添好運點心專門店

營業中

休息中

有老友過開嚟中環搵小弟食晏，當然應約啦，就番佢方便泊車，行遠少少過到嚟香港站嘅「添好運」飲茶。午市超多人，但老友幫手等位，慳番我好多時間。不過安排入座方面，個阿姐態度、語氣確喺幾差！環境唔講啦，晌鋪面一眼睇晒，簡單而言，就喺裝修簡約，企理光猛。打開張點心紙，有咩食都列晒出嚟，蒸點、煎炸點、腸粉、粥粉、燉湯、小食、甜點……等等，而茗茶睇你揀咩而定，有傳統熱茶、特色熱茶及冷泡茶。啲招呼就基基本本啦，勝在又唔收加一。酥皮焗叉燒包 $33呢個喺招牌點心，目測所見，近乎枱枱都有嗌，我哋就當然都要試試啦。一客3個，個個都烘得金黃，外層一咬落去好鬆脆，包身好軟熟，而裡面嘅叉燒餡又多又好食，醬汁唔會過多而顯得太濕，又無乜肥豬肉喎。黃沙豬潤腸 $32飲茶食點心點可以無腸粉架，叉腸、蝦腸成日食啦，所以，揀咗豬潤腸，亦喺店家嘅推介之一。單睇外觀，外皮拉得薄，少少透到啲豬潤出嚟，腸粉入口好滑溜，但又唔會話好易斷，而啲豬潤份量唔少，又起晒沙，夠粉香，好食。香滑馬拉糕 $28點心中另一經典就喺馬拉糕，雖然唔喺話必食嘅點心，但我都好想食。睇到馬拉糕中嘅氣泡就知蒸得好鬆軟，食落果然唔錯，入口又好有黃糖嘅香味，當然，亦

該鋪頭開業已有10年,位於地鐵站出入口旁,店內座位少,主要是打包外賣。 店主熱心服務,訂單處理迅速,經常有附近上班人員光顧。商品價格親民,容納不同消費群體。是地鐵站附近人氣很高的小食店。餐廳名字:添好運點心專門店 (中環) 餐廳地址:中環港鐵香港站HOK 12A&12B號舖 第一道菜式:晶瑩鮮蝦餃,內餡嫰嫰海鮮添口感,外皮薄脆在口內迅速融化第二道菜式:鮮蝦腐皮捲,新鮮蝦肉與美味腐皮包裹,嚥下香 crispy感十足第三道菜式:鳳抓排骨飯,鳳抓清爽而入味,與爽脆排骨同食成濃郁的趣味飯款

服務員唔想服務，只顧住閑聊，問嘢職員回應態度懶散，唔多想應客人。唔係一次，幾乎次次都係咁。食物一般，不過不失。唔太驚喜。但職員就由上至下都是十分惡劣。如果唔係陪伴鐘意食，我都唔會去。

食物:4/5       環境:3/5       服務:3/5       性價比:3.5/5              食物:  一向頗有名氣既點心店。食物水準中至多少少，咁多年質素冇乜點變。最出名係雪山叉燒包, 有時唔夠熱唔夠脆。     環境: 都少迫, 但食過都預左     服務: 正常,     性價比: 質素同款式都算好，價錢都相宜, 除左位置都比較隔涉, 唔會特登去, 經過開可能會食回憶下

2024年2月18日入座時間9:45am。 在沒有大排長龍下，很快有位。第一輪上了食物，我舉手加單說唔該，但估不到侍應回應「冇手丫小姐⋯」, 點解職員唔可以用禮貌一點的方法說如「轉頭幫你」加句唔好意思。添好運係咪對待職員也很差呢？同埋強烈建議加強培訓。去過咁多間食肆，未試過有這種的回覆。如果米芝蓮有個獎叫服務質素低劣食肆它絕對入圍。知道你們唔怕冇客，但香港優質服務係我們香港人共同的成果做出來你不要破壞這名銜。我們買單時另有內地客嬲到講粗口，仲話香港質素低。我再睇OpenRice 原來都有不少食客覺得態度有問題。希望添好運的職員，不要影響我們香港的服務業質素。食物春卷好味，但有點油。叉燒包、蘿蔔糕、鹹水角有點凍。鳳尾蝦多士不錯。最好味就是免費的桂花糕。

添好運係星級點心，係本地人，遊客都係必食之選。原來係香港站地下都有一間分店，位置好偏僻，不過都坐滿人，而且大部份都係外地人。好好彩，我同朋友可以同一對外國人搭枱，唔使等位。我地各自叫咗自己想食既點心，一齊分享，結果成枱都係點心。- 酥皮焗叉燒包 ($33)必食推介，一定要食，同埋要趁熱食。外層超級香脆，內裏有叉燒，中西合璧，好好食。- 香煎椰汁紅豆糕 ($25)鴛鴦煎糕，好重椰汁味，口感香糯，少少甜。- 黃沙豬潤腸 ($32)依個配搭比較少見，黃沙豬潤口感粉嫩，唔會太鞋。- 鮮蝦燒賣皇 ($40)，古法糯米雞 ($42)，蛋白蝦春巻 ($36)依三樣點心都係比較常見，不過都係高水準，好好食。

等候安排已經混亂，取票機暫停服務，服務員又很忙，十問九吾應，門口得個保安叫人排隊，但冇安排龍頭龍尾。入到去坐低服務態度極差！食食吓，有隻曱甴喺側邊眼神水平爬緊，嚇到冇胃口再食！以後不會再來，

話說今日去添好運試咗幾款招牌點心，真係令人驚喜！晶瑩剔透嘅蝦餃，一咬落去，蝦肉彈牙得嚟又鮮甜，皮薄得黎唔破，簡直是蒸點界嘅極品。燒賣呢，啖啖肉感，蝦肉、豬肉同冬菇嘅mix真係正！仲有，點能錯過酥皮焗叉燒包，鹹甜交織嘅口感，好想再來一籠！呢裡嘅韭王鮮蝦腸粉滑溜溜嘅，蝦滑唔講咖，爽口勁彈，但如果腸粉皮再薄d就正喇！班蘭雞就啱晒鍾意泰味嘅朋友，不過唔夠肉令人小小失望😓。而豉汁蒸鳳爪腍稔稔嘅，入口即化，豉汁香濃夠哂味！對於愛試湯品嘅我，杏汁大白菜燉豬肺真係一絕，杏汁味甜中帶韻，豬肺腍滑又無腥味，正！煎蛋牛肉飯呢個最正，牛肉滑疑似訓著飯上面🛌，隻煎蛋流心，淋上豉油，佢嘅美味簡直係屋企都想整！最後點心部分，杞子桂花糕同椰汁紅豆糕，香甜兩款都得，特別係糕品溫暖嘅芳香，咬落有勁，解甜點之渴。回味無窮，令人想再去一次🤤！總括黎講，添好運嘅點心夠曬地道，依家嚟食仲唔使等，快啲約埋三五知己去攞籠嘆吓！

首先，攞飛等位好正常。不過攞完飛個著security 風褸外套阿姐叫你攞完飛一個跟一個排直線 唔知點解？門口個公仔麵頭眼鏡阿姐口氣可以改善下 唔知以為我排緊福飯 （其實排福飯相信人哋都唔會有咁嘅態度）2. 到齊人先入 明白 不過其中個位係走廊加張圓櫈坐走廊 條窄到不得了嘅走廊 仲要係茶水點心係你背後走嚟走去 只希望侍應們攞穩3. 炒麵 冇豉油香味 又淋又油又細碟4. 炸両 滿口油D油益味好重 當然亦唔脆5. $40一籠燒賣，其實其他酒樓都好食過佢 蝦唔新鮮 未到變味 但已不遠已5. 下 咁有冇可以食？ 有！雪山叉燒包 鳳爪排骨飯

最近三兩個月就加價一次，而服務質素則每況愈下：侍應態度非常差，食物雖然尚算美味，但比較起從前卻是差了，食物的種類與選擇也少了。整體而言．越來越令人失望。😩😩😩

喺中環收工口淡淡想食啲中式嘢🤣🤣於是就去咗中環機鐵站呢一間添好運點心專門店買晚餐今日我就買咗碗皮蛋瘦肉粥，叉燒包蘿蔔糕❣️同埋一份鳳爪🤤🤤個皮蛋瘦肉粥用了豐富仲有啲鹹蛋嘅香味，而且個粥唔會太浠，煲得相當綿滑🤤🤤叉燒包係菠蘿叉燒包嘅感覺，熱食外脆內十軟😋😋非常推薦😋蘿蔔糕亦都用了豐富，食到蝦米嘅同肉嘅鹹香🥰🥰煎香左之後外皮有少少脆口，再配合蘿蔔嘅甜味，真係一流鳳爪呢就正常發揮調味都夠，而且份量都OK

我最近去咗添好運點心餐廳食飯，不過係到面對到好差勁嘅服務態度。呢度特別要提香一位叫馮姓嘅點心師傅，佢嘅手藝將點心炮得生得！我覺得好可惜同埋好憤怒。當日，我同朋友一齊去添好運點心餐廳享受美食。不過，嚟到我哋入到去，我哋就被對待得好差勁。啲服務員一古腦返態度咁差，無礙咁咁樣，就即時令我哋感到唔受歡迎。我哋試圖問佢地啲菜單嘅菜式資訊，不過佢地嘅回答好無禮同埋敷衍。呢種態度真係令我哋好唔舒服。仲要係，我點咗一份燒賣之後，發現到裡面竟係生得！我真係好驚訝到。我同埋香點心師傅表達咗我嘅不滿，但佢竟然冇一丁點歉意同埋根本唔在乎。我好生氣地將燒賣推返畀佢，要求重新炮製熟透啲嘅。不過佢就冷漠地拎走。呢種服務態度同埋質素真係令我對添好運點心餐廳好失望同埋憤怒。一間餐廳應該以提供高品質啲食物同埋友善嘅服務為基礎，但添好運點心餐廳呢方面完全唔符合。希望添好運點心餐廳俾足啲重視嚟，改善佢哋嘅服務態度同埋點心質素。咁樣先可以贏得番顧客嘅信任同埋支持。如果佢哋繼續係咁差嘅服務品質同態度，我就唔得不考慮去其他餐廳滿足到我嘅需要。希望添好運點心餐廳趁早引起重視同埋立即採取行動解決呢啲問題。希望佢哋將來可以提供更好嘅服務

好日都唔去食下添好運，排左陣職員話一個人要搭枱，好啦一次半次算數，一坐落，個位又細又迫，人地三個人嗌多少少野食，個手肘擺過少少我都無哂位，想嗌多d野都唔敢，我理解一個人要搭枱無可避免，但係可唔可以安排個闊少少既位先畀人搭？嗌左個蝦餃同肉餅飯，蝦餃唔覺得好食，個飯又乾又硬，食到一半已經想放棄，但本著要畀92蚊埋單，點都要頂埋佢，我未試過畀差唔多100蚊食野要咁委屈，無得坐得舒舒服服食野，我寧願買個老麥坐係碼頭食好過，最後真係食唔到落去就放棄了，92蚊食d咁既野，不如食快餐好過。

呢排天氣咁熱，放lunch最緊要去啲由頭到尾都有瓦遮頭嘅地方，所以呢排同同事都好鍾意去係香港站入面嘅添好運飲菜🫖傳統點心就中規中矩，因為價錢平，所以性價比都好高。最近刪除咗幾樣新嘅點心菜式，一於同同事試試佢😎🍤櫻花蝦珍菌醬撈粗麵（$45）個人認為粗麵比較油，亦唔係好有珍菌醬味，下次可以唔叫🫠🫓泰式鮮肉脆餅配自家冬蔭醬（$48）個醬好有泰式風味，酸酸甜甜咁，同個肉餅好夾😍🥞脆皮炸斑蘭鮮奶（$38）斑蘭味好出‼️而且炸粉好薄，裡面嘅鮮奶餡好滑，好似雪糕咁🍦好食到忍唔住兩件🥰🌽米網鮮蝦栗米忌廉卷（$45）鮮蝦粟米忌廉卷有好重嘅鮮蝦味，因為佢用米網包住嘅關係，唔會好膩，好創新好推介😋

細個嘅時候個個星期都會去飲茶，大個咗之後就少咗好多機會🫖🍵今次就去試下馳名嘅添好運點心專門店，喚醒返兒時回憶🧏🏻‍♀️.一去到我就知冇去錯地方了，係好遠已經見到有勁長嘅人龍排緊隊，係等緊位嘅期間店員會俾定張點心紙我地揀野食，好貼心🫶🏻因為大部分都係一group group 人，我地得2 人，所以唔洗等好耐已經有得入去食😚白桃烏龍嶄新冷泡茶 $15/位平時飲茶都係得熱茶，見到呢度有冷泡茶嘅選擇，就點嚟試下，烏龍茶有淡淡嘅白桃香味🍑就算茶濃都唔會澀口，天氣咁熱有得飲返杯冷泡茶解解喝，舒服哂💦鮮蝦燒賣皇 $40去飲茶必叫嘅其中一樣一定係燒賣😸呢度嘅燒賣好足料，豬肉好新鮮，而且入面有大大隻鮮蝦，仲有一粒紀子係面頭做點綴🙌🏻蜜味叉燒腸 $32第二樣飲茶必食 - 腸粉🤘🏻叉燒一啲都唔韌，好淋，腸粉整得好滑，「噓」一聲就食咗落肚🤣家鄉鹹水角 $28我覺得食鹹水角就係食佢個皮🤪外皮炸得好酥脆同煙靭，加埋入面有少少肉陷，外皮甜內陷鹹，襯熱食好正呀🥰酥皮焗叉燒包 $33終於嚟到我最期待嘅酥皮焗叉燒包🥹雪山外皮香甜而且焗到脆卜卜，一咬落去入面嘅叉燒陷爆哂出嚟，一鹹一甜，好食到想叫多一碟拎走🥡🤣唔怪得知個個嚟到