星座冰室

營業中

休息中

10幾年前好鍾意食，知道大廈要拆，餐廳將會結業，本心諗住趁仲有嘅時候去食多餐！ 但實在太令我失望，記得第一次食嘅時候驚為天人滿滿嘅茄蓉舖面，真材實料，酸酸甜甜，連湯都飲埋！今日再去食，個湯只係死鹹嘅重茨湯底，面頭就少少蕃茄少少牛肉！幾啖就食完好似冇食過嘢咁⋯唉！

尋晚係Twins嘅演唱會，不經不覺佢地已經出道左22年，香港人見證佢地既成長。22年感覺好長，有好多事情喺中間發生，產生左好多唔同既回憶。佢哋中間經歷好多嘅挫折，但係到今日仲咁多人支持，因為佢地一直有專注於自己喜歡同埋應該要做嘅事。係香港一直唔喺主流嘅跳舞組合，可以堅持到今時今日，實在令人佩服。唔知要繼續做好呢件事再多些40年，佢地又做唔做到呢？ 66年開始經營的星座冰室，同Twins一樣，一直咁做好自己嘅本業，就咁樣已經做到第四代，時間係Twins既3倍。最近香檳大廈要重建，佢哋都因此就嚟要結業，有好多報導訪問林老闆。我覺得佢真係一個踏實又默默耕耘既人。佢既說話樸素，一啲吹噓都冇。淡淡咁道出左咁多年喺香檳大廈嘅所見所聞同各種變遷。佢冇羨慕唔同過客嘅風光，佢冇挑剔喺呢間大廈嘅各個行業。睇得出佢就係只要專注於自己所做嘅工作，融合於食客。禮記之中，敬業樂群，說來容易，我相信星座冰室喺呢66年入面，真正咁做出左個典範。 🍖我自己幫襯過星座冰室好多次，呢日又黎到午餐，岩岩聽到隔離枱好大聲咁問:呢d咩黎架？我地明明叫左蕃茄牛肉通粉，點解會有塊雞皮？林老闆不慌不忙解釋係好正常既事，要熬個雞湯出黎，

幫襯左呢間老牌茶餐廳已經20幾年，最鐘意係小店嘅舊式老店情懷，雖然唔可以講得上非常好食，但係咁多年都keep到水準，今日叫咗蕃茄雞絲撈蛋公仔麵$50，雞絲好夠味，而且大大碗，一定夠食!

第一次食呢間蕃茄麵係喺中學年代，仲記得第一次去食勁難搵，因為佢喺尖沙咀香檳大廈斜路嗰邊入口，仲要經過人哋間舖，行去好似後巷嘅盡頭再兜入去先係。早幾年有傳會執，好似話棟大廈會收返，但執極都仲喺度🫢 不過最唔同嘅係，愈嚟愈少人食，我上次去大約8/ 9點，得我一枱客😂基本上我單拖去食嘅話，一定係食呢個 #蕃茄豬扒麵 ，超多蕃茄汁，個麵掛晒汁，再加上個豬扒都入味。檯面有一大盒冬菜，我次次仲會落勁多食🤣🤣不過不得不提，除咗位置隱蔽之外，其實行入去條行都有少少陰暗，成日都見到有老鼠曱甴出沒🫢 衛生麻麻😂

朋友帶路嚟到一間非常懷舊嘅冰室，真係估唔到尖沙咀鬧市中會有間咁古老嘅冰室🤭連門口都要搵吓先入到😂不知不覺走入咗一個商場門口，穿過一條好隱蔽嘅走廊彷彿穿越回到七八年代嘅舊香港🇭🇰，而呢間冰室真係有超過50年嘅歷史，喺尖沙咀屹立半個世紀真係唔容易，可以喺消失前親身嚟到表示興奮🥰餐牌好簡單，分咗熱飲、凍飲、早餐、全日茶餐、小食、蕃茄麵、蕃茄撈蛋麵、其他精選粉麵同埋三文治.多士，我哋兩個人都選擇咗🍅蕃茄麵🍜各自加唔同嘅餸😋每人一杯飲品同埋再share 西多士，呢餐每人平均$83，8-9成飽！🧀🍅芝士蕃茄牛麵🐂🍜 $44➕加煎蛋🍳 $6 （可以有好多配搭每加一餸$6）😋食後感：-講到明「馳名蕃茄湯底」當然要品嚐一下以蕃茄湯底為主嘅麵啦🍅🍜有好多唔同嘅配搭可以不停加🤩我選擇咗牛肉、芝士同煎蛋😋-成碗麵勁蕃茄，啲蕃茄蓉好好味🤤👍🏻麵係平時舊式茶餐廳/冰室專用嘅大光麵，加埋牛肉、芝士同煎蛋，豐富好味😋👍🏻✅必點🧋凍奶茶 $18😋飲後感：-嚟到舊式冰室更係要飲番杯奶茶啦🧋係杯度見到奶同茶嘅融合😂突然覺得好治癒☺️-好懷舊嘅味道，茶底正甜度剛好～正😋👍🏻奶茶控✅必點🧈西多士🍯 $30😋食後感：-咁邪惡😈嘅西

星座冰室一值人氣高企，隨着香檳大廈即將要拆，決定一黎試試點了芝士蕃茄撈蛋麵 （$44），撈完朋友話係嘔吐物麵。。賣相係唔吸引；味道驚喜係有麻油味同多蕃茄。撈左麵之後每條麵都有蛋汁。下次想食會返屋企自己煮。凍奶茶 （$18）我叫左少甜少冰。野飲完全唔得，雖然上枱係似茶味濃，飲落冇茶味；似飲緊糖漿水。要留意食物飲品係散叫，冇麵餐。 各位想黎食，我覺得要有心理準備會見到米奇老鼠先好黎食。（落得黎就拆嘅舊樓食嘢係預左會有）

香檳大廈地庫商店已經十室九空, 唯獨係星座冰室仍然人流不絕, 馳名茄牛麵聽就聽得多, 多謝帶路终於試到一人一碗, 上枱2碗都係滿滿嘅濃厚蕃茄湯, 淺色D既係撈咗雞蛋, 以為會係蛋花點知係咁樣混埋個人覺得通粉比公仔麵更夾蕃茄湯, 湯底濃厚度近乎燴麵level, 純粹係蕃茄蓉, 中間有粒粒鮮蕃茄, 牛肉唔算係上品但係冰室嚟講冇用鬆肉粉都唔錯, 最後連湯成碗清哂舊冰室既茶走有水準, 唔會太甜而且夠茶香夠順滑不過論CP值就平平, 每樣都係單點, 想叫返茶記常餐份量就要麵加全日茶餐, 接近90蚊

每次去位於大廈地庫的星座冰室時, 也會經過一條充滿歷史痕跡的樓梯, 一邊是按摩店, 另一邊就是冰室. 香檳大廈是男人的天堂, 除了尋歡外, 也有相機店和錶行, 花上一晝玩下錶, 相機和鏡頭, 餓了就去冰室吃個Late Lunch或下午茶, 也是一件賞心樂事.這裡的茄牛通味道十年如一日, 就是酸得自然, 蕃茄果肉豐富, 茄膏味不會蓋過自然果酸和果甜, 湯汁較稀, 牛肉頗淋, 而通粉口感多夠爽. 食客不多, 出品質素自然更好. 加上煎蛋而非炒蛋, 除了帶多點煎香味道, 蛋漿和湯汁結合起來, 令湯汁更濃稠, 這就是街坊的配搭和美味. 香檳消失雖然暫時未有時間表, 但既成定局的時候, 趁着還未有排山倒海的人龍, 好好去吃懷念一下就是.Star Cafe has been operated for more than 50 years and the Champagne Court will be redeveloped soon. The tomato macaroni is her famous dish. The natural soup with many tomatoes make i

星座冰室signature～芝士蕃茄撈蛋麵～芝士蕃茄撈蛋麵味道🌟🌟🌟🌟🌟5/5價格🌟🌟🌟🌟4/5分量🌟🌟🌟🌟🌟5/5芝士蕃茄撈蛋麵～super星座冰室開業超過50年～永遠去星座冰室都係叫同一樣野，今次終於有人陪，唔係自己食或者叫外賣，堂食份量同外賣差不多，不過外賣好似係酸d同鹹d。建議可以食一啖番茄撈蛋麵先，撈晒全部再繼續食～hehee～係童真既味道！今次有人請唔記得左幾錢lu

夜晚想搵個冇咁多人之地食飯，友人提議去星座冰室，講起來真係有十年冇去了！（仲要唔確定間店仲係唔係到⋯），當去懷緬下(又會）。依然個地址係香檳大廈（係7月夜晚去之下倍感陰森）依舊嘅隔局，但價格當然唔係依然啦（十年wo)!反而在意係味依然好食。簡單而帶舊式的茶記格局，8:00去到冇乜人。餐牌，都係想食牛肉蕃茄撈蛋麵。牛肉蕃茄撈蛋麵，$44。又係果句，賣相絕對唔討好(唔講咁白喇），但味道先係重點，蕃茄撈蛋湯底味道濃郁鮮甜，口感豐富，keep到水準，好味！而牛肉份量好少味道普通。蠔油中雞翼，$50，有6隻，雞翼肉質滑夠入味。凍鴛鴦，$19，既有奶茶的順滑又有咖啡的香味，有水準（而加真係好難搵到間好飲）。餐廳格局及味道印象上都冇乜點變，用普通食材做出水準之作，唔講賣相同噱頭只講味道，堅野來！（有感而發疫情之下好多老店真係買少見少⋯）

前排男朋友提議去咗呢一間餐廳食嘢🤩知道Instagram有人介紹呢一度性價比好高，所以即刻book枱享受一下！😍雞髀薯條上枱香噴噴，口感好好，香嫩多汁，非常惹味，好好食💯

嚟到星座冰室！當然就要食佢哋最出名嘅蕃茄撈蛋麵🍜雖然望落賣相真係唔多開胃～～但係個蕃茄撈蛋醬真係好出色😍粒粒嘅鮮蕃茄肉🍅再加埋嫩滑嘅蛋🥚撈埋落個公仔麵度食 口感都幾夾😆

香檳大廈呢間地下室我每次都只會獨孤一味叫呢個蕃茄餐肉麵 ($𝟑𝟖)真係好欣賞呢個蕃茄濃湯🍅好有厚度質感可以用燴麵黎形容而且蕃茄蓉多用料十足！兩塊午餐肉每次都一定有煎過帶有少少脆邊🍜麵條唔係特別用出前一丁只係普通大光麵但都非常彈牙有嚼勁熱奶茶呢到都算係無得輸所以呢個變左我自製既必食套餐lu

今朝08:15,已在app落單,08:30亦至電餐廳說在App落咗單,轉頭嚟攞,電話中女職員晦氣回應,(得喇),心諗😒咩事呢？去到餐廳竟然女職員說,我哋沒有收到任何落單資料,但為何在電話裏唔同我講,如果喺電話度同我講可以即刻落單,去到就唔使再等,去到要重新再落單,都啱緊要,問題係因為我要趕住返工,佢哋慢條斯理完全唔合拍,呢個推嗰個,嗰個推呢一個.🥵碟炸雙丸$51😩切開一半炸,共14半粒🥵我想講,我已成功app落單,餐廳出唔到單,關我們事嗎? 我哋嚟都仲要冇得取,仲要等咗半個鐘,仲要遲到返工,真係食到一肚氣! 真係好唔想要,因為信用卡付款,為免退款麻煩,只有等候! 張單都唔細,訂咗四百幾蚊,食到一肚氣！👆炸雙丸$51🥵

見有食評推薦呢間野，膽粗粗一個人來試伏，餐廳位於香檳大廈地下，環境衛生相當惡劣，除低口罩已經一大陣塵味，(雖然唔關間鋪事，但見到都唔開胃)入到去menu一個蕃茄撈蛋公仔面就要近$50，仲要唔包野飲，CP值非常低。(平時茶記常餐$50有 面+包+蛋+火腿+野飲)好啦，野食來到試下咩味，就好普通公仔面味再加蕃茄味，撈蛋唔知撈左係邊完全食唔出。份量亦只係一個公仔面既份量，男人食唔飽。唔明點解有人推薦，真心唔會再食呢間野。