19
5
3
港鐵觀塘站 A1 出口, 步行約6分鐘
繼續閱讀
營業時間
星期一至日
10:00 - 20:00
以上資料只供參考, 請與餐廳確認詳情
本來食附近茶餐廳，但聽街坊介紹話，附近有間合興正野，有奶茶有乜有乜，滿心歡喜咁就黎試下。想話比杯水洗下筷子都話無，算啦，用紙巾自己抹。咁想食粒藥既話，咪水都無杯粗麵無乜特別，如當茶餐廳水準，牛腩厚身有點難，同偏乾身，咬落有肉條絲痴住牙。想話叫杯熱奶茶飲下，伙計話無，得汽水。得碗麵，要飲就飲汽水。可能近小巴站，所以人流都有既。但茶餐廳就真系講唔上，叫做食碗普通粉麵飲可樂。可能其他野比較好食未試過唔知。
繼續閱讀
講真只要唔係行入觀塘街市就比較少幫襯佢，雖然其實佢真係好好食，我到而家都覺得佢係觀塘入面最好食嘅牛雜~ 今日同女朋友行過，女朋友就淨係會食粉麵，梗係行入去食間好食㗎喇，我叫咗牛雜米，而家感覺佢比以前他淡咗，唔知係因為市場對健康需要呀定係佢哋師傅係唔同咗喇，，不過依然啲牛雜仲係非常之好食； 女朋友要咗個魚蛋米，其實佢已經飽飽哋㗎啦，應該係要淨魚蛋先啱，佢嗰啲魚蛋好好食 魚味濃蛋牙又唔硬，我話100蚊斤啱唔啱~佢又有啲嫌貴~ 呢間最正係佢有魚露喺度，絕對係幫碗粉提升到另外一個層次~
繼續閱讀
作為觀塘長大的孩子，一定對這間粉麵店十分熟悉，可以說是中學時的回憶。那時一到食飯時間總是幾個同學仔一起排隊，吃完一碗粉麵便滿足地回去上堂。每次經過合興總會被香濃的牛味吸引，於是忍不住進店了。選擇不少，但我通常都選擇牛類。今天我點了牛腸米粉，而男友選擇了魚皮餃河。牛腸很入味，沒有騷味，口感不錯。而魚皮餃粒粒飽滿，十分足料。可惜炸蒜放少了。湯底仍然很香濃，平時不飲湯的我，每次吃合興都會飲掉最少半碗的湯，滿足。總結味道一如既往地好，更重要的是那份回憶。
繼續閱讀
觀塘區的老字號, 原本在裕民坊的一條横街窄巷, 因為裕民坊的重建工程而要結業。後來發現這老店在瑞和街街市附近重開了, 每隔一段時間都會來的, 因為湯粉麵係香港人的至愛, 簡單美味又方便。每次來這兒, 例必叫墨魚丸, 豬肉丸或牛肉丸的, 今次改了試牛腩。在這店吃牛腩要碰運氣, 有時會食到又韌又鞋的, 食完就會同自己講下次食返丸類穩陣 D。今次呢碗算 ok, 湯夠濃, 雖然每次食完都會口渴。牛腩有少少咬口, 但整體算 ok!牆上掛满雜誌的訪問及老店的歷史, 可供食客緬懷觀塘區的面貌及變化。這店價錢不貴, 還會再來的。
繼續閱讀
呢間位於觀塘 超過40年歷史嘅粉面家一向以牛腩牛丸出名😇😇😇😇入到店舖有兩個牌匾 ，一個寫住「極品牛腩」、一個寫住「牛丸大王」。因此我就叫左呢兩樣野黎試一試！🎃牛腩面賣相好靚，咬落林滑；湯底有濃郁牛味，果然係極品！！！！！👍🏻👍🏻👍🏻👍🏻👍🏻分量亦唔少，$34抵食！😻😻😻另一碗係牛丸米，但就比較遜色一啲牛丸咬落唔夠彈牙，牛味亦唔太濃。👋🏻比佢好食嘅牛丸仲有更多其他選擇，失色失色！😿😿😿😿同場加映墨魚鬚一碗，湯底好鮮味！而且份量亦足夠，值得一試！👍🏻👍🏻
繼續閱讀