禾牛薈火煱館 (金馬倫道)

營業中

休息中

返工食lunch不二之選、新鮮刀切牛肉、入口有口感、不會太老、以厚度來說、認真不錯、咁沙嗲湯底、令到所有配料升華、不用點醬料就己經好有品道、韭菜餃係人手做、粒粒都比足料🥰🥰、88一餐算不錯

偶然經過 發現了這間午餐火鍋 $88。不加一這個是一人一鍋的份量 供應時間12-4pm 湯底：清湯/沙爹/四川麻辣飲品：菊花茶/竹蔗茅根 麵類：出前一丁/稻庭烏冬 肉類：豬/牛最欣賞係手切牛肉 ⋯ 厚實有質感不煙韌即包韭菜餃子也十分出色，有時我會同友人追加一碟 如果求質數而不是任食填飽肚子 這個會是首選

禾牛薈火煱館 (金馬倫道)，位於尖沙咀金馬倫道48號中國保險大廈1樓及2樓。 餐廳有兩層，當晚我們坐在二樓房間裏。 首先點了幾款小食📌，有老友鬼鬼、沙薑雞腳、脆炸蜆嘅鯪魚球、 酸薑糖心皮蛋、脆炸魚片頭。 然後到火鍋湯底和配料📌，椰子雞湯、 至尊本地手切肥牛、 特級手切肥牛、 西班牙橡果黑毛豬片、 響鈴、 自家製餃子、精選六寶丸、 白鱔片、美國桶蠔、 花枝片、珊瑚蚌、 炸魚皮、滑豆腐、油麥菜、 雞蛋。 幾款小食裏面，比較喜歡酸薑糖心皮蛋，味道甘香，皮爽流心， 酸酸甜甜幾開胃。 椰子雞湯味道清香， 兩款肥牛， 牛味濃厚，但性價比不算高。 另外比較喜歡美國桶蠔，肉質肥美滑嫩。 其他小食和配菜屬於正常發揮， 不算突出。 埋單大約五百幾一位， 值得一讚的是有房間提供，私隱度高😊。 🏷️溫馨提示～ 整個用餐體驗均屬個人分享意見， 只作參考😊。

朋友叫我去咗一間餐廳試下佢哋嘅新出菜式，喺辦公室嘅一角落，一踏入去已經覺得有啲屋企feel。老闆出嚟迎接，話今日有款特製菜式推介－番茄炒蛋但係做法有啲唔同。我心諗：番茄炒蛋都可以玩嘅咁創新？當然要試吓喇！頭碟嘢係就係特製番茄炒蛋，色彩鮮艷得滯，以為普通嘅家常小菜，一入口就覺得唔一樣。個番茄炒得啱啱好，唔會太爛，仲帶少少甜味。蛋滑得黎帶點彈性，重點係仲有個秘製醬汁淋喺上面，微辣微甜，夾埋個蛋同番茄食，好正！跟住佢哋上咗碟椒鹽雞翼，外皮炸到脆口，撒咗啲孜然粉係上面，香味嗆鼻！椒鹽味道啱哂，啖啖肉咬落去好過癮。雞翼都唔會太油，翼尖炸到金黃色，簡直係摸唔溜手，好想即刻食晒佢！最後呢，就係家傳滷豆腐。豆腐吸晒啲汁，軟綿綿嘅，入口即化，一啖嘅豆腐下去，滿口都係豆香，好滿足。每個菜式都保持得好有水準，尤其係番茄炒蛋，真係出奇喺勝，值得介紹俾啲鍾意食好嘢嘅朋友知道！下次再同朋友嚟這間餐廳，一定要叫多幾個菜式試，飽個順眼先得！🍅🍳👍

❣️必食又高質火鍋店❣️之前午飯有來試過，但係有同事提議夜晚來一餐食飯，所以今日黎左，到店見到都幾多人等位，但都好快入座🕣環境: 舒服寬敞又有大卡枱，一部獨立的電視機📺美食:🥘1️⃣椰子雞煲湯好甜:好重又香濃椰子味，隻雞又滑嫩又多肉，雞肉數量份量足，蘿蔔好新鮮，而且加入湯後，蘿蔔特別甜同美味2️⃣大頭蝦:🦐一碟有3隻，每隻都大大隻，釣完後夾上黎椰子香加埋大頭蝦的鮮味係良好配搭，3️⃣西班牙橡果黑毛豬🐷片:豬肉片係唔錯的水準，豬味濃，食落去有口感又幾彈牙4️⃣牛胸爽🐂:第1次試，好有食鵝腸感覺爽同脆咁，真係幾驚喜!醬汁: XO醬可以揀而且好足料🍽️服務:一見我地入黎就帶位，而且都係好快上碟，完全係貼心，加分!👩🏻‍💼而且呢度價錢都唔會太貴，服務又好周到，我同家人都會再來一試，十分推介客人來呢間試!💞

火鍋店位於尖沙咀，地點好方便好容易搵到，家人生日黎到呢度慶祝一番呢間店環境甚佳🌠，地方整潔又乾淨，仲係每個卡位都有獨立電視提供，好岩我呢種一路食飯一路煲劇的人，而且仲有2層呢，服務員十分殷勤地招呼我地我地一來到就決定點左沙嗲鍋，聽聞好好味，我地點左好多道菜，但我精選左幾種菜來形容下~💞/鮑魚/刺身/重慶炒辣蟹/大頭蝦/鮑魚🤩大大隻，無得輸，肉厚又彈牙，放入沙嗲汁再加埋XO醬就真係頂呱呱，而且每咬一啖都有鮮味刺身🥳真係大大盤，有帶子、三文魚、海膽等等，完全係真材實料，而且應該食鮮運到就送俾顧客食，因為海膽係甜味，無苦澀味，三文魚紋理係清晰 大頭蝦🦐🦐係大大隻，而且有蝦膏，蝦肉結實又彈牙，加埋湯底，鮮味仍然存在而且重慶炒辣蟹🦀🦀都係蟹好多又大隻，炒上去係香口，蟹肉都係多多的，超滿足整體來講，會再叫親戚朋友再來相聚，值得推介👍

今日冬至，同同事們諗住開開心心食個一人一鍋冬至lunch，呢D大時大節，食晏時間有限，同事已經好醒目預先book定位，仲whatsapp落埋單，一心諗住坐低就有用食。我地一行11人準時到達，咁侍應就叫我地撈定D醬料先啦，隔左一陣有個侍應走黎同我地講冇咁多鍋，話要改做單叫，咁ok啦，轉頭又有另一個侍應話我地已經落晒單，只係個鍋鍋由一人前改做兩個大鴛鴦鍋，咁我地都話ok啦。再隔多陣，又再有個侍應好似好驚訝咁話我地叫既野食，係唔包醬汁，但好慷慨咁話今次算啦。再好笑既係，佢話已經冇晒其他野飲，焗我地要飲果D 一 jar既菊花茶，而詭異嘅事件係呢刻要出現，侍應見我地斟完有剩，佢一句都冇問就拎走咗， 竟然係拎走斟俾隔離枱客人，btw，隔離枱遲過我地到，但有一人前嘅鍋用。補充番少少資料，間野係12:00開門，但未一點就話冇晒其他野飲，我估佢地做完個午市都應該係直接收爐。接住就係，我地由12:40坐底等到13:15，個鍋終於出現，不過凈係個鍋only，唔包括野食，侍應話D肉切梗，俾多5分鐘佢，5分鐘後，再叫我地俾多15分鐘佢，話依家多人，咁呢刻多人，關我地咩事？我地坐低嘅時候得兩枱客咋喎，同埋個幾鐘前

今日同同事一行11人下午食做節飯，午市有一人一鍋，12點左右先book 枱都話有位，我地到餐廳之前已經用WhatsApp 落左單，但就話唔夠鍋，叫我地照叫一人一鍋套餐，但就用兩個大鍋一齊打邊爐，咁都ok嘅。12:45坐低，侍應就俾左啲醬料蒜蔥叫我地自己落，等到1點多啲湯底都仲未上，其中一個侍應就拎左3枝菊花茶黎話套餐包一杯飲品，同得返菊花茶，12點先開門，1點就無晒其他飲品？仲有仲要好緊張話我地叫嘅一人一鍋唔包醬料…er…其實係你地同事俾我地叫我地落左先，唔係我地搶架🤣🤣等到一點三，已經坐低左半個鐘，張單都落左大半個鐘。。。終於上湯底😑😑打工仔，其實2點就要返返去公司做野架啦，唯有再催啲野食幾時到。。。打邊爐唔係黎左就食得，仲要烚熟佢架嘛？侍應就話啲牛切梗，等多5分鐘。。。5分鐘後。。。再走過黎話要15分鐘，啲牛仲切緊，話多人，其實我哋坐低時就真係無乜人嘅，仲要黎之前已經WhatsApp 落單，落單時應該仲未午市，到我地催嘅時候梗係多人啦，午市啦嘛，但我地一早落左單架喎！最後唔係我地唔願等，時間真係唔許可呀，下午要返工架嘛！等左差唔多一個鐘，我地轉場去食茶記。。。。其實有無心做午市呢？

12月2日, 星期三, 寒冷天寒地凍打邊邊, 三個人, 食左~~~鴛鴦湯底 鮮奶花膠鍋拼瑤枉火腿冬瓜鍋 養顏, 女士恩物特級有切肥牛  肉質柔軟, 肉味香濃西班牙黑毛豬 口感嫩滑蕃薯蜆  飽滿, 味道鮮老友鬼鬼 油炸鬼釀入蝦膠, 淥幾秒要食, 香脆, 有層次感三式餃  韭菜餃, 雲吞,牛肉餃, 最鍾意食韭菜餃, 好香好足料脆鯇 口感幾好冰豆腐  留番最後食, 最吸味的精華可樂唔多講拉氣氛幾好. 配料新鮮. 

揀咗雙拼煱，養顏椰子雞拼益生雜菌薈湯底；棷子雞好香嘅棷子味撲鼻而來，鷄肉都滑唔＂嚡＂口，雜菌薈有幾種菇類，一D都唔敷衍，包括香信菇、羊肚菌、秀珍菇、蟲草花、鷄脾菇，D菇滾起後，聞到超超超香嘅菇味，尤其是羊肚菌好突出，未開始落火煱配料前，急不及待飲碗湯先.今餐主攻海鮮，同朋友點咗：脆炸魚片頭海鮮併盤鮮活鮑魚脆脘骨腩珊瑚蚌手打蝦滑脆炸魚片頭，人人都鍾意嘅大路小食，上枱時外面仲係脆脆哋好惹味，無論空口食或者送啤酒都一流。海鮮拼盤有游水蝦、廣島蠔、帶子同埋沙白蜆；蝦上枱仍然會郁，肉質彈牙，蠔同埋沙白都鮮味，帶子大大粒，超滿足感.新鮮飽魚又係大隻嘅，放在雜菌薈湯內淥（不要過熟），食得出鮮鮑魚嘅鮮味👍🏻，原來用菇菌湯淥鲍魚好夾，沒有搶去鮑魚味道.脆脘骨腩，切功厚簿適中，啖啖魚肉滿足要求。珊瑚蚌口感爽爽的，很過癮一口接一口無停過😃佢哋嘅手打蝦滑，果然係招牌推介，食到粒粒蝦肉，沒有粉粉的感覺，真材實料。

物超所值的火鍋店今次俾我發掘左一間火鍋店係超抵食而且坐Vip房仲無限時數同最低消費又唔收開瓶費而且餐廳設計都好寬闊而且坐得好舒服我地5點幾就入座，怕6點後會高朋滿座🤣呢度好多湯底同菜餚可以揀呀!款式種類都好多!💯最後揀左胡椒咸菜豬肚湯來做個湯底好足料呀，胡椒味超重，咸菜好多而且豬肚好爽，整體黎講，整個湯底都係好正叫左好多款菜，特別想讚係冬菇釀墨魚滑、白膳片同蝦🥣冬菇釀墨魚滑爽滑彈牙重口感，冬菇香氣同鮮味都好夠，而且鮮墨魚滑很鮮味同好彈牙，簡單又看樣子好吃，打邊爐十分唔錯~然後一碟白膳片🐠都係有好多，至少有8塊，膳片係很厚一片，完全係用心之作，魚肉結實而且鮮味十足，的確係必食之選蝦🍤係新鮮又大隻而且又爽又甜，食落去超滿足，整碟放入咸菜豬肚鍋超快完成整體來說，呢間火鍋店係食材新鮮，服務周到，值得一讚!

個晚同男朋友突然想打邊爐，但又想睇英超。打去book枱，員工好主動問睇唔睇波，可以安排有電視既卡位坐，當然即刻話好。去到滿心歡喜期待等睇波、落單打邊爐。一開始我地話想睇英超，佢叫我地自己教台，整左陣搵唔到再叫另一個員工搞。如果睇唔到都唔會留喺個到食😑搞左一輪，終於搵到個台，就落單。餐廳環境食物服務都正正常常啦，晚市7:30-9:30有live band，仲可以點歌聽(如果佢識唱). 個晚雖然唔係咩英超大賽，但live band同場波既時間撞到應一應😂連中場休息時間都一樣。我同男朋友超級無奈，加上band友正正係我地斜後面唱(literally 你坐係個位邊邊 你係掂到佢個種斜後面)😅卒之，就咁聽住佢既歌聲睇英超，唯有自己做旁述

同一堆懶嘅人做朋友要約出嚟食飯已經係非常之艱難，約完出嚟仲要諗食乜，再要配合各人喜好係難上加難，所以一於一鑊熟就打邊爐啦！呢間火鍋店其實我揀嘅，不過都係亂揀，因為懶hahah 😂坐低覺得都幾舒服，因為同行好多人，所以我哋叫咗好多嘢食（詳細可以睇返張單😂）我哋叫咗兩個鍋分別係寒天翅瓜滑雞鍋同埋牛雜湯底！雞湯底就好有特色，不過個人都係覺得牛雜湯底好味啲！值得推薦嘅食物有幾款：老友鬼鬼不嬲都係油炸鬼fans，自從開發咗用油炸鬼打邊爐之後基本上每餐都要食，所以覺得好好味至尊本地手切肥牛其實唔係極上盛嘅牛肉，但係都叫做好大份，而且好大食肉質都好幾香 手打牛丸我覺得佢哋嘅牛丸，肉質非常好，食落去好Juicy牛肉味亦都好濃，而且非常有咬口係我鍾意嗰一種牛丸嘅Type另外叫咗一碟熟食 一口雞軟骨覺得揸得幾香脆，不過計完骨本身就好難整得唔好食hahah整體而言中規中矩啦，一大班人食都係為咗開心啫，不過會唔會再嚟食就未必啦，可能會再去尋日更好嘅打邊爐舖頭！

這家禾牛會是最近我們在香港，吃過最好吃的火鍋。和牛新鮮，菜品種類超多，十分推薦香辣蟹這裡的川味美食，對於愛吃辣的人一定不容錯過。如果不能吃辣可以點骨頭湯鍋，還可以點雙拼

【油尖旺區】【禾牛薈火煱館】喺尖東同個同事搵嘢食，放心，係男同事嚟，一向都係同佢出去做啲試食 job。但係呢排我都冇乜 job 做，有得做嗰次又自己唔舒服推咗，所以都有一段時間冇同佢食飯。咁啱大家都有啲時間食飯，就去打邊爐啦。嚟到尖東呢間火鍋店，其實係我揀嘅，不過我都係求其揀，呢度附近都幾多邊爐或者燒肉等等。只係 1am紅館 嘅 post 我多數係自己食嘅，因此一直都冇機會食呢啲咁解。樓下有阿姐安排入座，搭電梯上到二樓有人帶位入座。坐低覺得都幾舒服，安排咗角落頭卡位，私隱度幾高，而且有獨立電視，幾啱啲中意有私人空間嘅客人。我哋入到去湯底要咗 $198 嘅「招牌禾牛薈」，有牛肚、牛膀、牛筋、大腸，其實就係牛雜牛骨湯底咁，又幾好，濃而不膩。火鍋料主要食 $368 嘅大「本地招牌手切肥牛」，質素平庸咗啲，灼多一秒都變香口膠，牛味唔算好出。而 $188 嘅「自家製四寶丸」有手打蝦丸、墨魚丸、鯪魚球、牛丸，我哋幾中意個蝦丸，粒粒鮮蝦幾好食，算幾驚喜嘅。叫咗個熟食，係 $98 嘅「脆豚牛卷」，外層酥脆，餡係以自家手切本地肥牛釀製，係有大腸嘅口感，點埋個糖醋汁，唔錯。飲品方面叫咗 $68 嘅「自家製