香港QQ蛋仔 (已結業)

九月十五日 (星期四)是日吃完附近的原汁原味,肚子還可放多底雞蛋仔店子除了賣雞蛋仔外,原來還有窩夫和其他飲品供應雞蛋仔除原味外,還有朱古力味等多種款式我們仍然喜歡原味,即叫即整雖然等了數分鐘,但是見到熱烘烘的新鮮雞蛋仔,等多一陣子也沒所謂呢拿起手已經覺得脆卜卜外表令立立,而且有幾粒雞蛋仔上印有其logo,心思十足雖然外表脆脆,但是內裡的蛋漿足,蛋味濃郁此店比外面一些有名氣的雞蛋仔店還做得好!值得推介~

經過此店，見到店面放著幾件大大件既雞蛋仔，便走去看一看，發現此店雞蛋仔、窩夫的味道多得很，一般的朱古力、士多啤梨皆有，更有咸的味，還有綠茶紅豆，就覺得很吸引，便叫件窩夫來試試。窩夫用上綠茶蛋漿來做，食落香香軟軟，味道幾好，而且是即叫即製，因此熱騰騰的。不過綠茶味唔多夠，而且紅豆粒少（但個人認為這點不重要）。而窩夫有不同的醬可選，這次用了夾餅傳統的花生、牛油和砂糖，配合起來亦不錯。

今天終於有機會，一試在公司附近的一間雞蛋仔專賣店，香港QQ蛋仔。 其實近年愈來愈多這一類雞蛋仔專門店，筲箕灣的低調高手，和早一段時間經常見報的大坑無名阿伯。又一例子，証明好味，自然會有顧客。叫了一底原味雞蛋仔，雞蛋仔都是即叫即制，加幾蚊仲可以跟飲品。當日貼了一張告示，說5月25日開始加價，其實這類小食店，最貴成本一向都是租金，但近年中國富起來，原材料價格不斷上升，這類小食店真是百上加斤。留意到，有別於香港傳統的鐵夾，這裡的除了外形有別，就是店身訂造時加上QQ蛋仔的標誌。其實除了雞蛋仔，這裡還有賣格仔餅，上面也有QQ蛋仔的標誌。紙袋有打孔疏氣，更有slogan。雞蛋仔經過包裝，格調也提高了不少，當然，最重要還是味道啦，有外貌，還要有內涵。先用手分一粒，感覺脆硬適中。看下去每一粒都飽滿，咬一口，外脆內軟，也有蛋香，不錯。怪不得在灣仔大街還站得住腳，經包裝後價錢不算很貴，絕對值得一試。下次再試試朱古力味雞蛋仔或格仔餅吧。

去開灣仔都想試下呢間雞蛋仔, 今次終於有機會了同友人share叫左幾款味道:chocolate: chocolate色好attractive, 食落仲有D溶溶地的chocolate, 正!!! 綠茶紅豆: 得個香味同個色. D紅豆好硬cheese: 特別, 第一次食唔係甜的雞蛋仔, 可以一試, 唔會話"好好好"食, 但可以試下千試萬試, 千萬不要試綠茶紅豆, 真係好唔得 Chocolate is my favor.

今天午飯過後，蝗蟲領隊經過香港QQ蛋仔，實在抵受不住雞蛋仔的香味，決定買兩底雞蛋仔與小蝗蟲們分享。蝗蟲領隊選了原味，小蝗蟲們選了朱古力味。雞蛋仔當然要即叫即造，看見雞蛋仔哥哥把朱古力碎灑在蛋漿上時，蝗蟲們對此出人意料的一舉，不禁“哇”了一聲，接着就流着口水等吃雞蛋仔。。。一分鐘。。。兩分鐘。。。三分鐘。。。。。。為甚麼比平常的雞蛋仔慢那麼多？？六分鐘。。。七分鐘，終於到我們啦！！這裏的雞蛋仔外貌跟其他的雞蛋仔有點不同，表面光滑許多，有些似玩具食物。大伙兒接過熱辣辣的雞蛋仔，忍受了蝗蟲領隊的拍照後，便極速襲擊雞蛋仔。兩種味道都外脆內軟，但原味明顯地蛋味不足，比朱古力味的遜色。朱古力味因為裏面有朱古力碎，所以較香口。總體而言，這裏的雞蛋仔質量不錯，可以一試，但蝗蟲領隊覺得還是加連威老道那一檔最好。

今日考完試番學番黎~係屋企食完飯未飽諗住落街搵少少野食.上次試完"原味" , 所以今次心思思想試下朱古力味既雞蛋仔但係禁岩我去果陣禁岩又有幾位人客輪侯所以我就足足係果到企左係街邊..8分鐘~好似罰企咁但係由於店員太心急既關係 , 係TIMER 未"咇"之前就開左蓋..搞到幾粒雞蛋仔走左樣~而且家陣天氣幾凍.. D雞蛋仔過左將1 分鐘就開始凍喇..總括而言 , 呢間店舖值得一試~但係QUALITY 就好睇當日情況喇.而且係多人等候既時候~趕時間既食家就要考慮一下好唔好買喇..((家因我前面等3個客,我都等左8MINS)

11-2-2011Lunch 後想食點甜, 路過見有細細份的 waffle 賣, 又買了件原味窩夫 ($8) 試試, 不過淨要牛油及煉奶好了.嗰頭俾錢, 約 1 分鐘之後就有得攞, 整定了的? 翻烘 (?) 後熱辣辣, 食落外脆但帶硬, 內就幾韌, 唔係預期中的 "Q", 質地麻麻; 牛油及煉奶就因為包裝問題, 未食已漏了不少落塊紙度, 味道則帶點鹹 (salted butter?), 感覺怪怪的.以為牛油 + 煉奶 + 麵粉 + 雞蛋造成會差極有限, 但呢個假設明顯已被呢件所謂「窩夫」推翻了, $8 一件當跌了落鹹水海吧.

唔好睇呢間細細既舖仔~我食過好多雞蛋仔,我個人認為呢間真係值得一讚架~佢啲雞蛋仔,一啲都唔馬虎架~原味雞蛋仔~好香,外脆內軟芝士雞蛋仔~超多芝士,好正,無得頂粟米肉鬆雞蛋仔~不過不失,唔係唔好食,只係新口味,一時間未接受...但我會繼續支持~

第一眼就比佢d雞蛋仔同窩夫吸引著寶貝又想飲d野wo於是買左兩樣野原味窩夫+朱古力醬超好味 好正.簡直想食埋個袋 xd香芋牛奶冇珍珠果然係唔習慣~不過幾香.d冰都係多左dd等既時間唔耐.好快就有得食有得飲鋪頭雖然細細間.食物都好好味不過待客態度要改改未算達標呢價錢一點都不貴.下次行過灣仔會再買

之前o係呢度見到有食家評論過呢間雞蛋仔店已經好想試下~因為知道呢度除左有typical o既朱古力味~原味之外~重有好多古靈精怪o既味道~例如粟米肉鬆雞蛋仔就係其中一樣喇~今日行開灣仔~專登行去呢度買左一底試下~用左13蚊買左一底粟米肉鬆雞蛋仔~店員比左張單我地之後就企定定o係門口等喇雞蛋仔製作過程我地都可以望住~~但係個門口實在好熱~可能係因為好多個爐一齊整緊雞蛋仔o既關係~企一陣已經成身汗~等左大約5分鐘~終於都出爐了~包裝好cute~店員遞過雞蛋仔~一拎上手~好熱~好脆~~~而且睇外表都覺得係幾足料~即刻meet左粒試下~一粒入面已經有肉鬆同粟米~少少咸少少甜~但食落個味道係match的~最緊要係夠脆~~口感好豐富~~咬開之後~會望到一粒雞蛋仔入面已經有兩大粒粟米~的確好足料~~!食完成底之後個感覺好滿足~望到好多網友都推介朱古力味雞蛋仔~下次一於試下~!!!!!!會再來的~!!!!

四月中旬．晴 但我想講，這裡的特色窩夫，唔好味囉！ 知道這裡開了一間新的雞蛋仔店，兼賣台茶。來看了一看，幾款雞蛋仔也有夾心的，直覺告訴我不好吃，反而另一味窩夫樣子幾特別，就要了一件，原味的。 「原味」，就即是蛋漿是最基本的蛋味，而餡料也是花生醬、練奶及牛油。雖然不是即製（為何要比一片整起了的我？這就是那一種「生活」？），但店員將窩夫略烘過，吃起來外邊還脆口。但咬了幾口就發現，是韌韌的，一看之下，原來窩夫的夾層是一塊粉似的，仍未焗透心，那什麼也不用說了吧。 7元，是便宜，但不好吃。

我很喜歡朱古力味的食品，經過見呢度有朱古力味雞旦仔，當然要一試，個人來說，由於很喜歡朱古力味，這裡除了旦漿加上朱古力外，還加上不少朱古力粒，朱古力味濃厚，當佢係一件朱古力甜品咁食，很香濃！不過作為雞旦仔，真係無旦味之餘，仲食唔到雞旦仔的質感，好似怪怪地購買食品+$6連野飲，好似好抵咁！買左杯芒果綠茶，杯野飲好怪，甜到漏又有啲藥水味，總之好古怪啦！飲左幾啖掉左~~

這小店位於灣仔油站的後街(大家樂斜對面)在下午茶時段 尢是5-6點好多人的!質素不錯嘛綠茶紅豆窩夫配藍莓醬 $7窩夫是預早焗好 點了時 職員再次放入窩夫機加熱我 : 唔該熱d丫職員 :好呀真好了!加熱後替你抹上藍莓醬評價 : 熱度足夠,不會因加熱而變乾藍莓醬下得足,紅豆於窩夫份量也適中唯一不足是只有淡淡的綠茶味 =( 濃一點更好!綠茶紅豆窩夫確實少見 是其發燒友要試試看可配奶油 , 花生醬 , 榛子醬等^_^

此店開業之時曾經試過d雞蛋仔，冇咩蛋味，真的沒有再試的理由。今日經過，友人突然停底幫襯買個qq餅，仲堅持買左底雞蛋仔，再試下又怎樣。放工時間，冇咩人幫襯，要等一陣先有得食，等左差唔多五分鐘，底雞蛋仔望落好似檔野枱面既模型禁樣，望落膠膠地，食落煙煙韌韌，很怪呢。邊位脆的，有多過一半係空殼，蛋味淡淡的，唉，友人無得頂，自言自語食左一大底。$11蚊換來一底空殼膠蛋仔。PS︰友人，翻兜都要睇情況。如果係呢頭附近又真係好想食雞蛋仔的話，去利強記。

黎到灣仔, 經過香港QQ雞蛋仔諗起啊b 好鍾意食雞蛋仔喎, 於是就買左個粟米肉鬆雞蛋仔因為依兩款都係啊b 鍾意食既粟米肉鬆雞蛋仔 : 好足料, 味道都好配合佢本身都有餐賣,唔知加幾多錢可以有多杯野飲不過去到灣仔既灣仔道, 你會發現有好多其他小食店好似comebuy , 台北站等等, 個到d 野飲會多選擇同吸引d ...所以去到灣仔道可以不彷行多幾步多個選擇o麻 價錢 $ 13 都好合理見到佢地個朱古力雞蛋仔好似幾吸引, 下次都想試下