越式工房 (已結業)

和同事來這兒吃午餐這兒是沒有午餐餐牌的只有一個推介菜式 全日供應的我們叫了三個餐-馬來沙嗲鴛鴦扒飯 $42上菜的時候被賣相嚇到 不是一塊塊的 是已經切好的 而咖喱亦沒有其他配菜 只是碎扒加咖哩味道也不太好-星洲海南雞飯 $48飯沒有什麼椰香味道 海南雞感覺雞皮多過肉 三色醬齊全 份量比較少 我同事吃完說只飽了一半-雜錦魚露撈檬 $48想不到我這個賣相最正常 只有一塊魚餅 一塊蝦餅 兩塊炸春卷 材料也未免太少 檬粉係黐埋一舊 只有少許炸洋蔥和青瓜餐飲叫了檸檬薏米水 完全只有少許檸檬味 沒有什麼味道這個餐廳可說是少有的嚇到我了

新蒲崗嘅工業大廈附近都冇咩餐廳咁，行遠啲會多野食揀，但落雨就唔想行咁遠，喺附近搵到間餐廳就食。見到佢呢間食越南野都幾多選擇我地就叫左個香茅沙嗲雙扒飯，啲汁真係有好濃嘅香茅味，我個人就中意食淡少少嘅，不過食食下又覺得啲醬咁整都幾夾，啲扶係已經切好哂比你，好方便，唔洗自己動手🤣同埋叫左個海南雞飯，啲雞肉都幾滑，肉質都唔會乾，仲要少少配菜喺度，係幾開胃嘅食午市會奉送檸檬薏米水，咖啡或茶。檸檬薏米水感覺上都幾養生同健康，有助去水腫，見到唔少人都係叫呢杯野飲。呢度嘅工作人員都好有禮貌，連走嘅時候都會同你打聲招呼，講多兩句再走，感覺有愛呀食野有時唔止係食味道，仲有食感覺架

在家突然肚餓 當然要落樓覓食行到大友街工廠區發現竟然有排餐廳 下午茶仲要幾平幾吸引 係本人最愛嘅越南嘢🇻🇳入到去見人流唔多 所以就慢慢坐坐睇餐牌 最後落左一人一兜share黎試唔同味但係上菜嘅時候發現份量係略小嘅 味道亦都係中規中舉 連自問小鳥胃嘅我都忍唔住去一田加餸

如果講難食, 呢間真係新蒲崗數一數二,叫咗個青咖哩雞飯外賣, 悪夢就開始!! 青咖哩不知所謂, 完全唔係青咖哩黎,個樣係黃咖哩嘅顔色, 根本唔知青左去邊度, 食落去你唔好期望有青咖哩味, 就連咖哩味都極之微弱, 冇咖哩香料味, 冇椰汁味, 好難食!!真係未食過禁難食嘅青咖哩!!仲有第一次食咖哩雞飯啲雞係雞扒黎, 佢由頭到尾根本係分開煮, 煮好晒等有人order先再決定淋邊隻咖哩汁, 真係犀利, 同碟頭飯嘅運作模式一樣。完全唔掂呢間野, 好少寫食評, 呢間禁大穫真係花幾分鐘時間都要寫。

新蒲崗想食既都食過，今次就行遠少少發掘下新野食～LUNCH HOUR 唔使等位，好快可以安排入座，為一個鐘頭既LUNCH慳返唔少時間呢間越式工房主打星馬泰食物，今日LUNCH就一於試下個冬蔭公海南雞湯麵麵類可以揀既，今次我揀咗金邊粉，因為要襯返個THAI FEEL~ ＄46 冬蔭公海南雞金邊粉5分鐘就上枱啦～試一試個湯底無冬蔭公味之餘仲要偏咸，不能稱為冬蔭公，只係個湯底顏色似冬蔭公，真係有失望～雞方面好彩都唔太差，連雞翼都有起到骨而且雞唔會好老，算唔錯。雞既分量亦算合理，所以雞既部分比4粒星～值得一提既係個麵底都算大，所以食完都好飽，收工都唔會餓

工廠區 巳預計沒有環境可言👉👈但通風真的需要改良 油煙勁到白霧霧🌫🌫呼吸困難🤧 全身味道難接受😷地下濕滑加上了油煙 危險 非常危險食物質數 以色香味 我只能給予 填肚吧唯一讃 只有冰滴咖啡 ☕️

下午茶試吃這店的泰皇紅咖哩牛腩飯，殊不知完全中伏 。。。見到上桌時一碗螢光色的咖哩汁的東西已暗叫不妙，吃下去汁淡而無味，不要說夠不夠辣，連最基本的咖哩味道都完全欠奉，牛腩又少得可憐，白飯也煮得太腍，超級難吃，好失望。總的來說，這是我吃過最難吃的咖哩飯。本以為咖哩是最安全的選擇，且這餐廳標準以東南亞美食為主打，理應不會太差，沒想到結果卻完全強差人意，雖然價格算是相宜，但真心難吃兼失望，以後都好難再次來光顧。

今日同教會姊妹係樓上返學，所以返學前緊係要醫返個肚先啦！門面一啲都唔吸引，但一入到去都幾大，樓底都算高，所以無局促既感覺。不過如果有選擇困難症既食家，要花多少少時間去思考想食乜，午餐都有十幾個餐可供選擇，係咁繁忙既區域都可以煮到咁多款都好犀利！我最後叫左「海南雞喇沙湯檬」，我朋友叫左「火車頭蕃茄湯河」，各送一杯自家制檸檬薏米水👍🏼。我哋仲可以加$6換一項小食❤️不過當兩碗麵黎到時，我哋覺得似車仔麵既感覺🙄佢將啲雞放埋入個碗麵入面，一黎到啲雞件已經係四散，不過喇沙湯底都唔錯的。我朋友果碗蕃茄湯底，鮮茄感覺比較少同埋好甜🤔我朋友就話係淡左啲，我自己就覺得唔多😅小食的話，扎肉就唔建議大家叫因為係炸扎肉片，而春卷係正常的（$6/3條）係抵既！因為仲有幾堂要上，我哋都會俾機會佢試多次既，因為性價比較高😛

今日又要到新蒲崗做嘢，上次拍擋帶路食過一次感覺Ok, 今日一支公唔想週圍揾嘢食所以再嚟！叫咗個海南雞飯，雞算多，雞都好滑，個雞配黄薑椰香飯，搭配幾好，但雞有點凉，美中不足海南雞飯無配送雞湯，要自己加個肉骨茶$10元，扣分！鐘意飲藥材湯ok慨，接受唔到最多唔好叫，餐飲加$6叫咗杯三色冰，三色冰红豆綠豆再加啲綠色啫喱物體加椰汁，杯嘢無乜特别，普普通通！午飯時間人超多，地方有點逼，食完速速走，總括係可以嘅，埋單$62. ok慨！

二人餐竟然無樣好食。。。隻咖哩蟹吾新鮮， d肉好散、好水、離晒殼。蟹殼真係得個殼， 完全無蟹肉， 莫講話有無膏。仲有一樣要提既係。。餐廳有個女性員工服務好態度好差， 食客食咖喱蟹難免食到成手污穢， 餐廳無濕紙巾供應， 食客問可否給一碗暖水洗洗手。 負責人態度好差， 回應： 無！ 去厠所洗！其實個問題係厠所要推開餐廳後門既門，共用商場厠所， 仲要用匙卡拍卡厠所開門。試問成手油點樣推門？！ 食客話其實佢都係吾想用對油手，整污穢d地方, 但餐廳果一位女性員工keep住以無禮態度，堅持吾俾食客用佢開放式廚房水喉沖一沖洗對手先，堅持要食客出去厠所洗， 連紙巾都吾懂遞上一張。 其實點解要給面口食客睇和俾說話食客聽，佢仲話： 痾爛屎都要衝去厠所啦！實在太過份了！！！！ 其實禮貌地拒絕已經可以！

獨自食lunch既日子，選呢間主要原因係價錢超值。今日早左去。午市都未開始，員工仲食緊飯，不過都好親切招呼。Order左一個燒雞黃薑飯半隻燒雞，好抵雞肉雖然未到非常滑既級數，不過亦都唔乾柴，算幾好，配南乳醬，味道洽到好處。黃薑飯好香。仲加配一杯飲品，真心抵食

復活節既星期六黎到新蒲崗依D工廠區都幾驚無咩野食, 好彩見到間食越南野既餐廳有開, 就入左去食~入到去, 我地揀左個海南雞飯, 老公既評價係: 唔得!雞無雞味, D 油飯又無味......而我見佢依度有D 好特色既咖哩農夫包, 所以想試下個外型真遜色左少少, 我用刀切開少少麵包沾D咖哩汁, 個包好脆, 咖啡味都幾濃.但食唔到一半已經覺得好咸, 而且我地叫牛肉, 個牛肉都幾硬. 係D 薯仔因為可以吸咸, 所以覺得無咁咸.餐飲叫左凍檸檬茶, 穩陣之選

泰式原隻鹵水豬脾飯 $48呢個重量級豬脾，就咁睇個size已經大過個拳頭，而且仲好厚身，鹵水汁色澤偏深，味道香濃，帶微甜，豬脾鹵得入味，肉質軟稔配料仲會有幾塊薄薑片，酸酸甜甜又脆口，解膩一流！原來呢個豬脾飯每日限賣十幾隻，一到lunch time就賣哂，所以大家要食嘅話就要趁早啦！

今晚有公司課程要到鑽石山上課，放工去到順便同同事去食個晚飯再上課。課室旁剛好係大友街，行了幾間地鋪飯店都係想試下依間越式工房，雖然門口不顯眼 ，但都會見到門面有好多美食的相看，不用等就可以看餐牌點餐了，我就食另類的冬陰公湯麵配雞鎚魚餅同事就叫了一個印尼炒飯。飲料係咸檸七同金桔檸檬。整體來講～冬陰麵好香，熱湯底微微酸～又有紅辣椒，喜愛辣的你可食落口。真係好辣的～記著好好味食物好味，服務滿意同坐位舒適。值得再試其他菜式。

星期五午餐去咗呢一間越南野食海南雞飯。過返都幾大碟，海南雞都幾多，不過平都好多。過返就係用黃姜粉染咗黃色，唔係間間都係用黃姜粉做嘅，同埋呢個返去有得一陣椰香味，都唔錯。同埋佢俾咗姜蓉，酸薑，同埋刮豉油俾你， 咁你自己鍾意就可以點邊只。雞都幾滑，整個飯都唔錯。不過價錢略貴要＄46。