翡翠海鮮酒家.明珠宴會廳

營業中

休息中

因為好友即將移民，咁臨別秋波冇理由唔食餐飯。 選址呢間酒樓係其中朋友試過 覺得唔錯。老老實實，睇門面真係行過都未必入嚟，又或者覺得只做街坊生意。 不過，凡事真係唔好睇表面，一定要自己試過至知龍與鳳。 食品質素都算唔錯，我反而欣賞佢既配搭係有新意，起碼自己未見過。 睇下相片介紹。仲有豬肺湯冇影相，好香杏仁味，好飲。 值得推介👍

必食香草焗手剪乳豬，這個皮好脆，肉好嫩滑，見到用係好多香草醃制。有別一般中間好多肥膏的燒乳豬，呢只可以全隻食晒的。另外冰火香芒蝦多士$138有4件，如加就$34.5/件，師傅用芒果及忌廉自己打制雪糕，放在香脆蝦多士上面，冷熱交溶！😋😋😋

個menu正係寫138 （冇寫一件138），我哋以為成碟138啦，點知係一塊138，我哋14 個人食咗1900+… 仲要佢嗰舊芒果咁嘅嘢吃落去勁似沙律醬味，係唔好味嘅沙律醬💀 落單嗰個仲要冇問我地要幾多件，正係靜靜地數人數就當係嗰個數囉

終於又可以一家人食團年飯！之前都嚟食過，食物質素好有水準，所以大家一致投票再嚟，預訂咗富貴吉祥海鮮全包宴，預早落單可以減$500、價錢都算合理。上菜次序：1️⃣香草焗手剪乳豬-冇誇張真係好好食，熱辣辣皮脆肉嫩，全家人都讚，2️⃣上湯生猛龍蝦伊麵-龍蝦新鮮份量足，上湯焗味道適中，伊麵底亦整得唔錯，3️⃣菜膽濃雞湯燉花膠-碗碗都有花膠，味道好夾，連湯料嗰半隻雞都好入味，不過太多餸所以冇乜點食，4️⃣清蒸游水大海斑-我自己就唔食魚嘅，不過屋企人話條魚蒸得唔錯，冇話蒸過頭，5️⃣炸子雞-香脆好味，6️⃣生財南非鮑魚扒鵝掌-鮑魚夠大隻，鵝掌我自己就覺得爭少少腍，但其實合格嘅，不過如果再腍啲就仲好食，生菜底正常，7️⃣水晶鮮蝦菜苗餃-皮薄裏面都幾多菜苗，好食，8️⃣蜜糖脆麻花-正常好味，9️⃣西米蓮蓉焗布甸-保持水準，唔太甜又夠香，1️⃣0️⃣生炒臘味糯米飯-大家都好期待個糯米飯，冇令人失望。整體食物質素全部都好高分，全部都好味，菜單都可以彈性嘅，因為本身套餐係豉油雞，但我哋鍾意食炸子雞，都可以轉到唔需要加錢，服務基本上啲姐姐全部都好有禮貌。我哋已經坐低人齊，碗杯都洗晒，跟住佢先至話我哋張枱本來要同隔離張枱留俾人，本身要我哋轉枱，呢度就有啲

普世歡騰嘅十二月到啦～再分享多間好適合做冬、慶生嘅餐廳啦！太子嘅翡翠明珠推出特別菜式西班牙風焗乳豬、冰火香芒蝦多士將新派與傳統結合而且環境明亮乾淨食都食得舒服d☺️🔸香草焗手剪乳豬❤️乳豬皮光滑脆口 由於用焗嘅關係 肉質好嫩滑juicy！有好清新嘅香草味道食落比一般乳豬冇咁膩 而且多一份香氣好好食！🔸杏汁菜膽燉白肺湯❤️超足料！湯好濃好甜！豬肺洗得乾淨 燉到好軟腍杏汁清香順喉 好滋潤呀！🔸冰火香芒蝦多士❤️蝦大大隻爽彈、新鮮配又熱又脆嘅多士加上凍冰冰又香嘅自家製芒果雪芭三種口感 好滋味！🔸炸蠔餅好大件 而且炸得好蓬鬆每一啖都好香脆有肥美嘅蠔仔仲有櫻花蝦令整體多一份鮮味🔸脆皮一品燒雞雞皮有好香濃嘅醬油及香料味肉質非常嫩滑肥美皮香肉滑 師傅手勢一流🔸生炒臘味糯米飯軟硬適中 煙煙韌韌 口感很好每粒米都有臘味油香食完暖笠笠🔸臘味炒芥蘭臘味仲多過菜 好足料有潤腸、臘腸、臘肉蔬菜爽脆鮮甜

這間酒樓位於界限街球場對面，名叫翡翠明珠酒樓，有很多光顧的茶客都是街坊。酒樓有傳統的點心，也有按時令的推介小菜，如果平日早上飲茶更有特惠點心。今天是星期日，又是午市時段，要早些去才容易有位。我們由落單到點心上枱，等了超過20分鐘，每一次我們必定食薑汁雞包仔，它是每籠2個，所以較大個，裡面的餡料有雞肉，蝦，菇和很多薑絲，而且有肉汁，即使不愛吃包的人，都會愛上吃它。蝦腸的皮很薄，蝦夠大，所以很好吃，山竹牛肉的牛肉嫩滑，牛柏葉是特點，有很多牛柏葉，但要稍為咀嚼一會，不過仍可以接受。最後便是甜品，薑汁千層糕，千層糕不太甜，薑味濃，糕點彈牙煙韌，值得推介。

Jade Seafood Restaurant has opened for many years. Full of repeat customers. The dimsum are all homemade. I especially liked their steamed beef balls, not huge but pulpy, and the color is rather brownish that indicates it has more beef than pork inside. The beef tripe are also easy to chew and nicely flavored. The shrimp rice rolls have a silky texture with fresh shrimps inside.Chicken was grilled to perfection - juicy and crispy. The bone marrow was still pinkish which indicated it was not over

聽閒已久今日終於嚟到試吓呢間隱世小廚，果然名不虛傳⋯✌🏻今日嚟試吓佢個下午茶，由2點開始。我叫咗5碟點心，總數$152連茶芥⋯第一個蝦餃拼燒賣，蝦餃好有肉汁，筍又夠香，燒賣有小小失色，不過都係唔錯；第二碟虎皮尖椒，呢個好香，而且又夠熱，配合佢特製醬油，非常好味；牛肉脹皮滑又唔厚「「正」」；紅油抄手，味道夠濃，不過有D凍左，可能係個醬汁關係；最後陳川粉，可能放咗一陣，面頭唔太夠味，不過越食越好味⋯整體來講相當唔錯，返食指數100分⋯ ✌🏻✌🏻✌🏻

😈糕糕好靚😍😍❤️❤️有桂花味同椰汁味🤪🤪😈春卷夠脆，沾醋好食過唔沾😮👻👻👻👻👻😈叉燒腸居然有我討厭既茜😮😮😔😔😔😵😈但腸粉幾好，唔會一夾就散，叉燒 量都ok❤️😈鳳爪太咸😅😅😅😅😅😈抄手係暖，個汁偏係甜😮😮😮😈 陵魚球無陵魚味🙃🙃🙃質地就軟彈🤪🤪😈排骨既墊底芋頭好淋，入口即溶👍🏻👍🏻👍🏻👍🏻😈環境幾好，大大個落地玻璃，冷氣就唔夠😈但有風機吹住都夠涼快🤪🤪🤪另外有蚊咬人🙃🙃😈但點心款唔多😔😔😔🙃🙃🙃🙃

今日在太子運動場跑完步，到翡翠明珠宴會廳飲早茶，(本來已經唔想入去，因為上次聽到有個戴眼鏡的女侍應不停向另一個女侍應大聲講客人壞話，非常煩擾)，坐低後點了一個薑汁千層糕及點心拼盤，期後發現有千層糕底部一張白紙，同埋係黐實咗糕底，根本撕唔到出嚟。(食過很多次，根本不會有這張白紙在糕底)，於是向戴眼鏡的女侍應查問一下點解會有這張白紙，佢唔奇怪千層糕會有張白紙, 反而很輕鬆的回答話:「係有張紙架，你太耐唔食佢就會黐住舊糕架啦！」聽到咁嘅解釋，真係唔知好嬲定好笑，呢間酒樓有呢啲侍應生，決定以後都唔會再幫襯。

飲茶飲茶多人既聚會就梗係去飲茶啦，可以狂嗌點心🥧狂畫點心紙，好治癒既感覺喔每次都係黎哩間飲茶，飲到啲職員都識我地啦黎哩度一定要食雪山叉燒包，係要搶架，點心紙都無架，係限定係列黎架，今日搶到一碟外脆內軟既感覺好棒👍由於多人既關係，幾乎成章點心紙都tick滿哂，叉燒腸，牛肉腸，蒸排骨，蒸鳳爪，蒸牛肉，蒸魚肉，煎蘿蔔糕，煎炸菜肉絲包，叉燒包，薑汁糕，皮蛋子彊等等等每樣都食小小，滿足到不得了呀，係好食開心的飲茶💕💕招牌雪山叉燒包💕💕流心奶皇煎堆仔💕💕香煎魚肉青椒💕💕點心山

太子的翡翠海鮮酒家.明珠宴會廳, 是同事們歡迎或歡送同事的午餐聚腳地!!! 也是部份喜歡飲茶同事的心水選擇!!剛剛颱風(山竹)遠去, 當然要叫山竹牛肉啦！ 山竹牛肉夠滑, 肉味濃, 好好食!另外一款推介是春風得意腸, 外面雖然是腸粉皮, 但內野仍是很脆口, 口感和味道頗佳!!雪山义燒包是部份同事所喜愛食品! 外皮鬆化, 义燒的質素亦不錯!!!鴛鴦雞絲炒飯是自己的所愛, 飯底炒得夠香和乾身, 紅汁和白汁亦煮得香濃, 配上雞絲和蝦, 真係不錯!!至於其他點心, 水準平均, 也做得不錯! 此店玻璃貼上( 米芝蓮推介)的字樣, 是真是假就不知, 但整體食物質素就真係不錯!!!

幾年前(2011）來過一次晚飯, 睇嚟師傅都換咗好多個，再沒有什麼"攞你命菠蘿飽"之類得個名的點心，這次是中午來, 午市時間反而沒晚飯般多人, 點心價位一般,星期六茗茶$8.80, 小點$17.80, 中點$21.80, 大點$24.80, 特點$28.80, 頂點34.80, 以價位計泊住大集團但地點則只屬於小社區, 講返食物:飽汁大雞腳$45 汁杰味濃, 雞腳質感唔算過淋身,蜜汁义燒飽(小) $17.80三個, 造型精美, 餡料一般但又ok金珠咸水角(大) $24.80 有點貴, 金珠效果做得到, 餡料夠咸香,潮州蒸粉果 (中)$21.80 同樣偏貴, 不過餃皮同餡都幾正宗,山竹牛肉球(大) $24.80 呢個算係大點有點過咗位, 口感比正常的多一點咬口同肉感, 不過都唔使咁貴啦!香辣星洲炒米(週六價)$69 炒得有睇頭, 蝦大大隻雖然唔係鮮味十足,味道有點香辣夠貼題, 整體合乎標準, 任座唔早趕客, 服務一般!

老豆食完點心灌湯餃大讚，想試晚飯小菜，一家大小應酬下打電話訂七點，話八點先有位，我問七點半，佢話要等下。嚟到等下七點九有位。真係坐無虛席，咁掂？- 炒淮山藕片: 我地要求走可肉鬆，有做到，豆豉炒香口-中式牛柳;肉粒夠嫩，洋蔥夠甜，無鑊氣- 石鍋京葱羊肉煲：味道可以，但無石鍋，没有燙口感- 三摧四請才到海參鵝掌煲：鵝掌都算炆得夠唸，海參厚白有漂過嗎？暖暖上又沒有煲啲石鍋呀煲呀去哂邊？因為用哂洗唔切。後三碟用錫紙包盤上。有常識都知錫紙包熱食是放毒的。我向侍應呻了下，阿姐好似識做話送甜品，咪又係每抬都有嘅骨膠造桂花椰汁榚。唔想食膠所以無吃。這裏翡翠隔離明珠，見大厨有點面善加上梅小慧，好似師奶台私竇。正如一大堆即棄濕紙巾，地毯有虱，庸俗無常識，害了中毒的我們還有三歲小孩。有少許可取之處：味精不多。

翡翠、明珠其實係同一間酒樓同一個老闆。呢度飲茶我哋經常來，因為貪佢價錢夠平民，食物多元化今日一點正嚟到勁多人，啲人排到出門口。我地食過好多次，覺得唔錯，中午咁好生意，點解咁多負評嘅？不過口味嘅野係見人見志。我哋一坐低就點左以下食物見到已經流晒口水也是我最喜愛的其中一款菜。最正係D邊脆卜卜，足料烚秋葵加麻醬，夠晒健康呢個煲真係麻麻，四寶丸都好一般煎得好靚蝦滑夠彈牙好味!腸粉做得好好，皮薄又新鮮正正正，皮薄，有蝦的鮮味鍾意食芋頭嘅朋友呢個係必點嘅真係好好味熱辣辣，成舊都係芋頭總結: 會繼續幫襯完全唔係好似其他食評咁負面，不過可能大家食嘅嘢唔同，又或者改良咗同換咗廚師啦呢度唔好嘅地方就係好嘈，同埋侍應生唔夠，但係食物是不錯的