興記

營業中

休息中

之前食過一次，覺得味道還可以，價錢尚算公道，就諗住再去多次。由於人多又有老人家，避免等位，已經提早打電話預訂。餐廳回覆有位，無問題。到左今日晚上，我們分開兩批人，老人們先去餐廳拎位坐低，我就去買海鮮。過左大約半小時，買完海鮮去到餐廳門外，幾個老人竟然還站在門外等候。原因係餐廳話未有人交枱，未安排到，估唔到咁好生意。但係再了解之下，原來有另外10人在我們之後到達，竟然比我們更早安排到座位。分別是他們提著海鮮過來，而我們不是。那訂位的目的是什麼? 既然滿座，我們只好轉去其他餐廳。當我們準備離開時，餐廳侍應見到我們手提的海鮮，便突然說有座位可以安排，游說我們多等一會。我們沒有理會，還是選擇離開。這時，餐廳其中一個女職員突然大叫“佢地發爛渣話要走”。這是什麼態度？我們一直站在門外等候，並沒有佔用餐廳任何空間。即使餐廳表示能安排座位時，我們也並未入內打擾。難道客人在沒有騷擾餐廳的情況下，選擇餐廳的自由也沒有嗎？如此服務態真令人大開眼界，永不錄用。

雖然我係香港人，但係我真係從來未去過三聖食海鮮😂雖然興記個大名早有耳聞，但－直冇機會試到🥲適逢家人生日，我終於有機會可以過去興記試吓😍入興記之前，首先要去海鮮街嗰邊挑選想食既海鮮。今次屋企人揀咗蟶子皇、鮑魚、同埋東升斑。呢個體驗幾得意。買完海鮮之後，就可以拎過去興記加工喇😍我哋將蟶子王加工成豉椒炒蟶子王加米粉底，個豉椒汁用梨撈米粉真係一流，個個食到冇停口，話咁快就清晒碟😍椒鹽鮑魚吵到啱啱好，一啲都唔啱，仲好夠淋身，老人家食都冇問題😍睇嚟呢度加工師傳廚藝甚佳，下次一定要再來

平日食都坐滿，整體味道都不錯，青山灣中不錯的選擇，四個海鮮再加四五個小菜都係2500落樓。鮑魚和燒鵝不能不試😋冰鎮鮑魚豉油王蝦清蒸瀨尿蝦薑蔥生蠔馳名燒鵝小炒王豉油王炒麵

屋企人生日飯上湯龍蝦伊麵（自己買料去加工）味道水準正常椒鹽賴尿蝦（自己買料去加工）好好味，鑊氣好夠咕嚕肉皮跪 唔酸 好味道辣酒煮花螺（自己買料去加工）好惹味 夠辣魚（自己買料去加工）正常水準 蒸既時間岩岩好蠔（自己買料去加工）整得好好味

今次吾係去流浮山，係去咗屯門三聖食海鮮😆首先去咗碼頭附近嘅海鮮檔買海鮮，之後再拎去餐廳加工呢度嘅燒鵝好出名，所以叫咗例牌😚食落口仲熱，味道好👍🏻海鮮加工方面就叫咗芝士龍蝦焗伊麵，椒鹽瀨尿蝦蒸鮑魚我最鍾意芝士龍蝦焗伊麵，芝士味好香同伊麵好好夾，加工費用唔貴，會再來幫襯

之前經常黎食海鮮，估唔到一排冇黎質素下降得咁犀利！不單食物質素差，連食物最基本嘅要求--熟！！都達唔到！好失望，難得齊人一齊黎三聖食海鮮，點知叫5樣嘢食有3樣都有問題！海鮮滾湯條魚唔熟、鹽焗蟹唔熟、砵酒焗蠔燶到苦！不單浪費食物，浪費曬買海鮮嘅錢，仲好掃興！！！同店主反應仲要唔認有問題，一時話係佢地嘅新煮法，一時又話喺我地買嘅海鮮唔靚！講到唔關佢地餐廳事咁！唔講都唔知原來d食物唔熟係同海鮮質素有關！完全冇正視到客人嘅意見🥲🙄食到一肚氣，簡直不知所謂！

今日我哋一行人去咗元朗買海鮮，跟住拎咗嚟三聖興記加工去到侍應推薦我哋食，遠近馳名，所以我哋都嗌咗嚟食燒鵝真係名不虛傳，油脂分布平均，塊皮好脆，未咬入口都睇到佢啲肉汁流出來👍🏻蒜香賴尿蝦冇得輸😂唔太辣，但係夠蒜香豉椒炒蟶子蟶子用豉椒煮十分入味，仲用埋米粉做底，啲米粉索完汁唔會乾爭爭，好食!芝士龍蝦伊麵個汁夠濃味，伊麵都夠我地7個人食，份量好多砵酒蠔我地買D蠔都好大隻，咁多樣菜我最欣賞就係呢個，因為炸到個蠔邊好脆!蒜蓉蒸扇貝正常水準，我地覺得冇特別我地都幾推薦黎興記食海鮮，建議食燒鵝~

興記位於屯門三聖村熟食亭地下2號舖, 若乘輕鐵前往可乘505號至三聖總站,行過對面馬路即到. 興記有不少小菜粉麵飯可供選擇, 而主角當然是燒鵝了. 如一家有約三人,肚餓的話可叫半隻 $250, 不太餓的話例牌 $140已足夠. 剛上碟的燒鵝外面皮脆內裏肉嫩, 點一下醬汁吃令人回味無窮. 無論堂食或外賣均可, 但重點是必需要襯熱食, 涼了便滋味大減了. 吃半隻時最尾三幾塊鵝肉味道的確大不如最初入口的一塊,大概是因為油脂凝固了. 另外最好是拌著瀨粉或白飯吃, 否則餐後肚子裏會覺得油膩.

跟朋友入屯門食海鮮！興記食海鮮同燒鵝都好出名！入到嚟梗係要試吓啦！喺海鮮街嗰度買海鮮入嚟加工，由於朋友有相熟朋友喺度做，所以都好放心交比佢哋煮煮出嚟味味都好好食！有意想不到嘅驚喜！燒鵝，真係好好食！燒出嚟熱辣辣！一咬落去個皮仲係脆既！完全冇諗過😍😍😍😍😍😍😍😍😍😍食左都好幾味餸！食完仲要打包拎走！🥰🥰🥰最可惜係真係比較格攝啲，食完要出番九龍都要一個鐘左右⋯⋯不過週末嘅好去處！

住係大西北咁耐都係第一次去三聖食海鮮一行七人👏🏻首先係隔離發記買咗七樣海鮮價格公道，新鮮😆🌟象拔蚌 一味兩吃🌟刺身 爽甜 夠冰凍底下除咗冰塊 仲有椰菜望落都靚啲膽就椒鹽 果然應該聽人講煲湯🤣🤣🌟椒鹽鮑魚🌟起哂殻成隻炸 夠惹味但略帶靭🌟蒜茸粉絲蒸扇貝🌟超級好味😋 蔥花 蒜蓉 豉油汁撈埋粉絲 扇貝都蒸到啱啱好熟🌟豉汁蟶子 米粉底🌟底部依然爽口 係蟶子頭小小靭豉汁濃味 米粉脆 撈埋一齊食好夾🌟蒸斑🌟 蒸得啱啱好 好滑🌟薑蔥蠔 酥炸生蠔🌟薑蔥蠔贏👏🏻 連啲薑蔥都清哂(紅醋係上枱員工倒瀉咗酥炸生蠔炸漿都夠薄只係薑蔥太好食😝🌟長腳蟹🌟接近4斤揀咗清蒸 時間掌握好好 保持肉汁鮮嫩原隻影完相仲可以幫我哋拆分🌟椒鹽豆腐🌟豆腐滑 炸漿薄 調味都好足夠👏🏻最後埋單$1649連埋一碗瀨粉 一碗飯 2支藍妹啤酒加工費14斤半 1千二百左右係抵食既😋💖

同一大班朋友去咗三聖食海鮮，大滿足！睇返啲相已經想再食過😋我哋買完海鮮，就拎咗去興記。興記嘅加工其實唔錯，價錢合理，蒸炒焗炸，佢哋都處理得幾好，啲海鮮煮完出嚟碟碟都好食無投訴。佢嘅招牌燒鵝仲要真係脆皮，不過記住要提早預訂。環境就無容龍嗰啲咁靚架喇，同埋餐廳入面無洗手間，要去三聖邨嘅公廁。寫返低今晚食咗咩先花雕蛋白蒸花蟹鹽焗奄仔蟹粉絲蒜蓉蒸貴妃蚌椒鹽賴尿蝦陳皮蒸鮑魚豉椒蟶子煎米粉底油鹽水花甲招牌燒鵝

昨晚係酒店睇完波已經七點幾，原本打算搭個巴士出去屯門市中心那邊睇下有咩好吃的，經過三聖邨的時候見到有間大排檔好多人吃，於是我地計劃不如變化，直接落車去睇下有咩吃😀好多人係自帶海鮮過來加工，因為我個人不太喜歡海鮮，所以我地睇餐牌落單，要了一份例牌燒鵝，椒鹽豆腐，蝦乾小炒皇，白飯一個。燒鵝皮脆肉滑唔錯😋，椒鹽豆腐外脆里軟，好味👍，出人意料的係小炒皇，份量好多，內容很豐富，跟我之前吃過的完全不一樣🤣，味道也還OK的。平時叫三個餸剛好的份量，尼餐居然吃撐了還有剩，叫兩個應該都夠曬了😅😅

食個午餐食物差不得至，仲要職員態度惡劣，師傅用粗口問候客人。啫係咁，我都知到燒味好睇彩數，但D燒鵝第一次就比全部骨，第二次就全部都係膏加骨，仲要個師傅超大聲係廚房講粗口，問候客人，仲叫客人唔好食啦，雖然唔係貴，$65蚊你可能話唔好要求咁多，但咁嘅態度，係連對人基本尊重都無，實在太過分！！！！！建議大家嚟食嘅時候小心D，如果係被虐狂，嚟間餐廳十分適合你！

Seafood is so yummmmmm!!!!! 超級超級滿足的一餐😃專誠搭車入來屯門同朋友慶生，雖然路程好很遠，車費很貴，但吃完這些美味的海鮮覺得非常值得！朋友生日所以我們開大餐，瘋狂嗌海鮮～ 這裡的蝦貝類種類很豐富！而且我們還點了燒鵝，味道超棒！價錢貴，不過預了海鮮價差不多啦！外面有很多海鮮任你挑選，即揀即撈起，又生猛又新鮮！特別推介隻燒鵝！！！！勁多汁，唔會好乾！大家吃完一定會覺得沒有推介錯！

熱愛海鮮既我，要食新鮮靚海鮮當然要去屯門三聖。我地係三聖自己買左啲海鮮去餐廳加工，有大大隻既瀨尿蝦、聖子、花蟹、東風螺，另外係餐廳叫左份燒鵝，同埋炒西蘭花。呢間餐廳好多客人都係買海鮮去加工，佢地唔會呃料，炒啲海鮮炒得幾好，燒鵝都燒得唔差，好香，但略為肥左啲，三聖係中意食海鮮既人一個不錯既選擇。