近一年已經每況愈下, 今次再一食, 豬潤唔掂, 完全沒有再用辣粉調味, 而質感是粉粉的, 很難吃. 當中不知怎的, 混了一件豬腸 ~~ 豬腸是3年前在此店一吃後做成了陰影, 此後在所有地方都不再吃了, 為甚麼? 豬腸可以有mud? 我當年絕對應為吃中了.

禮拜四個同學叫我過黎呢度食，呢間野都幾出名，幾時都有人等既。我地
都等左一陣，佢地會幫你落單，等你快有得食。但呢間野好迫，坐得好
唔舒服。

大辣米線雖然表面上有層紅油，但你唔使驚。佢地話點樣好辣，但我
一都唔覺。而只係覺得好油，話大辣但一都唔辣既。真係高估左佢。講
一講先，腩肉都唔錯既，肥瘦適中。而水餃應該只係某某牌子既貨色，
呢碗米線最多既係芽菜。配料多到乜咁。

呢間都令我幾失望，坐又坐得迫。碗米線又唔辣，我就係想要食辣既快
感。下次都係走番去譚仔啦。

一碗酸辣+腩肉米線,中辣~ 一啲都唔酸唔辣,啲辣仲係好似自己落十匙辣椒油咁.........啲腩肉唔腍,食完超口渴......唉!!!啲人仲講到咁好食等我走去try.......錯晒!!

我本身就好鍾意食呢間米線呀
自從發生左呢件事就唔會再去食喇

我好日都唔會去荃灣呀
如果去開都會幫襯雲貴川食米線呀
初時食都冇事０既
只係覺得ｄ咪冇咁濃
ｄ酸辣又好似唔同左

食到最後我男朋友果碗米線發現左小強
仲要係細細隻同佢ｄ湯入面ｄ配料咁上下大呀
食左都唔知咩事呀

心知同阿姐講左都冇用
我地之後不停影小強寫真呀
同台ｄ食客都冇反應呀
繼續食呀
我同我男朋友就反胃左成晚
都左第二日先食到野咋
大家食果時真係要小心

有相為證
大家睇睇喇

八月十九日﹙水﹚

來這裏吃米線，已有數年的時間，每次來也例必大排長龍，今次也不例外，排隊的時候「阿姐」已開始問你吃甚麼？剛入坐安頓下來，不用多等，米線就隨即送到跟前。

前數天才吃過同一種類的米線，論環境論服務，這裏差得多，但論食物則是有水準得多。每次帶朋友來吃，也必被朋友們反推介說辣比不辣的更好吃，但可惜的是小弟連這裏的小辣也承受不住，只好繼續吃不辣，而一向點的材料製作時已加了一點辣味，對我來說已經相當足夠。是日點了豬頭肉﹑豬肚和豬大腸，例牌的說擇，但偏就是吃極不厭。

豬頭肉是來這裏必吃的，不少人會以為是豬頸肉，甚實是豬耳仔部份的肉。吃起來是爽的，和豬肚的質感差不多，但比豬肚來得更肥更入味，本身烹調時已有點辣味加了，所以來得相當惹味。豬肚和豬腸同樣是出色，只是今次吃的豬肚味道略淡了一點，其餘各方面也可以。配料也做得出色，芽菜﹑酸菜﹑肉碎…等，風味十足。

米線是來這裏最值得欣賞的，除了米線煮的軟度剛好，不像前數天吃另一家的米線吃起來還是硬心的外。這裏是把米線放湯與各種材料湯底煮過一段時間，結果米線就可以與整個湯底和其他材料融為一體，亦不會像一般偷工減料的米線店湯還湯的味﹑材料還材料的味，米線則仍是淡淡的清水味，沒了靈魂似的一碗物體。

論服務﹑論環境，這裏絕對是差，但單憑這碗米線，已足以換回一個笑面來。還有就是通常剛開店一時前來吃湯底味道會濃一點美味一點。

當你知道我有寫食評的習慣, 嚷著叫我寫下我們食過的每一餐, 寫左咁多篇, 回頭諗番, 記起竟然無寫到我們第一次單獨食的那一餐.
記得那天我們探完病人後, 大家都尷尷尬尬唔知跟住點好, 最後兩人好似是但啦求其啦咁一齊去食囉..
你知我嗜辣, 話帶我去食一間好味既雲南米線, 我一聽巳諗到係邊間, 跟住問你呢間野係咪成日要排隧, 門口無門以兩塊好厚既透明膠簾遮住, 當你知我食過後表現得好失望.
去到門口一如以往般要排隧, 所幸人數唔多同埋我食過多數知道唔駛等太耐, 等位其間我們巳落好單, 所以坐底無幾耐巳有得食, 我梗係要中辣啦, 因以前試過大辣, 果陣辣勁直衝腦門, 令到個人有少少暈既感覺, 都係中辣啱口味d, 選料方面我一定少不了辣味的腩肉加多樣魚腐, 印象中你好似食小辣, 要了雲吞同魚旦, 是嗎? 腩肉好入味, 食過咁多次都保持水準, 魚腐都還不錯, 但今天的米線可能煮得不夠久, 食落口覺得中間硬, 呢樣要扣分.
祇是直率的我沒有諗過同個男生第一次食麵食到一路流汗一路流鼻水給人印象沒有那麼好, 相信沒有哪位女生好似我這麼笨吧 估唔到我們兩人既第一次食飯竟然係同埋一堆唔識既人圍住張大枱食米線, 還要一路食一路不停抺汗, 但我卻覺得是一個不錯的體驗

好耐冇去過雲貴川.
見 成30個, 所以就去試試係唔係變得噤差.
點咗一個酸辣+豬潤米線($26).
先講味道, 同以前食差唔多, 酸辣味都仲係好濃郁, d 湯底又唔會淨係得酸辣味. 唔錯, 唔錯.
但係就唔知有冇加味精.
不過, d 豬潤就好唔掂, 鞋加實.
同紅磡卓記 d 豬潤粥真係差天共地.
下次都咪叫 豬潤. 仲差過自己屋企整.
間唔中去吓都無妨, 不過, 就唔好成日, 因為價錢偏貴咗 d, 人地一碗米線通常都係廿元頭左右.

很少踏足荃灣…今天剛巧與食友們相約到荃灣打羽毛球…喜歡吃各式各樣米線的我當然要試試雲貴川的麻辣米線啦~

除了正舖…原來在旁一條小巷可以到樓上…地方確實十分淺窄…好不容易安頓下來…點了腐竹…豆卜和雞翼尖中辣米線…落單的時候阿姐說…這樣的米線很辣的…不過既然一場來到…我怕小辣不夠刺激…心想中辣應該還可以吧…最多以可樂作伴…

這裡的米線份量十足…看起上來跟我以前吃過的麻辣米線有點不同…上面有一塊塊小小的辣椒碎…看起上來那個辣度實在非同小可…所以先叫一罐可樂定定神…中辣呢…果真很厲害…汗慢慢滲出來…這裡的辣不是很具攻擊性的那種…而是會讓你越吃越辣…但越辣越想繼續吃的…豆卜和腐竹這些豆類製品確實是麻辣米線的良伴…我全程沒有吃過一口湯…但就吃了吸滿湯汁的豆卜…很好吃…雞翼尖炆得稔…還吃到淡淡的卥水味呢…

有不太吃的辣的食友挑戰中辣…吃到整個人呆呆滯滯的…很好笑~

這裡的中辣暫時是我吃過最辣的米線…我想我應該挑戰不了大辣…這個已經是我的極限了…有時候喜歡吃辣也不一定要吃到最辣…吃太辣對身體會不好的呢~

我係個米線迷,荃灣既米線差唔多比我試過晒~
之前睇openrice見咁多人讚好,諗住試下啦,
又唔算好難食既,只不過唔會瘋狂咁愛上lo,
原因主要係味道比唔上同區另外2間出名既米線店,
同埋坐得唔舒服...
所以成日都奇怪點解openrice咁多人讚好...
不過都要讚下佢水餃幾好味既~

好耐冇去lee間食米線啦~
見佢就腳就入去食啦又唔洗等位~點知就"乃"野..

叫左個腐皮腩肉米線, 叫左中辣~

腐皮正常, 好難唔好食! 腩肉俾我幾年前去好食左又夠多!

但係個米線底就真係超唔掂lor, 都唔知點形容!
又唔軟又唔硬但係咬落去有d "痴牙"既感覺
我真係未食過咁既米線, 或者我見識少
最後食剩半碗

如果o係荃灣我recommend去福來村附近, 鱻隔離o個間
真係超正, 湯正, 腩肉好味!! 係遠d 姐
好想再去食呀!!!!!!!!!! 以前附近番工成日食....念念不忙ah

好耐無黎呢間食，因為次次見到咁長龍都唔想去等。
但琴晚咁岩去到時條龍無咁長，所以先諗住去食... 點知。

叫佐碗腩肉、腐竹、蘿蔔、多酸

湯底：以前個清湯超得，而家個湯就淡晒。
腩肉：以前超好味，而家明顯味道淡佐同覺得好普通。
蘿蔔：唯一覺得好味的食物，夠淋。
腐竹：因為ｄ湯已經唔掂，攪到ｄ腐竹都唔好食。

想試佢好耐，好幾次見佢門口好多人排，入面又坐滿晒人，相信佢嘅米線應該有番咁上下質量，就今日見佢唔多人排就入內試試，自己點咗個腩肉雲吞小窩米線，老婆就要豆卜貢丸肉碎米線。我個腩肉雲吞小窩米線無要辣，但都有少少辣，腩肉幾香幾惹味，雲吞就無咩特別，餸料同米線份量都好足；而老婆嘅豆卜貢丸肉碎米線完全唔辣嘅，就係咁佢嘅米線就變得平平無奇，同其他米線鋪無咩大分別。因為我見到大部人都要辣或加辣，又見到佢裡面個廚房有D師傅不斷兜炒，好似炒醬料，又好有鑊氣咁，所以如果唔食得辣嘅就唔使哩幫襯，相反食得辣嘅就要哩刺激吓！

小比的身體結構異於常人~一般吃了頓極度豐富的午餐過後~晚上就會選擇不吃的...但當然也有例外的~就是辣很很的菜肴...是晚友人即興飯局~把我從中環走到紅磡後再到荃灣先回屯門

在四陂方的雲貴川風味其實每一刻都在排大隊~排隊之時~未入去就得落單~坐低之後所有麵食都會在數分鐘才端上來~務求要快吃快妥~紅磡民泰街亦有其分店~~但要說愛受歡迎始終不及總店強~5個人~5碗野~大中小唔辣乜都齊晒~
想找點蔬菜都無....唯有叫酸菜.....阿姐姐係咁話 ''本身有酸菜ga wo!!!''~呀姐姐........咁我唔想食肉....可以點........

最後加埋豆卜索湯食(雖然不太願意食炸野)~小比對大辣依然零感覺~~身旁的友人們每人一綠茶一紙巾~努力地吃~~不好米線的小比...只好不停食酸菜同芽菜同埋辣椒......大比又幫不了手~大比當然叫不辣~~連炸醬都不叫了這次~但豬頭肉是何等爽脆~!Good~

努力清碗的友人們大汗疊細汗~鼻水直流~但唔知點解叫唔辣的大比都係...haha~~這裡的辣又是一同煲過的辣~有點料子的~但小比還是不用喝水~其中一位友人最後決定中途放棄~過隔黎買煎餃下火~吃過以後才得知原來可以叫走米線...要全碗芽菜....下次一定要咁做...雖然蝕好多

早一排打完波就同幾位好友出左去食晏, 一行三人, 是次都係由徐兄帶路, 揀左呢間食店, 佢好坦白話呢間食店唔係話得好味, 不過都可以一試!

行到埋去人山人海, 大排長龍, 唔信? 有相為正架, 張相正正係由師傅個位映埋去門口架! 未坐底先柯打野食, 呢一招師傅都好耐試過喇, 最後諗左一陣就柯打左炸醬同豬腸, 配上中辣! 等左都幾個字先可以入到去坐, 坐底都幾鬼死逼, 不過一坐底就有得食, 真係"快"!

第一時間先試下個湯底, 湯底夠麻夠辣, 中辣真係有d料到; 炸醬嘅肉碎份量都幾多, 味道都唔錯, 幾好; 而豬腸都夠腍夠肥, 口感一流, 都算幾好味; 而師傅亦有幸從除兄碗中試過腩肉同豬肚, 而腩肉都算爽口, 口感頗好, 幾好; 而豬肚亦不過不失, 唔錯喎; 而米線就煮得腍左少少, 麻麻地啦!

總括黎講米線質素唔算太出色, 環境非常擠逼, 服務麻麻, 價錢又唔算平, 廿七蚊兩個餸未算抵食; 師傅唔知係咪呢區比較少米線食店, 所以呢度至會大排長龍, 不過長龍又不等如出色, 如果再揀師傅都唔會再黎, 笑臉亦比唔到!

今次我地去試一間平時都幾多人排隊既米線 雲貴川風味

但可能仲早,冇人排

不過入面都坐滿哂人


一坐低係咁問我地食咩

我地都未睇到有咩食..仲要係咁問

又冇餐牌..淨係望D掛牆鏡..好鬼難睇



我叫左碗炸醬雲吞米線

周生係腩肉豬肚雲吞米線

坐得唔舒服..全部搭枱

所以我冇影相


一黎到...好大碗!!


碗米線係大..但價錢都唔算平

我既$26,周生$31


覺得唔平..最大原因就當然係-------唔好味!!!

個米線湯底普通..米線我覺得太淋

雲吞..係好厚皮..好少肉..

有三粒..我食左一粒半都唔再食啦

但我好彩..炸醬OK呀~

周生果碗腩肉..瘦到死..明明係豬扒片咁既樣

根本唔係腩肉..

豬肚普通到唔食也罷


我一路食..發覺食極都食唔完咁

而且..食到個胃有D唔舒服

我好少會咁



但我真係算好彩有叫炸醬

係最好食架啦!


都未試過食碗麵食咁鬼耐

食足半個鐘有多(計淨食時間)


但似乎係貼錢買難受

只係得個大字!

係就係大碗..但呢個價錢寧願去沙咀道果邊食11蚊雲吞麵兩至三碗
至少係好味...同埋都一樣夠飽啦



我地走時仲有人排隊

真係好唔明點解咁既味道會有人排隊

坐滿人已覺奇怪啦!!

一定冇下次


周生仲話..佢本來係好鐘意食米線的

而家搞到唔鍾意食啦

下次都唔再食米線類喎


以上全部係個人見解..因為真係好唔明點得黎咁多好評