7-11-2009

手持一張阿媽的 Complimentary Afternoon Tea for Two 會藉 coupon, 呢日同朋友嚟用咗佢. 上次去了無得訂位的 Lobby Lounge (http://www.openrice.com/restaurant/commentdetail.htm?commentid=1975364), 今次嚟到較靜又無咁迫的 Harbourside. 叫了 Afternoon Tea for Two (原價 $368), 不過今次除咗環境及服務以外, 係無樣得! :-

先嚟飲品, 朋友飲 Earl Grey, 我就飲 caffe latte... 面頭奶泡如洗潔精 , 面頭兩撻啡色好似用手指「篤」落去咁, 賣相不敢恭維, 飲落質感稀薄, 咖啡味極淡, 連奶香都欠奉, 好難飲喎! 朋友笑我飲得太多 Coffee Assembly (http://www.openrice.com/restaurant/commentdetail.htm?commentid=1953426) / Coco Espresso (http://www.openrice.com/restaurant/commentdetail.htm?commentid=2038612)「嘴刁晒喇 」, 但呢杯嘢拍得住公司樓下間「星記」咁難飲, 應該唔關嘴唔嘴刁事吧?

3 層 platter 的 (中層) mini sandwiches 有 tuna spread, egg mayo, cucumber 及風乾火腿, 全都極乾兼無味, 而且唔知點解覺得好「飛機餐」feel (!?); 但印象最深係風乾火腿嗰款, 因為塊 ham 極鹹而不香, 塊 pickle 就帶點「叔」臭, 打晒冷震

底層有 plain 及 raisin scones, churros, 蝴蝶酥, chocolate brownie 及一件青色蛋糕... 最好食係 churros, 勁多糖, 帶輕輕的 cinnamon 味又帶點蛋香; 蝴蝶酥就脆而無味; plain scone 黏口但唔夠香, 加了 clotted cream 都於事無補; 青色蛋糕幾 moist, 但只得甜味, 食完都唔知係 pistachio 定綠茶定係乜? Chocolate brownie 朱古力味幾香濃, 但實在太甜了.

頂層就無一樣好食 -- lolipop 狀朱古力蛋糕本身已好甜, 面頭仲要鋪多層厚厚的白朱古力脆皮, 甜到甩牙 Raspberry cheesecake 叫幾軟滑, 但芝味唔夠 raspberry 味又唔夠, 到喉唔到肺; pyramid 狀綠色 mousse cake 同上文的青色蛋糕一樣只得甜味, 食完都唔知係乜; mango mousse cake 魚膠粉奇多, 味道又好假, 唔掂; 朱古力「袋」內面係朱古力蛋糕, 中間又塗了 berry jam, 有點 black forest feel, 外層朱古力就太甜; 蜜瓜/哈密瓜 + custard eclair 就直程又腍又韌的, 又一難吃之作.

酒店環境及就服務就當然唔會點差咗去, 但食物咁差勁, 坐喺 window seat 望住出面的國慶詠春匯演, 都咪話唔無奈.

放低 coupon 埋單 $0, 如果要俾原價 $368 的話, 就實在太倒錢落海了.

1 點黎到食lunch...
Waitress 安排左窗口位, 對住個海, 太陽又晒, 小小冷氣都感覺唔倒
勁多人係度排隊, 有3個妹妹仔排係我前面, 非常嘈係咁"了"D 野食==
周圍D 人都好嘈, 好似去左Canteen 咁, 一D都唔似係酒店
樓底係好高, 值得一讚, 因為好小地方有咁高樓底
我問Waitress 有咩野daily fruit juice, 佢話冇, 我點左杯士多啤梨汁
個Waitress "下, 唔係呀嗎?"
我話冇就算啦, 佢話"士多啤梨好難打汁, 如果你要o既我咪打杯俾你囉"
之後送上黎o既係一杯士多啤梨糖水, 唉
- 因為半島會打杯士多啤梨汁出黎, 真係好用心去做, 好用心咁招呼客人

其實呢度o既食物真係好普通, 我好似去完canteen 咁, 我對我食過o既野印象唔深刻...

沙律: 有人話呢度d 沙律好好味, 但我唔覺有咩特別, 周圍都有都係咁架
炒雜菇: 全場最好o既食物
海南雞飯: 一般...但我想食好時多d...
牛肉: 勁"un", 唔想傷害自己個胃, 我放棄再食落去
蝴蝶餅: 人地話呢度最出名就係蝴蝶餅, 面層已經有糖粒, 太甜
紅莓鬆餅: 呢個係最好食o既, 有粒紅莓係鬆餅上面, 其實好普通o既外表,
但好好食, 甜味岩岩好, 唯一值得讚o既甜品
木糠布甸(杯): 當我用個匙一吉落去, 竟然有氣泡, 好明顯木糠布甸唔係實心,
質感勁差, 俾你都唔敢食
黑朱古力蛋糕: 我見有好多人等切呢個蛋糕, 我以為好好食又切一件食,
但我覺得好差, 黑朱古力味一d 都唔濃, 仲甜甜地==

呢度lunch o既價錢一d 都唔值, 我都係想返半島食lunch==
至少唔會好似canteen咁, 又嘈又熱又唔好食

老細升職，俾我地屈左佢請我地去Harbourside食buffet，我地當然開心！

期待左兩個星期，終於有得食，唔知係唔係期望太高，覺得比想像中差

首先係冷盤：

－　蟹腳唔多，同唔係好大隻，還算新鮮，仲有花蟹同另一款唔知叫咩蟹，都一樣新鮮好食
－　龍蝦熟過頭，有D乾同韌，不過都算甜美
－　蝦過得去
－　沙律款式唔算多，蔬菜幾新鮮，醬汁都係三四款
－　魚生反而唔算錯，甜蝦真係幾甜，帶子都唔錯，其他都不俗，唔知係唔係香港人鍾意又厚又大件，件件都成1cm厚，我本人比較喜歡薄少少，薄D會更好食
－　稻庭冷烏冬唔夠滑同凍，麵汁亦唔香
－　有巴馬火腿及意大利腸，唔會死鹹，肥瘦適中
總括黎講只係過得去，無生蠔食又要扣少少分．

跟住係肉檔：
－　燒牛仔肉過得去，肉味始終唔及四季o既Blue Bar好食
－　燒羊脾我嫌太熟，味道可以

再跟住係熱葷：
－　煎鵝肝好唔好食都食左兩件先，查實都幾好食，一口油香，不過年紀大，唔敢食太多
－　北京填鴨，以前食填鴨真係淨係食個皮，而家度度都係片埋肉，燒鴨皮既香味唔多，同埋好”的式”，可能因為咁”的式”所以俾兩舊
－　Pizza一句講晒，唔香唔脆，無喱文味
－　炆牛肉，好鞋，味道一般
－　雞（類似印度烤雞）味道幾好，鹹左少少
－　烤魚一般，唔特別好食
－　烤羊扒，幾香，味道唔錯
－　清酒煮螺，夠大隻，唔會過熟，少少沙，味道唔錯，但無乜酒味
－　竹笙翅唔會太杰，味道適中，幾多火腿絲，但翅就太少
－　炒雜菜不過不失，起碼無渣
－　蝦餃燒賣無食，聽聞蝦餃幾好食
－　蜆殼粉無食
－　日式蒸蛋都無食
－　咖哩蟹又無食
總括都係一般，除左鵝肝，螺同翅一定要食，其他都可食可唔食

至於甜品:
真係無乜邊樣好食，生果唔甜，但其他野就死咁甜，淨係得幾樣野係食得吓．
－　雪糕好似係自家製
－　蛋白脆餅口感幾好
－　朱古力噴泉
－　朱古力慕絲幾滑
－　梳乎厘

服務又唔係咁好，八點幾就叫我地叫定茶，話驚到時一次過叫做唔切，跟住九點唔夠問都唔問就收晒D刀叉，又唔通知我地D野食就收，話晒都係高級酒店，服務一D都唔貼心！

好彩唔洗錢，一定唔會再去，同埋我覺得唔值咁貴試過就算

Brunch Buffet 11:30~15:00
$638+10%
未食都覺得貴, 食完覺得好底..
Moët & Chandon香檳任飲,
海鮮方面以鱈場蟹最好, 魚生方面可以不吃
燒牛肉水準一流, 鵝肝油份極高味道不夠濃郁,
風乾火腿芝士種類多到令人雙眼發光...

唯一可惜香檳海鮮芝士火腿燒牛肉已經令我食得太飽,
起碼有超過一半食物未能一試...
似乎要再去一次

食過咁多間酒店buffet都係最中意洲際的dinner buffet,
雖然很貴,但真的很喜歡他們的dinner buffet,
很喜歡他們的開邊龍蝦同埋海鮮,次次食都好新鮮,
魚生都唔錯,不過就唔係次次都係頂級新鮮甜美,
佢地個竹生翅都ok啦,
甜品種類不算少,都是歐式甜品同埋cake

之前聽過好多人講洲際自助餐幾咁好食，於是媽媽生日就全家一齊去試下啦!
7:00左右去到，服務員帶我地去到最遠o既位置...(因為waiting list，所以冇辦法)
我地個位置近樓梯口，唔知樓上係咩地方，但成晚都好嘈! 不停奏音樂。
well...開餐啦! 出去睇睇......食物款式少，失望.....
海鮮冷盤得龍蝦、蝦、蟹、青口，$500/人連生蠔都冇!
龍蝦: 好韌....冇鮮味冇咸味，總之冇味...
蟹腳: 好咸....
蝦同青口: 一般
刺生有幾款魚生、甘蝦、帶子，全部唔夠新鮮。
魚生: 一般
甘蝦: 幾好食
帶子: 唔新鮮!
熟食一般，竹笙翅味道唔錯，不過得1%翅。
家人話鵝肝不錯。
甜品.....生果幾好，mousse好味，其他唔得。

服務方面都唔好，不停好多工作人員o係食物櫃前走來走去
同埋d客一齊逼，攪到d人亂晒亂打尖。
冇啦啦有個服務員仲拎住幾十隻碟就咁逼出黎，吉碟補充個arrangement好差!

總括:
我以後唔會再去，$500更加唔值得。

13-8-2009

(以下係一篇好悶的 buffet 食評, 頂唔順的話, 建議你齋睇相吧啦...)

其實我唔太熱衷食 buffet, 但呢日為 E farewell 喎, 阿媽又有折, 仲要係食物質素數一數二 (buffet-wise) 的 Harbourside, 當然要跟埋嚟啦.

比起上年嚟 (http://www.openrice.com/restaurant/commentdetail.htm?commentid=1918250), seafood 部選擇少好多, 只見龍蝦, 青口, 帶子, 蝦 (「原隻有殼」及「無頭有殼」都有) 及長腳蟹, 翡翠螺及即開生蠔則 nowhere to be seen, 可惜. 龍蝦賣相如常靚, 不過有點老又有點乾, 仲要無乜味道, 唧了檸檬汁亦於事無補, 失望 蝦就以「原隻有殼」的較甜及實肉; 帶子都有點老, 不過幾鮮甜, 幾好食; 青口反而又甜又嫩滑, 不可貌相的一味; 而長腳蟹就鮮甜又好肉地, 海水味不過鹹, 最好食係佢.

到刺身壽司部「唔要三文魚, 其他每樣少少」, 師傅就俾了油甘魚, (魚立)魚, 赤身及甜蝦: 咁多樣得 d 蝦好食, 果然係「甜」蝦; 刺身新鮮度不錯, 但實在切得太太太厚了, 磚頭一樣食到 sok sok 聲, 個人而言唔太喜歡「爽」成咁的口感. Soba 亦一般, 喬麥麵唔算彈牙, d 汁味道幾現成, 加點紫菜叫 ok 吧.

另外仲試了少少「清酒煮青螺」, 幾韌, 味道較淡, 亦如常地「湯底」較清甜.

食完生冷嘢嚟點自由配搭的 "antipasti": 咁多款最喜歡 buffalo mozzarella with cherry tomatoes, 輕怡清新, 正 其他仲有風乾牛肉 + 哈密瓜, Camembert cheese + 芝士薄脆, smoked salmon with red onions 及 Romaine lettuce, 諗住開開胃, 但 turned out 都幾漏.

同場加映一條 seaweed grissini ie Steakhouse 龍蝦湯的配角 (http://www.openrice.com/restaurant/commentdetail.htm?commentid=2016640), 比 Steakhouse 的長及粗, seaweed 味亦較濃香, 不過就無咁鬆化了.
仲有一 slice 貪得意攞的 pizza, 配料只有 scallops, tomato sauce 及 mozzarella, 個 crust 屬我最憎的港式「厚批」, 濕濕的又咕0臣一樣, 當麵包食吧.

亦試了點熱盤: 最受歡迎係即煎鵝肝 counter, 雖然鵝肝本身品質唔錯, 味道夠豐潤又幾香, 但煎得面頭唔夠香脆, 中間又有點筋, 手勢都幾麻麻 -_-" 「即片」片皮鴨一樣精緻又好食; lamb masala 羊肉入味而不夠腍, 加上好 x 辣, 唔啱食; 而紅酒燴牛面頰肉就鬆化又入味, 唔錯.

鵝肝食到成口油, 索性到甜品部的雪糕櫃拎一球 lemon sorbet 當 "refresher", 果然酸到喊 , 打得夠幼細, 好食.

甜品選擇好多, 而且每次 refill 都出唔同嘢, 不過實在太飽了, 只試了 5 款: 嚟到 Intercon, 仲見有一叫 "Fondant" 的朱古力蛋糕, 當然雙眼放光 不過因為呢個軟心朱古力蛋糕一早放涼了先拎出來, 中間及面頭的朱古力漿已「鯨」晒, 食落只係一件好濃朱古力味又幾甜的 chocolate 「半 truffle 半 brownie」; creme brulee 面層焦糖就薄脆而不夠多, 到喉唔到肺, 下面 custard 就軟滑帶 coconut 味, 整體都 ok; flan tart 就甜得蓋過蛋味, 不過蛋芯粉多過乜, 口感黏黏糊糊, 唔喜歡; strawberry floating island 賣相太樣衰, 所以無影相 , 食落就夠輕盈, strawberry sauce 勁酸, 但味道自然, 算吧.

亦因為 flan tart 實在太甜, 結果都係要食點哈密瓜, 蜜瓜及西瓜清清喉嚨, 不過唔講太多了.

食到勁飽, 最後來杯咖啡, 幾香, 奉上 skim milk 及 full cream milk 各一, 兩樣都冰凍得很, 唉...

坐了 aisle seats, 不過比想像中舒服, 好在呢日唔太多人.

折後每人約 $500, 唔算太貴, 但可能我對呢度的興趣愈來愈小, 我覺得唔算好抵. 不過我應該會再來的 -- 為用另一 coupon

I had lunch buffet there during weekday last week. The restaurant was full and it's a bit overcrowded. There were a few choice of foods and didn't have expensive stuffs, e.g. scallop shushi. It even didn't have common cold plate seafood like crab and shrimp. The roast beef was overcooked for me (you'll like it if you like well done steak).
Nevertheless, the service and view were good (we were assinged window sests and had the whole harbour view). So, I don't have any recommendation. It depends what you're looking for, foods, service or environment.

Went to this highly praised buffet dinner at INTERCONTINENTAL HOTEL HARBOUR SIDE

BEEN VERY SURPRISED!
at the:-
little choice of food
bad selection of meals
generally low quality of welcoming drinks (but the coffee was good)


IT HAS DEFINITELY been one of the most disappointing dining experience in a highly praised restaurant (second to Disney Hollywood Hotel )

BUT
the service was exceptionally good, with their attentive workforce,
just not enough to cover up the fact that the food was not as good as we heard.

環境極度一般,

食物味道都還可以

但未計加一,588蚊一位仲要排隊等攞嘢食呢點極差, 亦係至不滿地方



但有三點值得讚,

1.) 食物係源源不絶供應, (如果去到唔係好肚餓果隻
可以坐到七八點先開始去攞嘢食會好d唔洗同人迫.)

2.)侍應服務態度好,

3.) 我哋四個人坐到差不多11點, 都沒有趕客走意思.

冷盤只有: 龍蝦, 青口, 凍蟹, 蝦(只得4款) 但很新鮮

刺身 : (魚立)魚, 三文魚, 帶子, 甜蝦, (都係得4款仲要好似配給咁比你)但都算新鮮, 板x貨色

熱盤 :辣汁翡翠螺 , 無辣味 ; 鵝肝, 煎得過火, 燒牛肉, ok唔太特別,
竹笙翅, 好一般

甜品試咗七八款, 得一款係ok, 但唔記得係乜嚟.,亦再無心機再食

全晚無乜邊樣食物出色或特出,所以只試咗以上幾款食物,

6舊水同掉咗錢落海無分別,

結論 : 唔洗錢都唔會再去

契媽生日..今日去左呢間食Buffet*
一黎到個景都幾靚...野食選擇唔會話好多...
但都夠食...;甜品個樣都幾靚....
服務都ok*雖然唔係full晒d位...但感覺良好...
雖然計埋加一六百幾蚊一位..不過都值ga*

早兩星期book 位, 去到坐了 Window Seats, 實在太好了, 全晚對住咁靚o既海景食buffet!!

今晚實在太爆場, 枱同枱之間都幾逼, 出出入入又窄又迫通道, 實在有點不方便, 服務當然好好la, 話晒都係五星酒店ma!!

冷盤海鮮 ~ 龍蝦..新鮮大大隻, 好爽且啖啖肉, 肉質不錯, 翡翠螺大隻鮮甜, 凍蟹就比較普通, 藍貝青口嫩滑, 大蝦, 帶子等!!

刺身 ~ 帶子, 劍魚腩, 三文魚, 油甘魚, 吞拿魚...款式很多...款款都肥美新鮮好好味呢!

竹生翅 ~ 都幾足料, 獻不太杰., 一盅盅方便取!

熱盤 ~ 燒牛肉, 煎鵝肝, 羊架, 煎法國鵝肝, 片皮鴨, 天婦羅, 壽司, 湯等, 燒牛肉味唔太香同嫩滑!! 熱盤實在不太吸引, 無乜點食..要留番d位食甜品ma!!

甜品 ~ 十分精彩大堆頭, 雪糕, 雪芭, Pancake, Waffle, tiramisu, 芝士餅...還有很多精美小杯甜品, 要精挑細選食, 花款多得很!!

全晚主攻海鮮, 甜品, 冷盤海鮮刺身質素十分高!!
如果唔食海鮮o既人呢個價錢一定唔值...

我自己平時食野好求其,所以六百幾蚊食一次buffet,我一定唔會,因為唔捨得,但上個月尾,因為公司有個遲到基金滿左一個數,so我地公司就提議食左去,好多同事都話去洲際試下,本來每人都仲要比多小小$$,後來老闆就包底,變相唔使$$,好野...
先黎龍蝦先,都幾大隻,不過d肉比較韌,麻麻地,再試下個雞絲翅先,幾正喎,又有竹笙,我食左兩碗,壽司同刺身款式好小,刺身只有帶子,三文魚呢d大路野,連我好like既劍魚同炸蝦卷都無,我自己好like食壽司,so有d失望,熱盤選擇好小,有d直頭覺得出唔到呢d場合,例如焗薯仔片,蒸蔬菜呢d平時出街都唔會叫既佢都有,唉,,反而甜品都幾多款,好多都好精美,但竟然無疏乎里,唉,不過雪糕係haggen dazs,正
望出去個海景都幾靚,如果同自己bf去就好la..
整體上好彩唔使$$,自己比六百蚊去食實無可能回本,巧唔抵食...

星期日同老公去食dinner buffet慶祝結婚一週年紀念, d人話要好早之前book位先有窗口位, 點知我地一個星期前book都仲有窗口位, 唔知係唔係因為哩排無生蠔食, 所以少左好多人book枱啦.

我地6點半就去到啦. 嘩, 估唔到哩度既龍蝦咁大隻, 淨係個蝦身仲大過我手掌, 要用刀叉食, 我連食左1.5隻. 我仲食左4隻大蟹鉗, 2隻青口同少少凍蟹. d海鮮真係唔錯, 又新鮮又大隻. 話晒自己去街市買靚海鮮都好貴下.

第二輪食沙律, 種類好少, 只有10款以內既菜. 沙律醬又係得4-5種選擇.

第三輪食刺身, 刺身種類有三文, 吞拿魚, 甜蝦, 帶子同劍魚. 所有刺身都係腩位+厚切, 又肥又滑, 尤其三文魚放入口度, 可以食得出脂肪同魚肉不同的鮮味, 好正, 事實上, 依家係街食既三文魚得個"平"字.

第四,五輪輪到食熱盤, 唉. 真係估唔到d熱盤差成咁. 我盡量食唔同種類, 都只係食左出面既3成, 可能唔係好好味, 無乜食慾掛.
片皮鴨<~~~無乜味, 食完都唔覺食過;
pizza <~~~ 好普通, pizza hut / 意粉屋 都好味過佢;
竹笙雞絲翅 <~~~ 算係咁多熱盤中其中最好的一個, 好彩無魚翅, 我唔想做殺鯊兇手;
鹽水大田螺 <~~~ 普普通通
焗三文魚 <~~~ 哩個唔錯
焗蟹腳 <~~~ 焗完之後d蟹腳都係唔夠味
鵝肝 <~~~ 好難食, 食到成口油, 仲差過d鵝肝醬罐頭

第六輪食甜品, 唉. 甜品仲衰過熱盤, 賣相一d都唔吸引, 仲要乜我同老公最鍾意食既栗子, 連芒果都無=.= 果晚多數係朱古力同士多啤利.

最後我就食左杯vanilla雪糕, 好正喎, 好滑好香, 滑過haagen dazs好多, 我估多數係movenpick. 令外又食左個芒果sorbet <~~~ 真係好正, 一定要食.

埋單每人$700, 恆生白金咭有15% off. 雖然同老公成晚都好冧好開心, 窗口位又有好靚既夜景, 但係我覺得都係唔值, 下次都係去番半島gaddi's食set lunch好d, 裝修豪華又好service. 我始終覺得彷間既buffet只係重量多過重質.

第一次去洲際食buffet 都幾好味~ 食lunch buffet咁多次~ 我就覺得洲際最好,可能有更好既 環境無咩特別,而且我近窗,出面太光,令到我唔係好舒服。

食物方面,我就最喜歡佢冷盤個甜蝦, (三文魚, 帶子都係一般既味道)

湯方面佢有個唔知咩雞絲翅,中湯同西湯,因為我唔想飲所以無試。

熱暈選擇係最多既~我就最喜歡佢個黑椒龍蝦鉗(龍蝦鉗已經去殼)^_^燒帶子牛扒都好好味~不過係牛好味~帶子本人唔太喜歡!


甜品本來係我最鐘意,佢都有幾多選擇,不過過年食得太多甜野...我就只係食左雪糕,細細件朱古力蛋糕咁...都幾好食架。