瀛素食 (已結業)

路過見到，行左入去食店子細但坐位多而且位置既空間都大，令到你食時可以享受到食物之餘仲享受埋空間👍三文魚素食幾特別，口感好似食硬身啫喱， 牛油果壽司又念唔到幾好食，第一次食，真係食到有果香咪😂好新鮮。炒野， 淮山真係食落去似平時快餐店薯條，好正。 羅漢齋伊麵又係出色，上台時見到出曬煙仲好香，麵低好乾脆加上，上面配料 醬汁唔太多食落d麵有聲，可以慢慢食🤭炒菇菌又係無得頂，全因牆汁控制得好好，令食落去唔會太寡。最後既石鍋飯當然唔小得佢個飯蕉而且食材都係放滿個鍋，好有清足感。

五十蚊一大碟飯包埋老火湯（幾健康，感覺冇咩味精），算幾抵食樓面只有一個人，可能會忙少少午市套餐叫完大約十分鐘就有，蔬菜煮得幾好味，素肉就或多或少有啲味精味大致唔錯👍🏻選擇都好多，中西日式都有

🍣 雜錦壽司拼盤 瀛素食 🍣 出開去油麻地剪頭髮，順便去咗瀛素食食個午餐。瀛素食可以話係一個平民日式餐廳。雖然坐得迫迫地，但價錢平民化。午餐餐牌有五個選擇。全部都係$48 仲送例湯好抵喎。我叫咗雜錦壽司拼盤，有四件軟殼蟹卷，幾好味呢，「軟殼蟹」脆卜卜🤪。其餘四個壽司就普通嘅粟米壽司、腐皮壽司、玉子壽司。平時喺普通壽司店都食到。普普通通。另外有一件係素三文魚壽司。咬落去有啲似蒟蒻嘅質地，其實冇乜味道。如果佢配牛油果壽司就仲好。不過以$48來講，已經交咗功課。

约了朋友吃午餐，其中一個是素食者，只好上open rice找找，發現廟街這間素食店，很有特色，便去試試。一打開menu，發現是仿日式食物，選了D餐、E餐、大阪燒餅和香芒天鳥唐揚卷。食物一到，朋友便問這些真的是素食嗎，為什麼同日本食物完全一樣，味道好，賣相正，我們完全沒有吃素食的感覺，再加上款式多，我們都很滿意。我們覺得大阪燒餅及香芒天鳥唐揚卷最好味，最吸引。壽司拼盤也很美味，有8件。我們都喜歡吃，下次會再來吃。

小弟同寶寶一齊去油麻地搵食，先覺得原來油麻地係搵食好地方，之前同寶寶講想食清清地，又行過見到素食店，啊，好似都幾出名，就入去品嚐品嚐。坐低睇餐牌，幾得意喎，係有素食壽司，又有小菜粉麵飯，唔講以為去咗大牌檔。寶寶話食咩都無所謂，咁就小弟發板。兩個人叫咗三樣嘢，先上菠蘿咕嚕肉，舊「咕嚕肉」一咬就知係菇嚟。老實講，係1d都唔似咕嚕肉。但係舊菇都煎到好香口，食菇都好味嘅。跟住係上乾炒牛河，素牛食落都唔錯嘅，河粉就好有牛河味，小弟我就好鍾意。跟住就上軟殼蟹壽司，呢碟我同寶寶都畀滿分，原因係軟殼蟹香口鬆脆，口感似真壽司。總結，呢間瀛素食尚算合我心意，好味。寶寶就話咕嚕肉麻麻，其他都ok，埋單又唔貴，三百蚊有找。鍾意素食嘅你，可以試吓。

相比起去非素食店，作為vegan既我更驚去蛋奶素店，因為佢地啲菜式唔知點解硬係會加啲蛋同奶(包括芝士、沙律醬)，同埋好多都只會喺menu註明邊啲有蛋，但又唔會indicate奶，有時問少句就會出事。瀛素食都係一間蛋奶素餐廳，一坐低店員就比張紙我地寫低食乜，我寫完菜式既編號後，再大大隻字寫埋走蛋奶，諗住冇死啦今次，點知都係中伏。個壽司一黎到我就已經知中伏...壽司上面唧左滿滿既沙律醬...雖然依家係有vegan既沙律醬，但係我就唔認為佢地係用緊vegan沙律醬，咁即係必定有奶，仲有可能有蛋。雖然我冇寫到走醬，但走蛋奶其實都係相同意思，甚至係有更廣義既意思。我諗廚房根本唔aware沙律醬係有奶，所以就照唧。為免浪費，而我本身又唔係乳糖不耐症，最後都係食左，不過就有少少影響心情。椒鹽准山都幾特別，個樣就好似薯條，但食落個口感又唔係好同，同埋感覺准山比薯條更有營養。松子炒飯都好夠鑊氣，不過唔知係咪啲鹽太大，有啲未溶得散，好彩都唔算太甜。炒飯成功走到蛋，咁即係其實廚房係睇到走蛋奶既要求，應該佢地真係唔知沙律醬有蛋奶。經一事，長一智，去蛋奶素店真係要超級小心。除左走蛋走奶，仲要嗌埋走醬先夠安全。

最近同老婆轉食素 所以都會特登搵素食嘅餐館 咁啱經過呢間瀛素食 即管試下 嗌咗個牛油果軟腳蟹卷 黑椒牛仔扒同埋咖喱雜菜羊腩煲 三個都好味道 尤其個牛扒同羊腩 唔會覺得食緊豆製品 最後食埋個腰果糊 都係一流

走去油麻地....搵一間人哋都叫我去嘅素食店試一試呢間素食店都好似開咗好耐裏便位置就迫咗少少但係勝在有好多唔同款式嘅素食尤其是日式嘅素食同埋都有Pizza你淨係見到佢哋個壽司Menu都已經幾可亂真唔知道真係以為食緊真正嘅刺身壽司淨係睇賣相都真係好神似不過食落去當然有分別不過呢個咖喱豬扒飯先不得了賣相都似到十足十...如果我唔話比你聽係素食...你根本估都估唔到今次食咗呢個咖喱豬扒飯同埋壽司都已經飽到上心口不過真係想講....真係好似好似

openrice睇左一陣搵到呢間都近屋企的餐廳。晚上9點到,客人唔算太多。打開餐牌其實有點似大xx素食。有壽司,小菜,又有西式意粉咁。個樣唔錯，不過食完口乾, 其實想健康啲食齋，埋單成三百幾中伏無下次

中規中矩，冇乜特別，同出面素食店價錢差不多，店鋪舊d，家庭式餐廳。 食物味道正正常常，衞生環境一般。總括來説，特價時段都食得過，正價就要好好考慮一下了。始終彌敦道選擇都比多

本人第一次寫食評，因為餐廳的廚師態度極差，對客人不禮貌。而且在抗疫期間煮送亦不戴口罩，衞生欠佳！餐廳應該是家庭式作業，在服務方面，不要有太期望。食物質素方面，我們點了1個素吉列豬扒飯和黑松露炒飯。味道不太特別，中規中矩，沒什麼驚喜，跟普通其他齋點素食店差不多。價錢方面，由我們當時下午3點至5點用餐有折扣優惠，價錢尚算可以，人均消費約60元，如果要收正價感覺不值了。

重要的寫前頭，瀛素食每天下午3時🕒至5時🕔，有6折優惠，記得mark低這個慳錢💰時段如果一個人去瀛素食時，很多時都會選擇「日式咖喱豬排蛋包飯」，味道夠香夠濃，是這碟飯吸引💕的原因。「咖喱豬排飯」和「咖喱豬排蛋包飯」的主要分別，就正正在於「蛋」🥚，蛋的香味滲進白飯內，把炒蛋和飯一起吃，更有滋味。在咖喱汁方面，口感香滑濃稠😋，份量亦足夠，絕對足以給每片素豬扒蘸上多多的咖喱汁👍。而吃過咖喱的一段短時間後，口腔內仍有咖喱味「徘徊不去」，也可見咖喱味道之濃。有一個得意的地方，總覺得這碟飯的賣相，會令人想起幪面超人😆~~青瓜是頭上的「觸角」，車厘茄是「眼睛」，素豬扒是「面罩」，滿滿的咖喱汁是「面龐」，不知大家看見這碟飯時，又會想起甚麼呢？

奧爾加喜歡食日本野，但同時又有位食素既細佬，所以出街食飯會比較講究食物質素同埋食材既選擇。於是搵左好耐終於搵到間一次過滿足我地兩位既「日系素人之選」餐廳！今次叫左四道菜，最鍾意既係碟軟殼蟹壽司，口質鬆脆，十足真既咁！可惜兩個人食唔得幾多，下次想試個三文魚刺身

是晚預約了6:30pm 三位入座到的時侯有很多位置. 可以隨便挑選就坐我們挑了最靠牆的.  方便吹水.  餐牌的選擇也比傳統的素食店為多. 小至日式壽司到中式大排檔的小炒, 麵,飯也有菜式種類繁多. 一時三刻也很難消化要吃甚麼. 有選擇困難症的朋友應更頭痕小店的下單形式很原始, 會給你一小張紙, 然後寫下號碼就成由於我們三個也肚餓所以我們點了兩款卷物, 三款小菜及一個飯香芒天鳥唐揚卷及牛油果鰻魚卷各有4件 ($42 each)炸物和芒果的調配適中. 沒有誰搶了誰的風頭味道恰到好處牛油果鰻魚卷則平平無奇, 但不是難吃. 喜歡壽司的朋友可以一試士多啤梨骨 ($88) 是招牌菜的其中一款口感跟真的肉沒差兩樣皮脆肉嫩, 咬開後有些肉汁. 配上酸酸甜甜的醬汁甚是好吃吉列豬扒蛋飯丼 ($98)當然素吉豬與真的有一定的距離 (炸皮外形, 口感和味道)但整體沒有太大的遺和感燒汁什菌焗牛仔肉 ($68)  和 冬蔭功海鮮豆腐煲 ($70)他們兩個用料有相同的部份如果要我再選的話, 我會吃燒汁什菌的那個始終比較惹味, 層次感較為豐富但如果喜歡清淡的可選豆腐煲

有時食下齋可以清一清腸胃，所以就去呢間食一個健康嘅午餐。日式焼汁鳗魚飯 ($45)鰻魚係薄切，吾算好多細骨，比軟軟身，入口有即溶的效果。燒汁都係甜甜地，而且多汁，易送飯。啲飯就係日式個種比較冧身。果然係健康餐，有好多蔬菜，係比一般餐廳多好多！雜錦壽司拼盤（$45)全部都係齋！賣相好吸引！而且咩款式嘅壽司都有！食落同普通壽司冇乜分別🙃以上套餐+$5有汽水仲會送例湯我地飲！個湯都幾好飲，吾會好稀！下午茶(3:00-5:00) 仲有6折優惠喔，幾抵食！鐘意食齋嘅朋友，不妨試吓呢間食齋嘅日本餐廳