睇過食評先去既~
好多人都話個帶子意大利飯好好食~
一心諗住壽星仔鍾意食燴飯所以揀左呢度...
點知.....佢轉左menuT^T

點都好~
環境係幾好幾靚既~
service都好好呀!

野食呢~賣相係係好靚架!!!
1.凱撒沙律~有炸到好脆脆既煙肉粒~
2.蟹餅~配千島醬好味~食得出應該係自己整既~有好多蟹肉~無殼架
3.意粉~又係有脆煙肉粒~個汁好濃好好味
4.蟹肉蘆筍意大利飯~初頭以為因為意粉個汁太濃而食落去無咩味....但係隔左一陣再食都係咁...可能佢諗住有蟹肉所以用淡味既汁...不過本身d蟹肉無鮮味~所以唔好食
整體上野食都好味~

不過可能食唔到想食既野...總係有d...- -
有d欲求不滿....
加上一心黎食好味意大利飯反而呢樣唔好食~
所以應該會隔上好一段時間有機會先再黎試下

Four girls had birthday dinner.

ordered two appentiser and two main courses first. The waiter said that we didn't have enough and asked us to order one more main course. I hate someone forcing me to order things. Actually we got enough.

Deep fried crab cake $98: quite much crab. OK.

Salmon fruit salad $69: don't know why there is red pepper inside. spicy.

Chickentrisotto with pumpkin $145: the risotto is rather hard. not quite good.

Pork blade with apple roll $158. the pork was raw inside. We asked the waiter. He said that the pork is not well-done so the meat will be tender. But that is pork! How can it be eaten without 100% cooked. Then he asked whether we would like to have well-done. We said of course. After it was grilled again, the waiter said it is 100% cooked. What ridiculous! howevver, actually, part of it wasstill pink. very disappointed.

we have melted chocolate cake with icecream $68 and creme brulee $68 for dessert. the melted chocolate is so so. the creme brulee had three flaover, plain, sesame and lavenders. too little each. can't eat the egg at all. so so only.

the price is not cheap. the service is not good (noone replace the plates for us, stupid waiter....). not quite worthy for it.

有天，有個朋友想和朋友慶祝生日，問我有那些食肆介紹，我分享了我的經驗，她自己也做了些資料搜集，最後她跟我說想和朋友到「Munch」（我之前沒有聽過，因此也甚為好奇，在Openrice看過究竟，看過食評後，也真的頗為吸引，引起了我去一試的衝動）正是時候吃點好東西慰勞一下自己和女朋友本月的辛勞了，於是就鎖定了「Munch」！

當天先和女朋友在「圓方」看過電影，看電影前女朋友在Caffé HABITU請我食Tea（詳情請參閱食評-《見識見識》）（因為太遲買票的關係，坐到了第一行，看了一陣已經受不了，本來已準備離場，卻發現院內最後有數個後備的坐位，又沒人坐，因此就轉到最後繼續觀賞）可女朋友看完電影後，仍覺有點頭昏腦脹，原本想打道回府的了，好讓女朋友休息一下，不過女朋友說也想試一下「Munch」，逛一下，再去吃飯就好。

我們在圓方逛了一會，於是就向諾士佛台進發了。約七點左右，我們到了諾士佛台，我們到了Munch位處的1樓，侍應安排我們在靠窗的二人枱。安頓後，我們開始看看餐牌，女朋友反覆看過後都沒什麼頭緒，於是把點菜的責任拋給我。女朋友最喜歡吃鵝肝，因此叫了一客香煎法國鵝肝伴士多啤梨，蘋果薯餅，另外我亦叫了一個香脆意大利飯丸釀芝士（我在看Openrice看食評時就對這個菜式很有興趣，但因為餐牌沒有圖片，我也費了很大的勁才找到這個菜式）最後本來想叫一個Spaghetti或Risotto（可女朋友說Spaghetti或Risotto自己也會煮，倒不如叫一個Pizza）最後女朋友選了一個有機蜜糖BBQ雞球、鮮芒菓醬有機蕎麥薄餅。

侍應在我們坐下時就放下了麵包及牛油了，我們點菜過後就先吃麵包

麵包

圓圓的麵包佈滿了芝麻，不過也只是一個多點芝麻的普通餐包，店方也沒給客人黑醋及橄欖油，單純供應牛油，牛油吃得出也不是什麼特別貨色，麵包這個環節的確教人有點失望。

French Foie Gras with Balsamic-Strawberry Chutney on Apple-Potato Galette
香煎法國鵝肝伴士多啤梨，蘋果薯餅

香煎鵝肝最先登場，賣相相當精美，一面是鵝肝，另一面的是蘋果薯餅。我們當然首先品嚐鵝肝，鵝肝份量不少，切開來已見非常油潤，鵝肝表面煎得香脆，入口甘香豐腴，軟滑即溶，吃後餘韻在口中盪漾。鵝肝下鋪了一層南瓜蓉，南瓜溶吸收了鵝肝的油脂，吃起來香甜之餘亦帶鹹香，別有一番風味。蘋果薯餅方面（其實我一向對蘋果類製品，例如蘋果批帶點抗拒，總覺得像藥水的味道）對於這個蘋果薯餅，我也抱著半信半疑的態度去試，可味道令人喜出望外。所謂蘋果薯餅，其實叫蘋果薯蓉更為貼切（因為）蘋果味很香甜，很自然，完全不人工，感覺無添加；整個菜式味道豐富亦令人滿意。

Organic Honey BBQ Chicken with Mango Emulsion
有機蜜糖BBQ雞球、鮮芒菓醬有機蕎麥薄餅

薄餅用一隻大碟盛載著，Size算大，賣相色彩繽紛，有青、紅、黃椒，加上一块淡橙色的鮮芒果醬，色彩鮮艷奪目。食味方面，味道相當惹味，除了雞球醃得很惹味外，配上三色椒，食物清新，加上鮮芒菓醬，酸酸甜甜，令薄餅更見惹味。值得一提的是蕎麥薄餅帶有獨特的麥香，令整個薄餅的食味層次更加豐。最後值得一讚的是薄餅做的一點也不油膩，就算多吃一件半件也不會有太大問題（女朋友也能吃到兩件）

Organic Risotto & Cheese Dollops
香脆意大利飯丸釀芝士

賣相實在相當吸引（當我看過食評的相片時，就被深深吸引了，心想屆時光顧「Munch」時一定要試試）一碟5棵的意大利飯丸，飯丸下面鋪了南瓜蓉。先說飯丸，飯丸做的很圓渾，炸成金黃色，表面香脆，吃起來很軟糯，飯丸中混入了芝士，芝士呈半溶狀，滲入了飯丸，令飯丸吃起來有芝士香，雖然飯丸經炸後及混入芝士，但吃起來亦不見油膩，整體做得非常出色。再說南瓜蓉，雖說是配角，但做的也不馬虎，南瓜蓉很香並帶點甜味，配合較為濃味的飯丸來吃，更見相得益彰。

「Munch」的裝修格局頗有情調，氣氛不錯，加上枱與枱之間頗為闊落，坐得舒適之餘，亦保有一點點私隱。食物水準相當不錯，所叫的三款菜式均令人滿意，另外很多菜式以有機成份作為賣點，平添了一份吸引力。不過我卻沒有吃到甜品，原本也想留些胃納空間給甜品的，可是我和女朋友總覺得甜品的選擇欠了一份吸引力，所以最後就沒吃了（我提議和女朋友去Co Co試試的，不過最後女朋友太累就沒去了，還是留待下一次吧！）我覺得「Munch」的確應該在甜品餐牌上下點功夫（先不管食味，但要吸引到食客落單是第一要務吧！）不過整體上來說，「Munch」也是一間不錯的餐廳，值得各位看官試試。

當然我也會向朋友炫耀一下，我想那位可愛的朋友要氣上好一陣子了！哈哈！

Berlin

為了慶祝亞RON生日所以選了這間餐廳慶祝，RON AND PAULINE 都覺得間餐廳燈光太光，暗一點會有較好的情調。講番當天我地食的食物，先來一個沙律，味道同賣相都不錯，但我地食食下有小昆蟲同我地爭食，所以只食了一半。其後就是芝士波，PAULINE 話一定要叫，我地三個人都一致覺得味道好好，芝士波內有飯配了黃色的醬汁味道配合得好好。白酒蜆肉意粉，蜆肉有重白酒的香味，但沒有什麼特別。向來我都喜愛吃PIZZA 但這個PIZZA ，給我好大的失望，我吃第一口時已發覺有一陣好濃的味道。我問 PAULINE 佢話有少少，原來係全個PIZZA 底都好濃。我最終都忍不了口向經理投訴，因為我覺得只將外表好好的給客人但原來內裏做得咁差真的不要得。經理有見意換過一個給我。但我地得三個女仔又點可以吃這麼多。所以最終都是沒有更換。最後一個甜品賣相都唔差，由於有朋友仔生日餐廳送了一份禮物給亞RON。不過有一樣野好好笑，間餐廳職員同我地說若你有朋友生日叫甜品我們餐廳會送蠟燭及禮物。點解生日會送蠟燭架，這句說話真的好有問題。

見面openrice d評價好似好好，諗住同朋友慶祝生日，原本book 7:30pm，不過佢reception話8:30先有枱，我地8:20pm到佢都比到枱我哋，不過以為個環境好好，原來嗰度d枱好迫, 又嘈, 好似去咗茶餐廳。

頭盤: 鵝肝...煎得幾好，賣相好靚，食落一般

帶子意大利飯...呢個可以值得一讚...冇咩邊幾意大利餐廳d飯做得咁正宗

: 羊架...都係個賣相靚...冇咩特別

dessert心太軟...太sweet...個雪糕又細，又係好睇唔好食

不過d waiter服務麻麻，我地未食完野，問都冇問急急腳收晒d碟!!!

揀左Munch幫好朋友慶祝生日, 見哩度comment同相都裝飾得好好, 本來嚟之前抱好大期望, 點知離開令我有D失望…………

Booking同final confirm都好有禮貌, 加哂分, 點知原來去到又唔係個回事~問題係出自喺一個唔似普通級嘅女待應身上(假設佢叫A)~~~

講番食先, 我地4人叫左3個dishes only, 費時到時又眼闊肚窄, 分別係:-

帶子意大利飯最期待嘅一碟, 可惜令我好失望, 因為D飯太硬, 硬到好似未熟, 食落口好銀胃, 帶子又干, 又無咩味, 係個飯既汗味道稍為好少少, 佢地個個話唔好食, 我發板話order嘅要我一個人食哂…..攪錯~

Cabonara哩個諗住會係最common點知佢又最好食, 好creamy, D source又正, D料雖然普通, 但個pasta真係又彈牙, lo埋D咁creamy 又入味嘅cream, 真係好好味, 好快又清哂碟lu~~~

芝士菌素pizza哩碟都還可以啦, 清清地, 唔食咁多肉, 每一份上面都有一小舊芝士, 味道口感都好似同平時D芝士唔同喎, 係咪外國入口唔同d呢?? 真係好味D, 唯一係個餅皮好硬, 一凍左少少就咬唔開, 食唔到係咪脆….

4杯discount 嘅飲品, 無特別, 哩度賣$25一杯, 算叫做平, 解下渴都OK嘅~

最後就係dessert時間, book檯前講明有朋友生日, order定心太軟一個, 當然食哂野就可以上甜品啦, 食完好一陣都無人行動, 我又唔方便行開, 免得咁張揚, 生日個位朋友以為食完飯準備去埋廁所走人, 所以就續個續個去廁所, 當朋友去廁所我想同A講講叫佢準備人齊上dessert, 點知A又同我講已經上得架喇, 但係封星去左toilet, 點上呢?!?!於昤就同佢講, 等全部去哂toilet返黎就上得, 點知大家去哂toilet返黎好耐都無上, 壽星朋友就問做咩仲唔做, 我就示意坐多一陣, 然後搵機會俾個眼神waiter們叫佢地上dessert啦, 當我同A對到眼示意佢上得個cake個陣, A竟然當眾o係我個壽星朋友面前話, “個蛋糕上面個雪糕溶左, 而家(筆)緊”, 我聽到之後都呆左, 咁出自你把口講左我朋友咪無surprise囉, 怇絕對唔係第一次幫人慶祝生日遞蛋糕架啦, 有咩可能會犯咁嘅錯?!?!除非佢特登囉……跟住朋友拎起隻碟斜左, 相都未影. 個雪糕就跌左落黎, 同A講, 佢又好似好唔滿意咁幫我地補救再筆多一次, 叫佢幫手影相佢慢條斯理咁去抹完手先幫我影, 哩種態度雖然無直接影響到個客, 但令我好唔鐘意囉~ 希望佢真係要檢討下~~!!

Went there with 2 colleagues. We had one pizza and 2 salads. The pizza was just so so, one person can finish it if not sharing with anyone. The first salad was cesar salad and we can order extra smoke salmon with it. The 2nd salad was more special and tasty with grapefruit and red colour rapsberry sauce. It was a light dinner but I think I will definitely go back and try other stuffs in their menu. The chef got a French recognition diploma and it's being displayed at the entrance. There are also a lot of pics with actors and actresses who have been to the restaurant. Price wise it's reasonable being located in the heart of TST.

The service was quite good, the atmosphere were nice,
the set up is quite stylish
We ordered a set dinner, came with a salad as appetizer.
Pasta and Pizza as main course.
They serve just well
It was about $500 total.

一行五人，到Munch為我們的好朋友慶祝生日，記得第一次光顧，是幾年前在亞士厘道附近一帶的，現在搬了上諾士佛台，感覺環境high了很多，是三五知己閒談的好地方，我們點了五個菜，份量雖少但樣樣都好好味，吃了沒有好飽的感覺但是已經好夠好滿足。

晚上與男朋友到Munch慶祝跟他的第三個生日，雖然出面大風大雨，不過我們亦有美滿的晚上。

先來個蟹餅，裡面有豐富既蟹肉，味道唔錯。

然後點了兩個main course，一個南瓜雞球意大利飯，南瓜味清甜，不過如果意大利米可以稔多少少會更好。

另外是羊架配野菌批，羊架煎得外脆肉嫩，羊肉味濃。而我和男朋友亦甚欣賞個批，因為個批上酥皮既層次好豐富，坐佢對面都聽得出好鬆脆既聲。

haha~話明今日生日，所以之前訂位時已經預訂左個心太軟當surprise~侍應在安排下突然之間送上蛋糕來，係唔係好甜呢!抵讚既係侍應好細心幫我地影左好多張相，慢慢比我地揀。最後餐廳仲送左對杯比男朋友，好貼心。

更surprise是我的50D吧!HAHA

好開心你喜歡這個晚上。

晚上與男朋友到Munch慶祝跟他的第三個生日，雖然出面大風大雨，不過我們亦有美滿的晚上。

先來個蟹餅，裡面有豐富既蟹肉，味道唔錯。

然後點了兩個main course，一個南瓜雞球意大利飯，南瓜味清甜，不過如果意大利米可以稔多少少會更好。

另外是羊架配野菌批，羊架煎得外脆肉嫩，羊肉味濃。而我和男朋友亦甚欣賞個批，因為個批上酥皮既層次好豐富，坐佢對面都聽得出好鬆脆既聲。

haha~話明今日生日，所以之前訂位時已經預訂左個心太軟當surprise~侍應在安排下突然之間送上蛋糕來，係唔係好甜呢!抵讚既係侍應好細心幫我地影左好多張相，慢慢比我地揀。最後餐廳仲送左對杯比男朋友，好貼心。

更surprise是我的50D吧!HAHA

好開心你喜歡這個晚上。

8月28日, 終於考完試, 我既讀書生涯終於結束喇!!!
中午打去訂位, 打左幾次無人聽, 考完試再打已經full晒了,
佢叫我9點零鐘去到應該會有位, 我同朋友9點半去到walk in,
咁夜都仲見到好多人係出面等緊位!! 我地等到10點先有位

入面好嘈, 雖然我地被安排係角落窗口位自成一閣, 但都仲係好嘈
兩個人叫左一杯白酒, 兩個starter, 一個飯, 兩個甜品

先黎芝麻包包, 熱辣辣外脆內軟幾好食, 但牛油雪得硬實,
無蝗蟲同學講既soften暖牛油啊, 可能果日太多人soften唔切啦

蟹餅
賣相好靚, 可惜味道一般
配上千島汁同吃既蟹餅, 蟹味唔鮮甜之餘, 仲食到幾塊小蟹殼!!

煎鵝肝伴士多啤梨醬蕃薯餅
又係賣相比味道好既一道菜! 鵝肝面頭毫不香脆, 煎得過熟, 口感太實;
鵝肝下面係薯蓉, 再加個蕃薯餅, 太多薯喇! 而且兩者都稱不上好味

南瓜烤雞球意大利飯
據聞呢度risotto做得唔錯, 的確如是. Risotto煮得軟硬適中有咬口;
南瓜味較淡, 反而好香芝士味, 而且好creamy;
烤雞球好大舊, 份量又多, 唔鞋而且帶印度香料味, 非常唔錯

心太軟
聲稱用上法國Valrhona朱古力既心太軟, 朱古力算香濃, 微苦;
可惜切開唔夠流心, 蛋糕質地亦太軟腍; 仲有雪糕太細球了

芒果拿破倫伴青檸雪芭
用糯米慈軟皮包住既拿破倫真係第一次見, 個人認為有d多餘,
因為塊皮無論賣相定味道都對整體毫無幫助;
內裡既拿破倫唔夠香脆, 吉士唔香滑, 芒果香甜可惜得幾粒仔
青檸雪芭清新酸甜, 不錯

服務ok, 環境太嘈, 絕不適合情侶約會!
枱與枱之間距離太窄, 完全聽到晒隔離枱大談facebook被媾+港星整容

埋單$594, 差唔多成300蚊一個人, 真係太唔值
我既慶祝考完試dinner…實在不夠盡慶
食完飯散個靚步, 再動身去飲野!!

終於約到day 食本魚既生日晚飯了..

day 提議去munch, 佢話食物可以架, 而我食咩都無所謂, 於是day 就打去訂位也~

我地2個都唔知食咩好...於是..懶得諗既情況下, 要了2份同一樣既set dinner 了.

可選湯或沙律, 因為服務員介紹今晚既餐湯係野菌湯, 於是我地都要了湯. 湯味道濃郁有咬口(咬到野菌粒).

送上之包包和牛油, 麵包暖+外脆內軟, 嘻..見到咁大杯牛油..毫不客氣地...搽了好多唷~

主菜要了焗羊架配芝士野菌批, 本魚要了5成熟, 而day 要了7成熟, 羊架軟淋, 但day 話佢覺得羊架蘇了D..我就可以呀~ 芝士野菌批好香,但比較漏...最後咖啡或茶..

環境既燈光比較暗, 最適合情侶約會...

多謝day 請本魚食唷~ 25號個餐我既

5-9-2009

折返尖沙咀, dinner 到諾士佛臺碰運氣, 上嚟想試好耐的呢度, 8:15pm walk-in 竟然有位 下午食的仲未落格, 2 人只叫了一 starter, 一 snack 及一 pasta share 食; 另加一杯 smoothie, 朋友飲:

Table bread 係熱辣辣芝麻包, 外鬆脆內軟熟, 夠晒芝麻香; 配上平滑得反光, 已 soften 了的暖牛油, 好食

朋友的 smoothie 叫 "Tropical", 有 orange + mango + banana, 打得幼細, 亦真材實料, 但呢 3 樣的加埋一齊, 出嚟效果大家都覺得聞 / 飲落味道勁似「細個嗰時飲的藥水」, 唔喜歡了

Baked spinach and cheese spring rolls: 完全無油, 酥皮一切即「剝落」, 夠晒「酥」, 餡料就只見到及食到勁多 spinach, 食唔到芝士味, 不過我好喜歡

Seared scallops with mushroom bread pudding: presentation 好靚, 食味亦好 -- 帶子嫩滑鮮甜, 帶點 herbs 香, 加埋旁邊的 garlic puree, 香口惹味; 下面的鹹版 bread pudding 就唔會太濕, 菇香十足, 幾得意.

Organic spaghetti with clams in white wine sauce: 酒香 ok, 不過個 sauce 帶點酸, 而且意粉煮得稍腍又太濕, 可惜; clams 殼厚肉又厚, 食落幾嫩但唔算好鮮甜, 間中一兩隻又有沙或苦味, Cru (http://www.openrice.com/restaurant/commentdetail.htm?commentid=2021030) 的好食得多! 其他配料仲有西芹及幼身 asparagus, 加上呢碟意粉完全無油膩感, 感覺都不錯的.

環境就一般, 裝修較俗套, 樓底又矮人又多, 結果嘈到拆天, 有點樓上 cafe feel; service 就不過不失.

連加一每人約 $170, 唔貴, 食物不錯, 都值得試試的.

Friends arranged a dinner gathering in TST. I don't feel comfortable in such dining room. Most customers are the 30+ age, may not a good idea for young couples.

We had the pasta (with tiger prawn, not lobster coz it is required to reserve in advance!) and a pizza (nothing special) and some dessesrt (for the name but no surprise.)

won't revisit again.