澳洲牛奶公司

營業中

休息中

同屋企人飲茶vs食澳牛二選一我揀咗後者我寧願選擇獨處。另一個原因係實在太大雨都費事叫佢哋出嚟今日4月21號係全民睇戲日 一律$30 可惜我搶唔到啲VIP位 早場好似有啲唔係好抵😮‍💨成日都執輸行頭睇完戲考慮咗好耐，結果開始落雨，仲要越來越大 ! 行到去澳牛 ，嚇親咁多人排隊街尾不特止，仲要轉埋彎 就係呢個時候猶豫緊轉唔轉場，因為實在太大雨搵個位避一避先，點知行返過去睇，條龍冇咗，咁冇辦法唔食啦。（如果仲係咁長龍我就真係會轉場）出名效率高，所以唔使15分鐘已經食完。雖然係簡單早餐，就係唔知點解有一種魔力，佢嘅炒蛋實在冇得輸嘅。平時茶餐廳都唔會食晒成份早餐🙂‍↔️好奇妙

先不討論食物質素！要排長龍就最唔值得喇！員工招呼態度惡劣！地方擠迫狹窄！一見客人食完就想趕人走！今時今日呢啲服務態度就唔要得喇！唔怪得現今香港的飲食業被深圳的飲食業徹底打敗了！再講食品沒有什麼選擇！就是套餐！平心而論，其實食品質素味道等都唔算得差！但沒有特別可言！只是正常的茶餐廳出品水準！食材亦沒有特別！呢個價錢其實有好多選擇！奉勸大家唔好盲目跟隨一些食評！如果唔需要排隊的可以一試！要排隊的就不要浪費時間了！

澳洲牛奶公司真係好好食。我已經好內冇去食，所以前日特登去食。我去到唔洗等，可能係因為唔係星期六日掛。我叫左一個茶餐、炒蛋、通粉同一個蛋白燉鮮奶。速度同之前食一樣，唔冼五分鐘就有得食啦，新鮮滾熱辣!炒蛋又香又滑又多蛋汁，好味😋又香又滑嫩嘅炒蛋配上牛油多士，簡直係一個完美嘅配搭。仲有蛋白燉鮮奶真係好好味，有又濃厚又重嘅奶香味。質感有少少似布丁同燉蛋。個人嚟講，我覺得熱嘅蛋白燉鮮奶好食過凍嘅蛋白燉鮮奶。食完個下午茶之後，真係好滿足。

好耐冇出尖沙咀，所以好耐冇食澳牛，今日終於有機會出尖沙咀食澳牛喇。可能今日星期六門口勁多人排咗四個字先入得，但係叔叔都幾好人，一路安排座位都安排得幾好等完四個字之後終於有得入去入到去即刻叫叉燒意粉炒蛋多士唔夠3分鐘，個餐就即刻到啦咋咋淋食落去，水準同之前一樣係擁有特別嘅魔力，唔知點解第二間係唔會食到。炒蛋一樣咁滑叉燒意連個湯底都飲埋到最後叫咗杯奶茶奶茶幾好冇變最後埋單$60好似加咗價，但係都值得全餐食咗唔夠四個字就出門口下次會再嚟

首先，叉燒肉並沒有外皮酥脆及入口即化。但這𥚃通粉與叉燒是天作之合。加上胡椒粉的點綴，辣辣的辛辣感讓通粉有本身的味道加入濃厚的氣息。餐廳並不是講求優質用餐體驗，但食炒蛋及多士會令當日愉快。因為炒蛋同多士係典型香港仔每一闈都會食到的東西。另外，一杯奶茶讓今日疲勞一掃而空。總的來說，我對這澳牛的叉燒通印象非常好。他們的叉燒肉味道濃郁，且價格合理。如果你是叉燒通的愛好者，強烈推薦黎感受快樂又快速的餐飲文化🥳🥳

澳牛幫襯左好多年，雖然啲侍應講野粗聲粗氣，但其實佢地好有人情味我係隔離街返工，每朝早都會去快閃一個早餐，雖然佢地每次而極速落單上菜。但其實去多幾次佢地就會記得你依加一去到講聲例牌就搞掂蛋治烘底真係必點，我覺得可能係香港最好食既蛋治又滑又香呀 點搞叉燒意粉港味十足都正

啲嘢食講真好一般，啲蛋極鹹要夾包食，啲叉燒就偏甜。服務就眾所周知，但係你都唔好落錯單先得㗎。嗰日我叫常餐你俾個快餐。又冇俾單我睇吓嗌咗咩，食完先知原來佢幫我落咗快餐。然後話因為杯檸茶係大杯所以死都唔肯換，我第一次嚟食點知你杯檸茶大杯定細杯。仲叫我額外加多個$38嘅通粉，咁我咪喺你度食成80幾蚊，唔知有心搞詐騙定冇心想大事化小。你服務差都算，好心你錯就要認啦。仲喺度大大聲聲喺間餐廳同所有人講以後記得啲客話要快餐嘅時候同佢講埋入面有咩，不如你留返啖氣專心聽吓啲客嗌咩好過啦。

好耐冇食了不過一直都keep住有人氣大排長龍但都好快排到 因為係光速效率😂幾分鐘內到安排到入座雖然之前網上話服務態度麻麻地 不過我又唔覺得出面其他餐廳可能態度仲差最多只可以話佢哋係冇乜笑容 講嘢冇乜尾音姐 不過相信好多香港人都習慣 但係對旅客黎講就未必慣雖然明知係咁 但都仍然好多旅客去食😂我點左最經典既茶餐✨佢自3月起就加左價加埋涷飲 盛惠$60大元係貴d既 不過出面茶餐廳其實都五十幾蚊🍞好鐘意厚多士 微微烘過配牛油🧈炒滑蛋好大份 應該有2隻蛋份量 今次咸左少少🤔🍜叉燒意粉永遠食唔厭😍但略嫌叉燒太薄片 份量唔多 相反意粉就多d湯底都係金寶忌廉雞湯味 正 忍唔住飲幾啖🤩呢隻味係茶餐廳專屬 屋企永遠整唔到🥺☕️熱奶茶做到順同滑 幾厚身 茶底幾好 唔會澀我冇落糖都入到口😊我覺得一間咁多年歷史既茶餐廳 一定有吸引之處😏佢亦好有個人獨特性🥸光速服務更加代表左香港人做野快有效率既長處😎下次我會試下紅豆冰同雙皮奶 仲有西多士🤤

加價後第一食 😎 收工一個人去到，冇人排隊，直入，哥仔安排去四人枱搭位，有士啤凳放手袋，讚！都係叫返個茶餐（$58）：多士 🍞、炒蛋 🍳、牛肉通。味道依舊，炒蛋一樣咁香滑，食咗幾十年都唔厭，當日係通粉淋咗些少，但啲湯差唔多俾我飲晒。😝 最後order茶走作結。

話到明係天花板，就當然係好受歡迎啦😲我個日正直lunch hour 1 點去到🕐條人龍長到已經橫跨幾個舖位，目測都有幾十人係我前面等緊，真係好堅抽👀雖然條龍好長，不過我等咗15 分鐘就入到去了，可見餐廳出餐速度真係好快💨😎餐廳雖然加咗價，但都依然無阻客人嚟食嘅心，我就叫返我嘅最愛，茶餐 $58：牛油多士，火腿炒蛋，叉燒通粉😍茶餐 - 叉燒通粉上枱嘅速度真係光速咁，嗌完之後唔洗30 秒就已經嚟咗碟通粉，電話都未拎到出嚟撳🤣🤣唔好睇佢個樣好似冇咩特別，佢個湯底好鮮甜，而且通粉好彈牙，唔會煮得過淋同過硬，同出面平時食開個啲硬掘掘嘅即食通心粉差天共地，叉燒係薄切但每一舊都好淋，雖然簡單但好出色🥰茶餐  -  多士、火腿、炒蛋平時出面食茶餐廳嘅炒蛋，通常都會加奶一齊炒，但個滑度都唔及澳牛，唔知道佢哋有咩秘方，可以炒到啲蛋咁香咁滑🤫多士係厚切，而且即使我放耐咗佢冇咁暖，塊包都係好鬆軟唔會硬哂，我個人就鍾意將火腿同炒蛋放係多士上面食，好豐富🤩茶餐  -  牛油多士教多大家一個我好鍾意嘅食法，就係加啲糖落去塊多士上面，一秒變甜品，味道就好似奶油多咁，如果有多幾塊就好🤣🫣.總括嚟講，澳牛我可用3 隻字嚟

疫情之後，終於有機會再次朝聖澳洲牛奶公司， 今日係平日冇咁多人，排咗一陣隊就有位， 但係裏面都係熱熱鬧鬧人來人往， 侍應阿叔都係保持咁嘅態度。 照舊都係叫咗個包片火腿通，配炒滑蛋牛油多士， 熱奶茶。 呢個光速餐等咗2分鐘就已經到達， 首先講嘅係包片火腿通， 雞湯味濃郁，火腿就正正常常，食落口感也不錯。不過另外想讚一讚嘅係個多士配炒滑蛋， 個多士依然保持熱熱辣辣而且脆口， 個滑蛋就正常依舊。 奶茶中規中矩沒有太大驚喜，食咗10分鐘已經有壓力，自己自動離開了。 下次有緣再見。

首先對呢間餐廳出名會有興趣去想嘗試，亦都明白一間有名既公司一定多人但去過咁多出名既餐廳呢間真係會俾你一個極大體驗待應既態度真係唔知可以用咩形容詞可以形容到一個極差既質素嗌完個餐之後你唔洗指意可以嗌野飲，佢地係唔會幫你落單，要等你食到咁上下你先要再幾經辛苦搵個人寫野飲俾你食食下到一半 你一停左手 ，就會有人問都唔問就收左碗野。呢d經歷一次就夠如果想體驗下咩叫食完一肚氣可推介呢間餐廳其實食物方面真係唔差，但我諗唔好因為呢樣野而可以代表可以對客人既態度係咁樣理所當然既話，我諗就算幾好食都唔想俾錢受氣

今日出開佐敦，見有少少時間，急腳行去澳洲牛奶公司，我一個人，唔使等位，直入，兩個以上要等位。坐抵，急口令咁叫茶餐：炒蛋多士叉燒通粉。職員接住講，餐飲轉頭叫。人和食物一樣無變，喜歡～

講起澳牛想信香港人一定聽過佢個朵，例如點餐要一早諗定，所有野d好快，澳牛哥哥既霸氣態度等等，今次我地都黎親身體驗下首先澳牛條龍長到癲，但係如果你係單數人數，例如1，3個既話，就有機會快人一步，比澳牛哥哥由隊尾叫入去食啦食物基本上人人都係叫茶餐（$52），你只需要諗湯意粉定通粉，炒蛋定煎蛋就得，佢都有其他野食既，但就冇乜見過人嗌，除左甜品既蛋香燉鮮奶或者杏汁燉雞蛋之外，呢個甜品都係佢地既出名食物佢地既枱係比較細，所以會先送上野食，後點餐茶，澳牛哥哥問完我地食咩就好快送上而精彩一刻就係我面前出現😂😂😂 我地搭枱既對面食客話要有野飲邊飲邊食先得，澳牛哥哥幫佢地點餐既時候已經講過一次會之後先幫佢點餐茶，個食客黎左野食又叫多次話要叫野飲，澳牛哥哥當場爆發，都話左冇位擺唔好叫住，食完先叫，個客話唔緊要，照落左先，澳牛哥哥就話，冇位擺呀！你要飲一係你一隻手拎住杯奶茶黎食我即刻沖比你，個客即刻聲都唔敢出，我忍笑忍得幾辛苦🤭講完故仔就講食物啦，佢個牛油方包係多士黎既，鐘意可以叫佢唔好烘，但烘成多士我覺得好食d火腿煎雙蛋我地就轉成炒滑蛋，炒蛋係呢度最好食既野，黎食既話記得改成炒滑蛋，真係夠滑又好味叉燒通粉

最近一次去食澳牛的「光速餐」係十幾年前陀仔時，那次是最無高壓感的一次，因為早知澳牛對陀B的都有特別看待， 卸貨之後都沒再去了；剛巧要到TST，就帶同阿仔去感受吓嗰高壓情況吃下「光速餐」的環境氣氛，我又真係早一晚List好入座後的選擇， 避免有選擇困難徵狀出現；門外等了30分鐘，安排未有坐過嘅卡座包廂，進座後即時把現場高壓感減半，人家來就是要感受它哦🤪；入座後近2分鐘，竟然還未有侍應衝過來施壓，呼叫3次終於有侍應衝著過來，而下單後效率依然，不足10秒已經上菜，「光速餐」 果然名不虛傳；澳牛只有3個餐選擇，早餐過後只剩特餐及快餐，以化萛角度一定係選特餐，方包免費改烘底是少不了，食物質素保持，厚多士烘後不會過乾，招牌炒蛋依舊蛋香濃口感滑嫩，意粉通粉一貫茶記標準林身不帶彈牙感，但湯底比一般茶記來得濃郁，值得清碟，最後來杯招牌奶茶，依舊茶香奶滑😋，現場不時聽到侍應禮貌地多謝熟客派發的"利事"，證明還真的有不少港人來幫襯，當然也少不了“社交媒體網站‘’遊客。