彈牙，咖哩汁香濃
好食已經唔使講，碟汁最後仲打包埋走

最後一碟係燒羊架，因為本人唔食羊....不願自評
但同枱人士認為有羊味而不so咁話!!


店員親切又唔hard sell，服務態度好~~
又會詢問對食品滿唔滿意...
我諗下次再去九龍城我都會再黎依間幫襯!!!! ^^b

見到OPENRICE嘅人話呢間的冬陰功好正,一於去試下

今晚點左呢個二人套餐,四道餸

蒜蓉包- 普通蒜蓉包,脆脆地
黃咖哩牛南 - 一般泰國黃咖喱,唔係突出
馬拉盞通菜 - 味太濃, 咸左D喎
冬陰功- 椰奶有點多,呢個冬陰功又唔可以話好好食,OK啦,唔太酸又唔太辣, 有D失望

飲品 -椰汁同龍眼水 OK

總結,呢餐泰國菜係普通之上,但唔係話好難忘, 下次唔會再去了.
價錢方面, 二人套餐四樣餸加兩杯飲品,埋單都係$196,唔貴啦

四個人來到九龍城食thai food
是因為小曼谷太多人等才來這裡:p
不過這兒的食物也不賴, 環境又舒適

冬蔭公湯: 香濃得來夠哂辣!! so gooood! 係成餐飯入面最值得讚賞!
辣椒羔炒青口: 唔辣都唔緊要啦, 青口唔太新鮮又唔夠味
泰式海南雞: 好好味! 嫰滑又唔肥, 連雞胸都好味
黃咖哩豬配香脆蒜蓉法包 , 豬肉生菜包都很不錯
後者豬肉入面有酸辣汁好開胃呀

男友帶我去一個好地方食晚餐...今日其實天氣特別湅，但店內的裝修人溫暖的感覺~
整體食物有水準...好滿意
泰式拼盤....一般~...(有春卷、蝦餅、魚餅、蕉葉包雞)
黃咖喱牛腩....好香"林林"的牛腩.....叫埋薄餅....熱辣辣~...好正
沙嗲串燒..(牛、雞、豬)各兩串...good...有沙嗲醬同不錯既燒汁選擇....
.
超值係果汁沙冰...除紅白酒、椰青外全部買一送一..好抵...男友叫了菠蘿沙冰，我叫了芒果沙冰...都係新鮮果汁....好正

甜品叫了椰汁西米糕(好正有芋頭粟米粒)、千層糕(有d位有少許硬無乜味)，驚喜是送的大菜糕好香椰汁味~

九龍城有"Little Bangkok"之稱，周圍都有地道泰國菜館，有平有貴，

好少會令我咁失望，食到我個人冇哂胃口..



"蠔仔炒蛋"，可能同我食開ge唔同，

我食開鐵板蠔仔蛋，真係好食好多，

又香又有蠔味，

但呢個d蛋同屋企d炒蛋差唔多，好普通，d蠔亦無蠔味，好失望!!!!

剌身蝦還好肉地，不過我都見到d腸絲，雖然我無肚痛，但我未盲...



清炒椰菜苗 (朋友覺得ok，我不予置評)，

炸蝦膠牛肉 ，是炸蝦餅饟牛肉碎，外層清脆利落，

但入面蝦味同牛味都唔重，有d2頭唔到岸ge感覺



嘈吔咖哩蝦，唔知咩叫嘈吔，但呢個咖哩很"傑"加了椰奶，有椰香味

但更"傑"，蝦球經炸過，但不見得香口

反而吃得很濟，食了一半放棄!!!

呢間舖，有外國人幫襯，可能菜式改良過，但口味同泰國風味差很遠

並不地道，只是服務態度的確不錯，很細心介紹

但我不會再去了

18-1-2009

上次0係對面泰農食到「媽媽聲」(點「媽」法: http://www.openrice.com/restaurant/commentdetail.htm?commentid=1957457), 今次試試對面呢間籽苗葉. 一行 3 人, 唔食咖喱蟹了, 今次簡單叫一碟菜, 一碟粉, 一份小食, 一個湯及半隻雞 share 食, 全部無辣:

- 豆腐肉碎粉絲湯: 其實叫的係海鮮粉絲湯, 大家飲了兩啖先發覺呢個係0黎錯了, 不過味道唔差, 都懶得叫佢換了. 呢個湯落了大量唐芹, 冬菜, 草菇 / 雞脾菇, 當然仲有豆腐, 肉碎及粉絲, 好潮州菜 feel, 味道十足方魚肉碎粥, 哈哈. 幾好飲的一個湯, 不過 d 粉絲就「發水」得滯, 太腍了.
- 馬拉盞炒通菜: 通菜好嫩, 鑊氣十足, 炒得熱辣香口, 加埋粒粒蝦米仔, 不錯. 如果加少少辣, 相信仲好食.
- 泰式海南雞 (半隻): 係 menu 上「推介」菜色, 雞肉果然好滑, 不過雞皮比較多肥油, 加上酸辣汁太稀, 又酸而不夠辣, 食味大打折扣, 可惜.
- 蝦膠牛肉: 係巨型炸蝦丸中間釀入牛肉碎再炸, serve 時一開二... 蝦膠彈牙香口, 牛肉就得啖笑, 粒粒無味又乾涸, 唯有自行「走牛肉」, 蘸上甜甜的柑桔醬 (?) 食 -- 咁樣好食好多!
- 蛋包泰式金邊粉: 賣相幾得, 食味唔得 -- (炒)蛋乾乾的, 無味道; 金邊粉乾身, 味道微甜, 但唔夠酸, 加上溫溫吞吞, 唔好食, 加埋配料 (花生, 豬肉, 雞肉, 芽菜) 都於事無補.

見飲品買一送一, 叫了杯凍龍眼水試試, 點知佢雖然龍眼味 ok, 但甜得離譜, 勉強飲了 3-4 啖, 係要倒入大量清水「溝淡」先易 d 入口, 真係...

送的糖水店員話係「紅豆椰汁西米」, 不過試了一啖, 都唔知自己食緊 d 乜. @_@"

環境裝修幾骨緻, 亦乾淨企理, 不過唔似得附近的地道泰菜館, 見唔到泰王張相之餘, 仲掛到全個天花板都係「發」字剪紙藝術, 仲有「恭喜發財」揮春, 完全話晒俾你知佢係已 localise 了的泰國餐廳, 唔怪得食物無乜「泰」味啦; 店員們及老闆都友善有禮, 招呼反而 ok.

連加一每人約 $95, 唔算平, 食物亦一般, 對呢度無晒興趣了. 不過走時店方遞上咭片, 又話下次0黎有 7 折, 睇0下屋企人會唔會想再0黎食吧.

經過三小時朱古力洗禮~身體應接不暇~一時間作不出反應~結果神情呆滯地在九龍城的街頭遊蕩著~不吃不吃終需吃~總不能由得消化系統整天與咖啡因談情~僅餘的潛意識告訴我要找點熱的肉食和大量熟的菜好作中和之用

也懶得精挑細選只求吃間沒吃過的就是了~來到隆姐與小曼谷中間的籽苗葉~店員由深處跑出來招呼~小比冷笑了~但她道出周日也有八折~套餐也有~見她盛意拳拳~接受了她的好意~周日的晚上~店內竟然只有兩檯客人~概嘆龍城競爭有如滔滔江水~

餐牌採用一版圖片一版文字~看得清楚明解~只求清淡簡餐~點了清炒椰菜苗與海鮮濕炒河~店員每句都唔該前唔該後~沒有感到煩厭反倒受得舒服~客人不多~落單即炒~在外廳都聽見熊火聲響~交帶了清炒也要少油~絕對做得妥當~椰菜苗總是在泰國餐廳才多機會吃到~嫩綠新鮮~吃下去是爽朗的感覺~不像菜心等一咬凹陷然後爆出汁液~~

來了海鮮炒河~都還來不及反應~店員已問句"e~!?你地叫濕炒定乾炒"~答句濕炒~就在兩秒間拿走了說重新做過~~其實我倆倒沒有所謂的~但她爽快地反過來跟我們道歉~老闆看見也笑笑口地說句~"咁我地今晚就有宵夜吃了~"~~還以為會將剛才的一碟另加茨汁就成濕炒~但他們是真的做過一碟~效率反應皆是上佳~河粉條條分明~茨汁稠度到位~海鮮以外也加了不少蘿蔔芥蘭等調和一下

不想再喝冰凍的飲品~買一送一的優惠無福消受~找點肉吃~老闆介紹蝦膠釀雞翼~就試試吧~即叫即包~沾上麵包糠新鮮熱辣炸起~上桌時仍滾滾的~賣相如羊架~雞翼骨反過來釀入極多蝦膠~十分飽滿~附上刀叉~但打從第一秒見到它就一致認為用手吃才夠過癮~拿起雞翼骨咬著啖啖肉~不比鳳城的蟹鉗為遜~蝦與雞肉原來是門當戶對的一對~

正準備結賬之時~店員放下兩件菠蘿大菜糕~送的~又是甜品~!??!?!!幸好是清淡之選加上菠蘿有幫助消化功用~就此謝過~吃過爽爽的大菜糕就結賬了~只是九點之時~店內只剩下我倆~她們也真的在吃剛才的乾炒海鮮河做宵夜~生意難做~店舖裝潢是花過心思~有泰國悠閒小店感覺~或許是對手太強~繼續努力吧~

原本打算到九龍城街市上面食泰國菜，因為我們每次去九龍城都去那裡食的，但在openrice睇左人既comment去似話加左價無甘底食，再search一會，睇到網上食評都幾好，就決定去籽苗葉到試下....

在門口睇左一陣餐牌，門口的侍應都十分nice地介紹，仲話有八五折....吓! 網上又話有七五折喎...原來是for星期一至四的....我們個日是星期五呀...bad luck!

入去坐在近門口位置，都幾舒服。我們order左冬蔭功、蛋包金邊粉、青咖哩牛腩、薄餅和芒果沙冰...個冬蔭功有蕃茄的，蝦都爽口不過我覺得太多秀珍菇，味道是合格以上的；青咖哩個waiter話係呢度出名的....都幾濃幾香，牛腩也都冧的；蛋包金邊粉大碟，抵食，汁是甜酸的，蛋炒得香；薄餅就油膩左少少；沙冰水少啲會好些.....

服務態度不錯，除了有介紹之外，中途也為我們換碟....感覺是nice的....

除後大約八點也full了...看見它們也有不少熟客....可以下次再試的!

今日又同女朋友既屋企人去食泰國野
唔駛諗就揀定籽苗葉啦
因為食過幾次都好好食~

今次都係飲椰皇沙冰同西瓜沙冰...買一送一...勁抵~
跟住叫左柚子沙律同生蝦刺身
今次個柚子沙律個溫度適中....d 柚子肉好甜好食
生蝦刺身亦唔錯~

不過籽苗葉最好食都係咖哩炒蟹
蟹夠新鮮, 食咁多次最靚呢隻~
咖哩汁有好重蟹香...好好食...$168 勁抵!
蒜蓉包同薄餅點咖哩真係一流~
我真係唔認同樓下位仁兄...蒜蓉包唔係度度整得好食~

碳燒豬頸肉好香...次次都係咁
第一次叫碳燒魷魚, 燒得唔會太乾...唔錯~

結果女朋友既屋企人問下次幾時再黎~

行到去門口見到個牌寫住星期一至五晚飯有7折,於是入去試下

泰式海鮮炒河: 有蝦,青口同埋魷魚,配埋馬拉盞炒都幾惹味,但係d河粉炒得唔夠散,黐埋一舊咁,仲有食到一半先發覺碟野d粟米芯竟然係"縮"既,失敗

沙爹串燒: 叫左豬同雞,上桌既時候都聞到有燒烤既香氣,不過d雞燒到過左火,比較燶同硬,而豬肉就好d冇咁乾,味道都可以

青咖喱羊肉: 羊肉質數非常一般,而且好羶,怕羶既千祈唔好叫,d咖喱稀到好似溝左水咁,冇乜香味,唔合格

乾咖喱煮荀殼魚: 食落幾有香料味,但係過鹹,一定要搵飯送先得,條魚就普普通通啦,一條正常size既荀殼魚(即係細細條)賣成98蚊都幾貴

蒜蓉飽:標準野,新鮮整起好難會難食


因為碟炒河既關係,老闆送左個甜品比我地,將d木薯蒸熟淋d椰漿上去食,甜甜地味道都可以,不過我諗都應該唔會再黎呢度食

突然間想食泰國菜, 但之前響九龍城食過 "金X" 同 "黃XX" 都好難食
所以去之前 search 左 Openrice 先...揀左幾間
最後揀左籽苗葉~

去到門口見隔離泰國餐廳超多人
反而籽苗葉唔駛等...開頭都有d 猶豫
但都係入去試完先算

入到去環境都企理
我地兩個人首先 order 野飲
西瓜沙冰好味...仲要買一送一...好抵~

之後叫左柚子沙律...味道唔錯...只係唔夠凍

生蝦刺身個汁好好味~

咖哩炒蟹就好好食喇...
我食"金X" 同 "黃XX" d 咖哩炒蟹係唔夠熱...好似唔係即炒
甚至隻蟹係無爆過油...叫"咖哩撈蟹" 多過炒蟹, 一d 都唔好食!
但係籽苗葉既咖哩炒蟹明顯有爆過油...香口好多~
隻蟹多肉又新鮮...掂~
蒜蓉飽唔太乾...點咖哩汁好味
叫多客薄餅好香好好食...又係點咖哩汁一流~

泰式豬頸肉好野味...好香口但唔會乾身...個汁亦好食~

最正係食咁多野埋單都唔駛四百...抵食!
侍應亦有禮貌, 執水唔駛嗌~

好耐未食過咁好食既泰國菜
一定會再黎~

時間真係過得很快，上次嚟幫襯，己經係一年多，旁邊依然係排緊隊的出名大排檔，人真係好奇怪，總之係出名，唔理好唔好食，都覺得人多一定好，要排隊就好食。
這裏沒有多大分別，裝修依舊，地方整潔，幸好食物依然保持水準，難得係全城加價後，佢平日還有七折，正.....
今晚叫了香茅大蝦，非常惹味，陣陣香茅及蒜香，加上剛炸好的大蝦，朋友用來送酒，一流。
冬蔭公，酸及辣味道平均，還有熱鍋裝住，細心抵讚。
仲有豉油王荀殼魚，條魚炸得啱啱好，皮脆肉滑，可惜始終喺冰鮮魚，無セ魚味，不過，我個朋友怕惺，对佢嚟講，就好正。
然後，老板推介生蠔，果然係美國大生蠔，如果係蠔吧食，起碼要HK$40-50一隻，但這裏只係$60.00三隻，仲有七折，对於我呢個蠔痴，麻烦再來一個。
加埋炒飯及王咖喱牛腩，埋單都係400幾，真係食得招積，座得舒適。

咖哩炒蟹: 唔錯, 個汁好甜, 好味!
扎肉沙律: 勁辣
冬陰公炒飯: 好多冬陰公材料, 多硬口雜質
青咖哩羊肉: 好特別, 又有茄子做底, 羊肉略少
串燒: 12條, 夠燒烤味! 正!
咸魚炒雜菜: 不錯, 但咸魚太大粒, 變左好咸
軟殼蟹: 勁正!! 超入味!!
其他: 法包, 薄餅, (仲有d唔記得) 都ok
甜品: 無咩特別

一行7人(有圓枱, 只此一張, 要book), 27/11晚, 埋單有7折.

下次會再去.