43.9元~ 加1服務費:::: 即 48元!
質素較上次好d~
例如炸帶子sushi,,, 脆卜卜的帶子,
質素都唔算好差~值得1試的~
蟹子salad sushi,海蜇sushi,芝麻八爪魚sushi,

從不知明將有雜果sushi呢個款式,
都係朋友推介的~不過呢款sushi d飯仲係暖的...
不過都無可能大量供應rice的..即叫即做,所以是新鮮的
又覺得幾好味~沙律醬又幾入味的!

粟米sushi都不差,d粟米都新鮮的~
3文魚sushi 的3文魚又細片..又無咩味..仲之個賣相不像3文魚...
點了12件的,點知個waiter落單果陣又唔留心...
所以漏上菜呀....
無論點幾多件sushi,只係用細碟黎盛~
最多可盛8件...所以後來再order多4件好了....
饅魚sushi無味的....

雖然當日無卡位呀,
同3位朋友1齊去食~
但坐迴轉座位,,可以對住鏡黎傾計~都幾方便,haha
環境都ok的~
雖然d碟子又真係幾dirty...

第1個男waiter落單的態度很劣呀,
幸好之後有個較老成,有經驗的女職員落單,又有禮~
而且又額外問我圬點唔點海蜇sushi tim呀~

呢次食左好多碟sushi,呀,,
如果想食便宜的任點sushi,到此就可以滿足你的肚子~

8/11/09 (星期日)
今晚有事要黎這個很多人的購物商場，辦完事後已經到咗晚飯時間，就係商場內揾嘢食，順路行過見到這家食店內有位，壽司$43.9任食，好似幾抵，就走入去試下。

入去坐低後想問侍應拿餐牌或壽司紙叫壽司，點知侍應話無餐牌，只係口頭講咗幾款壽司，我就叫咗果幾款試下，有八爪魚壽司、鰻魚壽司、三文魚壽司、中華沙律壽司、蟹子沙律壽司、粟米壽司、螺肉壽司。

款式唔多，而且味道一般啦，壽司的質素麻麻，紫菜受潮，好似已經擺放了一段長時間，下次都係平宜莫貪。

吃過多次明將, 猶最近呢次非常失望!
之前雖然都好失望, 都起碼可以放入口.....
原因如下:


一年前, 味道正常的壽司還有八爪魚壽司及鰻魚壽司.
而三文魚壽司屬於中下級別.
可是, 最近數月, 連正常的鰻魚壽司也失守了!
而三文魚壽司吃下去猶如吃油脂的.

放進口....點解可以咁難食的!?

八爪魚壽司, 還可以保持水準....

中華沙律壽司: 十萬個不要點!!! 好似食豬屎咁囉!!
各款炸物壽司: 沒有甚麼特別, 不過炸物太少了, 舊飯又大舊.
蟹子壽司: 好難食, 好似隔夜味道咁!


本來以前喜歡這裏一個便宜價錢任食的感覺,
可是現在正常味道的只剩下八爪魚壽司....
我已經沒有理由在來這裏吃了

昨天漏寫食物, 今天作補充.
-)同行人夾起壽司, 飯團即散, 而且餸好像是隨意放上壽司飯沒有壓一下才上碟般
食得出壽司飯有少少醋味,但不多
-)迥轉帶上款式不多,像是是故意安排, 由坐下到起身離開完全未看過三文魚呀等等, 來來去去就是熟蝦,單頭甜蝦米 .....等,看到附近位子的客人的碟子上的各款原來都是要向店員落order,但店員說沒有menu,只是店員口述 .... 這點真是有點不可思意

要說每人48元的價錢就不要要求多多,但試問一下,大牌檔都有木板寫上有甚麼茶式吧.還有就是壽司不會一夾即散吧.

極度敗慶的一頓 2009-10-26 02:34113.252.x.x
現在才看到這家的食評原來這樣"好", 唉~
我們兩人吃過三數碟之後發現迴轉帶上的壽司款式來來去去只得三數款,打算找店員要Menu來看看, 店員竟然說沒有Menu .... 只係口頭說了一堆款式出來, 我們就在她停下的時間決定要什麼及數量 .... 唉!算了!

誰知 .... 坐我隔鄰的亞太竟然把她吃完的碟子放上迥轉帶 ..... 嘩~唔係丫嘛, 迥轉壽司已在香港立足了這麼多年, 還有人會這樣做 .......

之後有店員在擺放剛清潔好的杯子上架子時貪快,他推移他放好的杯子時, 當中其中一隻杯子跌下,落檯之後彈落同行人的腳, "中獎"位置是腳眼,出事店員是有say sorry, 但都已經令我們沒心情再食下去, 決定"埋單".

"埋單"時同行人當然有投訴,但收銀位"姐姐只係掛著收錢,之後就問其他店員是誰出事,但係錢你已收足, 我們何以如何做?

"久仰"明將壽司"大名"多年,未能親身親身光臨,終在星期一晚上到此一試聞名已久的"熱粟米壽司"

星期一晚上,可能眾多學生因學業原故,未能抽空到明將內吃吃飯聊聊天,故此當晚名將場面冷清

坐底後,侍應生立即奉上茶包 一小碟精緻花狀芥末

有茶包當然要用茶杯才能沖泡,茶杯一模上手,痴立立的,不知道那些服務員如何清洗茶杯

迴轉帶上有"多款"壽司以供選擇,我當然要選聞名已久的熱粟米壽司

當我用筷子夾那塊粟米壽司時,已感覺到那些紫菜霉度十足,兩塊壽司是黏在一起

口感更加不在話下,飯是暖,毫無醋味,紫菜相當霉,奇怪的白醬味配搭起粟米,味道相當複習

另外想講講是小小小小蝦壽司,那舊壽司如明將壽司師傅做人態度一樣,壽司飯一夾就散,放入口,感覺到飯味略帶苦,那隻蝦也是,我當堂吐出.

學政府廣告的一句宣傳口號一樣

不可一,不可再

三年前眾神風敢死隊,偷襲大久保一役,到今日仍為人津津樂道.今次的目標,輪到受一眾深旺系潮童愛戴,位於西九龍中心的"明將".剛好是日七月十四,在此"做節"是理所當然.

外間對明將的印像,一方面以四十幾銀可任吃壽司.當然受到那些用千幾銀買件tee,之後再無多餘錢去吃飯,但仍要"是日本人"的潮童歡迎,另一方面,受到一些對吃有一點要求的人唾罵,說這些壽司根本不能入口.小弟從沒去過明將,單憑網上的食評,相片,很難一口去批死,要親身落場才能証實,但是,身邊的朋友一早被嚇怕,慨嘆在這個圈子,找人陪你去見城,壽司廣就容易,一說到要去明將,仲慘過去問人借錢.

是夜七月十四,連同小弟,只得三位朋友,勇闖西九龍"破地獄".小弟先到,鬼節的晚上,門外亦有幾班如棒棒堂的人馬召集,快上快落,不消一會便能入座.

果然,四周圍的果然大多是"潮童",男的是Comme Des Garcons.....................且慢,不是Home Plus,不是Garcons shirt,而是最平的"Play".還加上一撻明顯的黃漬,下身配條刻意拉低腰的牛仔褲,目的無非是想show off腰上的綠紅色Gucci罷了.背著個Gucci Monogram,好一個西九潮童.隔離的女生,又是另一個倒模出來的Angelababy.

坐下不久,店方便奉上芥辣,茶包,曾經在網上看見此店的芥辣相片,水汪汪如正在溶解的綠茶雪糕,今次是一小碟上,整到好像一件綠茶餅仔.將茶包放在杯內,再放在水龍頭注水,水流弱過小便,忽然想著"弱水三千"其中一段:{三千春江水 暫住寂寞天空}友人尚未到,面前的迴轉帶,就是我的寂寞天空.

久問紅豆壽司大名,真是不得不佩服明將藝高人膽大,連紅豆也可用來做壽司,幾時會輪到叉燒,豬潤,午餐肉,豆豉鯪魚...甚至乎珍珠奶茶的珍珠壽司?見到迴轉帶上的紅豆壽司,懶理擺了多久,即刻先下一城.面頭的紅豆,有點似珍珠奶茶的珍珠,更有點似霉菌.賣相的確"驚喜".入口一刻,成劈野之中,忽然有咬口,因為紅豆好硬.配上一點醋味也沒有,味如白飯的壽司飯,同受潮到淋的紫菜,心想是否吃著三流的份子料理?這個"三差激"組合,可不是講玩,小朋友吃之前,記得要PG家長指引.另一樣名物,是細小得可用來餵龜的甜蝦,正確一點去說是甜蝦毛,賣相實在令人忍俊不禁,再一次佩服明將,可以長期有此種沒有味道的蝦毛供應,別處保証吃不到.

兩位友人陸續到步,見個迴轉帶來來去去也是那些,便要落order.傳說中明將的壽司飯,是熱的.即叫即做才見真章,不過在証實這個傳聞之前,再在迴轉帶上,取來一些軍艦壽司,蟹子壽司之前在迴轉帶上見不到,應該是剛剛才放上帶上.如果是即做的軍襤,紫菜一定仍然帶脆,可惜這個蟹子壽司,外圍的紫菜,淋過濕紙巾.面頭的蟹子,似是染色體,一點味也沒有.吞拿魚軍艦更加"精彩",面頭的吞拿魚如嘔吐物,成劈泥一樣.相信小弟吃罷罐頭吞拿魚碎之後,嘔回出來的也是如此樣子.蛋沙律壽司更有一陣怪味,不是吃蛋沙律也吃著臭蛋咁大鑊丫嘛?

正值青春期的直男生,對女性胴體開始充滿好奇,在八十年代,到九十年代頭長大的男生,相信大多也去過鴨記,老廟等舊書店買二手成人刊物,未成年膽粗粗去買,得手之後便帶著期待的心情,拿回家去慢慢欣賞,但當一打開,大叫:{點解黐埋左架?!}遇著上一手"紙上談兵"的痕跡,怎不教人英雄氣短呢?回到面前的八爪魚壽司,當我夾住一件壽司之時,壽司上的紫菜.與旁邊的一件壽司的紫菜黐埋一起.正是我之前所講的二手書經驗.羊家兄妹見狀不忍,唯有留待我與星爺在壽司上談兵吧.

同八爪魚一樣,螺肉是低風險之物,因為是來貨,不是自家製,四件螺肉壽司拍埋一起,其中一件面頭只得一粒螺肉.終於等到order的三文魚同鰻魚壽司,見到三文魚的色水曖眛,吃下去味道更加盡在不言中.友人更說三文魚會變色!至於壽司飯是否如外間所說的熱?結果,是凍的,凍冰冰的凍.鰻魚吃落不似鰻魚,肉質同味道皆似鯇魚.如果自創一客鯇魚片壽司,會有人吃嗎?

服務方面,收碟速度快,值得一讚,因為是任吃嘛.吃幾多碟也是一樣,無須埋單時計數.

好了,夠了,再吃下去同玩命無異,夠鐘回到凡間"溝貨"去也.無錯四十多塊錢任吃是平,但起碼也要入得口,如果不能令到人開口,幾平,甚至免費也沒有用.事後有些朋友看罷食物相,未吃已說倒胃口.這個價錢在外面,可以去同區的"泰潮".吃到海南雞飯或豬髀飯,甚至在劉森記來兩碗雲吞麵,甚至上去連鎖快餐店吃個冬瓜盅套餐.{拿住四十幾銀想食日本野?食懵你呀!}

我們這晚在明將的經驗,有如Discovery channel內的獵奇節目,只不過節目內的主持人吃虫,天竺鼠,我們面對著的,是各式各樣的生化壽司,說起也有點異曲同工之處.

平心而論.明將的壽司,無論賣相同味道也是值得一個劣評,但相比殿堂級的大久保,還是有一段距離,我吃過大久保,最為清楚,未上檯已經散的壽司飯,疑似的刺身,發臭的醬油等等,已經令到大久保成為一個不朽的傳說.

是日鬼節…參加了一個非常應節的飯局…可能大部分的食友的腸胃都不太好…沒有人敢參加…所以最後只有三位參加者…來到西九龍中心”破地獄”….

人客都不少…應該有八成滿吧…位與位之間比較擠迫…好不容易坐下來…想喝茶…那個水龍頭出水真的很慢…幾乎要呆等一分鐘才可以把一杯水注滿…~迴轉帶上的壽司不多…有些大概只要點才會有得吃…例如三文魚壽司….~

其實我很多很多年前已經來過…但對於食物沒什麼印象…今天來是要吃經典的紅豆壽司…不知道到底是鹹的還是甜的…~

最正常的要算是蟹子沙律壽司…味道最正常...當然這裡的紫菜很不濟…就算這碟壽司是剛剛整好的…那塊紫菜還是腍得很…頹頹的幾乎頂不住上面的餡料…但至少這裡的飯不是熱的….~

紅豆壽司…食過之後到現在我還不能夠確定到底它是鹹的還是甜的…好像有點鹹但紅豆本身應該是甜的…那些紅豆不軟腍…帶少許硬…可以說是有點咬口…紅豆之間有一些淺棗紅色的汁…有點甜…不是是什麼混上紅豆…然後紅豆甩出來的顏色…

甜蝦壽司…umm…我知道任食不能期望太高…只是那舊飯其實少一點的話就不會如果礙眼了…那隻蝦…真的是蝦bb的size…感覺上它躺在那舊飯上面很孤苦伶仃…本身甜蝦是沒味道的…吃到少許甜味…但當然沒有什麼鮮味啦…~

八爪魚軍艦...由於兩件軍艦的紫菜實在黏得得厲害...如此愛恨交纏我也不忍心拆散...所以我沒有試...留給另外兩位食友溫馨分享吧...~

這些都是從迴轉帶拿下來的…上面沒有的還是自己點好了…我們點了…鰻魚…三文魚和螺肉軍艦各兩碟….

來的時候不知為何變了蟹子和鰻魚…食友率先夾了一件鰻魚…然後另一位食友就跟侍應阿姐說我們點的是三文魚而非蟹子…阿姐就二說不說把蟹子和鰻魚一併拿走….隔了一會就換了兩碟三文魚加剛才餘下的三件鰻魚…快的程度好像剛才不曾來過蟹子似的…

三文魚上檯的時候我們也有一陣騷動…因為其中有一件三文魚是全件粉紅色的…看圖片就會知道…那一件特別的三文魚我沒吃…我吃了一件正常[的…而味道也正常….~螺肉軍艦也不錯…起碼每件有兩粒大大的螺肉…也正如食友所說…這些螺肉是現成來貨…差極也有個譜…不過不知為何其中一件少了一粒…好像被人偷食了似的…而全晚最難食的就是鰻魚…鰻魚凍凍的…有骨…吃起上來感覺很差…所以我只吃了半件…我覺得比起紅豆更糟糕…..~

一早就已經鐵定會去溝貨…所以我們也沒有吃太多….

一分錢一分貨…這裡的壽司當然不濟…但四十多元可以任食壽司的話…這裡我會給一個ok而非喊面….

P.S. 食友說這裡的水準還不及大久保…如果大久保是十八層地獄…那麼這裡只有十層而已…哈哈哈哈~

今日係第2次去食
服務::態度尚可;;不過加D笑容好D
衛生::食物都ok;;係D蓋...有少少反感
食物:飯好大同埋好易散 有D好硬
款式都ok 不過你唔問佢真係唔知有咩食囉
50蚊係咁上下 有三文魚 鰻魚 蟹子 etc
不過依D佢唔放出黎 你要問佢

要求唔高ge人可以試下

自從8月8號去完後上兩星期又再去多次試下
今次我地一行四人 諗住坐"咖"位 可以舒服下
點知排隊由7點幾8點等到9點半先入到 點解可以咁利害架
之後終於入到去 就馬上點野飲先 {杯西瓜奶又幾好飲wo}
然後點左各款壽司 今次真係唔講得笑 點左好多上次無試過既野
唔講普通饅魚壽司 多春魚壽司 三文魚壽司同幼條甜蝦壽司果d啦
瀨尿蝦壽司:蝦身僵直而無味 有一陣怪味
海哲壽司: 我第一人勇敢食先 老實一句 我真係差d食佢食到哽到
真係果一刻好驚有咩事 牙力唔夠好既老人家 and 喉嚨唔夠大既千奇唔好試
班cake:我兩位朋友各食1件 咬兩口然後入廁所吐了 可想而之...
蟹子壽司:心諗依d普通野無咩事會發生既 點解一食 激咸蟹子同超濕紫菜加強版?

服務方面 有位肥哥哥仔 眼見佢係我地旁邊行行下又同d客傾計
我地就叫佢幫我地拎個wasabi啦 點知講左3.4次都當我地無到 好唔開心

最後 我發覺都係下午去明將好 因為係晚市我終於見到..
各位人兄所講既超髒壽司蓋 上面痴住既料唔係屬於佢蓋住果舊壽司
可能係晚市太多人 好難清潔乾淨啦 好難怪得佢地既

順帶一提 我上星期食完後即晚入急症 因為吃了不清潔的食物..
試埋依次 我諗以後都係去番正常既壽司店食壽司好了

同朋友諗住平平地去食壽司!
去到叫左好多野食
不過有d失望, 三文魚好吾新鮮!
d壽司飯又散既! 不過個炸多春魚幾好食
其實依個價錢食到禁多壽司..禁飽..
都算吾錯架喇!

之前姊妹話要食呢間,已經唔太想........因為太恐怖啦
四十幾蚊,任坐任食,開鋪食到收鋪都得
就捨命陪君子啦

一入到去,有卡位,佢地話卡位可以叫waiter落order叫d好難先會轉一次既壽司如三文魚

見到都唔太開胃,食壽司比預先"ji"左一pat既芥辣比你
d杯要自己拎,周圍都係d飯粒,仲要乾左呀
衛生好唔得


揀野食
一路轉真係無野好揀,我好難先揀到.......一碟蟹籽壽司
唉,味道唔駛講咁難食,一pat咸野,紫菜係淋


之後就揀左好耐都唔知食mud好
中華沙律,蛋,腐皮,吞拿魚八爪魚醬軍艦,八爪魚片壽司,蝦勁細而飯大大既壽司
好恐怖

傳說中佢最出名係蛋沙律壽司
我唔敢試

最後order左鰻魚,三文魚壽司+多春魚
三文魚薄,無味,飯大大,呢度食生野有d危險
鰻魚叫做比較ok,因為係熟既
多春魚都係叫唔錯

其實佢d壽司唔係差,我本身唔太介意食飯,even大大舊
但係,飯都可以咁難食......我無勇氣再食落去

四十幾蚊,係深水埗可以有更好既選擇

8月8號 我同兩位朋友第一次到西九
慶幸我去之前做晒資料搜集
知道有咩放得落口..有咩唔放得
到門口同佢講三位任食 可唔可以坐台.
個侍應都好慢慢解釋原來唔夠四人唔得
同好好態度咁帶我地入去迴轉位度
咁又未見傳說中態度咁差wo
之後坐埋位 雖然..個針茶水喉真係慢過呀伯痾尿
但無影響到我地各人心情
我女性朋友仔一開始就拎佢地出名既甜蝦 仲食得幾過癮 未見異常
而我另一男性朋友就好有勇氣咁玩命 挑戰高登傳說 紅豆壽司
看他由拿起筷子 到吞下那一刻 未見異樣 尚好...
到坐係凳上10分鐘都未動筷既我 終於見轉台上出現新奇既壽司
看得出師父刀功了得 上面佈上白色一片薄薄不知名刺身的壽司
我拿下來 準備放入口時聞得一陣酸叔味 不是來自壽司 而係刺身上
當我不懼一切 放入口一邊咬 一吞! 哇...那白飯 硬得差點哽死我
算了 來個總言..
服務態度一般,不是太差
三文魚 很薄 沒魚的味道.
多春魚壽司不錯 多春魚很脆.
蟹柳壽司跟饅魚壽司我朋友說不錯
還有轉台上出現一大堆傾斜的壽司 我們三人當笑話指著笑
最後 還想說一句 不知是否我沒有嚐珍品的命
我由8月8日食西九明將後 肚痾到今日...

我跟我男性朋友打算今個星期六再去玩命挑戰
希望到時能拍下點相片給大家

明將真係愈泥愈難食呀..!!!
佢d 蟹籽壽司上面個d蟹籽係[林]的...
而且每次一夾個舊飯就散曬...-.-

最衰既係,,我坐個邊個個水龍頭塞左.
個waiter明明知道理都唔理下.
要搞到d 水正濕左我個袋
我再望一望佢先..識得拎塊布個泥幫我抺[一]抺...-.-

而家重要加左價tim~

不過今次去食真係覺得間野愈泥愈唔好食.

講真..係度食只係貪佢夠平..
冇質素可而...d飯暖既...三文魚超薄,燈影三文呀..
每一款壽司,餸同飯都係甩開,一夾就散
蓋住壽司個蓋唔係好乾淨,好似好耐冇洗過咁...
待應服務..."好"到不得了呀..