同舊同學傾project揀左呢到晚飯

除左圖片外仲有不得不試既霸王小籠包，size同味道其實同一般小籠包差唔多

4個人叫左7個菜，都算夠飽

整體而言，味道不過不失，環境衛生幾好

有機會再來的話會試下d小點and甜品

我朋友介紹我去霸王山莊食飯.我班朋友都話好食.我未同bf一起去.我地幾個朋友都食在好多菜式.食品味道都ok,但我見到都無人幫我地加茶.之後我見到一個女,穿西裝.應該係經理,我舉手叫佢.點之佢見到當看唔到.之後我男朋友叫我等一等比時間佢.我等了一會再見到佢過來.我之後再一次叫佢無想到佢真係有心當看唔到.真係..因為我男朋友系到,我算.不過之後我朋友同我講,之前都見過佢好無禮貌對客人.但我男朋友好怕事.之後我男朋友叫其他同事加茶.個高男同事好有禮貌幫我們.我第一時間問佢.果個係唔係你最大經理.當時佢好有禮貌話唔係.我男朋友就叫我算..最後我朋友埋單,我們幾個女子先起身出門口先.點之我朋友出來同我另一個朋友講.個女經理笑住口用佢個對講機同其他同事講個八婆終於走.我心情好嬲.因為我知道佢係話我我去找她的時候.我男朋友話佢唔一定係話我.但女人直覺係好準.因為我男朋友同幾個朋友都話算.我未算,,我人生第一次見到有這樣經理服務態度.就算我男朋友講得對.都唔可以這樣服務態度.都唔知做什麼經理.

昨晚一行7人到這裡食DINNER, BOOK 了7時半, 7時15分已可以入席了,
帶位小姐說限時2小時, 9時30分要還枱, 不過沒人等可以繼續坐.

我們點了炸饅頭, 小龍包, 扁皮鴨, 賽磅蟹, 糖醋魚塊, 茄子, 雞絲粉皮,
另外叫了沙鍋雲吞雞 和抄飯.

抄飯, 很硬.
沙鍋雲吞雞, 湯很咸
扁皮鴨,鴨皮OK, 倒是那個包著的面粉皮很厚很粉.. 不太好吃.

其他的都不錯, 但勝在員工都很有禮貌
總括來說以這個價錢, 食物不算太差, 還可以.
有機會都想再去試吃其他菜色.

男朋友黎香港玩, 想同佢食小籠包+片皮鴨
o係open rice 做左research, 於是去左霸王山莊

嗌左小籠包,生煎包,紅油抄手,豬扒面,片皮鴨
除左豬扒面比較普通冇味, 其他野出乎意料地好食
片皮鴨好好味, 我地兩個已經好飽, 但係太好食, 所以停唔到口

與朋友一行八人去了食返餐！大家都第一次食呢間~

被安排坐長枱，
張枱太大...傾計和夾餸都有d麻煩.....=.=
想話坐圓枱，又話俾人book晒，無計！

同waiter提出轉枱，非常耐心解釋被book晒的難處，
服務態度非常好~~~!!而且不停都有加水~
追餸時都真的能追到~服務不錯~

點了好幾個餸﹕

前菜-醉雞-->很細「盅」！有別於別的餐廳，這裡的醉雞以一個盅上，八人分，每人不夠2件~真的很少~~味道算不錯，酒味算香。

前菜-素鵝-->其實係類似炸腐皮卷，很香脆，但不算特別。

螞蟻上樹-->粉絲炒得很乾身，也很入味，餸飯一流！而且很大碟！

黑醋小排骨-->味道很濃，醋味很香，而且排骨煮得入味而且夠淋，餸飯亦是一流，汁也很多。

金華火腿津白-->清淡得來不會冇味，味道調校得不錯！火腿有點咸~~整體而言值得一試！

京蔥爆羊肉-->很香很濃的味道，羊肉如免治般碎，沒有蘇味，不錯！

2籠小籠包-->皮薄餡靚，夾起也不會很快穿，不會漏走湯汁，正！

2碟炸銀絲卷-->外皮很脆，內裡很香軟，都好味！

一鍋菜飯-->不算很出色，菜亦略嫌不夠多，沒有太香菜的味道，有如白飯......

Had a friend coming from Jakarta，想試香港菜。

結果黎左呢間去食，雖說它的價錢定得不算高，但質素都 ok 喎。

黃金蝦 - 好味過北角東寶！d 蛋黃不會抄得太咸，蝦亦彈牙。

竹笙抄芥蘭 - 竹笙好似豬肚咁，我未食過

小龍飽 - 嘩！果然同食友之前講既一樣，d 湯汁多到透視晒出黎！用舉高拍照都無爆到，勁！

片皮鴨兩食 - d 皮有時片埋 d 鴨肉出黎所以 size 好唔平均，同好大塊，不過我無諗過呢 d 地方食呢，不過 fd 要，所以試下啦。除左有少許部位有 d 騷之外。佢俾既麵粉皮有兩籠，好夠食呀，都食唔晒。生菜包鴨肉松子粒，d 生菜雪過，同剪到好圓好靚。

服務都 ok ，有個哥哥仔 aou 晒腰咁同我地影相，幾好 service 丫。

推介的仲有鍋貼鳳尾蝦同醉雞仲有松子魚，有機會再試。

今晚同幾個好朋友聚舊兼慶祝生日...我地book左8:30pm...但因為某d原因...我地遲左到...8:50pm先到...出奇地...服務員都好有禮貌咁盡快安排座位比我地...所以我地好快已經坐低左喇~good!!

因為我地book台既時候唔記得左同服務員講我地會帶蛋糕去切...店舖經理主動介紹特色菜仲建議我地不如叫一個4人餐...可以比我地免除左($50) 切餅費...well...其實我地5個女仔...4人餐都夠食~~因為4人餐既關係...小籠包唔夠分...所以我地再order多一個...至於甜品...經理見我地5個人仲送夠5個人份量比我地tim~~真係好好人~~

先講返d菜先~~

令我地印象最深刻既...就一定係黃金蝦球喇~~真係好好味~~賣相都好好架~good呀!!極力推介呀!!
仲有個雞我地都好鐘意...好香蔥味...同埋真係幾惹味~~
而娃娃菜都係我既至愛...味道不過不失...
應該仲有個湯...仲有個上海粗炒...略嫌味道淡左少少...
小籠包就更加唔使講啦~~好好味~~

最後...估唔到個高力豆沙都好唔錯...唔會太甜...而且熱食好正~~
最後最後...仲有個紫米西米露tim...真係好滿足呢~~

成個過程...雖然人來人往...但係d店員都好好...冇特登成日過黎執野趕你走...相反仲好helpful tim...我地切蛋糕既時候...仲好快幫我地清左個場...換過晒d新碟比我地~~
成個食飯過程之中...我地都大大話話叫服務員影左3-4次相...佢地都好好...唔同其他...可能會比面色我地睇~~所以我地都食得幾enjoy!!

5個人去食飯, 3女2 男想食平平地既野所以就去左霸王山庄, 出名抵食, 5 個人因為諗住食完之後去食甜品所以都唔係叫左好多野食

2 籠小籠包
真係好食! 拎起個小籠包之後佢都唔會穿漏晒d湯出黎, 一咬開真係成啖湯, 不過多油左少少, 但都好好食如果再熱d會再好食d

螞蟻上樹
一個京川炒米粉, 有d肉碎咁, 惹味得黎又唔太油都幾好食. 而且好大碟好抵食

霸王炒飯
不過不失啦, d炒飯都炒得幾乾身, 料都算夠又唔會一味用豉油調味, 都ok 既, 不過如果唔係太肚餓想填肚就可以試下其他特別d既野

咕嚕魚塊
呢個都係不過不失啦, 又唔係難食, 不過魚塊仲有d 雪味, 個咕嚕汁都唔夠酸.

東坡肉
最失望係呢個, 見佢menu 推介又影到d相鬼死咁靚就好期待, 雖然上個陣都仲係好靚個個樣, 不過只能話佢呃得下人, 個肥肉真係會食完覺得好肥, 事關佢完全無入口即溶既感覺, 個肉又唔夠滑, 肉同肥好明顯咁分開左要咬多幾咬先吞到, 完全無好滑口既感覺. 而且都唔夠入味

如果想食平既晚飯呢度都係一個唔錯既選擇黎既, 食左5 樣野先一人70蚊, 又有茶飲, 不過book 左台都仲要等成半個鐘之後其實仲要係夾硬係4 人台加多張椅變5 人台我又覺得服務真係麻麻

覺得係香港最有水準嘅一間上海餐廳! 尤其係TST依間!

食霸王山莊一定要食佢地招牌嘅霸王小籠包,個皮超薄,勁多汁,一試難忘! 正!
另外其他好多食物都好平均,例如片皮鴨,醉雞,菜,年糕,抄粉都唔錯!

10X贊!

三年前食過，覺得service ok，野幾好食，今次朋友生日，決定再去，點知....
本來想買蛋糕，買左要收切餅費50大元！算，唔買，叫餐有壽包送
一去到，訂左檯都要等半個鐘，過份
因為女仔多，6個叫4人餐，所有野份量似2-3人，大食d都唔得了
小籠包，ok；雞絲粉皮海蜇一般；鹹蛋蝦，好味！；鮮魚羹，一般；
三杯雞，麻麻；扒津白，ok；霸王炒飯，一般；紫米露同高力豆沙，好味！
叫餐有壽包送，唔好食！百X惠X買過D仲好味
D姐姐 service都ok既，係門口白衫個位哥哥仔就麻麻喇，訂檯要等半個鐘，求求其其唔好意思就算仲敢收加一，埋單個下都仲係嬉皮笑臉話，一d誠意都冇
話埋會上黎寫食評俾個喊樣仲係笑笑口話好啊多謝晒
我知阿哥仔覺多我地一檯客又唔算多，做少我地幾個生意可能仲好添，本來我都算架喇，
就係呢種態度我就更加要上黎寫，所有霸王山莊我都唔會再去，講service講好食，真係有大把選擇，唔需要再幫襯你

我對上海菜一點都不陌生，昨晚跟朋友敘舊他就帶了我去試下

味道算是不錯跟正宗的相比只有7分
就是細份了一點。

糖水 ' XX湯圓 ' 就真的太太太細碗了，少器了點吧？
豆沙鍋餅好奇怪，本身都無芝麻既就放左係面，以前食果d豆沙餡
好多，皮是炸的(雖然油了點)，這家是焗的，乾得際呢..

Overall 唔錯! 或者會再試。

此間霸王山莊, 可以說是以前在尖東工作時的飯堂!

看着她裝修到開業至今, 不知幫襯過多少次! 想不到的是多年後的今天才在這裡為她們寫食評 (其實N年前在自己的Blog寫過, 不過已經是她們開業之初了)

是次是小學同學和老師的聚會, 大家也都畢業差不多廿年了, 老師當然也年紀一把, 想來想去都是中菜最穩陣, 而尖沙咀又是一就腳之地, 此餐廳也價格相宜, 所以就選了這裡作為這個廿年後的首聚地方!

其實也有一段時間沒有幫襯, 只記得由初初滿是驚喜吃到無甚特別感覺, 因為吃得太多之緣故, 但從來都不覺她們做得不好, 沒有驚喜可能是代表她們水準穩定吧! 總之, 夠穩陣! 以前來這裡最喜歡吃麵食, 不過今天人多就沒點了.

是夜菜單:-

花雕醉雞:
雞肉夠滑. 雖然其實個人不太好花雕的菜色, 但仍然是會經常點的, 不知為什麼, 就像去到滬江菜館的指定動作. 花雕酒處處也差不多, 所以雞肉夠不夠嫩滑入味就是關鍵! 而這裡就做得到!

鎮江肴肉:
穩穩陣陣的一道, 不是好味到你會讚不絕口, 但也比很多餐廳做得好, 水準OK!

烤夫:
第一次在香港吃烤夫, 是其中一位同學仔嚷着要點的. 果然好吃! 當然不會比上海的菜館做得好, 不過味道已經挺接近的了! 而且豆味香而濃郁, 好好吃!

黃金四季豆:
賣相很不錯, 味道方面, 四季豆的清配上鹹蛋黃的鹹香來得恰到好處, 吃不停口的一道!

杭州炒年糕:
杭州炒年糕和上海炒年糕有何分別? 請不要問我, 因為我一點都吃不出來! 照道理杭州菜是比較清的(這也是我比較喜歡杭州菜的原因) 但這個真的吃不出跟普通上海炒年糕有何不一樣? 但我在杭州也沒吃過炒年糕, 所以這年糕有沒有杭州風味我不願置評, 但比其他餸菜稍遜就是可以肯定的...

小籠飽:
不過不失啦! 跟你在上海南翔吃到的還不是差不多~? 我對小籠包要求較高, 所以對我來說這裡是水準不能叫好, 不過又好過好多地方, 是南翔的水準, 算是達標收貨啦!

鍋貼:
同樣是不過不失但我不會讚好的一道, 可能是上次吃過阿拉麵館的水準太好, 所以現在就覺得這裡的味道一般吧!

豆沙鍋餅:
每次來都會點, 又一定會罵着為什麼要用芝麻皮卻又一邊放進嘴裡的甜點... 弄得有點像精神分裂... 不過老實說, 如果用回普通的皮, 一定會比現在好吃的!

上海菜既特式係多油多醬, 今日係呢到食到既係無味淡菜! 雖然我好多時食上海菜都覺得佢哋既油醬真係用得太多, 好油. 不過呢d就係上海菜既特式. 雖然話口味會因應客人群黎轉變. 但係都唔應該改到好似我今日呢餐咁~~~~~ 總括黎講, 食物味道一般, 未去到難食既地步. 不過作為一間咁大既上海菜館, 簡直係不能接受之.

老重慶擔擔麵 ($38): 擔擔醬有色無味~~~
百頁毛菜 ($52): 普通貨色. 無咩特別
霸王小籠飽 ($28): 對呢味餸我最有意見~~~~ 一來上枱嗰陣都唔係熱既. 我一口食晒成個, 但係d湯都唔係熱既... 只可以話比室溫暖少少!! 肉質口感ok, 但係個湯完全係..清湯... 清到食唔到肉質既鮮味~~~ 唔掂當!!
崇文門鮮肉水餃 ($36): 又一口感ok, 但係無味既菜式.

啱啱睇單先發現原來一坐低就係枱面嗰碟 "酸菜" 係要比錢. 但係俾得超唔值~~~ 當晚嗰碟係咸花生同炸魚仔~~~ 兩樣都唔香口. d花生好似失左風咁, 口感其差! 唔駛收錢我都無食. 估唔到原來佢無聲無息咁收左我十蚊~~~

星期一 10-8-09 係 Winnie 生日

預早兩個星期通知好友們

今晚食飯

日期，時間，地點，地方都係我負責

霸王山莊，我又黎喇喇喇喇喇喇

我同餅餅早到咗

7:15 已經去到，一直等佢地黎喇

等到差不多8:00喇

陸陸續續到齊喇

係等其間，太肚餓喇

同餅餅係咁食豆豆，好好食呢~~~

因為豆豆只係食入面啲豆

出面綠色係食唔到架

我地食到咁上下

就有侍應哥哥幫我地換碟

其實呢到啲侍應哥哥姐姐好細心架

成日都行埋黎睇下你有乜需要咁

我地只係坐係到睇電視，影相

叫嘢飲時，我又多多問題喎

佢地都無唔耐煩喇

雪花海蜇皮，芝麻嘅香夾住粗粗嘅爽爽嘅海蜇，一流呀

賽螃蟹，呢個有蛋黃另上架，詠藜園，學下人啦

呢個絕對唔油，賣相又靚

食都食得開胃啲啦

黃金蝦，唔食走寶，食咗實肥死

唔知用咗幾多個咸蛋黃同埋牛油炒呢?

香濃嘅蛋黃，包住大大隻蝦

一口一隻肯定唔得

起碼要分三次至食得晒一隻蝦

你話幾大隻呢

我食咗3隻呀...

乾煸四季豆，必食

炸饅頭，餅餅呢排好鍾意食炸饅頭

我無食到唔知好唔好食

不過呢間店子絕不小家

大大碟練奶比你慢慢點

可鍋杭式三杯雞

熱辣辣吱吱喳喳上枱

我想炒下啲蔥

一起身攞起個湯匙，兜亂佢

亞黃經理見到我兜梗個餸

行埋黎好細心講 : 我幫你吖，好熱架

嘩!!!我即刻比佢啦，個湯匙

上至經理，下至侍應都咁細心

係值得一讚嘅

呢個餸有個唔好處就係太熱太熱

會好容易辣燶啲雞喇

係就係好入味

不過有啲熟得滯，un咗啲啦

唔夠食，再叫多個鮮肉水餃，個湯正，個餃只係得肉，無咁豐富囉

值得推介給我所認識的人

相關網誌 : http://hk.myblog.yahoo.com/jessicalim1112/article?mid=5879

這已經是我第二次光顧了~還記得第一次光顧~頭一次吃到他的小籠包~!就覺得很好吃!!所以現在又再一次光顧了~^^

先不要說食物的水準好~這裡的服務也真是好得沒話說!!!!!!!
無論是我第一次的光顧~
還是今天晚上的第二次~
他們的服務~說真的!! 是一流的!!!

每一位的服務員都很有禮貌~經理更是友善!!
隔壁桌要求經理幫忙照相~
經理都很樂意幫忙!
讓我真的衷心覺得~這裡的服務真的是很棒!!!

說回食物吧~
小籠包是必吃的!!!
多汁! 皮薄! 而且熱騰騰的~好棒!!!><

那杯特飲超乎我意料之外~蠻好飲的^^
(我原本以為會一般般 )

那個牛肉也真的很香~吃下去不會乾!!><
好吃~

不過那個面就只是還好~
可能是我選了我不合吃的面底吧~
他有幾種選擇的~
說不定其他的面會比較好吃~

桂花糕也是好吃!
清甜得來又不會淡~
正喔^^
用來做飯後甜品很棒^^

今天吃得很開心~
特別要稱讚的是他們的服務喇~
真的很好!!!!>3<