3個人叫左:
軟x蟹沙律 炸得香口又唔多油,份量ok
牛油雜菇 好好味,但勁細份,一片方包既size都大過佢
燒汁魷魚筒 唔錯,真係成隻魷魚係面前,都幾大隻抵食
雞扒烏冬 好大碗,味道一般
海鮮石窩飯 熱到吱吱聲,有鰻魚一條,幾粒蝦仁+魷魚,一隻青口,但個汁怪怪地,飯都偏濕
跟飯的面豉湯好咸
見佢三文魚壽司賣$5件,我地都要左4件 又真唔錯喎~size正常而且都肥美!
但唯一係等得太耐,因為我地一坐低巳經叫左,可是我食哂全部野都未黎,
中途仲吹左好多次!!都唔明又唔駛煮,凈係切都要咁耐?!?!?!?!
侍應經常加茶,頗密程度真係有點嚇人

是日跟同學都荃灣做interview,
大家下午都沒有甚麼事幹就去了找下午茶吃,
可能天氣真的太熱,
所以都是主打找一個好坐的地方hea一會

最後來了力生廣場的江戶前,
我覺得江戶前的裝修還是有一點熟口熟面的感覺,
後來才發覺是沙嗲王的分支日本料理~~~~還好吧

因為壽司有特價,
所以Order了很多壽司,
三文魚真是勁抵吃item,
因為片片三文魚都很厚身(見圖)
用料都蠻新鮮的~~~~~~

可憐的是我們order又天婦羅真是骨瘦如柴!!
不是太好吃

下次來的時侯寧order多一點魚生壽司,
因為熟食的真是麻麻
anyway以這樣的裝潢,價錢,食物quality,
值得給笑臉~~~~

經常從南豐中心天橋通過力生廣場,大大個江戶前的 banner掛在眼前都沒理會,只是最近轉了口味。恰好吃飽後要坐穿梭巴士到國際博覽館的寵物展,而穿梭巴士又於附近,所以我們3人選在這用餐。今天點了的鱆紅魚刺身可惜沒貨,總括來說,以這樣的價錢絕對是可以encore !

血池海鮮拉麵~~大大碗端上桌,3個人也足夠吃,拉麵不過不失,海鮮我只吃了兩隻沒什麼特別的小蝦,湯底味道既辣且香濃,麵都吃完了;禁不住又偷偷喝幾口湯。
蟹肉可樂餅~~炸來兩個圓圓可愛的,非常吸引,一團豐飽蟹肉賴尿蝦可樂醬裹上麵包糠炸,喜歡它入口外皮脆內餡軟的
三文魚壽司~~三文魚新鮮肥美,壽司飯吃起恰到好處地黏口, 軟而不爛。
酥炸軟殼蟹~~蟹算是大隻,炸漿薄身沒有吃粉的感覺,輕易地連殼送到口中
和風燒薄餅~~餅面的木魚絲飄散著,和風味十足,加入沙律醬同吃味道討好,要緊趁熱吃。
牛油燒雜菇~~打開很清爽的雜菇,烤出香香的牛油,很對味。
劍魚腩刺身~~肉質鮮嫩肥美,推到口中溢滿魚脂的甘香
野菜天婦羅~~我只吃了一件,它入口即化,口感介乎蕃薯和芋頭之間的紫心蕃薯,炸得鬆軟又不油膩
一口薯波~~醮上沙律醬,整粒送到口內,咬破脆的面層後便一口薯泥蓉,很過癮

日期：2009-07-22

在"江戶前"(荃灣)買了一碗"日式叉燒拉麵"($39)。拉麵和味噲湯是分開盛載的。

日式叉燒拉麵---內有拉麵、日式叉燒、蔥花、粟米、昆布、鳴門卷、雞蛋、小棠菜和味噲湯。湯頭味噲味和昆布味香濃，鹹味適中。拉麵麵質爽口彈牙。日式叉燒肉質軟腍鬆化，鹹香惹味。整體水準很好，而且拉麵份量多，十分飽肚。

今天又黎食lunch~~ 又係點豬軟骨烏冬、鱆紅魚刺身, 不過今次叫新野........吉列魚柳烏冬&荔枝綠茶..........

豬軟骨烏冬&鱆紅魚刺身唔多講, 因為都係差不多, 今天淨係講吉列魚柳烏冬&荔枝綠茶........

吉列魚柳烏冬 -> 呢個係配地獄湯底, 我覺得少少辣, 又酸酸地, 本人唔係太接受...........至於個魚應該係龍脷柳, 炸得非常脆, 就算我放到舊魚凍冷冷, 都依然好脆.......
荔枝綠茶 -> 除左不嬲都有的啫喱狀物體外, 仲有2粒荔枝, 唔知係新鮮定係罐頭?? 因為已經冇哂味..........

江戶前
寄世海鮮鍋定食 ($68) +凍奶茶 ($6.5) 跟餐飲品半價
酥炸軟殼蟹 ($39)
三文魚壽司 x 2碟 ($5@)

海鮮鍋有青口,,帶子,,蝦,,豆腐,,金菇芋絲,,菜 ;D
都幾多料;DD
定食送既魚頭好濃味好好啜好多膠質 ;PPP
炸軟殼蟹仲有舊炸茄子同炸冬菇;D
軟殼蟹幾脆幾多肉 ; )))
三文魚壽司五蚊碟好平;DDD
舊飯唔會好大舊=D 都幾抵食 ;DDD
會再去 ; )))

今日約了朋友一齊食呢間江戶前 ~
平時經過呢頭都好少去呢間, 今日一於試下

最尾叫左
叉燒手頭烏冬, 炸薯波同檸檬綠茶~
碗烏冬幾好味呀 ~幾彈牙~不過友人話d烏冬麻麻 ~~
d日式叉燒好鍾意食~醬油湯底不俗~甜甜的易入口

炸薯波,冇咩特別~~不過熱辣辣幾好味..
係貴左d囉~~要成$25..最近介口,咩都唔食得唯有叫這個

朋友的烏冬鍋~~好似唔錯~~不過d天婦羅浸到淋晒,分開上比較好 ..
仲有好健康呀..加埋兩條唔應該出現的菜

另外 叫左5蚊兩件的三文魚壽司,質素唔可以話好好,普通過得去啦

仲叫左檸檬綠茶~~酸酸甜甜愈飲愈開胃~~

埋單百五都唔使,幾抵食~~~仲有而家先知呢間都係沙嗲王集團既..
服務就麻麻啦~~因為我後尾加order時叫左幾次都冇人理我...
但個時又唔係話好多人 !佢比個鐘客人落order有點廢廢地..
禁左兩次都冇人黎..

本人和朋友兩人到江戶前吃午餐,看到門口有宣傳牌寫著三文魚壽司每份五元,沒寫時間限制,在點菜期間,有位主黑衣的女主管負責,點菜再問三文魚幾錢,她說今天特價五元,那就點了兩份午餐及兩碟三文魚壽司,到埋單時發現收取三文魚壽司每份十二元,就查問那位女員工為什麼價錢是這樣，她說這是晚上六點才有優惠,我就說當時一位黑衣女主管答我現在是特價的,那女員工問了黑衣女主管是不是這樣說,她答講過,但忘了是晚上六點後才有,那女員工就說黑衣女主管X姐是新來的,不太清楚,所以講錯了,最後沒再跟她理論,埋單走人,當天食物味道也不好,又遇到這樣的問題,真是不快,我認為這間餐廳食物質素和服務態度需要很多改進的地方。

成朝係食過野...到兩點左右...我同老公都好肚餓..即刻去搵野食...行過存力生見到個招牌寫有午餐...就一於去試下...

咖哩牛肉飯: 好味...咖哩甜甜地..辣辣地...牛肉又夠多.....係唔知點解會用泡菜做配菜...

雞扒拉麵: 份量好大...一個女仔一定食唔晒..就算我餓住食都食剩1/3...雞扒好重黑椒味...好味....但亦都好奇怪地點解會有小棠菜0係一碗日式拉麵到呢....

呢間野好似變左我同老公o既飯堂咁, 差不多逄放假就黎食lunch, 4月果陣第一次食完之後, 就一直keep住有幫襯, 第一次有寫食評, 之後都唔記得寫tim~~ 而家一次過補番哂........因為呢幾個月食左幾次, 都叫過幾樣唔同食物............

豬軟骨鳥冬 : 次次唔同, 味道上keep到, 但可能有時肥有時瘦, 瘦果陣好鞋, 肥果陣又唔首好肥, 但就會林好多
咖哩牛肉飯 : d咖哩唔辣, 因為日式咖哩通常都係唔辣, 但有咖哩香味, d牛肉好林, 但肥左少少, 係打邊爐果隻肥牛
吉列豬扒烏冬 : 炸得好脆, 就算放凍左都仲脆, 但塊豬扒其實好薄, 係脆漿厚
叉燒烏冬 : 肥叉, 但唔係廣式果隻, 但日式果隻,,,,,,,,,,, 佢其實係一層肥膏一層瘦肉, 應該叫做靚, 不過我唔好食肥野, 所以覺得佢肥啫......
雞扒烏冬 : 雞扒冇乜味, d皮成層肥膏, 可以煎得唔夠香, 所以就算我老公鍾意食煎香/炸過的雞皮, 佢都冇食, 因為實在太肥, 又浸住d湯, 林哂.......
牛肉烏冬 : 牛肉好肥, 肥過打邊爐果d, 又冇乜味

我鍾意食果d都試勻哂, 原來佢唔同肉會配唔同的湯底比你, 你係冇得指定, 但佢都配得唔錯, d湯底味道好正, 唔會太淡, 又唔會太濃, 正..........

飲品已經試過芒果綠茶、青蘋果綠茶、薄荷綠茶、荔枝綠茶, 每款都會有d好似啫喱定蒟蒻的物體, 好飽肚.............

佢d拉麵/烏冬set係跟壽司, 而飯set就跟面豉湯, 如果你加$5就可以轉三文魚壽司, 但我就一次都未試過, 我次次都係要佢指定果d, 咁先至有驚喜...............但當然唔會抱太大希望, 因為全部都係d cheap cheap壽司, 你諗下喇, 三文魚都係好平, 但都要加$5先可以食, 咁你覺得唔加錢會有d咩好野比你丫?? 我試過有三文魚碎(即係切切埋埋唔要果d呢)、立魚、飽魚..........全部都係超薄, 甚至薄到切爛.......

有冇留意我全部都係叫烏冬呢?? 因為佢d烏冬係稻亭手打烏冬, 好正好有彈性, 連我老公咁咀尖都話正...............至於拉麵試過一次, 好普通, 但唔算差............

每次lunch例牌叫2碟鱆紅魚刺身, 因為老公超鍾意食, 但鯨龍魚就次次叫都冇............ 琴日連鱆紅魚都冇埋, 所以叫左劍魚腩同立魚.........原來劍魚腩都好正架!!! 厚切..........超正!!! 立魚就切得薄左少少, 唔夠口感, 但都好正!! 起碼佢唔會雪到凍冰冰咁比你食, 佢又唔會放到軟哂暖哂, 仲係有少少凍, 咁先正!!!

My family wanted to take dinner in this restaurant. The manager led us to table near male
toilet. Bad smell come from this place. Then, we wanted to change other table because they have some no guest table in the restaurant. However, the manager play us.She led us to outside to wait more more time. We did not want to waste time. We went to other restaurant to have our dinner.

今晚叫左:

1/ 3文魚壽司4碟
5蚊碟, 都ok啦
2/ 燒3文魚腩
正呀...一定要食, 好多汁, 好正
3/ 炸薯波
細細個食過, 而家食返好正
4/ 血池吉列魚柳烏冬
辣度岩岩好
5/ 鍋燒烏冬

食左160蚊左右, 送返16蚊couple下次用, 抵, 下次都會再食

前晚同o左女友去o左呢間店到食晚飯,入到去都算多人,
叫o左個雜錦魚生飯,三文魚魚生飯,一個石鍋燒牛柳,d魚
生飯d魚生一般,唔算新鮮,可以不理,個石鍋燒牛柳就一定
要試,好有牛味,亦燒得剛剛好,都ok多汁,不錯,最後仲有甜
品送,埋單一人都係$80,而且有野飲,尚算抵食.

復活節假期, 由於早餐晏左食, 所以lunch都遲左食, 一心諗住食下午茶, 但原來要三點先有得食, 可能係假期掛, 但見橫掂有$20現金卷就到期, 咁就黎食個lunch...........

黎到果陣一點半左右, 見門口坐左幾個人, 以為滿座啦!! 點知原來入面係有位的, 但入到去都冇人招呼, 企左一陣, 終於有個待應見到我地, 先招呼我地入去坐........

一坐低梗係睇食乜野啦!! 見到lunch個menu有d拉麵set同飯set, 都係三十幾蚊起, 包飲品1杯+壽司2件, 都覺得幾抵食, 最後叫左1個牛肉拉麵set+1個豬軟骨拉麵set+2碟鱆紅魚刺身(原本想叫1碟鱘龍魚刺身, 不過冇, 所以先叫2碟章紅魚刺身).............

好快就黎左碟壽司, 跟住黎刺食, 飲品, 最後黎麵.............

壽司 : 但超迷你, 一啖可以食2-3件, 1件係疑似鮑魚, 1件係疑似立魚, 都幾新鮮, 連d飲都仲係暖暖地
鱆紅魚刺身 : 1碟有4塊, 切得好薄, 不過都好新鮮, 而且唔會雪到凍冰冰
飲品(凍奶茶) : 冇特別, 不過食日本野的地方有凍奶茶飲, 好似怪怪地, 可能係迎合香港人啦~~
飲品(凍芒果綠茶) : 只飲到芒果味, 飲唔到綠茶味, 而且有d疑似芒果苟蒻, 飲到好飽
牛肉拉麵 : 牛肉好肥, 肥過打邊爐果d, 又冇乜味, 個湯底淡左少少, 我個人反而接受呢個味道, 其他配料都係粟米、雞蛋、海帶、蔥花、日本魚蛋
豬軟骨拉麵 : 豬軟骨好鞋, 好似湯完湯果d湯渣, 有少少味

總括黎講d食物可接受, 但未至於好好食, 不過唔難食, 但d待應好奇怪, 我果日係坐响柱邊, 每次待應拎食物/飲品比我地果陣, 一定係响柱邊攝入黎, 唔知點解唔會响另一邊放低, 就算連比錢都係咁, 有一次差d比我撞倒瀉杯奶茶, 因為佢地係冇聲咁攝入黎架...............

與兒子一同晚飯, 叫了炸豬扒蛋石頭飯&牛肉湯拉麵, 特價壽司每人最多兩客, 兒子話很餓.,我們應吃得晒,所以就每人兩客.由於是特價壽司,由店舖供應,我們無得揀,比甚麼款都唔知.
來了, 全是三文魚壽司, 不太新鮮的三文魚,兒子話5蚊兩件, 我們有八件比20蚊算係咁上下啦.
跟住來個炸豬扒蛋石頭飯, 很香, 很熱, 我們share吃的, 豬扒夠脆,味道ok, . 至於牛肉拉麵D麵, 兒子話與我平時煮的差不多, 只是牛肉不夠牛肉味. 我們吃完所有食品後覺得很飽, 很飽.找完數後送回一張$10 Coupon 可在兩個月來用.都算抵.