今天銅鑼灣比較多人, 但黎到呢到好似兩個世界, 非常舒服
環境: 不用說了, 上上下下的食評都有相, 鍾意玻璃, 鍾意陽光的人一定愛死佢
食物: 點心選擇不多, 味道不錯, 是中上的; 沙律, 十分出色, 必食; 杏仁茶及朱古力加雪糕, 滿足的結局; 紅酒, 尚可, 是不是很奇怪呢? 的確是又中又西, 但食起來又好寫意喎
服務: 很好, 周到, 值得一讚
缺點: 是有的, 午飯時間音樂大聲了一些, 相反下午茶時間的音量很好, 令我想來一個陽光下的午睡
試完後的結論是不論午餐, 下午茶, 晚餐, 飲野, 呢度係非常好選擇
希望佢生意好啲, 人客似乎太少, 這樣維持是很困難的.

星期六完成了半天工作, 和兔相約在銅鑼灣午飯. 兩個人沒有特定目標, 悠閒地在街上遊逛起來, 途經食廈Cubus, 決定繼續悠閒情調, 到型格酒吧品嚐飲茶滋味.乘坐玻璃升降機, 一下子便到達頂層, 店員很快引領我們到達座位. 未點菜前先細意欣賞一下內在環境, 餐廳用色以黑色配啞金色為主調, 型格中帶高貴; 最吸引是貫通上下兩層的透明階梯和透明平台, 往下看能望穿二十多層高樓以下的街景, 走在上面感覺有如漫步天空一樣, 提醒有畏高的朋友要先壯壯膽才可舉步呵! 絲絨坐椅感覺舒適, 配合三邊落地玻璃引入大量自然光, 為一頓有別於傳統中式酒樓的悠閒飲茶揭開序幕.先選了鐵觀音茶, 質素不會比坊間酒樓遜色, 由於這裡是由"聘珍樓"經營, 茶葉和點心的品質, 理應不用懷疑. 打開餐牌, 沒有發現其他食友吃過的$168點心放題, 只有散叫點心和幾款西式食品; 反正我們胃納不大, 散叫更適合. 沒有點太多, 因為打算午飯後到中環試吃新張蛋糕店, 所以還得保留一點"食"力!

喝喝茶, 拍拍照, 時間不知不覺便打發掉; 第一道點心很快便出現我們眼前; 豉汁蒸排骨, 新鮮的食材能吃到肉的鮮味, 可惜豉汁味不濃, 整體味道略嫌清淡.

安格斯牛肉球賣相一般, 能吃到濃郁的肉味, 尤其享受當中之彈牙口感, 推介之選!蝦餃賣相討好, 外皮完整無缺, 能清楚呈現每一條摺紋, 未吃先興奮; 吃一口試試, 新鮮蝦肉口感彈牙, 配合份量適中的豬肉, 鮮味和肉味取得協調, 是喜歡的味道.

酥皮雞批外皮鬆化, 香味十足, 但可惜餡料太少, 大部份時間祇是在吃酥皮; 感覺有點像吃日本餛飩一樣, 99%是餛飩皮, 只有一丁點肉.魚籽燒賣外表圓圓胖胖, 非常吸引; 和蝦餃一樣, 鮮蝦部份口感彈牙, 豬肉部份有咬口, 頂層的魚籽帶出一點點咸香, 不錯的選擇.

要數出場氣勢, 一定是金箔黑珍珠燒賣, 每粒燒賣都有一片金箔置頂, 配合黑色糯米製作的燒賣, 最佳外觀獎手到拿來; 味道方面, 怎樣品嚐都是糯米包的變奏版, 喜愛糯米包的朋友會喜歡.

最後點了蛋白杏仁茶作甜品, 杏香無問題, 但口感稀稀的, 不是我們喜歡的類型.一向享受在自然光充足的地方用餐, 但也同時喜歡廣東飲茶; 一般坊間酒樓比較少引進日光, 雖然裝修較新派的都會選用大玻璃窗, 但始終仍然是酒樓氣氛較濃; 這裡可以提供一個完全不一樣的環境, 型格餐廳情調, 配合水準達標的點心, 相信可以成為情侶間午餐約會的新選擇.

這天和友人來到這棟新店林立的飲食大廈來吃午餐。樓下那家名字古怪的＂冰凍艇仔＂友人已中了一次地雷。被炸得味覺受重創！
在上來這裡前不禁心中希望這家會是例外吧。沒有什麼可挑剔的用餐環境選擇了靠近窗口的位置來坐這裡的午市西式選擇只有一款,看名字是不太吸引的煎三文魚.而中式則是每位$168的即叫即蒸點心放題.焗雙皮春卷----以越式網紙作外層包裹著傳統的春卷皮來焗,吃起來非常香脆不帶油份.內裡的餡料是爽彈蝦肉.蟹子百花球----如果用料欠佳很容易會吃到腥味,但這件蝦膠是質感爽彈帶有鮮味。

這裡的點心用料新鮮且強調不含味精,雖然選擇不多但勝在水準平均.
提供了一個清靜舒適的環境,沒有小孩在哭叫吵鬧,鄰座沒有高談闊論的三姑六婆迫你分享她的生活逸事.又或者自以為不拘一格有型人仕在表演粗囗橫飛。
偶爾偷空可以在陽光充沛的中午好好享受一個午餐,這不算奢侈吧！

更詳細分享....

男友揀咗嚟呢間同我慶生, 冇諗過可以响呢個環境食中式點心

七點半嚟到, 其他客人都係嚟傾偈飲嘢, 我哋就嚟呢度開餐

金萡燒賣 - 其實似糯米包多啲, 不過味道不錯, 賣相亦貴氣雙皮春卷 - 外皮好脆(結果食到成枱都係碎), 但內皮就有點靱, 呢個春卷之前都未食過, 幾特別雞翼 - 唔太記得個名(不過menu內呢有呢款雞翼小食), 好香脆&有少少辣

忌廉菇意粉 - 雖然只係得菇但係都好好味

三文治 - 個包係炸過的, 好脆, 啲饀料又fresh(有雞肉, 菜&蕃茄)另外叫咗兩杯cocktail

食物之外, 值得一讚的係呢度o既服務態度, 我哋食到一枱都係春卷碎, 侍應會好細心幫的哋掃乾淨; 見枱面擺到full晒(因為呢度啲枱面suppose唔係放咁多嘢食), 會去拉張車仔枱放嘢食, 上食物有序, 會先問客人preference, 讚!

My friend asked me to go to this bar to support her friend who is the owner. I got there at mid-night and there were about 20 people inside. The bar is beautifully designed and we ordered some lychee drinks which was actually really good. Service is ok, price is ok, not too expensive for such a swanky bar. The bar seems quite empty on a Saturday night, probably because the area is quiet unlike LKF, I heard that even the owner was partying in LKF, no wonder la. Overall it is a very nice bar, will go back.

A big group of us had a lunch reservation. I was late and was shown directly to our table on the lower of the three floors of the restaurant. The glass floor and the bottom of the stairs is quite cools, as is the view, despite still being quite boxed in by other skyscrapers.

Our waiter said they had been open for two weeks, which is strange because it was still a construction site when we poked our heads in the week before. In any case, the food would make the impression they are still looking for a real chef.

The first thing I noticed is my knees hitting the table, which turned out to be an extendable folding table:So we had to eat thigh-length away from the table, what a pain! The napkins in our laps came in very handy...The fish was overcooked, the salsa bland and mismatched. A friend had the Angel Hair pasta with shrimp and did not enjoy it either.The tiramisu lacked any coffee flavour just to mention the obvious; bad bad bad.Why does such an upscale establishment have to mention about MSG and artificial flavouring? Perhaps as an excuse for the terrible dim sum. They only had a handful of different dim sum available for their "All-You-Want", the low variety and low quality really makes you loose your appetite fast.

Drinks... there are only two types of tea: Pu Er and Iron Buddha.

The washroom on this floor was interesting. The sinks are shared between men and women, with some cubicles designated male, others female. There is a separate ante room with urinals.

The bathroom and the view from the balcony made the visit not a total waste, but we still won't be back.

銅鑼灣人氣新食廈Cubus再有新餐廳進駐，今次就係包晒最頂兩層連天台嘅豪華酒吧Mamoz。Mamoz酒吧之名取自負責人 Mamoru Hayashi名字，而背後集團就正係日本老店聘珍樓集團，背景實力果然唔簡單。呢度不單止裝潢華麗，落地玻璃設計更可飽覽整個銅鑼灣心臟地帶，真係食都食得開心啲。呢間酒吧暫時仍然係試業階段，到四月先至正式開張營業，今日有機會到來食個午餐，驚見餐牌上竟然有中式點心供應，仲要係$168任食套餐，初時真係覺得古古怪怪，感覺好似大纜都扯唔埋，好奇之下決定試下邊飲洋酒邊食中式點心嘅滋味...呢度點心係由同集團嘅聘珍樓師傅新鮮製作，全部即叫即蒸，全無添加味精和人造色素，而點心款式有17種俾大家任選。一邊坐在牛皮梳化座椅，一邊俯瞰住繁華景色，胃口亦變得特別好，而在侍應建議下，每次叫三款慢慢品嚐...先來魚籽燒賣皇，鮮蝦餃同埋金箔黑珍珠燒賣。燒賣皇肥瘦適中，上面嘅飛魚籽晶瑩剔透，咬落去仲卜卜聲添，而且新鮮蝦爽口彈牙，水準之作。鮮蝦餃漲卜卜，大大隻鮮蝦約隱約現，皮薄爽軟，晶瑩透亮，實在非常誘人。金箔黑珍珠燒賣，以墨汁混入糯米飯粒做成，再連埋章魚乾同事先炒香嘅臘肉一齊蒸，賣相不單止高貴，而且味道仲好正添！再來嘅係螞蟻上樹餃，安格斯牛肉球，蟹子百花球。螞蟻上樹餃餡料以肉碎炒粉絲為主，但就無用常見嘅辣豆瓣醬炒，口味較為輕怡，配埋出色嘅餃子皮，食落口感唔錯。牛肉球都用上安格斯，可見Mamoz很花心思去研究牛肉球口感，出面食好多嘅點心牛肉球都係被梳打粉搞到鬆泡泡咁，用上牛肉味更濃嘅安格斯，食落口感豐富，值得推介俾大家！蟹子百花球據負責人所講，並非用一般蝦膠打造而成，粒粒都用上新鮮蝦肉，怪唔知得望落色澤咁鮮嫩，食落咁好味啦！不過一碟三粒嘅百花球大細真係都參差幾大，點心師傅正式開張後要留意一下喇！黎到酒吧總會想有少少酒精到肚先開心，由於係午飯時間，所以唔想飲得太烈，最後決定叫一杯雞尾酒Happy Valley Swizzles($78)試下。負責人話呢杯Cocktail以芹菜味伏特加酒，混入鮮芒果肉調製而成，第一啖入口好有蔬菜汁果種清香感覺，接住伏特加酒味緊接而來，加埋芒果酸甜味一湧而上，感覺都幾獨特，而且今次體驗到一啖伏特加，一啖鐵觀音奇趣組合，依家諗返都覺得有趣～！繼續點心時間，去酒樓飲茶叉燒包絕對少不了，呢度嘅叉燒包包身做得好鬆軟，唯一要彈係叉燒蜜味唔夠，不過考慮到呢度所有點心無添加味精同人造色素，似乎我一直被紅當當嘅叉燒餡料寵壞左。另外，餐牌上有一款重點推介嘅點心就係焗雙皮春卷，所謂雙皮就係用上廣東人傳統春卷皮，加埋越式春卷皮，餡料以鮮蝦豬肉碎為主，再加入XO醬，外層香脆鬆化，入面微辣惹味，加埋新鮮出爐，好味！

負責人話餐廳試業期間暫時晚市只提供小食及酒類飲品，點心只有午市時段先至有得食，所以如果想試下我今次呢種特別嘅體驗，就一定要中午時間先可以。不過呢度設計高貴有格調，夜晚黎摸下酒杯底應該另有一番風味，下次HH或者可以考慮一下黎呢度。順帶一提，呢度設於27樓嘅洗手間設計幾特別，尤其係果個人妖LOGO，下次黎真係要連廁所都影返輯相先...