Big John (已結業)

以前在尖沙咀工作每天晚餐的時候苦惱在吃什麼就會選擇他特別喜歡他們家的酸辣雲吞 因為湯底很像碗仔翅有口感而且很夠酸讓人感覺開胃。一段時間沒有來吃這次點了他們的招牌手撕雞撈丁還有我最愛吃的酸辣雲吞湯。一如以往的好味但手撕雞真的很好感覺不是以前味道就是鹹得讓人吃不下口。估計下次我們不會再來吃他們的手撕雞了這次確實是失望但他們店的價錢是挺實惠的小本經營而且店員有禮貌 如果要求不高的話也是一個吃飯的選擇 但店內的冷氣空調較大而且座位比較擠迫需要着外套🧥

格仔餅好好食啊！waffle is very nice!!! 由於望落已經太好食，相都無影到😂或者你地參考返其他食評既圖～炸魚薯條都幾好味，不過你當然唔好期望係啲咩靚薯仔啦，茶餐廳價錢呀。😝呢個餐廳幾特別，好似有啲舊式，買野食要出櫃台，佢會俾個牌仔你拎返位等。等果陣發現門口貼住啲3D貓狗圖（好多年前啲人好興喺街邊擺檔賣果啲呢），感覺更有趣。😃😆😂🤣最後想提一件事，我發現茄汁過左期2日😔 好彩，食完又無肚痛，但都提下大家睇清楚包裝的到期日子先

那天要一早出尖沙咀工作路過這間餐廳被門口的Big John燈牌吸引了💡門口又好像頗懷舊一於就嘗試一下~~🙆‍♀️🙆‍♀️🙆‍♀️餐廳裝修都幾特別全數是用酒吧枱、高腳櫈~~😗不過店家都幾細心，在地上整了些鐵通方便大家坐在高腳櫈時放腳令食客們不會坐下時，隻腳半天吊~😂😂😂早餐選擇尚算多元化有湯麵、有粥、有西式早餐、有三文治仲有飛碟、格仔餅添呀~~🙆‍♀️雙拼湯麵餐 (午餐肉豬柳公仔麵)($33)午餐肉豬柳公仔麵公仔麵就是正常的啦~~🍲但佢煮得較硬身~~~如果喜歡淋身一點的，要請廚師煮耐一點~~🙋‍♀️豬柳味道正正常常~~午餐肉都算是厚厚的，還煎香了~~😋阿華田 (跟餐)阿華田味道都算濃~~不會是阿華田粉太少~最怕是像飲有朱古力色的白開水~~😂😂😂半份格仔餅配腸仔、蛋 ($33)蛋煎得不是太脆邊如果可以煎得更香口，會更好吃~~🤔腸仔原來是半條司華力腸，煎得頗香口~~配上蕃茄醬，脆脆的腸衣，好吃~~😎半份格仔餅雖然格仔餅不是超級脆邊的那種但是它好厚實，外表微脆，內裡很鬆軟~~🤤蛋味好香濃~~🥚上面塗滿了煉奶、花生醬~~🥛🥜而花生醬還是有粗粒花生的那種~~增加口感~~非常好吃~~超有驚喜~~❤❤❤熱檸檬水

💁🏻‍♀️Big John (尖沙咀)🍴-好味格仔餅（$34，包飲品）食過數一數二好味嘅格仔餅，雖然比出面嘅貴，但真心高質同足料。勁厚勁鬆化，好重蛋味，唔會係出面溝好多水嘅格仔餅，外層勁脆，中間好似食緊蛋糕咁，再加埋面頭啲奶醬同花生碎，好邪惡但勁好味。果日晏晝我食完飽到夜晚飯都冇食到🤣/📍Big John (尖沙咀)#尖沙咀 樂道17號地下

其實我都成日喺尖沙咀食飯，但真係一次都未見過呢間餐廳。依間餐廳係喺樂道，iSquare附近，但平時行過都唔係好發覺。今次係朋友帶我嚟呢度食飯先第一次嚟，佢嘅鋪頭唔係好大，都係得十幾個位到。但因為我哋早嚟，所以一入去就有位坐。呢到主打都係食港式家常菜，有飯有麵揀。佢一個lunch set有麵、小食、湯或者嘢飲，盛惠$59，不過我轉咗做公仔麵，所以就要加多$3。今日就揀咗食酥炸鯪魚球公仔麵，小食方面我揀咗食滷水雞翼，同埋飲中湯。去counter買完嘢食之後佢係會送過嚟你個位嗰度，都幾貼心。想講個酥炸鯪魚球係超級大粒，仲要有三粒。我食得出佢係啱啱炸起，因為係好脆同埋熱辣辣。至於個滷水雞翼，我就覺得佢唔夠淋。要讚下嘅就係佢個老火湯，今日係西洋菜湯，真係好似屋企嘅味道咁，完全唔覺得係味精湯，飲落去好舒服下次再嚟我一定會試吓其他嘢食，同埋再飲佢個湯。

老闆生日係公司開party，係Big John度叫左啲小食。啲雞翼夠入味，一下子就無晒。雞腎比較細粒，有少少唔方便夾，所以唔係好多人有食，不過味道係ok既。個鯪魚肉球好好食，成$10一粒，都唔平架。最令我覺得奇怪嘅係，平時啲沙律回留返好多喺度，但今次啲沙律居然食晒，真係第一次見，清沙律既速度係我連一啖都無食過 個個同事都話啲野食好食，決定之後開party都訂呢間。

今日去咗尖沙咀，經過見到間鋪頭裝修較特別，諗住食個早餐，早餐類別選擇都多，中式既粉面都有，最後叫咗半份格仔餅系列套餐，格仔餅名符其實好好味，醬多陪大粒花生🥜，如果大食可以叫全份早餐唯一美中不足係差杯咖啡，唔係即磨，不過早餐可以跟橙汁，建議飲橙汁會更好

叫左個ALL DAY, 麵包轉做格仔餅。ALL DAY平平地,都預左唔會太特別, 但質素都OK WOR,  腸係類似司華力腸, 幾驚係廚C 腸, 仲有2大塊煙肉, 2隻蛋係太陽蛋, 個邊係脆, 中間流心,格仔餅有驚喜, 竟然係REGULAR SIZE GE 一半, 我仲以為好細塊, 上面茶左花生醬同練奶, 暖暖的,幾好食, 我將隻蛋放埋上去一齊食, 夾埋D蛋漿更正。呢個餐原來有埋橙汁, 而另`外又有一杯野飲, HAHA。\座位就窄D, 全都是面壁GE 位, 不過呢度食野都係講求快靚正,無咩所謂LA。BTW, 店主好中意狗, 全都是狗GE相, 好多狗狗都係佢架, so warm ^^

起尖沙咀想食個早餐，到處都滿座，經過Big John 見到有all day breakfast, 小店仲有小小位，就去食啦。個火腿菇炒蛋份量幾大，可以要格仔餅又可以要牛角麵包，格仔餅少見在餐廳內有得食，有兒時回憶牛角麵包夠鬆化

尖沙咀比人既印象係高消費區域，要係尖咀搵一間價廉物美既食肆真係好困難，Big john呢間平靚正嘅餐廳會係我經過尖沙咀開餐既不二之選！Big John 店內既裝潢係60-70年代既舊式茶餐廳，店內嘅佈置令到客人有一種獨特的體會，相比起其他餐廳，店內嘅佈置令到客人食嘅唔止係味道更加係回憶。Big john 唔單止剩係得外觀，食物亦都非常高質素。其中一種必食菜式我個人推介雜扒飯，份量充足，肉既份量亦唔會太少，再留意一下價錢你就知道收費「貼地」，絕對能夠令到客人滿意地捧着肚子離開。 酸辣鳳爪亦都係一款很唔錯既小食，細心之處係佢哋將所有骨全部拿走，能夠真係做到「啖啖肉」，辣度酸度適中，絕對係一款唔錯嘅醒胃小菜。吞拿魚沙律都係一款唔錯主菜，吞拿魚分量十足，蔬菜同吞拿魚嘅比例接近一比一，吞拿魚愛好者絕對可以一試，而且蔬菜新鮮，價錢亦都合理總括而言，big john 係一間唔錯嘅懷舊餐廳，裏面嘅食物質素高份量亦都大，價錢亦都貼地，絕對稱得上係尖沙咀裏面嘅平民餐廳！

平時好少食港式餐廳ge我今日經過big John 見個名咁得意就入左食啦裝修走港式style 仲有唔少狗仔裝飾Tim 坐位十幾個 半自助形式 自己去counter 落單 店員送過黎野食選擇都幾多我地最後㨂左all day breakfast (轉格仔餅）豬手撈丁加左滷水拼盤不得不讚 menu 係中英對照 方便唔同人士All day breakfast 有腸仔 煙肉 煎雙蛋 薯仔沙律 食all day breakfast 最怕就係油淋淋 呢個一d都唔油膩 煎到岩岩好 最令我驚喜係 格仔餅 超出色 口感濕潤仲愛札實 加上奶醬 勁正煎蛋豬手撈丁出前一丁煮到好彈牙 唔會過淋 蔥油豉油汁 好香 勁夾 豬手又係出色之選 唔乾又入味 一食就覺得食左好多骨膠原👍🏻滷水拼盤非常入味 一d都唔輸台灣滷味熱可樂檸薑

平時行尖沙咀都完全冇留意呢間小店係尖沙咀返工嘅朋友仔介紹先識黎餐廳菜式款式類近茶餐廳座位唔算好多 自行搵位然後去收銀處落單黑洞叫咗啦豬扒蔥油撈麵 炸豬扒超大份 即叫即炸好新鮮豬扒肉質冧 味道唔算太咸公仔麵包撈蔥油十分香口不過食到底可能有少少咸小食加咗一份燒賣 足足有六粒夠晒多飲品要熱朱古力 成餐邪惡度十足朋友仔叫咗煎蛋雞翼五香肉丁撈麵食肉獸應該好滿足小食揀咗招牌格仔餅煉奶同花生醬份量爆多 超級推介而且即叫即做 包保新鮮飲品飲凍啡整體食物價錢唔算貴 分量夠足又好食尖沙咀來講算係唔錯嘅午市選擇

🐽支持下香港既小店😝老闆好nice,好多附近番工既上班一族黎食😌簡簡單單既野食，但食得到老闆既用心同誠意！👅全日早餐（$57）係好港式既All Day Breakfast🥰呢到最出名係格仔餅！格仔餅偏向實正，但都好綿密👍🏻外皮既邊位微脆！再加埋面頭邪惡既奶醬同花生碎粒🥜好香口！係宇宙最夾既組合😈腸仔一樣層皮爽口而入面好juicy！煎雙蛋煎得好靚😍半生熟流哂啲蛋汁出黎，再加埋甜豉油食Perfect池🤤食埋薯仔沙律就更加滿足！係略厭啲煙肉乾左啲同韌左啲🤨本身有杯橙汁，仲要包多杯飲品，飲番杯暖粒粒既熱菜蜜😆食完飽左大半日🤣🤣🤣

平日普遍在尖沙咀上班通常午飯都係帶飯或嗌外賣，比較鍾意食嘅外賣其中一間就係big John ！今日放工經過樂道終於見到big John 嘅真身!座位數目唔係太多大約有10個左右。雖然佢唔係有好華麗嘅裝修...但我重視嘅係食物嘅質素多過食裝修的店舖一坐低唔使諗就叫咗一個薑蔥炸鯪魚球撈丁套餐而我同事就叫咗一個薄牛扒撈丁大約等了5分鐘好快就上枱喇....首先講講個炸鯪魚球！很大粒而且熱辣辣好香脆唔會有太多麵粉嘅感覺！感覺十分真材實料！薑蔥撈丁面又唔會過淋啱啱好！我懷疑是用薑水煮麵的所以有陣陣薑味！唔會太鹹啱啱好薄牛扒撈丁-牛扒唔會太老，不錯！另外附上一份黑椒汁，同事大讚黑椒汁用來撈麵都是一流的配搭！套餐我們選擇了格仔餅和滷水拼盤滷水拼盤-每樣都有兩三粒份量唔算少而且每樣食材都很入味，尤其是豆卜另外格仔餅係食完所有嘢，佢俾個牌仔我才即叫即整！確保新鮮熱辣！是比較厚身的一款！上面有厚厚的花生醬和牛奶！香脆可口！正呀加上一人一杯凍飲！今餐晚餐係尖沙咀來講60幾蚊簡直冇得挑剔！

自轉手後，一直唔知質素會變成點， 唔想貿然來食， 以免破壞左以前美好既回憶。 今日終於再一次來食， 估唔到亦係最後一次。叫左魚片頭麻辣米線， 普通。一心諗住個招牌格仔餅，應該唔會失望啦～ 一拎起，點知整片格仔餅係爛既～ 叫店員過來， 佢竟然答，你要脆點， 就要少油， 就係爛架啦～ 爛左又唔係唔食得， 轉身而去。總結， 咁既食物質素， 咁既服務態度、 永遠back list! 可憐big john, 以後唔知會變成點？！ 老闆娘見到， 應該好心酸😔