水晶晶泰國餐廳 (已結業) 查看

入完石澳游水，要食餐好既，近近地黎左北角水晶晶!!之前一直係幫襯而度既下午茶海南雞飯，今次終於可以試下晚飯時段~甘岩有個4週年優惠餐，我地揀左明爐魚，海南雞，都係$168泰鄉村冬蔭明爐，邊煮邊食，熱騰騰，好入味~~冬蔭公湯底辣得過癮，(其實唔算勁辣，唔食辣既朋友都可以試下)!而且入面有唔少既配菜! 小蕃茄、蘑菇等魚肉質鮮甜嫩滑，重好入味!!!熱騰騰咬落去，真係辣得滋味!!有冬蔭公，當然要叫加象啤。冰冷清涼，而且好有風味!海南雞應該唔洗多講，而度既招牌菜之一!雞肉非常嫩滑，而且肥膏不多，啖啖肉!!見到隔離枱既菠蘿炒飯甘吸引就叫左個，炒飯非常足料，配料鋪得滿滿，有肉鬆、果仁、魷魚、等等，飯內有不少菠蘿粒，非常推薦!!! 

今日提早慶祝爸爸節，黎左「水晶晶」食全家都喜愛嘅泰國野餐廳環境闊落，有卡位亦有大枱，7:15pm去到唔洗等位呢度長做緊呢2張優惠餐牌！我地次次都叫上面明爐魚+小菜果個B餐！真係又抵又好食！因為本身淨係條魚都單價$148，跟餐就$168可以多款小菜！份量仲唔少添架！今次叫B餐「傳統泰式明爐烏頭魚+泰式咕嚕蝦」傳統泰式明爐烏頭魚呢一味次次食都唔會厭！材料好豐富！條魚大得黎新鮮，有雞髀菇、豬肉丸、蘑菇、粉絲等一齊食！最正就係一路食可以一路畢啲湯飲，啲湯索晒啲味好正架泰式咕嚕蝦抱歉掛住食，食完先醒起要影相！呢味酸酸甜甜，蝦球好肥好大隻，食落都冇雪藏味，大約有六粒咁多！其他配菜有菠蘿洋蔥青椒青瓜等。泰式炒通菜呢個冇咩特別，啲菜有啲老。鑊氣OK，勝在夠熱！紅咖喱豬呢個唔算好辣～有好香咖喱味，再加啲甜味！入面有豆角豬肉蘑菇車厘茄餸飯岩晒！泰式濕炒河（豬）呢個濕炒河好有鑊氣食都落左好多菜，豬片唔夠淋。呢碟趁熱食很好吃其實套餐餐牌以供參考～5人埋單共$414

由於腸胃問題平時都不太吃辛辣的食物，但同事們大推下只好捨命陪君子吧。。現場環境與一般泰式餐廳差不多，都是一堆象頭鷹頭泰女像，而且冷氣有點不足，晚上7點幾都仲有少少熱。由於有識途老馬，所以不用花太多時間選擇立馬一個set dinner加2個小菜先。落單唔洗5分鐘即上滾熱辣冬陰功湯，勁開胃，好香夠料同酸辣味剛剛好，連我呢d食完辣會死既人都唔覺太刺激，仲想添飲呢。炒酸辣河炒都幾惹味，炒唔會痴埋一舊又唔覺油，用黎當飯食，不錯，不過沒驚喜。抄泰式通菜？餐桌上鮮有的菜類，用作清腸胃功用來說有點過油，但還是轉頭清晒。呢隻切雞簡直係當晚的一流清泉，肉滑皮香有雞味仲要唔會咬開一舊黃色脂肪，正正（雞脾被搶了）雞豬串燒加蝦丸上層一碟“沙田油”沙律，幾清新，串燒本身上碟有d凍凍地味道沒特別但蝦丸幾好味唔油膩，酸甜味正啦。嘩，全晚第二好味晚既蟹黃大蝦，膽固醇應該超越天際但真係好香，蝦殼都做到軟綿綿就咁食唔洗吐蝦殼（頭尾例外）d肉吸收晒d蟹膏香味，冇得頂。呢個咖哩蟹真係全場總冠軍，可惜在本人唔食蟹，但d汁真係超級正，好多蟹膏加蛋白，十級香濃，立即叫法包點汁食，3大塊法包都仲想食。。望住人地食蟹真係打開可以啖啖肉，

我既概念入面，菠蘿炒飯係好難唔好食既，不過呢日黎到北角水晶晶......就覺得凡事唔係必然 一望落去就覺得個飯有少許濕潤唔夠乾身喇，炒飯最重要既就係夠乾身丫麻，呢到已經扣左好多分，入面既材料既過於單調，得少少雞肉、菠蘿、青豆呀咁，係面頭有好多肉鬚所以加返D分，不過成件事係唔夠香口惹味，反而似濕炒飯咁淋淋地... 調味亦不足，咖哩粉落得太少，成碟飯個色澤都唔吸引

今晚放工去北角找男友，突然又想食泰國菜，咁岩俾我地係open rice 搵到依間泰國餐廳，就特意過來試試。 　我地點了炭燒豬頸肉、泰式蛋包飯、泰式炒通菜、蟹肉炒粉絲，基本上都是我地鍾意食既泰菜。上菜速度唔算快，等了大概15分鐘終於有得食啦！ 我男友最愛的炭燒豬頸肉，果然無令我地失望，份量多，燒得好香好脆，厚薄適中，唔似普通餐廳整既豬頸肉咁又厚又硬，唔洗點汁已經好好味啦！ 泰式炒通菜真心正，平時係屋企好難炒到，好香好夠爐氣，撈埋蒜蓉粒一齊食好好味 泰式蛋包飯一樣無令我失望，份量多，個飯炒得好入味，配料有青椒、蕃茄、蝦等，好有口感。反而蟹肉炒粉絲麻麻地，粉絲炒到好乾，食到一半已經唔太想食，幸好蟹肉夠新鮮，加埋其他配料蛋、菜、蔥一齊食口感唔錯。最後當然是甜品時間～泰式糕點，食落口好煙韌，唔會太甜。 紅色係士多啤利味，黃色係芒果味，白色係椰汁味。最好味是芒果，下次食一定食芒果味！

與朋友相約吃午飯，誤打誤揰走到這餐廳。室內環境正正常常，午飯時間也自然多人一點，擠踴一點，但總算可以的。選了一個泰國的美食，咖哩牛腩。色調不錯，咖哩汁的味道也好，不會太辣。但比較遜色的是牛腩太肥了，脂肪與肉的比例相信有一半一半。在濃濃的咖哩汁相配之下，頓時覺得這一餐的吸收實在有點超標。味道方面都算可以，但仍是因為脂肪問題，不能多吃！

We went there as a large group of 12. And I ordered the laksa from lunch menu.It wasn't the kind of Thai laksa I expected (fresh and spicy) but more of Singapore/Malay style. The broth had a strong taste of coconut and yellow curry. All the ingredients were soaked with the broth which taste good and so was the rice noodle.The portion was huge, I felt a bit full only after finishing the toppings.However when I was half way done, i saw long black hair in the soup that really grossed me out.  I tol

又到下午茶時間，口痕突然想食海南雞飯，醒起附近間泰國餐廳有海南雞飯食，咁就過左去食。下午茶餐$38，有埋嘢飲加多個湯，好抵食首先係個飯，略嫌椰汁重左啲，蓋過咗雞油啲味道，不過都OK雞肉都好亂滑，不過啲雞皮有啲厚總括來講都幾好食，下次下午茶都可以黎再食過

今天去了北角的水晶晶泰國餐廳食晏，應該是下午茶。這裡店員有的是泰國人，而下午茶跟中午飯套餐是一樣的，只是便宜十多塊。點了海南雞飯($38)，雖然不是去骨海南雞，但雞肉嫩滑，份量足。飯是黃油飯，不錯。這個套餐價已包一柸凍飯，而我則點了凍檸茶。還配了一碗冬瓜湯，可惜味精比較重了一點。另外也點了肉骨茶飯($38)，一上檯就傳來很香很濃的中藥味道。一喝之下，令我想起台灣的藥燉排骨。這碗肉骨茶的材了主要是排骨， 枸杞、玉竹、紅棗等。湯用來送飯緊絕一流。這個套餐也包一柸凍飲。今天的出餐有點混亂，我的海南雞飯等了25分鐘才送到檯上，有望改善。

很久沒去這間餐廳吃飯了。這天因緣際會，帶了幾位新同事重臨舊地，發現味道依然，令人欣喜。久違的是這道泰式豬手飯。滷得入味之餘份量極多，皮肉軟腍，入口即化。以附贈的泰式甜酸醋蘸著吃更加開胃，不知不覺便能掃光整碟飯，飽得捧著肚子回辦公室去。飲品方面加$3便可以選擇凍菜蜜，其他特飲要加$6才可。這天選的是龍眼冰，夠甜但不夠冰，算是OK。總結：這是一間不會令你失望的餐廳。(除了上菜速度極慢之外)滿意度：(以5個為滿分)

三五成群如果想食餐好既一定係水晶晶喇!朋友帶我去的!真的吃了第一次還想接著吃!環境和服務都很舒適!食材新鮮.菜式也很創新!獨特既調味料更是讓我難以忘懷!決定再大食一餐!爽!

今日舊同事返黎搵我地食LUNCH, 咁岩佢又揀左水晶晶, 我兩個星期前食過, 覺得好味, 所以就照去, 點知今日竟然冇左上次既水準, 有少少失落先上既係海南雞飯, 好普通, 個飯唔係雞油飯, 一D都唔香, 隻雞似白切雞多過海南雞上次我覺得好好味既就係呢個馬沙文咖哩牛腩, 今次真係讚唔落, 個咖哩好稀, 又唔香, 不過牛腩都仲算係"林", 但好少蝦叻沙, 同事就話好味 (不過佢咩都話好味) , 我就覺得個湯好唔得, 好甜, 冇蝦既鮮味菠蘿雞肉炒飯, 唯一可以讚既係呢個菠蘿雞肉炒飯, 食落非常香口惹味, 菠蘿肉好多, 但食落唔會酸只係短短既兩個星期, 真係估唔到佢會跌到咁, 個菠蘿雞肉炒飯都求唔到我對佢既印象, 上次食完仲話下次要返黎再食, 我諗而家真係冇下次 

今日同同事摸摸下又摸到間未食過既泰國菜, 就中左入去試下我揀左個馬沙文咖哩牛腩, 個咖哩好正呀! 我唔鍾意食有椰汁既咖哩, 因為覺得椰汁蓋過咖哩味, 佢個咖哩係冇椰汁的, 咖哩味好香, 個牛腩好"林" , 吸晒D咖哩味, 成碟飯俾我撈汁食晒另外叫左個泰式濕炒河, 我食野比較偏咸味, 泰式炒河個味係偏甜, 平時出去食會覺得好膩, 但呢度又唔會喎. 個粉粉已經唔可以用一條條黎形容, 係要用一塊塊, 一食就好似塞住個口咁, 不過都唔影響個味道, 如果可以細塊少少會好DD

今日行經北角，見到有間泰國野，入去試下啦,下午茶＄3X 都ok，叫左個蝦叻沙同海南雞飯，上菜都算快, 海南雞飯一般啦，雞都算幾滑口啦，d醬都夠辣嘅。蝦叻沙湯都夠蝦味，因為叫左少辣，所以都可以接受，料有魚蛋，豆卜，牙菜，蝦，以下午茶份量都叫可以。

如果要在東區吃泰國菜我家的首選便是水晶晶了便宜的價格 而且坐得幾舒服這裡兩點開始會有下午茶午餐同下午茶是同一個餐牌的但下午茶會比以前午餐便宜十多元三十多元 相當抵食四個人叫了五個下午茶包括兩碗喇沙雖然餐廳是主要供應泰式食品但新加坡式的喇沙 水準也相當不俗美中不足只是配料相對的較少泰式乾炒河最喜歡吃泰式炒粉類了這裏的泰式乾炒河也好吃炒得夠乾身 不會油膩膩的泰式豬手飯超喜歡豬手飯的滷水味連伴碟的芥蘭也變得更好吃了泰式海南雞飯海南雞飯 雞肉夠哂嫩 而且沒有雪味餐飲除了一般咖啡奶茶可配泰式特飲如珍多冰 (+$6)內裏的芒果條多一點會更好