家人同我慶祝生日, 訂了lunch buffet. 因為此餐廳的食評都幾好. 中午12時至2:30時, 我們11:40左右到, 但未有得入, 要在lobby出面等. 餐廳環境幾好, 沿邊時落地玻璃, 今日天氣好, 自然光充足又唔算熱. 個bar台好長, 食物如下:

生食物台, 包括生蝦, 生蠔
沙律台
日本食物台: 各式壽司, 魚生有三文魚, tina, 蟹柳, 蟹子, 甜蛋, 墨魚等
西式: 牛扒,羊扒, 燒雞翼, 粟米, pizza, 焗雜菜等
中式: 燒味, 蒸魚, 百花蝦丸, 牛柳, 北菇小唐菜等
車仔麵台
甜品台及鮮果, 朱古力噴泉, 豆腐花, 楊枝金露, 木瓜雪耳糖水
印度咖哩2-3款
haggen daz 雪糕櫃 (好多人排隊)
即叫粥 (可以加燕窩, 蟹肉, 皮蛋, 鮑魚, 蟹膏, 瑤柱等)

真係好開心, 因為好多款揀!! 而且食物味道幾好, 推介焗牛仔 (牛肉同芝士, 蘋果一齊焗), 羊扒. 蟹柳又好鮮甜. 生蝦及蠔都好 (因為我鐘意無咩海水味)

反而甜品個個食評都讚, 我就覺得普通. 最好食都係即做pancake同格仔餅. 仲有梳乎厘.

每人包一杯餐飲. 侍應亦會定時加水及收碟.

環境好好, 仲可以去出面花園影相. 今日是假期, 全場full, 但bar台又唔會覺得迫. 所以食得好舒服!!

$248 加一, 但用東亞咭會有8折, 折完都係$230左右, 可以再食.

但訂位時那個姐姐無咩禮貌, 講野太快又無尾音, 好似唔想應你咁. 不過他們會於前一日再confirm你個booking, 好穩陣.

同朋友黎食~
3:30-5:30~

行到大堂~問人地邊度係7樓=.=原來大堂呢層就係=.=".........

WA~其實真係幾多款式~
本身今日主題應該係<朱古力>=.=我覺得似係<芒果>多D

我鐘意食甜品~但係甜品水準一般~
如:TIRAMISU..芒果拿破倫..BLUEBERRY CHEESE CAKE..朱古力杯..
芒果卷..迷你生果TAR..梳乎里.......ETC.
反而覺得其他喊點仲好食~
D芝士意粉...芝士通粉..好好味~~!
PIZZA...燕窩粥...炸三文魚等都唔錯~

係呢度真係打唔哂~
真係好多野食~我有部份都未試呢...

其實食到5:30都已經唔洗食晚餐~HEHE~~~

**如果唔用COUPON...用東亞卡都有8折~
好似HSBC呢D都有9折~

第一次黎lee度食buffet, 試下佢既下午茶先!!!

環境好舒服, 落地大玻璃, 陽光照入黎好relax, 張枱好大張, 坐得好自在!!!!! 侍應有禮, 服務唔錯!!

但係食到咁上下, 佢地就懶得同你收碟....haha...不過冇所謂, 張枱真係好大張!!

食物望落去款式好多, 長長既枱, 放滿食物, 下午茶都算咁上下啦!!!!

熱食都係d 輕食為主, 主要係泰式小食, 好似豬頸肉, 蝦餅, 魚餅等....

沙律都唔錯, 雞翼唔好食, 重唔熟添!!! 佢個瑤柱粥都幾好味ga!! 重有 xo醬炒腸粉 俾你送粥!!

甜品話明係朱古力主題, 但係就一d 都唔覺!! 好普通既甜品!!

tiramisu 幾好食, 其他都一般, 最正係有8款味既 Haggen dazs 任你食!!

有我最愛既 strawberry cheese cake, 我食左 3大球!!! 好滿足!!

重有好多甜品如 pancake, waffle, 麵包pudding, 因為太飽冇試!!

個人黎講, $140蚊 真係幾抵食, 坐足兩粒鐘, 環境又舒服, 星期五去都幾靜, 因為岩岩開始星期五都有tea buffet!!

唔想同人迫, 星期五係必然之選!!

十分質素, 十分服務, 十分推薦既食buffet 好地方, 食物款色多之如, 質素也不馬虎, 食物不停refill, 須不是最平也不是最貴, 這樣的價錢和質素, 絕對係一個好選擇!!

因食物太多不能盡數...有"哈哈笑"為必食推薦!!

冷盤海鮮 ~ 生蠔, 長腳蟹, 青口, 大蝦, 東風螺, 日式螺肉同墨魚仔等....
熱盤 ~ 羊扒, 蟹粉蟹肉粥(正), 多款天婦羅, 即切燒牛肉同羊仔肉, 燒味(乳豬,叉燒, 雞,鴨,), 冬瓜燉螺湯, 海皇翅, 椰汁燉燕窩, 杏汁燉鮮奶, 即做意粉...等等等!!
泰色食品 ~ 又係多款選擇, 淨係泰色熱盤都有多多款, 炒貴妃蚌, 咖喱, 烤野菜, 煎魚, 仲有泰色冷盤也不少...my god!!
沙律吧 ~ PARMA HAM, 煙三文魚, 泰色沙律, 仲有多款沙律選擇!!
魚生 ~ 六七種之多, 樣樣都新鮮, 即叫即切, 值得加分!!
芝士 ~ 一個大大個box 只放多款芝士, 一見到非常開心, 係我至愛...Cream Cheese, Cheddar, Babybel, 發霉芝士, 硬既軟既都有, 共九款, 我當然試晒LA...正
甜品 ~ 多款精緻甜品杯(朱古力杯必試), 芒果拿破倫, Blueberry cheese cake, Tiramisu, 梳乎里, 麵包布甸, 窩夫, Pancake, 八款味Ice Cream(桑莓係最好味呢), 楊支金露..等...等!!

餐廳夠大, 枱與枱一啲都唔迫, 有東亞信用卡有八折添!!

近日, 我剛剛和朋友說起吃自助餐, 大家都七嘴八舌說自己去過哪裡吃最好,談到自助餐, 我不奇然記起都會海逸的西餐廳都算是數一數二, 加上有多種信用卡優惠, 經友人的熱烈介紹下,所以最後選擇了在此享受午市自助餐。

自助餐的款式當然夠多, 除了中西,印菜,以及最近主打的泰菜由頭盤到主菜甜品都一應俱全, 說到最特別的斬是選菜方面. 在這裡可以嘗到我們平日不常吃到, 甚至從未認識的菜餚. 例如立魚柳, 泰式醃菜, 冰皮芒果卷, 木糠布甸等等, 林林總總的菜式令我一走出BUFFET 檯已經不能自制地選取心頭好, 甚麼頭盤主菜, 甜品都一併帶回座位享受。一共八款的HAGGAN DAZZ雪糕任君選擇, 比起其門市的任食套餐更值得一嘗。新鮮生蠔, 海鮮刺身大量供應, 絕對值回票價。

泰國主題, 場內充滿其色彩, 想不到連餐廳員工都換上泰國傳統服裝, 另外週末會有特別傳統泰國舞蹈表演, 為整個自助餐更添娛樂性。

總括來說, 這次自助餐令我在各方面都非常滿意, 今次將會輪到我強烈介紹給我親朋戚友。

之前一日食完半島semi-dinner buffet... 第二日(星期)又食lunch buffet 啦~~~ 真係飽到傻... 不過... 火車站附近o個間海逸酒店o的lunch buffet 又真係幾ok o架~~

無諗過lunch buffet 都會有咁多o野食揀~~~ 真係好多.... 雖然我成日食buffet 都係食埋晒o的cheap o野.. .不過都算幾好食

甜品o既種類都有好多~~ 我最鍾意食佢新鮮整出o黎o既梳乎里... 雖然好似無半島咁好味...不過都算好味o架啦~~~


至於個macaron... 我就覺得麻麻o地啦~~~ 半島o的好味好多~~ 其他甜品都ok


食到最後先發現... .原來有個自選材料o既粥.. 可以揀o既材料有花膠，瑤柱，燕窩，蟹肉，蟹粉，鮑魚... 等等.... 真係好好味呀~~~ 最可惜係要趕住返工... 如果可以食耐o的就好啦~~~

最遺憾o既係見到haagen daz 雪糕但係無時間食~~

近來愛上與好友們搵TEA BUFFET，經過星期二失敗一役後，做足功課，搵間有折有好評嘅HOTEL。
海逸 / 都會海逸搞錯了，好彩早點到了紅磡，立刻打電話給友人是都會海逸，免得白走一趟。
一早查清楚收費，$188持有HSBC或DBS信用咭有九折，四人以上有八折，可惜的是我們三人
入到去，見到美食盡在眼前，很多款式，其實我的主打是食雪糕，朋友一早訂位時幫我問定有咩雪糕(HD)，有幾多種味道(8款)，很貼心，十分感謝！
熱葷也很多，有中式點心(蝦餃、燒賣、粥、XO醬腸粉等等...)、有泰式食品(魚餅、蝦餅、春卷、泰式沙律)、少少意式(即製意粉、PIZZA)等等.....另外有壽司....
甜品也有很多，朱古力噴泉、刨冰、雪糕、各款迷李小西餅、中式糕點、中式糖水，真係冇可能每款都試！
飲品有鮮橙汁、咖啡或茶自助斟，有冰有檸檬添加，不錯！
試了不少甜品，還是HD雪糕最得我歡心，有我最愛的士多啤梨芝士餅味，冧酒提子亦不錯，很好吃，迷李FRUIT TART亦做得出色，夠細件，可以試多幾款，反之提拉米蘇及其他甜品，甜度太高，唔太欣賞！朱古力噴泉配料(棉花及泡芙)頗難食，很硬！
熱葷都不錯，特別是泰式春卷及沙律，很有泰式味道，而中式的XO醬腸粉很不錯！雖然是TEA BUFFET，沒有刺身，但壽司也不賴，不錯！
有機會可以再試多次呢！

一年多前去過，覺得雖然是貴d $250 + 10% 一位成人的自助午餐，但勝在好味，不會輪不到食物及服務好。
但今次去好失望，如下：
1. 魚生有雪水味
2. 生蠔上有蠔売碎，不夠衛生，好彩吃了沒事，但有d聲味；另外要問了2次才補貨，上次不用等補貨，
3. 焗蠔重差， 好鬼聲
4. 生瀼粥的料好正，但不會補貨，後期便沒有得食了
5. 雪糕好味，不是牛奶xx，但雪糕杯中有打碎了的玻璃杯，而且是峰利的

好彩服務員態度ok親切，但不會再去了。

睇過咁多食評後,有贊有彈,一於自己去試吓.可能今日星期一,又落雨,顧客唔多,坐位相當寬闊.
生蠔,焗蠔,焗田螺,青口
义燒,燒鵝燒排骨,豉油雞.
巴馬火腿,雜火腿,沙律.
牛扒,豬扒,龍利柳,牛舌,小炒,湯
多款芝士,自選粥,魚生,壽司,粉麵
甜品好多(芒果拿破倫,梳夫里,豆付花較凸出)雪糕
又有泰國食品.
由於食物太多不能一一盡錄,整體質素唔錯,我建議大家不防一試.

9月15號係我男朋友媽咪生日嘅大日子,起初都有兩個選擇,一個係去酒樓晚飯,另一個係酒店buffet,最後都決定咗去酒店食,因為太耐無食過buffet,所以上嚟search一下,見到呢間酒店嘅buffet食評都唔錯,而且自己嘅朋友喺果間酒店做都有介紹,所以我哋一行11人(9個大人2個小朋友)book枱去食.....

雖然果日落大雨,但都無損我哋嘅心情,我同男朋友6:15pm已經去到,門口個女仔話要到6:30至可以入,最終企喺度等到6:25至入到去(無橩坐),一入到門口位就見到左邊已經係放海鮮冷盤嘅bar,再入d就係日式冷盤,之後就有少少甜品,再入d就係sushi.牛扒.天婦羅嘅吧,因為9月嘅主題係泰式食品,所以入到最埋果度有個位係專門放泰國食品嘅,放食物果條吧真係好長,仲要分咗兩邊,一邊係熟食多,另一邊就係冷盤同甜品,真係每樣揀少少嚟食都有排食呀,auntie見到咁多款嘢食都食到停唔到口......

我哋最終食到9:45至埋單,整體嚟講都好滿意,而且種類又多,唔會好似出面d酒店咁樣樣得少少揀,basic嘅生蠔(麻麻哋).牛扒果d一定有,但就多咗藍青口.長腳蟹.天婦羅,梳乎里,嘆紅酒食嘅芝士都有,而且每樣嘅款都多,腸仔冷盤都有6樣選擇,而且全部都係獨立一盤,唔會好似出面果d 2-3款拼埋一齊,而且雪糕仲係用Haggen Daz,正呀!

而今次因為有朋友喺裡面做,discount會多少少,所以無用到openrice張coupon......

琴日去左食buffet,,,食物既種類係有好多...但真係唔係樣樣都好食,....d甜品仲好似多過d熱食主菜,,...環境都幾好,,,樓底好高..冷氣好勁!!好彩有coupon咋,,,,唔係就唔掋lu!!
男友就食蠔,螺,,佢話ok...但佢最鐘意食既刺身,壽司就得好小,失望...今.次的主題應該係泰式自助餐,,有好多串燒..豬頸肉,,泰式食物......或者我自己鐘意食泰國野..所以覺得lee d ok!!! 又有魚翅,,蛋白燕窩呀...幾勁呀..勁多人攞..!!
甜品..有好多我都鐘意食...好似有pancake,拿破崙,Cheese cake等,,,,但梳乎厘就麻麻地喇,...
最後仲食左個牛腩米粉,,,d牛腩好林,,都幾好咪...
但覺得之前去個間紅磡Bistro on the Bund仲好食...雖然冇佢咁多野食..但起碼人地樣樣都吞得落肚呀......

昨晚去吃自助餐。
食物是好，但這個價錢的話，只能算是合格。

服務標準比茶餐廳還要壞。
沒人給我們任何歡迎、微笑或者問候：招待員、服務員。一個都沒有。
我們的女服務員態度傲慢。我們問她飲料價格的問題，她對待我們好似我們買不起咁。
我們問她要冰, 想令chocolate fountain (巧克力噴泉) 的朱古力凝固 (溶的朱古力加綿花糖很難吃)，她的回答好似我們是愚笨的。’呢個朱古力係咁架, 唔會凝固架’．無理會我們要冰的要求，行左去．

McDonalds的服務都好過佢。管理層需要嚴重訓練他們的職員。

氣氛也不太好。
昨晚是泰國夜。８時左右有歌舞表演，但音樂實在可怕（有ｄ似粵劇的音樂，又不是live, 只是播ｃｄ），毀壞食慾20分鐘。
9:30左右有‘一位’jazz singer，坐在grand piano (三角鋼琴)，但我只聽見電子音樂，又多reverb, 好似karaoke多D。
早排去過Greenery,。較少食物品種，但整體感覺好得多。有成隊Jazz band, 一隊string quartet．完全唔同class.

唔抵，無class，服務差，好似一個貴ｄ，靚ｄ，好食ｄ的飯堂。

之前試過訂假日的自助午餐，奈何滿了，星期二巧遇巨爵襲港，全家放假，於是媽媽就立即湊上契爺，一行五人去試試這聞名已久的自助餐了。

因為有訂座的關係，我們被安排坐舒適的窗口位，對著落地大玻璃。初時媽媽還怕會曬，但後來發現原來窗簾會落下(自動還是人手就不肯定了...)，對著一個小花園及少量的海景享受悠閒午餐，確一樂也!

今次的主題是泰式自助餐，但除了眾多泰式的粉麵、咖喱、串燒等外，海鮮、中菜、西菜、日式魚生壽司、沙律、頭盤、芝士、蛋糕、甜品、曲奇、朱古力、雪糕等包羅萬有，以午餐來說，實算極為豐富。

泰式的食品有十多款串燒和燒烤食品，亦有兩款咖喱，炒粉、蝦餅、蝦片、蝦丸等小食亦有不少，妹妹對蝦片尤其鍾愛，另外亦有泰式沙律六七種，酸酸甜甜，挺開胃的，不過我不太好，沒怎麼吃。中式的小炒有幾款，我只試了其中的荔枝牛柳條、入饌的荔枝鮮甜，配上牛柳，份外好吃。西菜方面，餐湯和小麵包外，有燒牛肉、燒羊扒、龍脷柳、芝士焗元貝、薯蓉焗田螺等，整體質素甚高，非常適合食肉獸的同志們。日式的櫃檯則有魚生壽司等供應，三文魚生極為肥美，每次一碟四件，還有專人替你拿到枱呢! 其實另外還有生蠔和凍蝦任食，供應充足，同行的人頭一碟就拿了好幾隻回來，據說不錯，不過我自己一向一般，所以沒試。

值得一提的還有芝士，忌廉芝士、cheddar、發霉芝士等竟有九款之多，令我驚喜不已，芝士夾餅就已經是一非常美滿的頭盤。一試主菜和芝士之後，我這甜品魔馬上轉戰甜品。首先嘗了法式crepe，挑了芒果、草莓和藍莓作配料，再淋上朱古力汁，確實是很match的配搭，淋上朱古力汁，不錯! 甜品櫃琳瑯滿目，有tiramisu、南瓜creme brulee、芒果拿破崙、芒果朱古力脆脆蛋糕、macaroon、朱古力慕絲蛋糕、藍莓芝士蛋糕、桂花糕、紅莓木槺布甸、雜莓果凍、鮮果白酒啫喱、桂花糕、曲奇、三款手工朱古力、紅豆沙、楊枝金露、豆腐花、即製梳乎厘、麵包布甸、芝士布甸、芒果椰汁黑糯米、芝麻雙色椰汁糕、waffle、doughnut、朱古力芝士撻、四五款鮮果撻、朱古力和草莓朱古力fountain，還有各式的杯裝布甸暏喱甜品，多到數不完，更加試不完，我先後拿了兩三盤便宣告投降。對於做慣甜品的我來說，有驚喜的是則是那個特濃的朱古力慕絲蛋糕和bon bon。我偏愛苦甜朱古力，這個朱古力蛋糕確合我心意，重朱古力又極為柔滑，絕對是水準之作。至於bon bon方面，榛子三兄弟和紅桑子朱古力也甚得我歡喜，尤其是紅桑子朱古力，不但美觀，而且外皮薄、餡料的濃稠、甜度恰當，絕不馬虎。好吃!!!!!!

無論我有多飽，總不能放過八款haagen dazs任吃的機會吧。是日的八款雪糕是朱古力、咖啡、綠茶、提子冧酒、cookies & cream、草莓芝士餅、芒果和覆盆子雪葩，配料有草莓汁、朱古力醬、芒果醬、奇異果醬、提子、朱古力針、脆脆米等，最難得是還有自製的雪糕筒，不過我真的吃不下了，每種勻了一小匙，完成之後已經飽得再容不下任何東西了。

原價$198，用東亞信用卡八折，另加一，即每人$180左右。這樣的價錢和質數，絕對抵吃!!!!!!!

很久沒有吃自助餐。諗住係Openrice search 吓邊間好食先book位，先發覺好多人都話呢間位於海逸o既Promenade好食，評價相當高，於是就book呢度o既lunch buffet啦。我真係熱切期待呀！

當天，我媽媽一吃冷盤，就話d食物唔新鮮，食到佢個胃有d悶，冇哂胃口食其他o野........於是我又去試吓啦................嘩！真係好難吃!!!!!! 所有食物都係同一種味道 ----- 雪味。我食過咁多buffet，最愛吃冷盤。而今次價錢咁貴，竟然咁難吃，所以真係好失望.......

之後，我同媽咪都冇哂胃口食熱盤，尤其當日做緊泰式主題buffet，那個泰式corner簡直係冇o野好食..........於是，走去食甜品啦。好彩，都算ok啦.........全場最好食，應該係梳乎厘罷!!

我返到屋企之後，即刻痾咗兩次

總之，我覺得今次真係被其他人o既食評欺騙咗!!!!!! 好多人都唔知道什麼叫"好吃"，還是大家要求太低呢？洗咗呢筆錢，既享受不到美食，又損害了健康，真係貼錢買難受!!!!!!!

一直有看 openrice 的食評, 很想自己都貢獻一篇。今日終於「的起心肝」第一次寫了

本人是很喜歡吃自助餐的 , 原因貪佢有很多不同的選擇, 自由自在, 又可以慢慢嘆, 感覺會很開心的

看了之前各位食家的評論, 發覺都會海逸酒店這間 Promenade 西餐廳始乎唔錯, 所以一定要找機會去一次。今日終於可以和朋友一嘗這兒的 lunch buffet 了

前數天 booking, 想要窗口位, 但職員就話窗口位已經 full 。當天準時十二點入內, 第一眼就看到很高的樓底和很長的自助餐桌 。跟著 waitress 竟然帶我們坐窗口位, 哈哈, 喜出望外 。一坐下, 發覺自己眼前的餐桌也很寬闊。餐廳環境很好, 有很大的落地玻璃, 外出還有小境點可以供人拍照 。

第一時間, 我們當然一齊出動啦… 首先望一望有什麼好東西吃 。第一個感覺就發覺食物有很多款式, 很開心啊 。

頭盤: 先吃冷盤, 沙律等…還有我喜歡的火腿 。冷盤款式很多, 不能盡錄, 味道都唔錯。

次 round : 魚生和 sushi。魚生是叫師傅切的。雖然沒有什麼特別但用料新鮮 。

跟住就到生蠔, 雖然我們都不太好生蠔, 但點都要試一、兩隻先得 。Lunch buffet 都有得食算是唔錯啊, 雖然不是很肥美 , 但質素都算 OK 。生蠔隔離檔就有螺肉、 日式八爪魚、其他日式凍食等等…。螺肉很爽口、很新鮮、很好吃, 我吃了很多 。

之後就是熱暈: 熱暈也是有很多款式, 不能一一嘗試, 只試了一些蝦, 象拔蚌, 酥炸白花球, 豬扒等等 。這些感覺都唔錯, 好味。至於還有印度菜, 我們就沒有試了。直到差不多一點鐘, 餐廳開始 full 了 。

吃完熱暈就想試試甜品, 不過試甜品之前都係找 Haagen-Dazs 先 。聽說有八款選擇之多 , 喜歡吃雪糕的我當然要全部試哂啦 , 當天有冧酒提子、芒果熱情果、綠茶、桑莓雪芭、芒果雪芭、Cookie&Cream、Chocolate Hazelnet Brittle、Vanilla 。我們一致覺得桑莓雪芭非常正 。一 round 當然唔夠喉啦, 哈哈 。至於甜品亦都係我至愛, 這裡有唔少款式 , 不過 cake 就唔係好多款, 當中 cheese cake 就只得 blueberry 一款, 可惜還是不太好吃 。其他甜品賣相就唔錯, 吸引我取回去, 但味道就麻麻 , 不過芒果拿破倫就唔錯 , 甜品總括來講對我有點兒失望 。

食完甜品之後都有點兒飽 , 不過當時都已經兩點鐘了。叫了餐飲, 跟住去取梳乎里, 和豆腐花。梳乎里很正 , 因為飽, 所以只試了一款, 至於豆腐花就只是一般。

最後再戰 Haagen-Dazs 和生果。很滿足呀 ! 不過我就唔記得試個粥。可惜可惜 。

當日雖然已經到了九月, 不過還有姆明座陣, 可措沒有機會和他影相 。
至於侍應生服務都唔錯

這兒的自助餐值得推介是因為款式甚多, 有機會一定要嘗試它的 dinner buffet or tea buffet .