本週個人有開心事，想同朋友仔慶祝一下，決定試試這家18樓的法國菜館。

預先訂了座，約8：45pm到達。 雖然是週六晚，但餐廳好靜，只得兩枱客，於是我們兩人可以安排坐在對窗口的最佳位置。

餐廳的裝修頗高尚典雅而低調，燈光很昏暗，適合朋友聚餐及情侶談心。打開Menu，食物選擇也不少，眼光燎亂下，決定揀Set Dinner.

正宗的法國餐，當然要先吃個麵包，這裡的麵包又幾脆口，咬落鬆化，帶給我不錯的印象。餐湯是周打魚湯，忌廉味頗濃，也帶點清甜味，口感很濃滑。來主菜，我選了「Grilled Chicken with Braised Seasonal Vegetables in Rosemary」（1/2隻露絲瑪利香草烤雞配法式燴雜菜）雞的外皮燒得好脆，入口有種濃厚的香草味，雞肉就比較韌，未夠入味，濃的香草味，只限於雞皮上。 反而，拌碟的雜菜卻是驚喜，有三色甜椒，茄子和甜茄，煮得很恰當，而不會過熟，感覺仍很清甜。

朋友選的「House Special Short Rib with Sautéed Potato en Mushroom Butter Sauce」（牛小排配炒薯角伴牛油蘑菇汁），顯然比烤雞好吃，牛排七分熟，卻仍有血色，對我來說就滿意，牛肉咬落軟綿綿的，有嚼勁而不失牛味，點牛油蘑菇汁，口感更滑。甜品是Vanilla Ice-cream and Vanilla Pancake，似乎創意不足，精緻度普通，而Pancake也做得不過不失而已。整體來説，餐廳的食物水準中上，味道尚可，但論法國菜的精緻度， 就不足了，可幸服務仍算不錯，以每人大約HK$200來說，這裡仍是一個不錯的Fine Dining 地方。

位於尖沙咀厚福街H8；採用法式fine dining概念;
聽講個主廚都有D名氣，所以之前見到團購$298+$85服務費就試試

呢個【10道菜法式海鮮.小排晚餐】
包括前菜2份+餐湯+雪葩+主菜3份+甜品+餐酒2杯

椰菜花蒜蓉忌廉湯：忌廉湯最重要係夠熱，入口味道濃郁，簡單但可口

法國新鮮生蠔 + 法國大蝦：法國生蠔及大蝦係經典海鮮組合；生蠔唔夠肥美豐腴；大蝦
味道則一般！加拿大銀都靈小排配里昂汁伴芝士烤焗露荀：都靈小排入口鬆軟；焗露荀有咬感；伴以芝士，味道濃郁

焗鵝肝配鵝肝焦糖燉蛋法式鵝肝綴以焦糖燉蛋，有新鮮感，視覺上層次豐富，但可惜燉蛋完全唔熱，唔知係咪法國風格..但係唔太配合中國人口味

香橙朱古力心太軟配瑞士雪糕：以64%可可成分的Valrhona朱古力製成，個人好鍾意甜而不膩既Dark Chocolate，不過份量太少唔夠喉

檸檬雪葩賣相還好! 偏甜! 但係得一啖有D小家子氣

其實總括黎講，食物環境服務都有酒店級水準! 但如果唔係團購都未必會試. . .
因為正價>五百蚊一位
有更多更好o既選擇. . .會去返五星級酒店食

首先叫咗法式鵝肝焦糖燉蛋，諗住招牌菜，點知鵝肝一邊好生一邊好熟仲要小小暖，下面個蛋係凍冇味仲要夾雜咗好多冰塊，我地連食都唔敢食，驚會肚痾！問咗個waiter 佢話應該係暖暖地，就話應該唔係凍，佢就話會同廚房反映就走咗去。我哋仲叫咗個風乾腸拼盤做頭盤，啲salami 厚到咬唔到，全部有3款得有2-3塊仲有2塊好硬又好迷你嘅麵包送嚟食，問佢哋想要啲麵包，佢地話今日派唒所有麵包冇哂（但我見到我前面啲女仕有牛油搽緊麵包！）嘩！我人生第一次食西餐連包都冇。
$290 一個8oz 牛sirloin steak, 我地要medium 我諗我嗰塊係medium well 同well done 中間，牛扒一啲味都冇，好好好失望！最後仲要咗薯角做side dish，除咗熱同幾大碗之外都係冇味！唉...生日飯食得好唔開心，甜品都唔敢叫就諗住埋單走人！
點知佢地好好咁送返個士多啤利心太軟話唔好意思，個雪糕係movenpick，好好味，但係個心太軟就有陣藥水怪味！我唔識欣賞！
同埋佢最後俾咗個8折我地...都係嗰句冇下次！

因為睇openrice 所以去左衣間
整體氣氛唔錯
可能我唔識點菜啦 點左d野唔好食囉
個沙律除左細個左少少之外冇乜野
個鵝肝ok 但係塊包硬到好似食石頭咁...咬到我個咀好痛
叫左兩塊牛扒 最貴個塊 12oz 有1/3係脂肪 d肉又多筋 把刀又唔夠利 切到我手都痛埋
諗住加個飯或意粉又冇 逼住加薯蓉( 本身我好鍾意食薯蓉)
但佢個薯蓉成口油咁 食左面個兩啖之後成個底都係油
食牛扒想點個芥辣又冇 (得熱狗芥辣)
薄荷o者利又冇

佢個價錢越對唔係100~300蚊囉
越對唔會再去 因為雖然唔係好貴 但以咁既價錢去第到食絕對有好多好多更好選擇

食到我勁興 越諗越唔抵

1. 環境正-H8 18/F 遠眺ICC+小小維港+北京道1號（幻彩fing香江）

2. 服務正-全男班一樣咁細心！拉椅、鋪餐巾、每食一種食品都換碟換刀叉、食品跟先後次序，食完一樣先上下一樣！以上嘅嘢雖然好基本，但有幾多間中上價位餐廳做到？
今日中午訂位時問有冇窗口位，佢話冇！但最後係安排左我坐窗邊四人枱！
我行過去廁所，未行到已經拉定門俾我入！我地走又幫忙噤𨋢！
講真我未試過有餐廳咁好服務！

訂位時講左有人生日，佢話可以加$（合理價）有個心太軟+煙花蠟燭+生日卡（原來店員都有寫嘢同簽名）
生日／記念日慶祝真係一流！

P.S. 開頭見到佢寫心太軟個碟類似寫xxx anniversary...
我地以為寫錯左！原來睇真係joyeux Anniversaire,即係生日快樂既法文。。。真係大鄉里！

3.野食不錯-各種食物都幾好食！

我個人食野係睇服務+環境氣氛多啲！所以咁既環境同服務之下，野食中上的話~總體已算滿分！

而且依家佢地有呢個係$280／位！
有齊晒相中所有食物（唔包飲品、加一）

佢main course有齊黑毛豬、原隻春雞、三文魚扒同燒牛肉四種~
除黑毛豬、其他3款可refill！
其實好抵，因為佢一份黑毛豬係$330！不過應該大件d既。。。
我唔食3文魚的，其他既肉類我食得出係簡單咁燒再加鹽同黑椒調味！

佢問我地開唔開酒飲？我問有無fruity d既紅酒？佢話有隻做緊$228，俾我試下！
我覺得唔得、太dry!
咁咪諗住白酒囉~又話無一枝！但佢依然攞俾我試！佢攞到埋黎：其實係無得試架，我俾人鬧添。。。
由此睇到位哥仔勁盡心咁serve 我地^^

其實呢餐都係食左八百零蚊~好過去食個大堆頭buffet啦^^

尋晚用tabelmap book好4人枱來這裡同朋友慶生，坐低未夠5分鐘，當時同友人分享緊旅行時的趣事而「爆」笑了一聲，即時有位男仕上前話: ＂唔好意思唔該細聲D＂, 佢個＂唔好意思＂十分細聲只有我地其中一人聽見，我當時好振驚點解佢可以咁rude，理由係我地不是在喧嘩，只是唔覺以大聲咗笑了一聲，我地自己都自知失禮一笑完已即刻冷靜下來！點知就好像在課室傾偈俾亞sir點名話唔準咁，真係好掃興！我同朋友商量後決定轉地方，要知道呢間餐廳絕對唔係低消費，我地花錢係想享受而唔係黎睇人面色受氣，我臨走行去跟他理論，主要申辯我地唔係沒品咁只顧自己去disturb其他人，同佢講你唔應該因為果一刻唔滿意就即刻走黎叫我地靜d, 因為咁樣都好沒禮貌，不過真係估佢唔到嘅回應：我有講唔好意思，呢間係我嘅餐廳，我要維護番我D客人唔可以騷擾到佢地！我唔係駁咀王，只好講句我也去過俾佢間餐廳高檔很多的地方用膳，都不曾有店員或店主咁零容忍，一見有客笑得大聲就stop人，你咁樣去嘅態度係好不知所謂，講完之後就走了。這是很差的一次開飯體驗。

一行四人為朋友慶生，點知食到一肚氣...

一開始叫野食已经令人有想死既感覺。朋友們唔係太肚餓，諗住叫兩個set dinner (都成每位$400以上)加個兩人份量既seafood platter (好似係$480), 本身個侍應都無話有問題，但隔左一陣就有個另一個哥仔話呢個set dinner唔可以share,一定要一人叫一份，如果唔係可以叫另一個set dinner, 每份都只係$2xx....心諗，咩料呀，我哋而家叫咗$1300野，仲開多支酒，成$1500，點都貴過四個人叫4個$2xx set dinner 啦...份menu又無寫明唔可以share, 於是我地堅持...最後佢好無奈地接受order，但已經影響晒個氣氛。

點知D野食黎到仲激氣，首先個seafood platter超唔OK, menu幅相有oyster, crab, lobster & shrimp, 雖然無寫明包幾多隻什麼海鲜，都無理由差咁遠， 黎到既只有又細又瘦既oyster同幾隻蝦...仲要全部野都超鹹...完全食唔到海鲜味...未試過食一個seafood platter食到無人想掂，差唔多要猜输嗰個食...

其他兩個咁巴之閉既set dinner開始上菜，第一道鹅肝配creme brulee...怪，又咸又甜，個鹅肝又煎得硬...

跟住個磨菇湯都夠磨菇味但個質感好似麥皮...

之後有少到唔少既lime sorbet, 用teaspoon上，無錯，係每人有一teaspoon咁大把...

main course有龍利柳同鸭胸，個鱼正常，唔係特别好味，但個鸭胸就完全唔掂，超生，又’un'...顶唔顺决定同哥仔反映。嘩，佢個response超正，(我地呢個moment都未食晒D蝦，太難食)，同佢講話個鸭胸好似太生，佢話“鸭胸係可以medium or medium well咁食，你地唔係叫烤鴨嘛，如果你地覺得唔夠熟可以再煮..."我真係想死，一句話多謝你既意見就算啦仲要搏嘴，跟著我地再講話D蝦好鹹，叫佢自己試下，跟住佢話D蝦本身就鹹............ 结果佢試完返黎話D蝦真係鹹，但其實好fresh...我真係唔識欣賞lor...鹹到苦....同埋唔想再同佢糾纏...

甜品超普通...普通既chocolate流心蛋糕，仲有個唔知咩banana almond toast之類，完全食唔到banana味....算，都已經食到無心機，求其食完埋單走人。

野食已經原全唔OK，D態度更家嚇死人，唔會再去亦激到要立即開個openrice account黎反映現實。

今日係結婚一週年紀念, 見呢間餐廳環境唔錯, 所以預早訂枱, 試一試菜式.

我地叫咗個promotion dinner set, 非常超值, 只係$280一位(不包括飲品及加一收費).

頭盤係又肥大又鮮味既生蠔, 共有8大隻跟住就係蝦沙律, 不過就冇乜特別. 然後就係椰菜花忌廉湯, 味道幾特別主菜有三文魚, ribs, 黑毛豚及燒雞一大碟, 食到飽飽仲有甜品, 好滿足呀最後餐廳仲特別安排送上一份驚喜, 慶祝我地結婚週年, 真係好有heart!!餐廳地段方便, 有格調. 侍應招呼令人十分滿意. 值得再去!

haha 今次生日我同朋友們去左一間我老公推薦既法國菜~室內環境帶暗,變得好有情調~頭盤係冷盤~
有蠔,麵包蟹同翡翠螺,
d蠔係即叩即開~本來唔多食生蠔既我都忍唔住食左隻~好新鮮~
翡翠螺就本身帶有鹼味,就咁食已經夠味,好爽~
麵包蟹d膏好多~超正~野菌湯真係一流~好濃既菇味~飲落仲會食到好多菇蓉,完全同出面主菜
因為我地有十幾人,佢地就好細心咁張唔同肉分配一碟黎上~
d meat 又唔dry , 好食~

其實仲有個pasta 但之後大家都好味到故住食,都唔記得影相lu
但pasta 個汁同個味都好有層次,
真係值得推介,但是唔記得左係咩pasta~
但會我有興趣會試埋其他pasta^^
相信其他pasta d 水準都會有係到^^到甜品~
都因為我地多人既關係呢,我可以試哂兩款既甜品~
可惜冇影心太軟~
心太軟有好香既橙酒味~唔會太甜~讚~
法式多士個面趣趣地,加埋朱古力雪糕~超正~

員工既服務又一流,真係好好服務,又細心,我地咁多人佢地又唔會覺得我地煩~
平時好少機會會係feel到有heat去service~
同埋生日又會幫你影相同送birthday card~超開心~
係依到食野真係好舒服好正!!!!

一向不會團購, 因負面評價太多。 J 卻十分喜愛團購, 有時我真懷疑他是否有股份。一天, J 興致勃勃向我說又買了團購, 是什麼原價$1080的法國菜, 當時心想 “又中計” 。但既然巳買, 只好 say OK !
打電話book 位才知有分2輪,6:00pm – 8:00pm 或 9:00pm 至店舖關閉, 我多會OT, 所以book 了9:00pm。

到達餐廳，餐廳不大，枱較close，但在香港這租金非常昂貴的地方，還可以理解的。
餐廳佈置簡單，枱上有蠟燭，環境不錯。Waiter 很有禮貌，為我拉椅子，鋪餐巾，10x Like!
冷氣十分大, 想換位卻發現每枱對上也有風口。此時剛好有waiter (我懷疑是”manager/supervisor’) 經過，很細心的說會 “ 較細” 一點。

看看團購的餐牌, “10道菜" (包括前菜2份+餐湯+雪葩+主菜3份+甜品+餐酒2杯), 心想, “U must be kidding….食物質素到底得唔得??”話明French Dining, 上菜慢是意料之中, 我就估且放下 “心中的忙碌” , 做個 French lady。此餐包餐酒2杯, 我先要了一杯white wine。
過一會，前菜1 終於來了，是 “生蠔 + 大蝦各３隻” , 生蠔真的很肥美，夾著淡淡的海水味，味道清香, 連一向不愛生蠔的我也要說句 “yummy!” ，蝦則 so so。前菜2 - 焗鵝肝配焦糖燉蛋：對我來說這是很新的搭配，鵝肝+焦糖燉蛋, 咸+甜，鵝肝味道濃郁，焦糖燉蛋有水準, “yummy!”餐湯是cauliflower cream soup，味道不錯。主菜1 - 焗龍脷慕司，小小一片龍脷慕司，水份 ,肉汁多，味道鮮濃，只可惜內有green pepper, red pepper, 只好留給J 吃。
主菜2 - 烤鴨胸伴黑松露薯蓉，鴨胸肉有点 “un”，黑松露mashed potato很好味！主菜3 – ribs with asparagus，味道ok, 但肉有点 “un, 至於我至愛的asparagus，焗得香香, 主菜3合格。
甜品- 心太軟ice-cream ，其實在主菜2時我巳有飽意，主菜3更分了大半給J，但見到心太軟，決定再食! 心太軟用了香橙味的朱古力，令完先甜膩的心太軟變得甜而不膩，如果加点洒味，效果會否更好? 我吃甜点一向挑剔，但這道心太軟可說有98分。結論，份量十足，主菜2時我巳有飽意，至於大食的J在主菜3上枱時也說了一句 “連我也有点飽!”
食物質素整體不錯，只是肉有点 “un” ，但心太軟為此dinner 挽回不少分數。

值得一讚是服務質素，禮貌+友善。小插曲是我在dinner 其間要去 washroom，但餐廳很暗，我看不到ladies room 的門，疑似 “manager/supervisor” 亳不遲疑的為我開ladies room的門，真有點不好意思。

想不到在團購有驚喜，加上優質服務質素，99 x Like!!! 希望 Stone 能在作團購優惠時仍保持水準，要知道口碑在服務及飲食業是很重要的喔!

我想團購優惠完結後我也會再光顧!