之前係某團購網買左佢既"$98尖沙咀兩小時任食火鍋：鮮活大連鮑魚、珊瑚蚌、海生蝦、鮮元貝、活蟶子及極品美國肥牛等美食(原價$275)"
比佢既大標題吸引左去食.....睇埋相都好吸引
點知去到...這位於尖沙咀的酒家星期日仲有咁多位剩...
如唔好食...可想而知

唔知係咪因為團購既關係
d waitress唔係點理我地
平時打邊爐一黎到唔洗5min已經有個鍋
但今次未免太慢了吧
等左10幾分鐘先比個鍋我地
而d食物比我想像中小..
金菇得果幾條..."錄"埋都唔夠攝牙"la"
至於個大連鮑魚...很醜
周邊的質感很差.....
肥牛得果幾件....
至於有任食...其實免費的可以選擇不多
竟然連肥牛都要加錢先可以再食...
至於其他食物...
真係可以任食既酒家都好食過佢......

另外, 有時想搵waiter,...佢明明係你面前經過見到你舉手
佢都可以唔理你...今時今日竟然仲有咁既服務態度....
好似睇唔起買團購的人咁..

埋單要每人比多$21 !

今晚出來打邊邊，因為有C字頭的Visa Card有折，所以便相約出來晚飯。除了這些配料，一枱10人還叫了很多啤酒，飯後每人都只​食了HKD98，又不算好貴，因為食材都幾多平時不會在​任食的配料內食到，還有帶子花膠等食材， 又送燒雞及蝦，用料都算新鮮，​都算唔差。

這是送的燒雞，好味。這都是送的，蝦都幾新鮮。我地叫了很多碟肥牛。此外還有很多魚類食品。還有鮑魚，帶子和花膠，這個湯底是有當歸，好入味的。有牛骨髓、田雞、牛脷和雞子，全都好高膽固醇，所以我沒​有食。丸呀，水餃雲吞不會少，還有魚腐，不過魚腐我個人認為唔​得。菜類都幾新鮮。當晚全場很多空位，不知是位置不便還是夜了一點才食飯。如果沒有信用咭有拆，及當晚HKD10/3罐啤酒，其實未必抵食，因為不是任食，還要按不同類收費。最後，可能客人不多，服務都不差呢。

食晚飯，order左6樣野，
大部份都ok , 合格！

但那碟黑椒牛仔骨十分唔掂，成碟牛仔骨都係肥肉!!! 味道也太太太salty了!!!

我們6大入一個小朋友，但只安排5人檯給我們~十分十分十分十分迫，

明明就有好多吉檯！

幾年前有朋友介紹此酒樓給我去試，一試便愛上了，現在久不久都會來食晚飯。
舊時未裝修之前，入門口左手邊都是很舒適的卡位，同朋友食飯傾計最理想。
可惜最近一年改成全數是圓形酒樓枱，感覺作為傾計的地方，沒有那麼理想。
如一般酒樓, 他們都有分小炒同火鍋。我個人比較喜歡他們的小菜。
是日經濟晚餐叫了:
香蔥脆皮雞 - OK, 入味，不過蔥有少少太生，扣少少分。
清蒸蟲草花多寶魚 - 好味, 魚新鮮，亦蒸得好！蟲草花竟然幾好味喎
再叫了白飯、汽水等等, 埋單每人HK$80左右。滿意的一餐。

呢晚１９３０相約去尖沙咀＜京寶海鮮酒家＞食中菜，即係我其中一樣唔多鍾意食嘅菜囉.......
我同好友好準時上到去，現場客人唔算多，第一次來到應覺有點局促，可為是因樓底太低啦....。

剩係睇Menu揀餸都揀咗起碼１５分鐘以上呀，真是好不容易先揀齊叫上菜咯。
其實咁多人食飯呢，最好真係打邊爐，大家都一定啱食囉！！
落單後，很快便開始上菜，陸陸續續１０個菜已經上齊，但我覺得好似唔太熱，分量也不算多，味道一般啦。

呢晚我地共有９人，叫咗１０個餸，最後仲有糖水送添，真係估唔到有糖水送喎！！
因為食開果Ｄ酒家冇得送架，除非係叫套餐架啫，真係好喇，因為係送綠豆沙呀，真是更出奇添啦，因綠豆涼嘛，好少會煲綠豆沙糖水架喎，雖然呢間酒家餸菜味道一般，不過就因為呢個Free的綠豆沙令我加返＜京寶＞少少分啦...哈哈哈！！

一行人 6 大 4 小去打邊爐, 因為早已訂位(7:00p.m), 所以不用等.
是晚假期前夕, 比較客滿, 嘈吵少不免.
而且侍應生人數好像不太足够. 久久才見侍應生/經理行過.
但點菜後亦很快上桌.
我地自備紅酒一支, 開瓶費 $50.
芥醬自助, 一碟碟計, 我地拎咗 8 碟, 就計 8 碟錢.
朋友點了 [一罐] 可樂, 要 $12, 原來有支裝, 才 $6. 下次要睇清楚菜牌才點.
因為加埋小朋友有 10 人, 所以點了 2 個火煱湯底.
冬瓜雜菇螺片湯底及蕃茄芽菜湯底 ~ 2 個湯底都很清甜, 啱晒小朋友.
西瓜汁、竹蔗水各一榨 ~ 2 款都淡咗 d .
魚蛋 ~ 原來一碟只有 5 粒,(咁少嘅????) 但夠彈呀.
魚片 ~ 一碟只有 5 片 (又係咁少嘅????)
魚皮餃味道尚可.
芝士腸 ~ 好似食唔到芝士味
肉丸 ~ 够味, 但有少少根.
豆腐(用百福豆腐, 很滑).
鲩魚片 ~ 够新鮮.
黃皇菜、油麥菜、通心菜 ~ 新鮮爽脆.
墨魚滑 ~ 冇乜墨魚味, 捞咗蟹子口感一般.
生蠔 ~ 一碟 8 大隻, 很肥美.
牛頸脊 ~ 滾 2,3 秒就食得, 正.
肥牛 ~ 一樣滾兩滾食得, 不比牛頸脊差.
炸腐皮 ~ 味道尚可, 腐皮可以再薄 d 少.
生根、南瓜片 、粟米 、金菇(火煱必點)
冰鎮烏冬 ~ 很滑, 正.
三色丸 ~ 每款只有 4 粒.
炸芋條 ~ 芋頭味不够香.
奉送糖水海帶綠豆
(是晚結帳$1220, 只算大人, 小朋友免費)

第一次去京寶度飲茶....
服務...一般,個日上到去無人招呼我地,,,個個都黑口黑面!!
食物…真係唔錯….有部份九點半後,還會便宜一點
叫左粥…腸粉…燒賣……小龍飽…
飯---見佢便宜…所以ORDER左~~~又真係唔錯BO!!!
沙”勇”----值得一提,.真係好好好好味道!!!仲叫多3個拎走TIM

環境…唔錯呀….同埋好多人去飲茶..可能真係幾平
不過嘈左D…但酒樓嘈都正常呀^^

價錢唔算貴,…2個好似食左70幾蚊…

成十點先食晚飯，不如打邊爐，諗起呢度。

冬瓜瑤柱響螺湯底︰冬瓜都幾好味，但湯底味濃些會更好
肥牛︰雖然冇結冰，但見到牛肉邊開始有啡色，即不夠新鮮，但味道還算不錯
牛展︰同上
蘿蔔︰最後先食，夠淋又入味
魚皮餃︰呢個麻麻，炸魚皮會好些
翡翠苗︰本想叫皇帝菜，但賣哂，只好退而求其次，但原來墊牛肉都係翡翠苗，早知不用叫。翡翠苗只是一般，皇帝菜好味得多！
墨魚滑︰好味！
生力啤兩枝

服務差強人意。衛生情況(尤其食具)亦有待改善！

其實呢間都算係我公司同事係有大事發生後就黎飲茶的指定食堂<--即係唔洗講都知會係度食~
今次的大事係我地要搬公司....搬過隔離街....唔好睇小隔離街...都真係搬死人...
講返正題!!今次16個人被迫係一個10人檯....真係難受....服務真係可以話係冇咁滯...自助飲茶~
次次一坐底~都係我d女同事發板~其中一定有的就係流沙包!!好恐怖啊!!16個人叫左7籠啊!
7籠x3隻= 21隻.....因為有人要食超過一隻喎...
不過又真係幾好味....次次都辣親我個口囉....
另外雞扎都ok~雞夠滑~
福建炒飯就好味道!
其他就平平啦~
食堂就係食堂~

之前成日去飲茶, 一直都覺得ok架, 所以奶奶生日book左食晚飯

d嘢食都算ok

燒鵝 - 味道ok, 但唔夠熱
乳豬 - 唔熱, d皮有d林
白灼海蝦 - ok, 都算新鮮
四川口水雞 - 唔夠辣, 但都叫ok
咕嚕肉 - 太甜了 ...
炒澳洲大肉蟹 - 又話係大肉蟹 ... 唔係太多肉, 一般
生炒糯米飯 - ok, 算係炒得唔錯, 至少唔會太林
豆沙鍋餅 - 冇特別, ok啦

酒樓重送左個特別驚喜比我地 ... 我地自己買左個cake, 叫佢地放好, 等食完嘢先食, 點知到我地叫佢上cake時, 一打開個盒 ... 嘩~~~ 個cake散晒, 好明顯係跌過落地, 問個經理點解會咁, 佢話佢都唔知就唔再理我地了, 望住個cake, 大家都好失望, 後來重有個waiter走嚟問使唔使幫我地分左佢 ... 吹賬 ... 下次去佢地到要小心了, 最好唔好自己帶cake去啦 ...