quite busy last time I visited this place on a Sunday Noon time during early June 2010.

ordered the quite lunch with tomatoes pork rice.

Not bad, the 汁 on the rice is not bad.

Good service, 熱央 /w extra milk is quite good

炒麵 comes with a small wok, quite nice style.

人人都沉醉於嘉樂的大件蛋治的同時亦有不少人會來這兒進餐,至少不用等那麼久嘛
不幸的我要上班,不能親身去品嚐幸好有呀頭的愛心外賣補數
在網上看到大家都是吃多士、意粉之類的,不是太多人是炒粉麵
這次試了呀頭大力推介的乾炒豬扒麵
其實他推介吃米粉的,不過最近吃得太多米粉,所以要轉一下口味

豬扒鬆化,咬下去沒有滿口油膩感,豉油味亦充足

麵的味道不太平均,色上得比較差,不是每條麵都有豉油,入口時咸時淡
不過茶餐廳師傅快手快腳,所以不能要求做得十分完美的

雖然沒有吃到招牌食物,但都有愛心搭夠了

strongly suggest佢既:
熱奶茶!(熱的好滑)
真係好好飲^^
醬多士
件多士好厚~烘到好軟熟!!
仲有煎蛋!!
好多restaurant煎蛋唔係熟晒~
就係連d蛋白都唔熟..
但係呢度
煎得勁靚!!
蛋白有d燶!!
個蛋黃仲未熟!!
d蛋黃汁流出黎!
真係好正!!!!!!!!!!

我見今日放假, 所以去左食網友推介係蘭香茶餐廳既既咖哩牛腩飯, 真係幾好味, 牛根同牛腩好淋, 食完成碟完全無"痴"牙. (因為我好怕食完野要用牙籤清潔的), 同埋有好多牛根呀! 好好味. 辣度都夠, 係覺得水左少少, 但都OK可以接受的.

士應既服務態度好好見我生面口又叫左個散餐, 仲提我呢個唔係餐來的.
廚房都好好, 上菜快.

仲有, 餐廳比我想像中乾淨, 呢個係我意料之外的. 因為餐廳都比較接近街市, 所以我成日以為裡面既清潔都係麻麻地, 但原來唔係囉.

不過如網友所講, 杯奶茶係淡味左少少, 好似飲緊茶包奶茶咁.

昨日下午 2:30多想揾D 舊式餐廳食午餐, 由荃灣城市中心行落來揾食, 想想下突然間想起各位在新村街餐廳介紹, 平時星期六、日經過太多人排隊, 實在無這樣耐性, 不如平日去試下應該無咁多人。第一站去左嘉樂冰廳, 入到去居然無位要在外等, 趕時間結果去左這間第二精選, 舖仔細細, 但光線、環境很舒適, 好有街方 FEEL ! 估唔到座上客係好多同我差不多年紀的人士, 反而不是老人家, 有點意外驚喜。

叫了一個"抵食午餐", 看價錢我屋企樓下茶餐廳都係貴多2元, 看落去好似差唔多, 驚喜就係這樣發生。不消3分鐘, 來了一塊厚厚的多士, 大塊夠厚, 好多餐廳都無這塊多士咁有份量, 跟住1分鐘來多個煎雙蛋火腿, 起初以為咁細塊火腿, 唔多抵, 跟住揭起塊蛋原來仲有半塊, 比正常長方形 SZ 約 2/3 , 係呀 !唔記得佢係雙蛋, 兩隻蛋質素就係阿 SO 講的煎蛋技巧啦, 正 !我最鐘意食半生熟, 兩隻蛋係無分別, 煎時間應該係一樣, 孿生感覺。同時來埋杯涷奶茶, 茶味重少少我至愛, 奶夠滑, 份量都算大杯, 冰又不太多, 甜味啱啱好 。 最後一個主菜就係义燒茄汁炒意粉, 份量雖少, 但足夠我食, 茄汁均勻但不帶過酸感覺,意粉質感很好,义燒只得三塊略嫌少, 但味道真係 "正 ", 真係一個好好的推介 ! 有機會我一定帶我D朋友來食。

男友話就話陪我食lunch
但電話不斷,又係咁睇錶,好似好趕住走咁...唉

黎到呢度,見到要排隊我就話食第2間啦
但呢個大忙人對女朋友太好,叫我想食就等
佢叫左個咖哩雞飯,我叫左個海鮮炒伊麵

咖哩雞飯 : 食左舊薯仔覺得幾好食,好淋,而且唔太辣,男友可能太肚餓,連我碟野都未黎就清哂...

海鮮炒伊麵 : 分左一半俾男友,佢又係好快食哂...我就覺得淡左d,加上好油,最後都食唔哂

細細個住葵涌區
媽咪已經成日帶我去食
之後搬咗去九龍
但每次去親荃灣就一定會去蘭香食佢o既B餐
最鍾意係佢的奶茶和多士
而叉燒意粉的茄汁保持住童年的味道
好好味,
廿幾三十年一直都保持住呢個水準
所以都會keep住去食
而每次星期六日去都要排隊
正明fans多啦.

天氣寒冷, 晨早響荃灣諗住食好野取暖, 行左幾條街都係揀左蘭香.....

是是但但叫左個餐肉通配油包奄列做早餐........

地方淺窄, 服務ok, 無奈野食方面就真係差左少少~~~
通粉既湯底淡到暈, 好過清水少少~~
通粉本身都唔太好口感, 差左d~~
好彩厚切餐肉真係大大塊, 仲俾我發現可以自己加胡椒粉同黑椒粉黎調味.......good!~~

奄列賣相唔太好, 味道只係ok......
油包既飽身好厚, 唔錯, 但牛油唔算多, 味道都唔出........

檸茶既茶底都係唔濃, 勝在唔苦~~

總結: 比起同類型既澳洲牛奶公司, 25蚊既蘭香早餐就真係唔抵食喇€~~

14-11-2009

晚上有事要到荃灣一趟, 下午索性早 d 入嚟食埋 lunch 順便行吓. 2:00pm 到步, 想去的嘉樂人龍長到 , 結果退而求其次試試隔嚟無咁多人的蘭香.

大家都叫了「特餐」, 有火腿奄列, 多士, 餐肉公仔麵及熱奶茶一杯 (total $29):

熱奶茶, 色水淺得離奇 , 飲落就完全係奶水一杯,「奶茶」!? 零茶味0架喎

餐肉麵: 餐肉煎得一般香口, 食落軟撻撻的; 麵底係福麵, 淥得剛好, 但 MSG 粉落得太重手了, 可用「超級勁爆鹹」來形容, 感覺麻麻.

火腿奄列: 邊位脆身, 蛋本身就蛋白多過乜, 又炒得太熟, 無蛋汁但又太油, 可幸火腿正正常常...

多士就叫做最好, 薄薄兩片烘得算夠, 鹹牛油亦塗得夠, 食落幾香又幾鬆脆, 還不錯.

食物麻麻, 環境就係典型舊式茶記格局, 坐得迫夾之餘, 唔知點解有少少澳牛 feel? 店員哥哥 (老闆?) 就好好禮貌又好好「老脾」, 起碼搭檯嗰個女人坐低叫一杯咖啡後, 隨即喺手袋拎了個麥當勞包出來食, 仲要大大聲同身邊男伴講埋 d 咩「唓, 佢又無話唔可以食出面嘢, 我一坐低就叫咖啡啦, 佢奈我唔何0架」,「唔准食出面嘢呢 d 規矩係大公司訂出來0架咋嘛, 呢 d 細餐廳仔有乜所謂喎」之類的「偉論」, 店員哥哥看在眼內都無「出言相勸」或「面斥不雅」, 睇嚟真係奈佢唔何喎

每人埋單 $29, 離開時嘉樂仲排緊隊...

oct 04, 09,部玩具已整好,約咗友人去攞番。本來諗住去隔離嘅嘉x,但去到見到條>8人嘅隊(expected),即刻轉去呢度,叫咗 :

1) 凍檸賓 x 2

2) 奶醬多
-錯有錯着,好歡迎佢1大1細嘅切法
-因為我仲喺好飽,所以即刻mark實件細嘅
-個麵包烘得都鬆,小脆
-不錯

3) 鮮茄牛肉通粉
-通粉喺無坑紋嗰種
-茄底無茄味,只有鹹味,吃得不爽

* 唔該晒友人幫我拎部玩具去維修..............事後仲load咗6x幾隻懷舊歌比我欣賞.........有幾隻都幾老土吓.........聽到我皺晒眉............hahaha

* 又要搵次閒日嘅早上去再訪人氣嘉x先得

我只要求一般茶餐廳食物貨色，
叫左一碗鮮牛通粉及熱奶茶，等左約十幾分鐘‧‧‧
先到熱奶茶，我覺得味道一般，不能叫是一杯好茶。

我好期望個通粉到，因為好肚餓‧‧‧
哇! 家樂牌鮮露開水湯加生菜，幾件八十歲牛片，
前一個食評者話佢可以比美澳洲牛記...D乜人甘有心將佢同佢比較呀!

我搭同台既食客既煎蛋比大量油浸住，見到已唔想食‧‧‧請過個人煮啦! 老板!

叫了一個午餐B(多士，火腿煎雙蛋和叉燒意粉) 和一個特餐(方飽，火腿炒蛋和餐肉通粉) 。
1. 煎蛋，炒蛋好多油，煎/炒到好爛
2. 叉燒意粉得兩舊叉燒
3. 餐肉通粉，湯底好似滾水一般，通粉太"林"，唯一是有一塊大餐肉

無特別，好普通茶餐廳。(我專程去試的。)

今日見下午兩點唔係好多人排隊,所以試吓,好彩唔係等好耐,而且個卡位都幾好.
我哋三個人叫咗一個午餐B和兩個特餐, 我覺得特餐好味啲,因為有午餐肉同火腿奄列,塊午餐肉又大又厚,配埋湯意粉就 perfect. 片牛油多士又好脆
另外,加$2就可以轉一樽朱古力奶,都幾正.
我覺得啲嘢食同澳洲牛奶公司水準差唔多,但好在呢度慢慢嚟,唔會有被人趕嘅感覺,所以我都幾鍾意係度食

六點幾,嘉樂仍有條小隊。但我今次目標是蘭香,早關門冰室類,要early dinner喇。
家庭式經營,應該是「太子爺」既侍應,當人客們都是自己人咁,總之友善款待啦!
和老公吃了一個特餐,和咖哩鮮牛炒米。
特餐:餐肉通粉,餐肉薄薄,煎得ok脆。湯色澤看似濃郁秘製,點知味道平平。
火腿奄列,仍有少許蛋汁。油多士好正!即烘的熱力,使牛油溶化,混為一體。
奶茶送來,捷榮?睇茶色,唔係咁對板,淺淺白色。味道就如buffet自己沖的英式奶茶咁,唔好飲。
咖哩炒米,用鑊仔上,份量都幾多。牛肉略韌,份量少。另外少少芽菜和洋蔥絲,真係幾齋,如果唔落咖哩汁,同食星洲炒米的米粉底一樣。「太子爺」說加左咖哩汁好食d。個咖哩汁,有薯仔粒粒渣滓, 都幾好食,中辣度,食完,胃有點不適應。

今日(13-6-2009 Sat)決定同男友去馬灣行,橫豎都去荃灣碼頭搭船去,就去嘉樂食豐富早餐啦,去到,排o緊隊,由於唔想o徒時間等,我話重有間蘭香o既,見冇人龍,男友就唔等呢間,走o黎蘭香lu.

入到去,唔太多人,同男友坐半張卡位,男友要個$23.00o既早餐,有雞蛋三文治同火腿通粉,佢叫o左凍檸賓(加$3.00).而我就要$23.00o既特餐A,有牛油多士,火腿會意粉同鮮奶,但落單時,妹妹仔話鮮奶未送到,叫第二樣.啊,咁我要凍華田啦.

好快,華田同男友o既通粉到o黎,之後係我o既意粉.

兩樣o野都有三片火腿,意粉口感o岩o岩好,唔會太腍,我試男友o既通粉,我覺得腍o左啲,男友就話夠佢滑.

然後係我o既牛油多士,烘得好燶,多士仍厚,牛油唔太多亦唔太少,o岩o岩好,多士好脆口,的確唔錯.

男友o既雞蛋三文治到o黎,男友見方包都幾厚,佢好開心,食落,麵包鬆軟,冇問題.

而我o既華田,我覺得唔夠濃,淡o左啲.

服務依然係咁好,冇乜問題.

第一次o黎o既食評:
http://www.openrice.com/restaurant/commentdetail.htm?commentid=174060