爭鮮迴轉壽司 (已結業)

雖然经常很多人排队等位，但等一会也是值得的，因为这里有各种各样的寿司，而且又非常便宜，以这个价钱來说，可算是超值。他们的鳗鱼寿司的鳗鱼真的很大塊，而且也算弹牙，雖然是兩碟的价钱，亦不算貴。三文魚腩寿司也十分大件，肉質亦算不錯，值得试试！

以前經常吃！中午飯！但好少寫食評！由於今天三八，我們的女神節！忍不住寫好多美食！眼花繚亂！先定定神開始吃！最愛的甜蝦🦐，三文魚刺身，油甘魚🐠等，都全部取到面前！才8元/蝶，又新鮮又有口感！到哪裏找

大鄉里第一次去，門口排長龍，以為有排等，點知吾使十分鐘就可以入坐。舖面好大，有一條長長既迴轉帶圍繞著。但無餐牌，無價錢。眼見有兩隻色既碟，大鄉里既我就問下價錢，原來全部$8。😲包括刺身，甜品，帶子等等。三文魚刺身都係厚切，但係得平時三份之一咁大塊。阿女話粟米壽司比快線既好食，因為夠多沙律醬。😂呢個壽司吾知係咩，魚肉粉紅色，睇落好新鮮，不過好多筋。壽司款式好多樣化，size 略為比其他店少一點，都吾緊要，只希望食物品質okay， 吾好食壞肚。

自從爭鮮進軍香港 香港又多左一個食迴轉壽司既選擇唔好expect可以食到超高質素  但佢既性價比高 碟碟$8都係一個唔錯嘅選擇今日收工諗唔到食咩 同女朋友行過爭鮮 就一齊食下咁啱爭鮮做緊九周年優惠 食滿九碟減一碟坐低斟茶同整好豉油 就馬上叫攞野食食壽司 來來去去都唔小得果幾味三文魚,玉子,墨魚,蝦 都係個幾種味道一般 可以接受海膽軍艦就唔建議食 完全食唔到海膽味見到有茶碗蒸蛋 即刻叫返碗呢個真心唔錯 有蛋味 夠滑 有小小配料$8真心無得輸另外帶子壽司都係必叫 我自己都食左4件帶子甜甜地 size夠 有咬口$8食多幾件銀包都唔赤

爭鮮比我印象一向係以平取勝無需期望過高!本來都好驚迴轉會好似明X個d伏好怕係d奇怪壽司 但帶著好奇仍然好想試一試荃灣依間長期多人今次雖不用排隊但仍接近滿座$8/碟再9碟送1碟基本上都是自助有茶包供應自行斟水坐底後發現並唔係想像中咁差喎雖不是貴價貨色但起碼款式尚算多想食那款就自己拎！至少能填飽肚子 而且味道不錯喔個人特別喜歡薑 每次經過都夾一大撮 😏埋單店員會過來數碟子根據碟子數量決定收費今次一試令我對迴轉壽司印象改觀不少

又系放工去食壽司，這間近地鉄，所以特別多人排隊，但等了一陣到我們，一坐下大家都在轉壽司台上取自己愛吃食物，我先取蟹柳壽司，吃蟹柳沒味，再取我最愛吃八爪魚，其他虾，三文魚刺生及壽司，亦是没味道，好彩北奇具及赤見不腥，我們拿了鲍魚吃，味道沒什麼驚喜，混戰了數碟，我們邊說邊講，最後吃了一碟以4个圓形组合一朶梅花的甜品，朱古力味是我最愛，這甜品仍夠凍，一啖吃了朱古力加上脆皮雪糕味道，我們吃了2碟，整體壽司店环境有点不潔，食物一般

今日(19-8-2018  Sun)晏晝,同老公落荃灣整o野兼行街,雖然我唔餓,但都陪佢食o野,邊行邊諗,壽司啦,又唔似其他食肆咁,一個叫餐,一個只叫小食或唔食就被人啤.於是行o黎等位,條龍都幾長,不過大約只等10分鐘都有位喇,我o地食o左:1.  吞拿魚刺身一碟三件o既,老公食o左一件我至影相,呢個都幾多筋,老公話唔好食.一般o既有:2. – 3. 玻璃蝦壽司,唔知係咪赤貝壽司正常o既有:4. -5. 北寄貝壽司,唔知咩壽司,可能係魷魚.好少少o既有:6. – 7. 魷魚軍艦帶子裙邊,有少少辣.8. 芝士蛋糕其實由我o地坐低時已經見到佢o係迴轉帶上轉,轉o左好多次仍然o係o度,但我想食,就攞o黎食啦,一食,咦?!轉o左咁耐都仍然係凍咁厲害.呢個正常幾好食,唔錯.9. 泡芙好差,外面唔脆都算,佈裡填滿白色o既雪糕好凍,但冇味,莫講話冇雲尼拿味,就連奶味都食唔出,都唔知咩o黎.印象中我冇食到o晚係帶子壽司,蟹籽沙律壽司,其他唔知,我o地一共食o左15碟.味道係3.18分其他:呢次發覺壽司細舊o左,而茶包冇茶味,就算沖第一杯都已經冇.環境:開頭覺得冷氣幾夠,但之後覺得有啲熱.價錢:一樣唔理

爭鮮，向來都出名平，之前食過幾次都叫做ok，款式選擇雖然唔多，但質素都可以。但係今次真係好失望！星期日午市等左三個字左右就入得，比預期中算快，但係估唔到惡夢先正式開始！望住條迴轉帶，壽司款色極少，唔係蟹柳就係炸蝦，迴轉帶長期保持空空如也既狀態，坐低左成四個字，只係揀得兩碟岩食！有其他食客向店員反映款色少既情況，店員態度惡劣，在食客面前在無線對講機向廚房說：「有客話無乜乜乜喎，想要多d款喎」態度輕挑，意見接受，一切照舊！蟹柳無極限夠了，打算唔再等「運」到，主動要求落單要指定款式，點知淨係係無線對講機話：「隊尾有客要乜乜款壽司」，完全唔係送到枱面，等佢轉得黎都比其他人拎左啦😡😡😡😡😡見到咁既服務質素，已經唔想再浪費時間等運到，埋單走人無下次！走果陣見到廚房積左一大堆唔同款上左碟既壽司又唔出，唔通真係要等到緣份到先自然送出😤😤😤

尋日(31-3-2018 Sat)晏晝同老公去派台灣手信前食個晏,由於我仍熱氣,唔想食熱氣同太熱o既o野,我o地行到o黎,老公話食壽司吖.啊,好啦,上到o黎睇有幾個人排隊,唔知要等幾耐,正當想放棄o既時候,有一pair客人上去,職員即俾佢o地入座.咦?!咩一回事呢?我同老公就即返上去排隊,我見入面未full,點解呢?冇耐,職員行出o黎問有冇人齊o既?我同老公就答有,2位.咁就即入座.啊,原來要人齊至俾人入去食.我o地坐o係迴轉枱,快快攞o野食,我o地食o左:正常o既有:1. 腐皮軍艦兩碟一碟有兩件唔同口味o既,腐皮唔太甜,沙律同中華沙律都正常冇問題.2-4. 蟹籽軍艦,帶子兩碟,希靈魚5. 北寄貝壽司口感有啲煙韌6. 甜蝦幾鮮,唔錯.7. 櫻花卷內裡材料係普通o野,但同上面o既鹽漬櫻花同食,佢o既微鹹同酸,增加o左味道同減o左啲油膩感,唔錯.8. 吞拿魚兩碟講真,顏色唔係靚,食落重有筋,但佢尚算鮮甜.9. 蟹籽沙律呢個正常,不過始終會有少少膩.10. 青瓜三文魚籽軍艦青瓜仍爽脆,夾埋三文魚籽同食,味道又出奇地夾,好味.11. 芒果布甸口感有啲彈,內裡有啲芒果啫喱,成個味道係可以接受.我

爭鮮不嬲都係8蚊一碟，不論係壽司刺身野飲甜品假日2點幾都要排一排隊不過好快就有位喇！冬日限定有茶碗蒸，蜆個啲食，仲有限定朱古力蛋糕添！我就最愛鰻魚壽司，同埋芥末八爪魚壽司喇！男友大愛三文魚刺身壽司同埋芒果布甸最後埋單19碟，要加一服務費！

我對爭鮮壽司的要求旨在果腹，$8 一碟的價錢實在是非常便宜。但荃灣此分店的壽司質素竟然不錯，有意外驚喜！刺身不俗，沒有平時的雪味，比較新鮮。之前再多拿一碟呑拿魚刺身，同樣不錯。有六隻甜蝦之多，造型有點特別。甜蝦旁邊的是蟹膏，雖然兩者並不夾，但蟹膏味道正常。希靈魚被切成三角形，口感更佳。赤貝很新鮮，非常爽口。調味適中，質素高，不像爭鮮出品，哈哈。紫菜淋，壽司有點過鹹。三文魚燒得頗香，沙律味不會太搶，好食。看上去新鮮，不過沒有蝦味。劍魚腩很大塊，超值。

今日同老公放低三隻妖怪打算到荃灣行一陣，話哂最近51黃金週好多地方都做梗減價，行行下肚又餓，但天氣有少少熱就諗起去食個壽司，都出左黎大出血就食返平少少嘅壽司等自己冇咁肉痛。唔知係咪大家都因為長週末去哂旅行定係因為個個去哂掃貨，平時成日咩時段都需要排下隊嘅爭鮮今日竟然唔洗排。呢度我覺得最意外嘅係有海膽壽司，明明都只係8蚊一碟點解都會有海膽呢d比較高嘅野呢？所以我明白佢唔會係咩靚海膽，但食落其實都唔係話太差，起碼唔會有陣怪味又或者係腥味，我明白海膽較貴所以片青瓜佔嘅比例會多d。浦燒立魚：開頭老公以為係鰻魚但食落又唔似 不過可能因為浦燒汁平時係配開鰻魚，所以食起上黎就覺得怪怪地咁，魚嘅肉質較鞋，冇鰻魚咁多油脂。油甘魚：大大塊油甘魚，雖然一碟得一件但因為塊刺身好大所以感覺好抵，不過好大陣雪味，質地亦唔知點解變成一絲絲咁。之後我搵到碟真正鰻魚，果然油脂多d,但反而因爲佢冇任何汁去配撘，就變左好腥。希靈魚：其實我老公好中意食，雖然佢係酸酸地，但有時食都會覺得幾好，佢嘅魚春位置卜卜聲好正。三文魚刺身：8蚊3片都唔錯，幾肥美，係切得唔太好，三塊痴埋一齊。呢度係平食，間唔中係月尾黎過下壽司癮都唔錯。

一日三餐最煩惱的就係諗食咩，荃灣周圍都係餐廳，同朋友諗食真係辛苦，今次係食係地鐵站附近的爭鮮，爭鮮外賣三蚊件食得多，今次選擇堂食。品質比外賣好，眼見壽司師傅係面前整壽司並即刻推岀來給食客享用。形式同一般的迴轉壽司一樣。飯同刺身比例適中，如果能再大件一點會更加良好。壽司款式仍可接受，都比較款式，不單只壽司，還有一些甜品，例如cheesecake 布丁 泡芙等仲有幾特別的味增湯。值得一讚的就係有個類似筒係專係擺放個蓋。這樣職員回收容易，食客又方便，不用煩個蓋放在哪裡。

好耐無食壽司，同兒子一起去食。四點多無用排隊迫不及待拿了好多呢個三文魚刺身同埋三文魚壽司係我啲最鐘意嘅兒子又拿一份花之戀大大只兒子鐘意嘅泡芙，入面醬滿満，拿咗兩份以8元每份嘅價錢真係好抵食

晚上6點多，經過荃灣地鐵，不算太肚餓，本想隨便買點魚蛋甚麼的填填肚，看到樓上的爭鮮，既然不設最低消費，吃幾碟壽司兼且能夠坐坐也是不錯的選擇！這家店我是第二次來的，店內所有食物碟碟$8，我一個人來，被安排坐在門口位置，雖然時間尚早，但店內幾乎已經滿座。座位很小，幸好左邊初頭沒人坐。入座起計可以吃50分鐘。運輸帶上的食物種類是不少的，但好吃的選擇其實不算多，首先來了碟蝦壽司正常，跟外帶的味道一樣，但感覺沒別的壽司店好吃。然後是芝士蟹子壽司，因為轉了很久都沒新菜式所以隨便試試，這個芝士味濃，味道可以，就是紫菜很淋。再來是螺肉壽司，這個挺驚喜的，螺肉很新鮮很大顆，而且口感很爽脆！加上有點辣辣的，好吃！上次來的時候印象最深刻的是他們的三文魚腩壽司，這次坐了有差不多20多分鐘都見不著，所以就跟服務員說了想吃這個，再等了大概15分鐘才見兩碟在輸送帶上出現，我來了一碟，旁邊的伯伯趕忙的取了剩下那碟。這次的沒上次的肥美，但還是很不錯！來這裡必吃！再等了很久都沒有甚麼好吃的，而時間也差不多了，想再吃一點，看來只有三文魚腩最合心意，一直沒有再看到它出現，於是跟服務員拜託了想他們多造點三文魚腩壽司，等了差不多