今次係去食TEA BUFFET~
坐正o係雪糕bar附近~~
movenpick既雪糕真係好好味
不過見到"不"雪糕果位哥哥仔真係鄧佢陰公~
得佢一個係咁"不不不"~停都冇停過手~
見到佢隻手青筋爆現,又紅又損~都繼續o係度不~~
餐廳應該輪流搵人"不"吧..一個人"不"真係好慘...
條人龍又未短過...
真係好鬼慘~~d雪糕又硬~個雪糕櫃又凍~
咁"不"法~都唔知佢夜晚揸唔揸到筷子食飯呢~~
真係加人工都補唔返
因為呢個哥哥仔~~服務俾個5分佢

其他野食都好好食~~
有三文魚刺身啦..翡翠螺啦..甜品主題係芒果系列~~
都唔錯

平時，我為朋友攪生日飯局，今次輪到我生日！有兩位朋友為我攪生日！

真係感激 8 位朋友慶祝我的生日！就算我無為個朋友攪生日飯局，甚至有朋友去教會都趕過嚟！夠哂俾面呀！

我要好好珍惜呢啲機會！因為，朋友拍拖嘅拍拖，結婚嘅結婚；剩餘我哋嘅單身圈子越縮越細！

呢度比我預期中多嘢食！

頭盤：大雜匯
印度炒飯：炒得乾身，飯明顯係炒得一粒、一粒，夠散！印度米係長長幼幼，炒飯雖然係橙黃色，起初以為橙色係紅蘿蔔絲，應該係黃薑，因為，見到部分飯粒亦染到橙黃色！呢個飯無咩料，相信係連咖喱一齊食！附近有其他咖喱配菜，不過，我對咖喱興趣不大，只係攞咗少少青瓜粒、番茄粒、菠蘿粒；連印度炒飯一齊食，感覺清新！蝦仁蒸豆腐：清淡之選！豆腐夠滑，蝦仁爽身、好似龍井蝦仁一樣晶瑩剔透。海鮮：蝦同魚柳同樣入味，青口尚算新鮮！香草包：本身係硬身，包質密度高，食落有種獨特嘅咸味！

熱盤：中西日拼盤
炒河粉：麻麻地，河粉粗身不在話下，又黏住哂，勝在唔太油！西式時蔬：賣相得體，誤以為係薯蓉配番茄，所以攞咗兩件；食落才中招！係香濃芝士蓉，好餾呀！同番茄一齊食有中和作用！菠蘿粒：又甜又多汁，令我一食回味！香煎豬扒：配上香草粒、茄汁豆、烚蛋切成蛋白及蛋黃粒，很惹味，又唔會覺得乾憎憎！鹵水雞翼：夠肥美，除了鹵水味之外，還有花椒八角嘅味道，感覺特別！效果亦唔錯！燒肉：好肉者必選，用蠔油炆嘅燒肉，惹味得嚟又易入口！壽司：只係普通貨色，以雞蛋、蟹柳、青瓜、豬肉鬆做餡；欠缺特色！

甜品：10 款
甜品款式繁多，琳瑯滿目，令我眼花撩亂！一下子，不知怎樣選擇！
雜錦蛋糕：一口蛋糕外形吸引，以一支打咗結嘅竹籤作裝飾，細心之餘又方便進食！面頭有椰絲，有點似椰絲棉花糖！朱古力迷你蛋糕：又係一口蛋糕，以一點小金箔作點綴；平凡中帶點不平凡！內有合桃，略有口感！薑汁燉蛋：甜薑放面，燉蛋偏甜兼比較結實！楊枝金露布甸：可能係我先食偏甜嘅薑汁燉蛋關係，影響味蕾，覺得較淡味！木槺布甸：底部有曲奇餅味，中間唔係好 cream，好在唔會餾！芒果布甸：最感興趣係面頭有幾粒小果子，疑似大大粒嘅蟹子，一咬穿係酸甜果汁味！好特別！布甸質感滑溜溜！芝士蛋糕：芝士味濃郁，食完唔覺餾！值得一讚！黑加倫子蛋糕：黑加倫子 cream 比較餾，配上朱古力蛋糕，有飽肚感覺！最後，蛋糕仔亦係一口蛋糕，比較硬身，甜甜地；好似西餅店嘅縮水版 cupcake !

Movenpick 芒果熱情果雪芭
食完多款甜品，坐咗半個鐘，再戰雪糕區。有雲呢拿籽、咖啡、朱古力、薄荷、士多啤梨味.....雪糕；寧捨有款芒果熱情果雪芭，感覺清新健康！口感濃郁芒果味，混入芒果粒，味道酸中帶甜，完全攻撼我嘅味覺！同時，又滿足我嘅食慾！

食完呢餐開心之餘，亦好滿足！再次多謝朋友嘅好介紹！

呢間一年前食過一次覺得都唔錯, 可惜今次就大失所望, 食品款式少咗好多, 味道亦好一般. 冷盤得幾款選擇,而且長腳蟹每次只放幾隻, 好似要搶先有得食. 熱盤既菜式亦唔吸引, 食完第一輪己經停晒手. 甜品亦無驚喜, 而且movenpick雪糕要由待應分配, 無得自己裝, 但就有好多toppings可以自己加喺雪糕面.

鵝肝每位客人只有一份. 要數全晚最好味既就係刺身同埋6款生蠔. 環境方面都算坐得幾舒服, 不過以食物質素嚟講, 二百幾蚊似乎唔值(75折後). 我寧願比貴少少, 去第二間任食鵝肝好過!

下午茶自助餐都有三文魚，翡翠螺 ，味道都OK
有茶、咖啡、果汁任飲
有燕窩甜品(當然只有少量燕窩點綴)
不過甜品味道一般 (若黎食甜品就一定會失望)
熱盤沒有貴價嘢，不過都可以食下
重有沙律、cold cut、三文治、法式多士
以價錢來說食物連環境服務算是不錯了。

lee同由朋友發板去lee間食tea buffet，之前無聽人講過，所以無咩期望，當正正常常一餐。

海鮮有種：baby blue青口，普通大隻青口，翡翠螺同蝦。我覺得樣樣都OK喎，係青口好似無咁新鮮，而最buy係翡翠螺。因為覺得咁嘅價錢(用HSBC有75折，每人大約115)，都算係咁。

之後食熱嘢，好似換個兩轉，約有10-15款啦，大路嘢：雞翼、豬排、炸蝦餅、魚。但有一樣係「雞」啲嘅，竟然係炸魚旦同唔知咩丸，當然無食啦~~

魚生只係食到三交魚，但壽司供應唔多，所以都只係食過三交魚一種。

有即制漢堡包、窩夫，但無食~~ 雪糕係MOVENPICK，見到有食評話食落唔似係LEE個牌子嘅雪糕，我唔知，但講真味道一般.....

其實都OK嘅LEE一餐，咁平，算合格o家啦~~~

其他唔講,剩係講主打菜- 魚生 ---- 係配給的,七時半後, 大半個鐘先出一盤 , 如果唔係其他食客手下留情 , 根本食唔到 . 但七時半前都係要鬥快的 龍蝦仔 和 凍蟹--- 在七時半後, 未見過. 但七時半前都係要鬥快的. 長腳蟹 --- 全晚出得一次, 要快手的. 絕對冇源源不絕. 生蠔 ---- 開頭係配給的, 之後就任食 (自己攞).

本人覺得價錢唔算貴, 但如果早知道樣樣都係配給的話, 免費都唔去........

星期日約齊9人食Tea, 經過隔價專家譚老太查詢好幾間酒店, 終於選擇了尼間又有
free parking!

3:15 開始至五点
$138 HSBC less 25% =117.3

刺身:三文魚, 還有幾幾款
壽司: 樣靚,但飯大大舊又硬,吃不下
頭盤:翡翠螺、青囗、凍煆、當日無蠔

Salad Bar: Okay

熱盤: 一般平價款式(正常) 一分錢一分食物
點心、麵粉.....等等

Waffles: 要自己整, 都唔知好玩定 罸企的感覺 居!

確實有movenpick雪糕任食? ..種類都算幾多喎. 真的假不了、假的真不了..
就問問butt雪糕小姐, 佢話Movenpick

紅豆、芒果、杏仁咖啡、士多啤梨、朱古力、雲尼拿

大家食過Movenpick Swiss Chocolate 都知內有朱古力碎片啦! Vanilla 有雲尼拿籽、邊有乜乜 紅豆、芒果味架? 同枱班師奶仔仲話要食多幾球潻!
Cow Milk Company ?…..

有個位置Butt 印尼糖水檔, 再加碎冰我喜歡.

總括尼個價錢係正常的食物!

長腳蟹好鮮甜呀, 源源不絕供應, 正!
不過其中我拿了2隻發黑的, 以為係殼的自然色, 拆開原來係變左...

生蠔好味

雲糕係moviepick, 我食齊4種味, 但奇怪好似唔多似....雲尼拿無籽的

老火湯好正, 我飲了3碗

中途有侍應推著乳豬到桌前分給食客, 原本好吸引, 但鹹得要命

熱盤無乜特別,

甜品, 得朱古力蛋糕好味, 10款有8款難食, 係我印象中最差的酒店甜品

但地點很好, 價錢實惠, 會再幫襯

今次點解揀港威酒店食下午茶,因為經過見到門口塊黑版寫的食物吸引,有生蠔,刺身,壽司,最重要有MOVIE PACK七款雪糕等等.雖然時間短了少許,由3:15分至5:00

款式唔算少:海鮮有蝦,生蠔,兩款青口,只是生蠔太過弱少也唔夠鮮味,反倒蝦有驚喜,唔會就貨就價用霉霉的蝦,蝦肉還是很彈牙

沙律:有幾款菜,紅腰豆,粟米火腿,薰魚,各樣食物都平平,唔會勁好食又唔致於難食.

刺身:三文魚,鯛魚和八爪魚,三款刺身也是專人切的,有一位就切得比較薄的,如果想厚切麻煩開聲說吧.至於三款刺身的味道也平平,無乜魚味的,也唔夠新鮮.

前菜魷魚,螺肉夠凍的,只是太鹹,所以不敢吃太多

壽司:見過有櫻花魷魚,黃金魷魚,北寄貝三文魚等,尚有兩款太卷.因為經常會轉款,那些壽司飯實在太不濟了,沒醋味之餘仲死實實,由尖沙咀掉過港島區都應該還是原封不動.對這些浪費quota的壽司不吃也罷

熱盤:雜菜,火雞,八爪魚丸,肉丸,蕃茄意粉,薯蓉,咖喱角.炒烏冬,糯米飯,熱盤戀十款,質素平平,薯蓉太實,火雞肉鞋.八爪魚丸粉太厚,八爪魚丸太細粒.咖喱角夠脆和熱,未致於用好味形容.熱盤也相當失色,要推介的款式,對不起沒有.

點心:燒賣,牛肉燒賣,生煎包和珍珠雞,點心也無甚特別,純粹填肚貨式.

麵粉:幾款丸類,蛋麵,金邊粉芽菜,蛋麵和菠菜麵,由師傅煮的,最弊師傅唔知係咪太趕時間,明明無人排隊,那些菠菜麵竟然唔熟的,丸又有怪味.湯底又似味精湯,最後都要放棄

甜品:有2款芒果的蛋糕.細細粒的甜品,芒果卷蛋,曲奇,楊枝甘露和車厘子布甸,甜品偏甜,有朱古力噴泉和泡芙仔.

飲品:酪有三款口味,芒果,草莓和香蕉,都幾好飲唔算甜.唔喜歡飲加以自己沖檸茶咖啡

雪糕:Movie Pack有七款:乳酪,芒果雪芭,楓糖開心果,雲尼拿籽,士多啤利等等(有好多配料揀七彩碎,朱古力片,橡皮糖都有),唔蝕底的我食了三個雪糕球,一個雪芭,臨走前拎出去搭巴士食的雲尼拿籽雪糕,離開時食緊係配筒啦!哈哈,只是食雪糕都抵番了.

原價138,今個星期唔知係咪臨近聖誕,最後加了10元,變148元.之前有七五折,現在八折.148加埋一後133.2

依價錢來說有這麼多食物款式又真是不可以挑剔,只是味道平平,唔會話好好味又唔會超難食,只是跟好食差好遠啦!如果對食有要求的人可以不試,唔會覺得損失/

信用咭優惠,唔單止滙豐,恒生,渣打都有八折優惠

對於今次第一次的coffee mill下午茶自助餐，評價一般，由於當日有很多人，相信都是因為佢抵食，若對食物沒多要求的，又想填包個肚的話，都可以一到此間，因為價錢都算合理的。
1.冷盤﹕青口有沙、蠔無味、凍蝦「梅」，失望
2.熱盤﹕牛舌及意式海鮮，好味!
其他包括﹕燒賣、牛肉、奶黃包、三絲炒銀針粉、海鮮炒飯、腸粉、薯蓉，只是一
般
日式餃子，皮硬、餡料「林」
最難食是墨西哥餡餅，皮硬、餡料少
3.沙律吧﹕不錯，因為是自己選料
4.甜品﹕意式芝士蛋糕、紐約芝士蛋糕都幾好
最好味是Mövenpick 楓糖合桃、coffee、朱古力、士多啤梨味雪糕﹐好好好味呀!
好采有這個Mövenpick雪糕及75折補返數，否則就扣晒分!

約咗個best fd食lunch,最主要傾下計,食下嘢,坐下,慢慢嘆...
響openrice serach到呢間lunch buffet,12月睇,做緊citibank card 8折,有蠔食,就試下啦...
首先我係12月尾打電話去book 1 月,聽電話嘅男仔好有禮貌,咁我就double confirm
citibank card係咪有8折,點知佢好好咁話: 係呀,不過見你book 1月份,1月1號之後可以去openrice download 75折coupon,原本8折都去,而家仲有75折,good啦...即刻加分
當日去到之後,先知自己大頭蝦唔記得帶coupon又唔記得帶card算啦,
己經坐低咗,照俾正價啦...環境就一般,不過都乾淨,整整齊齊,食足2.5個鍾,
期間侍應加水,收碟速度ok,食完埋單喇,個侍應問我係咪有coupon,
我話唔記得帶,佢竟然好好咁話: 唔緊要吖,我照計返75折俾你吖...
好好呀,所以一定會有下次介紹埋d嘢食先>>>

今日是男友的生日 所以特意前幾天找下邊間酒店的buffet好吃, search了好多間之後比coffee mill吸引了, 因為之前的食評話連tea buffet都會有生蠔架...而且仲會有movenpick雪糕任食添..所以抱住半信半疑的心態book了位.現在就講講我吃完的感覺啦!
首先我一入去當然望下有咩食啦...原來真係有生蠔架...無講大話架..服務員還會refill添而且確實有movenpick雪糕任吃架 仲有剌身,熱葷,甜品,沙津,等等..種類都算幾多喎..真係唔似係吃tea buffet咁囉..不過唯一個缺點係時間太短了.由3:15-5:00對本人來說確實比較趕呢..如果d時間可以加長dd就好啦..不過都吃得好滿足.而且佢地d服務員的服務幾好啊.好有禮貌,換碟又快,加水都幾快所以總括來說.今次的評分是90分.下次等我再試埋其他時段的buffet先.

好耐冇假放的老公今日意外得到一天假,於是就去食我最鍾意的酒店buffet 啦~
本來要去佐敦的逸東酒店食既,打電話去訂位竟然lunch同dinner全部full晒平日都咁好生意冇辦法只好揾過第二間,上OR睇到尼間好似都唔錯!個職員話今日都幾full只剩門口座位,坐門口就坐門口啦!最緊要係有好0野食就好了~

12點幾去到其實門口位都幾好,自成一局幾安靜裡邊人多又有人慶祝比較吵小小,我地既座位旁邊又有一池錦鯉可以睇佢地游來游去都幾悠閒.

都係講返有咩食物食:
湯:菜亁排骨湯.南瓜湯,麵包種類5種以上我食左一種,咀嚼下好香小麥味忍唔住食左2個
刺身.壽司:三文魚.八爪魚.吞拿魚.鱆紅魚.什錦壽司
冷盤:生蠔.螺.凍蝦.青口.淡菜.煙三文魚.另一種唔知咩黑胡椒煙白魚.薄片肉腸,3種切片芝士
熱盤:中式炒牛肉.咕咾肉.甜豆炒蝦仁.西芹炒墨魚.肉醬意粉.白汁青口.燉羊肉.火雞肉.煎魚片
.咖哩牛肉.青咖哩.紅咖哩.蒸魚塊.白汁疏菜.焗薯角.即煮粉面檔,螺肉鮮甜.焗酥皮三文魚好味
沙律:生菜沙律.薯仔沙律.橄欖芝士茄仔沙律.蕃茄亁,生菜新鮮種類多
甜品:木糠布甸.楊枝甘露布甸.藍梅芝士蛋糕.朱古力慕斯.栗子蛋糕.熱喳渣
生果:種類得三種西瓜.密瓜.菠蘿.切的好細塊密瓜比較甜
雪糕:係movenpick好似有8種試左朱古力.臻子.咖啡.開心果.楓糖核桃,最好味就係楓糖核桃最難食就係開心果其他味道SOSO
有送一杯餐飲點左凍啡.凍奶茶佢地飲料唔得淡茂茂,我杯奶茶好似溝過水冇晒茶味,仲差過茶餐廳,話晒都係酒店係唔係應該要做的好D呢?

食物味道大致上都幾好food counter服務員態度親切有禮,外場加水加的好密收碟都好快,但係今日冇自製waffle同朱古力噴泉有小小失望~

這間的服務態度~~讚！不止侍應、廚師，連洗手間內的"啊姐"都好好服務，
而且有時有d侍應會拎住d食物或甜品行過黎問你食唔食。

原本我睇食評個陣，覺得d甜品係呢間店既賣點，但係我就覺得，甜品反而一般，好普通
既蛋糕，不過d水果唔錯，侍應送黎既心太軟都唔錯。

壽司同長腳蟹都係比想像中既差，而生蠔有少少腥同有沙，大闡蟹細隻，不過夠熱。

中華沙律等小食不錯。罐內的餅乾只吃過綠色同粉紅色，綠色脆，係薄荷味道，而粉紅色
好甜，不過唔脆，幾好的。

螺，羊扒，仲有餅乾~~讚！
餅乾可以隨自己喜愛而加，芝士、芝士碎、脆包等等…

最後雪糕，最好就唔好食開心果味雪糕，因為真係好難食，好似藥水味，
青檸同芒果味就好酸，最好味我覺得係士多啤梨味。

出到尖沙咀已是下午了,經過酒店門囗的黑板上寫著下午茶芒穿秋水自助餐,有7款味道的movenpick Ice cream,滙豐信用咭有七五折, 就因為尼兩句說話就行落去Coffee Mill食Tea Buffet $138,
就坐近自助餐枱旁邊的二人枱, 意外驚喜居然下午茶有生蠔(沒有食), 刺身(還可以,但兼不夠肥美),壽司(樣貌不差,Okay)
沙律Bar 出色有articoke & dry tomoto, french bean 其它蔬菜也新鮮。
熱盤是一般平價食物: 如煎蔔白糕、咖哩魚蛋、雞尾腸、日式八爪魚丸(爛容容)、白汁意粉、炒棷菜、炒飯、炒麵、牛肉点心、馬拉糕、雞包仔、雞翼、
甜品主題:芒穿秋水 果然出色,多款的芒果甜品好味值得讚........還有朱古力噴泉，自製窝夫等, 7款Movenpick雪糕,但其怪Movenpick瑞士朱古力雪糕應該有朱古力碎片,但尼到無喎,Movenpick仲有芒果味潻喎,係咪尼個品牌特別為今次芒果主題做尼隻味道雪糕呢?
我很好奇! 因此埋單時就問剛才帶我入坐的門口服務員,貴公司7款味道雪糕係咪都係Movenpick, 佢答系牙!(?????)
總括以尼個價錢有生蠔、刺身確實無話可說.................