譚仔雲南米線 (已結業)

今日收工後到屋企樓下買左碗三小麻辣既雞肉牛肉米線，之所以鐘意譚仔係因為佢獨特既湯底係冇咩其他普通米線舖可以比擬，米線柔軟度恰到好處，麻辣鮮甜醒胃，適合我呢種鐘意越辣越刺激既感覺。除此之外，仲點左份豬耳，小食黎講，土匪雞同埋豬耳一定係最好食！肚餓一定要叫既。平平地五十幾蚊有找！真係好平呀。

幫襯過幾次外賣，之前試過收多左我錢都算，今日又叫我加幾蚊可以多杯特飲，咁我有兩碗米線加左兩杯啦，又俾漏一杯我。。。。。。。。。。。。。。。。。。。。。。。。。。。。。。建議大家如果真係要幫襯呢間分店外賣，一定要睇清楚佢找幾多錢同埋點齊野先好走，因為已經唔係第一次發生呢個情況！！！！！！！！！！！！！！！！！！！！！！！！！！！！！！。。。。。。。。。。。。。。。。

譚仔我就幫襯得多喇，不過長期都淨係食番茄辣湯底，又有啲酸酸辣辣味，又唔會好似酸辣湯底咁濃味，我好滿意。終於，係至愛麻辣湯底嘅男友三番四次嘅轟炸推介之後，我都第一次嘗試麻辣湯底。一試，實在驚為天人。印象中麻辣湯底成日都會辣到喉嚨好唔舒服咁，點知今次我order嘅呢個五小麻辣湯底食落好舒服，帶有淡淡胡椒香氣，辣都僅限於係口腔入面揮發，絕對唔會食到成塊面都係口水眼水咁。再加上魚腐索湯嘅特質，一啖口感粉質嘅豬潤，一啖彈牙嘅米線，同香味撲鼻嘅麻辣湯底一齊吞落肚，的確係人間美味。

麻辣汁烤雞炸醬撈米線 $43叫左小辣，但辣度似乎比湯米線弱。烤雞上有照燒汁(?)，好甜，好彩有酸菜中和下，否則成碗野可能濃味到食唔哂。我本身都好鍾意食撈麵類，同埋都偏重口味，但呢個真係好咸/濃 😥炸醬 as expected 會比較多油，無左湯沖淡啲，應該食左好多油落肚 🐽

一開始唔識食只係識得嗌清湯，食過番茄三小辣之後就返唔到轉頭啦，夠味之餘仲可以食到粒粒嘅蕃茄超甜超有味。不過有時想轉下口味就會食下酸辣湯底，酸酸地都幾開胃下，最鍾意配炸醬同腩肉，小食方面嘅首選就係土匪雞翼、蒜泥白肉同麻辣豬耳，每次同friend share食都可以食晒咁多款，真係好鬼正，食極都唔厭，諗唔到有咩食好食又唔夠食飯錢嘅去食la！

今日約左FD 做gym, 咁一定要食D野先做啦!  又好耐無食譚仔 一定要食返餐。我好少食辣野，通常都叫清湯   跟魚蛋豬潤  仲叫左香草雞翼譚仔既魚蛋我一直都覺得係好好食, 佢係彈牙有魚味 完全唔似街邊小食檔個種細粒而又唔彈牙既魚蛋豬潤唔會乾爭爭，雖然未至於好厚身太塊，不過食到佢處理得唔錯，無腥味，唔臭。而香草雞翼 叫左五隻，隻隻都唔細，佢係好香，有少少微燶既香草味，熱辣辣超好食!

番工時都仲講緊唔會掛八號。天有不測之風雲。突然就話將會改掛八號。番工都冇番左幾個鐘就要閃。八號未正式掛。打風都好。三餐始終都係要解決。譚仔同三哥開正喺隔離。始終都鍾意譚仔多啲。覺得佢menu簡單啲。專注啲始終會好啲。雞肉豆卜酸辣。眼見雞肉量多。最鍾意佢豆卜夠密心。口感同吸湯能力都好啲。不過今日個湯啲酸味唔多夠。爭咁啲。見到勁多人買外賣。臨走正式掛八號波。阿姐即時截單。阿姐們仲要等啲人食哂先收得工。飲食業真係唔易做。

#譚仔雲南米線 (藍田)藍田啟田道49號地下2號舖-----湖南酸辣湯底過橋米線（$54) ～ 落單時候叫胡辣過橋米線 然後譚仔姐姐話呢度無胡辣 得湖南酸辣😂經一事長一智 下次要記得去三哥先可以叫胡辣 譚仔得湖南酸辣🤪湖南酸辣好酸 辣味唔重 得一種辣度 適合嗜酸怕辣 但又想食酸辣ge朋友仔 酸辣湯底黎講 味道比三哥稍勝 材料方面 整體同三哥差唔多 但個人覺得全部丸類材料 無論係魚蛋 墨魚丸定牛丸 都不及三哥好味（仲有肉醬都係三哥更好味）-麻辣🐷肚絲（$22) - 肚絲切得幼細 軟硬適中 非常入味 麻辣汁伴有大量花生🥜 芝麻 仲有少少芫荽 味道調得恰到好處 非常惹味 有種食緊麻辣火鍋ge感覺 比三哥口水汁更出色 更令人上癮-整體黎講 個人認為 清湯食三哥 酸辣食譚仔 三哥丸最勁 譚仔麻辣小食無得頂😝 高下難分 三哥定譚仔呢個千年話題 B仔都破解唔到😂唯有兩樣都食啦🤷🏻‍♀️-----👶🏻B仔整體評價：8.5/10個👍🏻👶🏻B仔抵食程度：8/10個👍🏻👶🏻B仔環境評分：7/10個👍🏻👶🏻B仔味道評分：8.5/10個👍🏻👶🏻B仔回頭機會：9.5/10個👍🏻-----#swallowhongko

🍴過橋米線($53+1麻辣🔥)Supreme Combo 過橋米線🍜份量多，大約有17款配料，最適合與友人分享👨‍👩‍👧‍👦，而且兩個人平分，價錢相當合理👌🏻。重點是麻辣口味🔥，令人胃口越來越開胃🤤！相信不少人也迷戀上麻辣的味道😤😎，一星期最少要吃一次🤭。🍴湖南土匪雞翼（$23/3隻）Hunan Chicken Wings另外，譚仔的土匪雞翼也是一大亮點✨。🐥雞翼經過烤焗，👅肉質嫩滑多汁！🤤非常美味，特別是雞翼經過孜然粉和芝麻調味👍🏻👏🏻，味道非常惹味！

當天到該分店光顧用餐, 因為身邊朋友身體不適, 需要使額外用筷子作"公筷"用餐時, 想向店員取用額外筷子時，遭一名主任級侍應, 回應:「我唔得閒, 叫另一位同事拎俾你啦」當時, 約下午二時至五時間, (門外未有等候入座)情況, 但該職員表示公務繁忙, 未能協助, 故有感不滿, 

之前係觀塘廣場譚仔食過重慶酸辣覺得好味，夠酸又有麻辣味，比正常酸辣更加好味。今次經過藍田分店再食竹笙炸醬重慶酸辣要左小辣，但一d酸味都無，仲要好x辣，同一位染左髮既阿姐講碗米線無酸味，佢話係咁架，最多俾醋我，但落完都唔係個隻味。攪咩，個阿姐覺得重慶酸辣無酸味係正常架? 唔同鋪湯底都唔同做法?

呢排都好耐無食譚仔啦今日興起突然好想食就“毒”自走去食要左碗 魚腐清湯魚腐有好多塊呀，味道依舊，同清湯既味道好夾！！！米線爽彈，不过我呢碗米線份量好少，兩三啖就食完，我見到其他人食既都唔係咁既係唔多夠喉既情況下，放肆咁叫左碟大土匪每次食都係熱辣辣兼香口，皮脆肉嫩最後飲埋杯涷奶茶，正！------------------------------食物質素：🤤🤤🤤(5🤤最優)價格水平：💰💰💰(5💰最貴)環境裝修：✨✨✨(5✨最好)服務態度：🌟🌟🌟(5🌟最佳)整體評分：❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

好耐冇食就會掛住既譚仔～今日又黎食啦藍田呢間分店d呀姐態度好好，帶位、落單同上菜都好快手～我地2個人黎食，叫左一個過橋米線套餐五小辣～套餐咩送都有齊，可以一次過試曬佢所有送，都係52蚊咋！好抵食呀～我地仲叫左2個小食，分別係皮蛋同大既蒜泥白肉～2個都係我地既摯愛我地特別叫左多紅油，所以小食入面既汁好夠～確保每塊白肉都有足夠既醬汁同蒜泥～剩返黎醬汁同蒜泥可以for套餐入面既腩肉，咁樣又可以自製到更多既蒜泥白肉啦😂2個人先係115蚊好抵食呀～

譚仔一直係塔塔子飯堂，一向只係黃色碗譚仔忠實粉絲！平心而論，間間分店嘅水準的確係有差別嘅，而塔塔子係東九龍蒲開，官塘九龍灣牛頭角嘅譚仔我通通試過哂！藍田呢間係最好食嘅！可能唔算旺區，鋪面雖人多但唔係踢哂腳，都叫做開街坊同學生哥生意，米線睇得出係用心制作的同旺區嘅譚仔確係有分別，最明顯係米線唔會太淋，夠QQ，真係好好食！塔塔子一吃不能自拔的重慶辣！外表嚇人內裡斯文就係呢種喇！香味十足，辣得過癮而不嗆喉！雞肉一向係譚仔米線配料主打，而新推出嘅墨魚春卷亦係塔塔子新歡，入口彈牙，仲有少少蟹子，正朋友嘅米線，五小辣對我黎講就清左d，不過有豬潤嘅出現令湯底多一分甘香！竹笙吸哂d湯底，簡直一流！平日喺旺區嘅譚仔食呢個蒜泥白肉，好多時都係一pat咁，痴住哂，而今次藍田呢間分店係片片分明！一夾就夾到，上菜亦見心思，你睇，擺得幾靚！藍田呢間譚仔係咪全港the best分店就唔敢講，不過一定係我食過最like嘅譚仔！

譚仔出名食辣，酸辣、麻辣、乜辣、物辣等等，相信我都唔洗多講，街知巷聞。但最近新出左隻蕃茄湯，見佢公司想拓闊市場，搞搞新意思，所以就決定試一試。一黎到，蕃茄好多，成碗都係，聞落個蕃茄味係幾濃既，但食落個味就似係茄膏溝水做膽，唔似係百分百蕃茄煲出黎既湯，不過面頭既蕃茄咁多都算係抵食既，當係免費送多左份配菜啦。最後要補充既係，今日唔知係廚房人手唔夠定係咩，落左單成二十分鐘先上到枱，如果趕時間既，勸大家唔好博。