好耐冇寫食評，依家得閒寫番幾篇先^^

確實日期我就唔記得喇，不過見有咁多好評有一日終於忍唔住去試咗。查實成日經過嘉樂都會見到有條人龍喺出面等，好彩我去嗰次冇啫，一入去就有位^^

叫咗個皇牌細火腿奄列+雲吞麵+凍奶茶。

個火腿奄列一嚟，的確好大份，但除此之外無論味道賣相都好一般，連附贈的麵包都係普通到唔普通嗰隻，10多元嚟講(唔記得幾錢，但該在$20內)係算低，但又唔係話超值囉。講真我自己喺屋企用幾隻蛋加火腿絲一樣整到，賣相更好也說不定。

其他雲吞麵同凍奶茶都唔特別，招呼又唔係特別好，所以個人覺得除咗舖面細呢個原因外，實在想唔出點解呢度要排隊等入去食咁厲害!

禮拜六特登陪蛋痴皇太后過去荃灣出巡, 係開飯呢度就見到呢間野所以順路一試!

個日接近收舖時間去, 好彩等左大概5-15分鐘左右就有得坐, 店入便真係人頭湧湧坐無虛席

由於皇太后長年食素關係所以佢特別點左客剩炒蛋. 本來本沙律想點蛋牛治, 點知阿姐話要等半粒鐘
anyway最後本沙律就點左客細火腿奄列

每兜奄列都搭塊牛油方包, 可能本沙律主要係九龍蒲頭, 佢D牛油嗒落真係幾特別, 早知叫阿姐烘底喇!

兜蛋真係唔講得少, 完全睇唔出有幾多隻蛋係入便, 直頭可以當一兜飯食! 奄列應該都有加少少美極, 鍾意原味或齋鹽吊味記得叫阿姐走美極

論好食程度, 皇太后比較鍾意牛奶公司, 不過兜蛋點都值回票價, 18蚊咁大兜仲想點!

同枱睇到隔離情侶孖住食蛋牛治同西多真係好大份同睇落唔錯, 下次行開荃灣都會再翻卓一次

由於份量大, 加上經常要排半小時才可入坐, 入坐後再等15-30min食品才上枱. 平日確實無時間閒情去食, 通常都係星期日才去.

巨型奄列是必食的, 但大件=抵食嗎? 外面一個奄列只不過十元八塊, 現在是雙倍價錢, 三倍份量而已...而且, 除了大以外, 其實也不是很特別.

加上此餐廳無早餐及午餐, 以個人計, 一份奄列+一碗粉麵+一杯飲品 = $45至$50, 一點不平宜...但難得的正宗冰室, 吃得到的地度風味, 間中來懷舊一下也是值得的.

十二月下旬

款式多、抵吃夾大件乃近代港式文化，這天心血來潮，想吃庵列，就來到荃灣「元祖」級的巨無霸庵列店嘉樂冰廳，一間從來由朝排到晚的經典冰室，靚姐今天竟對生客話招牌作是炆牛腩？

未被炒作前，奄列雖然味道偏鹹，但蛋漿總是僅熟，滲溜著蛋汁，$18（小）的分量依舊是一碟KO，所以一直以來都不敢挑戰大碼級數．．．

想知靚姐點解推介牛腩的故事＠
http://foodxfile.blogspot.com/2009/12/blog-post_30.html

嘉樂冰廳是口碑不錯的餐廳，一直以來，只光顧過兩次，印
象只覺抵食夾大件，每次見到長長的龍時，都是改變主意走
人了。
今日天陰陰...凍凍地...門前不見人龍，便步入餐廳內，幸運
地仍有兩個搭枱的對家位。
我們選吃了如下的食物：

火腿小奄列： 賣相不甚好看，不似奄列，火腿走晒出來
，樣子比較亂，雞蛋算好大份，火腿也是不少，另附上餐包
一件，可用來夾雞蛋與火腿同吃的，雞蛋雖然無乜特別，但
配上輕輕的甜豉油味道，也是不錯的。

熱奶茶：喝起來時，茶味唔錯，應該是(立頓)茶沖製的，奶
滑茶香，是好飲的一杯奶茶。

餐蛋麵：這裡的餐肉質量麻麻，蛋就是一般對辦，麵質ok，湯
底的配味也是可以的。

熱杏霜：沖得夠濃，杏仁味夠香，好飲。

這裡的食物水準仍然一樣，環境也是迫迫的，每次總是要搭
枱，每張枱面仍是看到大大份的蛋，難道個個都是喜歡吃蛋的
嗎？還有對面的那位女孩，她面前的那份不少的奄列，不到
2分鐘便從她的口中消失了，犀利喇！莫非她就是傳說中的
雞蛋殺手？不喜歡吃蛋者，是否不要來了嗎？非也！這裡還
有好喝的奶茶呢！

睇到咁多好評咪試下~~
搵左一陣先找到這間野
無計超級唔起眼好鬼細

丫媽就叫左個牛腩米
-上算ok啦
我就一定叫最出名ga小火腿蛋庵列
等左好耐.......
一叫到嚇一下真係好大丫
我估起埋用8隻蛋
不過只是份量大,如果只講味道就真係不外如事了

之前去過兩三次，食物不是特別出色，只是份量大，價錢也比其他茶餐廳貴。以前因有套餐比較抵食，現在已沒有套餐了，所以很久沒去，因覺得價錢貴，而且河粉太多，吃到很肥膩，怕怕！這天陪朋友才去，見有四個人排隊，應很快有位，所以陪等，排了半個小時，應該到我們，誰不知，老板娘見有幾個朋友到，即給他們進去，這也算了，你對我們客氣說對不起，請你們別介意讓一下，等一等，我和朋友條氣都順些，但是她很兇，還沒有禮貌說不準我們進去，態度差劣，認識的人就可以打尖了，另到我們谷了一肚氣，連後面排隊的情侶都說不吃了，去其他食店，所以我們都不吃了，而且一定要將此事公開，等多些人知道

如題，店子真小，所有卡位加埋都只是二三是個位子。有次中午到來時滿座到要排隊的，這次單獨來到，十一點鐘左右，有位，但在三分鐘后被逼搭臺！其實不打緊，一個人來，重點是食物。

出名的“小庵列”，真係一點都不小！大約有四五隻蛋的分量！真有點驚人。食落蛋汁其實都不少的，有點soy的味不太中意，如果無左就好啦，甘先係純蛋汁。蛋中包住不少的火腿！另外有一塊冷冰冰的餐包，我建議不如不配在餐中，因為會令人有點灰，加上分量多的蛋，另餐包有點多余。

坐對面的伯伯說“不如我比d你牛腩通你，我唔知甘大分啊”。其實我都想講，我都唔小心叫多左咖喱牛腩撈冬。咖喱牛腩撈冬無小庵列甘驚人，但都係一個餐分量！咖喱味係有但不夠辣，牛腩係ok的，不會散開一條條，都幾嫩的！

一個人叫一分好啦...同埋如果有好多人一起去，不如叫個“庵列”instead of細庵列，看看會大成點樣！

喺嘉樂冰廳有雞翼牛腩伊麵真係好好食喎！其他美食真好好食！尤其是雞蛋奄列真係好食一百分

成日行過都見到佢有好多人排, 所以係平日去, 但係都要排半個鐘, 有位侍應唔會叫你入架, 你要自己見到有人走好醒目走入去坐啦, 如果唔係企係出面無人理你架
鋪細細但人多多, 當然好迫啦, 我地2個又試哂佢出名既野, 一張4人枱都迫到爆炸
1) 火腿小奄列- 好普通只係多火煺同D旦大份, 無乜技巧, 價錢又唔係特平, 都係合理,自己煮都煮到
2)西多-都係好一般, 道道茶餐廳都食到呢種口味
3)滷水豆腐-食一件都好飽, 一件SHARE好啦
4)滷水雞翼-哇, 痴線, 咸到死, 食左成支豉油咁,不過問番D朋友佢話平時唔係咁喎..
5)阿華田奶惜-係成餐最好, 真係值得一試

我其實唔係好明呢間野點解咁多人, 佢D食物好普通又唔係平, 只係大件, 大件咁個價又收番高D, 都係一樣, 點解要黎排呢? 試一次夠, 唔會再返黎食LOR~

今天我們再到這間老字號茶室,約定大家下午2:00到,可是大河道修路塞車,累得豪和 shan 排隊久候,I"m sorry ! 我就是為了一份五吋特厚烘底鮮牛肉蛋治而來

鮮牛肉蛋治~~用新鮮牛肉有嚼勁,,又有肉汁和蛋液香,一份大堆頭的,可供我們四人分享
甜酸菜腩肉米線~~菜甜酸度恰到好處,腩肉肥瘦相間不會膩,米線爽滑有咬口
滷水豆腐~~花椒八角剛好完全入味的滷水汁, 豆腐夠滑。
炸鮮蝦雲吞~~卜卜脆好惹味,炸至金黃色,吃時蘸上甜酸醬汁很醒胃

上次食唔到呢間嘢, 今日嚟荃灣,一 定要試下
今天2:15PM左右都有好多人排呀~ 好勁呀, 呢間人成日都咁多人既~
等咗20分鐘,終於有得入嘞~
呢度D人全部都係食奄利架~仲有就係阿華田奶昔
就等我試下啦~
一份細奄利18元, 但己經好大份,好厚, 加埋PEPPER 仲好味喎~
(鍾意食蛋及奄利既人,一定好LIKE IT ) <究竟佢吔用咗多少隻蛋嚟做呢份奄利呢?)
咁食法, 膽固醇一定過高, 仲要用好多油去煎架~ 肥死定.....>_<

阿華田奶昔($20) , 好貴呀~ 但好好味, 好濃既阿華田味道, 正呀~ 又滑WOR, 但就貴咗少少丫

奶茶(茶走) 味道係奶味多過茶味, 不好呀, 我鍾意茶味多D, 不過都唔係太差既, OK 丫

鮮牛肉蛋包(烘底2元) , 蛋好厚, 呢隻蛋反而有香味, 感覺似在家自己做既蛋治囉~ 牛肉都OK既但係我昨天係昌記食既牛肉好多得多^^

總括說來講, 試過一次就夠,其實係好平凡既食物, 在家也能做到, 除了阿華田奶昔出色之外~ 其餘也是不般貨式~

不值得排咁耐才能食既餐廳丫

整個下午在荃灣行了多個商場，無甚收穫，決定先去嘉樂食個 early dinner，下午六時許，門外仍有四人等候入座，受歡迎程度可見一班。嘉樂的鋪面狹窄，左右兩邊各設卡座，由早至晚，客人如川流不息的出出入入，的確是該區人氣最旺的食店。

看看餐牌，除了馳名的奄列，蛋牛三文治外，也有一些較罕見的，例如阿華田／好立克奶昔、杏仁奶糊等。第一次來試食，當然以最出名的蛋類製品為主，分別要了火腿小奄列 ($18) 及鮮牛蛋治烘底 ($18)，再加一杯阿華田奶昔 ($20)，阿姐表示三文治要等耐少少，當然不是問題。

等了一會，阿姐送來一碟「疑似奄列」，立即拿機大影特影一番，正準備開動之際，阿姐突然話好似無加火腿，結果成碟打回頭，有得睇無得食，好彩轉頭又送上一杯阿華田奶昔頂一頂檔。這杯阿華田奶昔，令我想起土司工房的美祿恐龍，想不到在舊式冰廳也有這種特飲，呷一口，充滿了阿華田粉的味道，卻比想像中順喉，奶味令整體味道更平均，很有創意，意想不到的好飲。

仍在回味之時，火腿小奄列已經送到，奄列份量一點也不小，看似有約六至七隻蛋製成，把流心的蛋輕輕剖開，內藏一大堆火腿，連同附送的多士，確是奇觀。正常版的火腿奄列標價四十元，真有興趣睇睇有幾巨型，但據聞是有價無貨，這也難怪，單是小奄列已足可二人食用，想起每一口都充滿流心蛋跟火腿，已是非常豐富，相信我也沒能力去挑戰正常的份量。

剛吃罷火腿小奄列，鮮牛蛋治烘底立即送到，看其賣相，蛋汁慢慢從煎蛋中流出，足足三吋的厚度，一時間真不知道從何入手，最後唯有拿起刀叉把它切開，先試一口港版「厚燒玉子」，質感比奄列來得更實在，稱不上滑溜，純以多取勝，鮮牛亦相當厚身，條紋清晰，可惜實在太漏了，吃掉半個已十分頂肚，一個人又怎可能會食得晒整份三文治呢？若只談鮮牛蛋治，我覺得深水埗的新香園做得更出色，份量不用太多，最主要是講求各元素間的協調。

六點九，差不多打烊，店內突然大播交響樂曲，大閘也隨之關上，風趣幽默的阿姐問我跳唔跳 part 舞，看來她心情大好，舞就不跳了，還是埋單走人吧！老實說，這餐全蛋宴多少令我對蛋產生恐懼，當中又飽又濟的感覺，恐怕一個月內都不想再吃蛋。值得一提，見不少街坊喜歡叫鹵水雞翼及鹵水豆腐，看來這些小吃甚受歡迎，下次經過，如果人龍不長的話，必會再試。

(註：食評主題是出自陳曉東舊歌 <心有獨鐘>，不明白的話，就以普通話朗讀一遍)

肥仔接肥妹放學, 本身諗住番屋企食意粉, 點知隻魔鬼引誘去荃灣, 咁就黎左食喇!
同肥仔一齊得個食字, 食到宜家個肚大到好似有左咁!

火腿奄列 - 我地叫左細, 都好大個, 2個人食都覺得好多。其實冇乜特別, 普通奄列一個, 佢只係用左好多蛋, 所以你會覺得佢好似好抵食咁。火腿叫做足夠, 集中哂係中間。

雞翼米 - 佢d 米粉唔好味, 可能係平價米粉。鹵水雞翼, 雞翼好味過雞槌. 入味d。

阿華田奶昔 - 超級好味, 必飲!!!!!! 真係好重阿華田味, 我相信佢其他奶昔都係咁好飲

我地weekday 去所以比較少人排隊, 如果weekend 去一定要排好耐。排隊既地方好迫, 企街排, 會比人推撞, 所以都幾辛苦, 不過為左食, 冇法啦。

今日係荃灣行街~~順便黎試下呢間野......去到門口大排長龍’，排左40分鐘
一坐低已經有個啊姐問食咩?(都未諗好)。。其間聽到啊姐同個客講:烘底要等30分鐘?
我同男友、對面2個晒嘴。最後叫左浄雲吞、鮮牛蛋治(等10分鐘)、小奄列(20分鐘)。唔知個大奄列$40有幾大呢?冇得配野飲.....